|
Пӑтӑрмахсем
 Инкеклӗ лару-тӑру министерстви тунӑ сӑн Ӗнер, чӳкӗн 9-мӗшӗнче, Шупашкарта Ҫамрӑклӑх бульварӗнчи 8-мӗш ҫуртра виҫӗ пӳлӗмлӗ хваттер ҫуннӑ. Пушар мӗнрен тухнине палӑртнӑ. 46 ҫулти кил хуҫи килтен кайнӑ чухне телевизора розеткӑран кӑларман. Вӑл вара юсавсӑр пулнӑ, ҫулӑм хыпса илнӗ. Пушарта шкап, пластик чӳрече сиенленнӗ. Ҫулӑм пӗтӗмпе 1 тӑваткал метр лаптӑк ҫинче алхаснӑ. Юрать, ҫӑлавҫӑсем вӑхӑтра ӗлкӗрнӗ. Вӗсем ҫулӑма 4 минутран сӳнтернӗ. Хыпар ҫӑлкуҫӗ:
|
|
Культура
 «Контактри» сӑн Унӑн чечекӗсем нихӑҫан та шанмаҫҫӗ, анчах вӗсем чӗрӗ пекех курӑнаҫҫӗ. Сӑнӳкерчӗке пӑхсан ку фотошоп теме те пулать. Анчах ун пек мар! Вӗсене Патӑрьел округӗнчи Ульяновка ялӗнче пурӑнакан Наталия Ильина ӑсталать. Вӑл ялти клубра ӗҫлет, вырӑнти «Илем» фольклор ансамбльне ертсе пырать. Пушӑ вӑхӑт тупӑнсанах вара алӑ ӗҫӗпе аппаланать. Мӑшӑрӗпе Андрей Павловичпа вӑл икӗ ывӑл ҫуратса ӳстернӗ. Халӗ вӗсем икӗ мӑнукӗн ҫитӗнӗвӗсемпе хавхаланаҫҫӗ. Хыпар ҫӑлкуҫӗ:
|
|
Персона
 Чӑваш Енри ӳнерҫӗсен пӗрлӗхӗн архивӗнчи сӑн ЧР вӗрентӗвӗн тава тивӗҫлӗ ӗҫченӗ Нина Алимасова ӗнер пурнӑҫран уйрӑлнӑ. Вӑл 85 ҫулта пулнӑ. Нина Александровна Брянск облаҫӗнчи Клинцы хулинче ҫуралнӑ. 1956 ҫулта Шупашкара килсе ӳнер училищине вӗренме кӗнӗ. Кун хыҫҫӑн «Чӑвашгражданпроект» проект институтӗнче, «Чӑвашрембыттехника» реклама мастерскойӗнче ӗҫленӗ. 1969 ҫулта Нина Александровна И.Я.Яковлев ячӗллӗ ЧППУн ӳнерпе графика факультетне вӗренме кӗнӗ. Диплом илсен унта студентсене вӗрентнӗ, чылай ҫул декан ҫумӗ те пулнӑ. Вӑл педагогика ӑслӑлӑхӗсен кандидачӗ, доцент, Раҫҫей ӳнерҫисен пӗрлӗхӗн пайташӗ, Чӑваш Республикин вӗрентӗвӗн тава тивӗҫлӗ ӗҫченӗ пулнӑ. Хыпар ҫӑлкуҫӗ:
|
|
Персона
 «Контактри» сӑн Шупашкарти ҫӑлавҫа Александр Скворцова Пӗтӗм Раҫҫейри «Мой ласковый и нужный зверь» премие илме тӑратнӑ. Вӑл «В ответе за тех…» номинацире кӗрешӗ. Кӑҫал ҫулла Александр шурӑ кушак аҫине ҫӑлнӑ. Шупашкарти пӗр ҫуртри хваттер ҫунма тытӑнсан ҫӑлавҫӑсем 24 ҫынна урама илсе тухнӑ. Анчах тӑрук пӗр ҫын хваттерте кушак юлнине пӗлтернӗ. Александр пӗр шухӑшалмасӑр тӗтӗм-сӗрӗм явӑнакан ҫурта кӗрсе кайнӑ. Шурӑ кушак аҫине вӑл балкон ҫинче тупнӑ. Чӗрчун тӑнне ҫухатнӑ ӗнтӗ. Ҫӑлавҫӑ ӑна реанимаци тума тытӑннӑ: чӗрине массаж тунӑ, искусственнӑй майпа сывлаттарнӑ. Кӗҫех кушак тӑна кӗнӗ. Ҫапла вӑл унӑн пурнӑҫне ҫӑлнӑ. Хыпар ҫӑлкуҫӗ:
|
|
Чӑвашлӑх
 «Контактра» халӑх тетелӗнчи сӑн Урал тӑрӑхӗнчи Ҫӳлти Пышма хулинчи 25-мӗш шкулта вӗренекен ачасем шкулта иртнӗ мероприятире чӑваш культурипе паллаштарнӑ. Мероприятие Уралти халӑхсен культура хӑйнеевӗрлӗхне халалланӑ. Чӑваш культурипе паллаштарма вӗсене Екатеринбурги чӑваш культурин автономийӗ тата автономи хастарӗсем Владимир Ивановпа Светлана Костюкова пулӑшнӑ. Хыпар ҫӑлкуҫӗ:
|
|
Республикӑра
 Кирилл Степанов архивӗнчи сӑн Кӑҫал Элӗк округӗнчи ҫамрӑк фермер, блогер Кирилл Степанов тата «Чӑваш Енри мӗнпур ял» проект авторӗ Максим Соколов «Айда по деревням» (чӑв. «Атя ялсем тӑрӑх») пӗрлехи проект пуҫарнӑ. Халӗ лайӑх хыпар ҫитнӗ: вӗсен ӗҫӗ Пӗтӗм Раҫҫейри «Раҫҫейре тунӑ» премин шорт-листне кӗнӗ. Ку – хӑйне евӗр интереслӗ проект: унта хутшӑнакансем Чӑваш Енри хитре вырӑнсемпе, ялти пурнӑҫпа ҫывӑхрах паллашаҫҫӗ, вырӑнти чӑвашсен апат-ҫимӗҫне тутанса кураҫҫӗ, экзотика чӗрчунӗсен фермине кайса кураҫҫӗ. Ку кӑна мар, сыр та пӗҫерме вӗренеҫҫӗ. Пирӗн ентешсен проекчӗшӗн ҫакӑнта сасӑлама пулать: vk.cc/cR0V3j. Хыпар ҫӑлкуҫӗ:
|
|
Хулара
 «Контактра» халӑх тетелӗнчи сӑн Шупашкарта Чӑваш АССРӗн Аслӑ Канашне 17 ҫул ертсе пынӑ политика, Шупашкарӑн хисеплӗ ҫыннине Семен Ислюкова халалланӑ палӑк пулӗ. Ӑна Ислюков скверӗнче вырнаҫтарӗҫ. Палӑк авторӗ – Владимир Нагорнов скульптор. Ислюков аллинче – плащ тата шлепке, вӑл ҫӳллех мар пьедестал ҫинче тӑрать. Ҫапла ахальтен туман – скульптор яланах халӑхпа ҫывӑх пулнӑ политикӑн уҫӑ та ансат кӑмӑлне кӑтартасшӑн. Хыпар ҫӑлкуҫӗ:
|
|
Культура
 cap.ru сайтри сӑн Ӗнер, чӳк уйӑхӗн 7-мӗшӗнче, К.В.Иванов ячӗллӗ Чӑваш патшалӑх академи драма театрӗнче РФ тава тивӗҫлӗ артисткин, Чӑваш халӑх артисткин, Раҫҫей Патшалӑх премийӗн лауреачӗн Валентина Ситовӑн юбилей каҫӗ иртнӗ. Валентина Петровна куракансене сцена ҫинче хӑйӗн пултарулӑхӗпе 40 ҫул савӑнтарать. Уява килнисем «Ай, мӑнтарӑн ҫил-тӑманӗ» спектакле курса савӑннӑ. Валентина Ситова хӑй палӑртнӑ тӑрӑх, уншӑн амӑшӗн ролӗ питӗ пӗлтерӗшлӗ. Вӑл юбилей каҫӗнче хӑйӗн савӑнӑҫне куракансемпе пайланӑшӑн питӗ савӑннине палӑртнӑ. Сӑмах май, спектакле «Пушкин карттипе» курма пулать. Хыпар ҫӑлкуҫӗ:
|
|
Пӑтӑрмахсем
 «За рулем» порталти сӑн Паян каҫхине М-7 ҫул ҫинче, Лапсарпа Карачура хушшинче, 5 машина ҫапӑннӑ. Малтанлӑха пӗлтернӗ тӑрӑх, массӑллӑ авари микроавтобус водителӗ дистанцие пӑхӑнманнипе пулнӑ. Темиҫе ҫын тухтӑрсенчен пулӑшу ыйтнӑ. Икӗ ачана пульницӑна тӗрӗслеме илсе кайнӑ. Автобус рулӗ умӗнче 22 ҫулти арҫын пулнӑ. Хӑй каланӑ тӑрӑх, вӑл руль умӗнче кӑшт тимсӗрленнӗ те дистанцие пӑхӑнманнипе «Шевроле» ҫине пырса кӗнӗ. Ҫапла «сӑнчӑрпа» 3 машина, 1 микроавтобус ҫапӑннӑ. Шар курнӑ ҫынсем «Шевролере» пулнӑ. Хыпар ҫӑлкуҫӗ:
|
|
Пӑтӑрмахсем
 «Контактри» сӑн Юпа уйӑхӗн 31-мӗшӗнче Шупашкарта 9-мӗш Пилӗкҫуллӑх проспектӗнчи картишре ача чуччу-балансирпа ярӑннӑ чухне икӗ аллине хуҫнӑ. Вӑл ҫӗре ӳксе суранланнӑ. Тӗнче тетелӗнче кун пирки хыпар сарӑлсан Шупашкарти Ленин районӗн прокуратури тӗрӗслев пуҫарнӑ. Кун хыҫҫӑн ӗҫ-пуҫ мӗнле пулса иртнине уҫӑмлатӗҫ, ача-пӑча лапамӗ хӑрушсӑрлӑх мерисемпе килӗшсе тӑнипе тӑманнине палӑртӗҫ. Хыпар ҫӑлкуҫӗ:
|
+3.3 °C