|
Республикӑра
 Муркаш округӗнчи Оринин ялӗнче пурӑнакан Васильевсем пӗрлешнӗренпе 55 ҫул ҫитнӗ. Вӗсем 3 хӗр те 2 ывӑл ҫуратса ӳстернӗ. Халӗ вӗсен 7 мӑнук тата 2 кӗҫӗн мӑнук пур. Вячеслав Прохорович салтакра чухне «1-мӗш класлӑ радист» палла тата Морзе азбукине йышӑнассипе пӗрремӗш разряд илнӗ. Ҫартан таврӑнсан культура тытӑмӗнче ӗҫленӗ, Орининти культура ҫурчӗн директорӗ, киномеханикӗ пулнӑ. Халӗ вара халӑх театрне выляма ҫӳрет. Вӑл – ЧР культурӑн тава тивӗҫлӗ ӗҫченӗ. Галина Ивановна Шупашкарти кулинари училищинчен вӗренсе тухсан поварта 37 ҫул ӗҫленӗ. Хыпар ҫӑлкуҫӗ:
|
|
Политика
 cap.ru сайтри сӑн ЧР Правительствин председателӗ Сергей Артамонов транспорт министрӗн ҫумне Аретм Пилкина палӑртасси пирки хушӑва алӑ пуснӑ. Вӑл Транспорт министерствинче 2012 ҫултанпа ӗҫлет. Унччен Строительство министерствинче вӑй хунӑ. Пӗр вӑхӑт патшалӑх службинчен кайса харпӑр усламҫӑ пулнӑ. Хальхи вӑхӑтра Чӑваш Енри ЕТК операторӗн дирекректорӗ те шутланать. 2022 ҫулта Транспорт министерствине таврӑннӑ, транспорт пайӗн пуҫлӑхӗ пулнӑ. Аса илтерер: чӳкӗн 28-мӗшӗнче министр ҫумӗ пулнӑ Юрий Арлашкина ӗҫрен кӑларнӑ. Хыпар ҫӑлкуҫӗ:
|
|
Пӑтӑрмахсем
 ҪҪХПИ тунӑ сӑн Паян ирхине Муркаш округӗнчи Нискасси ялӗ ҫывӑхӗнче «Мускав – Хусан» маршрутпа ҫӳрекен автобус йывӑр тиевлӗ машинӑпа ҫапӑннӑ. Экстреннӑй службӑсем вырӑна ҫийӗнчех ҫитнӗ. Малтанлӑха палӑртнӑ тӑрӑх, аварире 5 ҫын аманнӑ. Вӗсене пурне те Шупашкара пульницӑна илсе ҫитернӗ. Вӗсен сывлӑхӗ питех йывӑрах мар. Халӗ Патшалӑх автоинспекцийӗ ӗҫ-пуҫа уҫӑмлатать. Хыпар ҫӑлкуҫӗ:
|
|
Хулара
 cheb.ru сӑнӳкерчӗкӗ «Чувашия» (чӑв. Чӑваш Ен) санаторири кафене сутса яма шутланӑ. Унӑн хакӗ – 15 750 000 тенкӗ. «Уралочка» кафе 339.1 тӑваткал метр лаптӑк йышӑнать. Вӑл Йӑламра, Санатори урамӗнче вырнаҫнӑ. «Чӑваш Ен» Йӑлӑмри Сосновка поселокӗнче вырнаҫнӑ. Ӑна 1977 ҫулта тума пуҫланӑ, 1984 ҫулта хута янӑ. Хыпар ҫӑлкуҫӗ:
|
|
Республикӑра
 ru.pinterest.com сайтри сӑн Ҫӗнӗ ҫулхи каникулта Шупашкартан Мускава самолетсем ытларах вӗҫӗҫ. Кун пирки аэропорт пресс-служби пӗлтерет. «Победа» авиакомпани расписание хушма рейссем кӗртме йышӑннӑ. Ку раштав уйӑхӗн 28-мӗшӗнчен пуҫласа кӑрлачӑн 11-мӗшӗччен вӑйра пулӗ. Сӑмах май, Раҫҫей чукун ҫулӗ те Ҫӗнӗ ҫулхи каникулта хушма пуйӑссем яма палӑртнӑ. Хыпар ҫӑлкуҫӗ:
|
|
Вӗренӳ
 «Чеб.ру» сайтри сӑн Ырантан, раштав уйӑхӗн 11-мӗшӗнчен, Шупашкарти 3-мӗш лицейри ачасем дистанци мелӗпе вӗренме пуҫлӗҫ. Ку ОРВИпе чирлекен нумайланнипе ҫыхӑннӑ. Унччен уйрӑм классене кӑна карантина янӑ. Анчах лару-тӑру япӑхланса пынӑ, ҫавна май инфекцие сарӑлма чарас тесе пурне те дистанци мелӗпе вӗрентмешкӗн йышӑннӑ. Уроксем онлайн-режимра иртӗҫ. Хыпар ҫӑлкуҫӗ:
|
|
Ҫул-йӗр
 pravdapfo.ru сӑнӳкерчӗкӗ «Шупашкар-Сӑр» автоҫула юсама республика хыснинчен 271 миллион тенкӗ уйӑрса парӗҫ. Унта сӑмах ҫулӑн Пӑрачкав тӑрӑхӗнчи участокӗ пирки пырать. Ҫула юсакана палӑртма «Чӑвашупрдор» икӗ конкурс ирттересси пирки пӗлтернӗ. Подрядчика кӑҫалхи раштав уйӑхӗн 30-мӗшӗччен палӑртмалла. Пӗрремӗш контрактӑн пуҫламӑш хакӗ —113 млн тенкӗ. Унпа ҫула 3,25 км тӑршшӗ юсамалла. Ӗҫе 2026 ҫулхи ҫӗртме-утӑ уйӑхӗсенче тата 2027 ҫулхи ҫӗртме-утӑ уйӑхӗсенче пурнӑҫламалла. Иккӗмӗш контрактӑн пуҫламӑш хакӗ — 158 миллион тенкӗ. Вӑл укҫапа ҫула 4,7 км тӑршшӗ юсамалла. Ӗҫе 2026 ҫулхи ҫӗртме-утӑ уйӑхӗсенче тата 2027 ҫулхи ҫӗртме-ҫурла уйӑхӗсенче пурнӑҫламалла. Хыпар ҫӑлкуҫӗ:
|
|
Культура
 orum.na-svyazi.ru илнӗ сӑнӳкерчӗк Андрей Малахов ертсе пыракан «Песни от всей души» кӑларӑма Чӑваш Енри пачӑшкӑ хутшӑннӑ. Тӗрӗсрех каласан, виҫӗ ҫӗртен: Шупашкар районӗнчи, Мускаври тата Калининградри — трио. Калининград облаҫӗнчи Гусеври Георгий пачӑшкӑ, Мускаври Дмитрий пачӑшкӑ тата Чӑваш Енри Максим пачӑшкӑ «Нас ждут» юрра юрланӑ. Максим пачӑшкӑн пултарулӑхри хушма ячӗ — Nastoyatel). Максим Куриленко 30 ҫул Екатеринбургра пурӑннӑ, радиостанцире ӗҫленӗ, рэп вуланӑ. Православи институтӗнчен вӗренсе тухнӑ хыҫҫӑн 2004 ҫулта Чӑваш Ене куҫса килнӗ, Шупашкар районӗнчи чиркӳре ӗҫлеме тытӑннӑ. Вӑл — ҫичӗ ача ашшӗ. Хыпар ҫӑлкуҫӗ:
|
|
Пӑтӑрмахсем
 ҪҪХПИ тунӑ сӑн Паян 9 сехет те 50 минутра Канаш округӗнчи Хыҫалкас ялӗ ҫывӑхӗнче иномарка микроавтобуспа ҫапӑннӑ. Шел те, инкекре ҫыннӑн пурнӑҫӗ татӑлнӑ. Малтанлӑха пӗлтернӗ тӑрӑх, «Мазда 3» машинӑпа пынӑ водитель руле итлеттереймен, хирӗҫ ҫул ҫине тухса кайнӑ та «Канаш – Шупашкар» маршрутпа ҫӳрекен автобуспа ҫапӑннӑ. «Мазда» водителӗ, 2003 ҫулта ҫуралнӑскер, вырӑнтах вилнӗ. Автобусра 8 ҫын пулнӑ. Икӗ пассажира тата водителе пульницӑна тӗрӗслеме илсе кайнӑ. Хыпар ҫӑлкуҫӗ:
|
|
Республикӑра
 Инкеклӗ лару-тӑру министерстви тунӑ сӑн Чӑваш Енре ӗнертенпе Инкеклӗ лару-тӑру режимӗ пулнине пӗлтернӗччӗ. Специалистсем пилотсӑр вӗҫекен аппаратсем Шупашкарти ҫуртсене мӗн чухлӗ тӑкак кӳнине шутланӑ – 20 миллион ытла тенкӗлӗх. Аса илтерер: 15 ҫурт сиенленнӗ, вӗсенчен 10-шӗ – нумай хваттерлӗ ҫурт, пӗри – ача пахчи. 14 ҫын аманнӑ. Ӗнер ЧР Сывлӑх сыхлавӗн министерстви пӗлтернӗ тӑрӑх, 7 ҫын пульницӑра сипленет, тепӗр 7-шӗ ¬– килте, вӗсен йышӗнче ача та пур. Ӗнер шар курнӑ ҫынсене техникум общежитийӗнче вырӑн сӗннӗ. Тӑватӑ ҫын килӗшнӗ, ыттисем тӑванӗсем патӗнче хӳтлӗх тупнӑ. Хыпар ҫӑлкуҫӗ:
|
-9.7 °C