|
Пӑтӑрмахсем
 cheb.ru сӑнӳкерчӗкӗ Паян Шупашкарти аэропорта каллех хупса хунӑ. Вӑхӑтлӑха. Хулара пилотсӑр вӗҫекен аппаратсем тата ракета хӑрушлӑхӗ пуртан сирена янӑранине эпир кӑшт маларах хыпарласа ӗлкӗрнӗччӗ. Ҫавна май самолётсем те вӗҫме чарӑннӑ. Ку вӑл — хӑрушсӑрлӑх правилине пӑхӑнас тӗллевпе тунӑ йышӑну. Росавиаци пӗлтернӗ тӑрӑх, ҫак самантра Тамбоври, Пензӑри, Сарӑтури, Самарти, Чӗмпӗрти аэропортсене хупса хунӑ. Сӑмах май каласан, паян ирпе, ҫичӗ сехет хыҫҫӑн, сирена Ҫӗнӗ Шупашкарта та янӑранӑ. Хыпар ҫӑлкуҫӗ:
|
|
Пӑтӑрмахсем
 max.ru/Radar_Cheboksary сӑнӳкерчӗкӗ Паян ирхине Шупашкарта каллех сиренӑсем янӑраса кайнӑ. Шкулсемпе ача пахчисене инҫет ҫыхӑну мелӗпе ӗҫлеттереҫҫӗ. Пӗрремӗш сменӑна пынӑ ачасене каялла киле яраҫҫӗ иккен. Иккӗмӗш сменӑра вӗренекенсен шкула каймаллипе каймалла марри кун каҫипе лару-тӑру епле пулнинчен килӗ. Ывӑл-хӗрне ача пахчине яракан ашшӗ-амӑшне тӗпренчӗкӗсене килте хӑварма сӗннӗ. Сӑмах май каласан, иртнинче Шупашкарта пилотсӑр вӗҫекен аппаратсем ватса пӗтернӗ ҫуртсене малалла юсаҫҫӗ. Хыпар ҫӑлкуҫӗ:
|
|
Персона
 culture.ru сайтран илнӗ сӑнӳкерчӗк Чӑваш Енри паллӑ ӑсчах, Никита Бичурин, ҫуралнӑранпа килес ҫул 250 ҫул ҫитӗ. Ҫавна май республикӑра ку пулӑма анлӑн палӑртасшӑн. 2025 ҫулхи раштав уйӑхӗнче республика Элтеперӗ ятарлӑ Хушу та кӑларначчӗ. Халӗ вара йӗркелӳ комитетне палӑртнӑ. Йыша тӗрлӗ министерствӑри тӳре-шарана, аслӑ шкулсен ректорӗсене, Сӗнтӗрвӑррипе Шупашкар тӑрӑхӗсен пуҫлӑхӗсене¸Чӑваш Енпе Шупашкар митрополитне тата ытти ҫынна кӗртнӗ. Никита Бичурин (Иакинф) 1777 ҫулхи ҫурла уйӑхӗн 29-мӗшӗнче ҫуралнӑ. Вӑл 1953 ҫулхи ҫу уйӑхӗн 11-мӗшӗнче вилнӗ, ӑна Питӗрте пытарнӑ. Раҫҫейри паллӑ синолог тата монголовед Хусанти тӗн академийӗнчен вӗренсе тухнӑ, 1800 ҫулхи утӑ уйӑхӗн 18-мӗшӗнче манах пулса тӑнӑ. 1808-1821 ҫулсенче Китайри Пекин хулинче Вырӑс тӗн миссийӗн пуҫлӑхӗ пулнӑ. Китай чӗлхине лайӑх пӗлнӗ, китай чӗлхипе ҫырнӑ истори, географи, лингвистика, этика, философи, юриспруденци, астрономи, медицина тата ял хуҫалӑх трактачӗсене вырӑсла куҫарнӑ. Хыпар ҫӑлкуҫӗ:
|
|
Политика
 Чӑваш Республикин Министрсен Кабинечӗн председательне Сергей Артамонова II степеньлӗ «Тӑван ҫӗршыв умӗнчи тава тивӗҫлӗ ӗҫсемшӗн» орден медалӗпе чысланӑ. Хушӑва Раҫҫей президенчӗ Владимир Путин алӑ пуснӑ. Наградӑна ӑна ӗҫре ӑнӑҫусем ҫӗнсе илнӗшӗн тата чылай ҫул таса чунпа ӗҫленӗшӗн панӑ тесе палӑртнӑ. Аса илтерер: нумаях пулмасть Сергей Артамонова «Пӗрлӗхлӗ Раҫҫей» партин Чӑваш Енри уйрӑмӗн секретарьне суйланӑ. Хыпар ҫӑлкуҫӗ:
|
|
Спорт
 Чӑваш Ен спортсменӗсем Сарӑту облаҫӗнче иртнӗ Samba Trail Team ӑмӑртуран ылтӑн медальсемпе таврӑннӑ. Тупӑшу икӗ кун иртнӗ. Спортсменсен тӗрлӗ вӑрӑмӑш дистанцие парӑнтарма тивнӗ: 19, 33 тата 60 ҫухрӑм. Вӗсем чӑрмавлӑ пулнӑ. Ӑмӑртӑва 22 регионти 500 ытла спортсмен хутшӑннӑ. Пирӗн ентешсем унта пысӑк ҫитӗнӳсем тунӑ. Мальвина Петрова 33 тата 19 ҫухрӑмсенче– 1-мӗш вырӑн йышӑннӑ. Александр Новиков та 33 тата 19 ҫухрӑмсене чупса финиша пӗрремӗш ҫитнӗ. Владимир Нестеров вара 60 ҫухрӑма парӑнтарнӑ та 3-мӗш вырӑн йышӑннӑ. Хыпар ҫӑлкуҫӗ:
|
|
Республикӑра
 «Контактри» сӑн Йӗпреҫ поселокӗнчи почтальон Чӑваш Ен чысне Раҫҫей шайӗнчи конкурсра хӳтӗлет. Вӑл – Алевтина Кирюкова. Тӗнче тетелӗнче сасӑлав пуҫланнӑ ӗнтӗ. Эппин, Алевтина Кирюковӑшӑн сасӑлар! Сасӑлав ҫу уйӑхӗн 25-мӗшӗччен пырать. Ҫак каҫӑпа сасӑлама пулать: vk.com/app7198399_-49069650. Алевтина Кирюкова почтальонра 3 ҫул ытла ӗҫлет. Вӑл хаҫат-журнал валеҫет кӑна мар, ял ҫыннисем патне апат-ҫимӗҫ те илсе ҫитерет, коммуналлӑ тӑкаксемшӗн те тӳлеме пулӑшать. Хыпар ҫӑлкуҫӗ:
|
|
Вӗренӳ
 «Контактри» сӑн Республикӑна лайӑх хыпар ҫитнӗ. Шупашкарти 47-мӗш шкул Раҫҫейри топ-500 шкул йышне кӗнӗ. Вӑл «Чи лайӑх вӗренӳ организацийӗ – 2026» номинацире ҫӗнтернӗ. Экспертсем шкулсенчи педагогсен ӗҫӗ-хӗлне, ачасем олимпиадӑсене тата конкурссене хутшӑнса ҫитӗнӳсем тунине, вӗренӳ программисен пахалӑхне хакланӑ. Палӑртса хӑвармалла: конкурсра ҫӗршыври мӗн пур регионти пин-пин шкул хутшӑннӑ. Эппин, топ-500 йыша кӗни питех те сумлӑ. Хыпар ҫӑлкуҫӗ:
|
|
Пӑтӑрмахсем
 Инкеклӗ лару-тӑру министерстви тунӑ сӑн Республикӑра пӗр талӑкра типӗ курӑк ҫуннине пула икӗ пушар тухнӑ. Вӗсенчен пӗри Шупашкарти «Травянка» сад юлташлӑхӗнче пулнӑ. Юрать-ха, пушарнӑйсем ҫулӑма ҫуртсем ҫине куҫма паман, вӑхӑтра сӳнтернӗ. Тепӗр тӗслӗхӗ Улатӑр округӗнчи Стемас ялӗ ҫывӑхӗнче пулнӑ. Унта типӗ курӑк пӗр гектар лаптӑк ҫинче ҫуннӑ. Инкеклӗ лару-тӑру министерствин ӗҫченӗсем пушар хӑрушсӑрлӑхне пӑхӑнмаллине аса илтереҫҫӗ. Республикӑра халӗ пушара хирӗҫ режим вӑйра. Ҫавна май вӑрман ҫывӑхӗнче кӑвайт чӗртме, типӗ курӑк ҫунтарма юрамасть. Уйрӑмах ҫиллӗ ҫанталӑкра асӑрхануллӑ пулмалла. Хыпар ҫӑлкуҫӗ:
|
|
Пӑтӑрмахсем
 Патшалӑх автоинспекцийӗ тунӑ сӑн Ҫӗнӗ Шупашкарта амӑшӗпе ачине машина ҫапса кайнӑ. Ку ӗнер 16 сехетре пулса иртнӗ. Строительсен урамӗнче хӗрарӑм велосипедпа пыракан ачипе ҫул урлӑ каҫма тӑнӑ. Вӗсем «зебрӑпа» каҫма пуҫланӑ. Ҫав вӑхӑтра иномарка вӗсем ҫине пырса кӗнӗ. Амӑшӗпе ачи велосипечӗ-качки ҫул хӗрринелле вӑркӑнса кайнӑ. Амӑшӗпе ачи хӑйсене мӗнле туйни пирки официаллӑ информаци ҫук. Хыпар ҫӑлкуҫӗ:
|
|
Персона
 cap.ru сайтри сӑн Етӗрне округӗнче пӗртен-пӗр вӑрҫӑ ветеранне Алексей Темнова Ҫӗнтерӳ кунӗпе саламланӑ. Алексей Федорович Пӑрачкав районӗнче ҫуралнӑ, 17 ҫулта чухне ӑна Тӑван ҫӗршывӑн Аслӑ вӑрҫине кайма повестка панӑ. Вӑл Беларуҫе тата Варшавӑна ирӗкрен кӑларнӑ ҫӗре хутшӑннӑ. Ҫапӑҫусенче пӗрре мар аманнӑ. Ҫӗнтерӗве вара Берлин ҫывӑхӗнче кӗтсе илнӗ. Алексей Федорович Мухтав, Хӗрлӗ Ҫӑлтӑр орденӗсене тата тӗрлӗ медале тивӗҫнӗ. Вӑрҫӑ хыҫҫӑн вӑл Етӗрне районӗнче лаша заводӗнче вӑй хума пуҫланӑ, «Сурские зори» турбазӑна та ертсе пынӑ. Палӑртса хӑварар: кӑҫал ҫурла уйӑхӗнче ветеран 100 ҫул тултарӗ. Хыпар ҫӑлкуҫӗ:
|
+18.3 °C