|
Персона
 Лидия Филиппова страницинчен илнӗ сӑнӳкерчӗк Ку хыпара ҫак йӗркесен авторӗ ӑнсӑртран, халӑх тетелӗнчи хыпартан пӗлчӗ. Тӗрӗссипе, хыпарӗ пачах урӑххи ҫинчен. Унта Лидия Филиппова ҫыравҫӑ Канаш районӗнчи Малтикас ялӗнче тӗрлӗ вӑрҫӑра пуҫ хунӑ ентешӗсене асӑнса та сума суса палӑк уҫни пирки хӑпартланса та хавхаланса пӗлтернӗ, ырӑ ӗҫе хутшӑннисене тав тунӑ. Пӗр предложенипе вара хӑйне «Малтикас ялӗн хисеплӗ гражданинӗ» ят панӑшӑн ентешӗсене тав тунӑ. Лидия Филиппова — писатель, поэт, журналист, публицист, филологи наукисен кандидачӗ, Нестер Янкас премийӗн лауреачӗ. Унӑн литературӑри псевдонимӗсем: Амина Турхан, Алла Давыдова, Лида Ригель. Канӑҫсӑр чунлӑ хастар тӑван чӗлхемӗршӗн, тӑван тӑрӑх аталанӑвӗшӗн, сумлӑ ентешсене тивӗҫлипе асра тытассишӗн чылай ӗҫ туса ирттерет. Хыпар ҫӑлкуҫӗ:
|
|
Персона
 vk.com/chnmuseum сӑнӳкерчӗкӗ Чӑваш Ен наци музейӗнче Совет Союзӗн Геройӗн Александр Боголюбов генерал-полковникӑн мӑнукӗ Александр Боголюбов пулнӑ. Музейра пӗлтернӗ тӑрӑх, Чӑваш Ене вӑл арӑмӗпе, хӑйӗн аслашшӗн муралне уҫнӑ ҫӗре килнӗ. Геройӑн сӑнӳкерчӗкне Шупашкарти Трактор тӑвакансен проспектӗнчи 17-мӗш ҫуртӑн 25-мӗш корпусӗ ҫине ӳкерсе хунӑ. Чӑваш наци музейӗнче Александр Боголюбовпа ҫыхӑннӑ пуян материалсем упранаҫҫӗ иккен. Мухтавлӑ ентешӗмӗр ҫуралнӑранпа кӑҫал 125 ҫул ҫитнӗ. Александр Боголюбов генерал-полковникпа мӑшӑрӗ Ирина Николаевна пӗр ывӑл ҫуратса ӳстернӗ. Вӑл Сергей ятлӑ. Сергей Александрович профессор 88-та пулин те ӗҫлет. Унӑн вара виҫӗ ывӑл. Асли, аслашшӗ ячӗлли, Александр Сергеевич — биолог, эколог, географ, биологи наукисен кандидачӗ. Унӑн арӑмӗ те Чӑваш Енрен. Хыпар ҫӑлкуҫӗ:
|
|
Культура
 Лидия Филиппова архивӗнчи сӑнӳкерчӗк Чӑваш Енри ушкӑн (вӗсем сӑнӳкерчӗкре сӑнланнӑ) ытарайми Крым Республикине тухса кайнӑ. Кун пирки ҫак йӗркесен авторӗ Лидия Филиппова журналист, поэт, писатель тата публицист Лидия Филиппова хыпарлани тӑрӑх пӗлчӗ. Чӑваш Енри ҫыравҫӑсем Крымри темиҫе хулара пулӗ: Алуштӑра, Алупкӑра, Гурзуфра, Ялтӑра тата ытти ҫӗрте. Ҫапла, ҫапла пуҫ ҫаврӑнса каймалла! Вӗсем «Книга — это бессмертие» (чӑв. Кӗнеке — вӑл вилӗмсӗрлӗх) Пӗтӗм тӗнчери I литература фестивальне хутшӑнӗҫ. Фестивале Тӑван ҫӗршывӑмӑрӑн аслӑ вӑрҫинче ҫӗнтернӗренпе кӑҫал 80 ҫул ҫитнине халалланӑ. Чӑваш Енри калем ӑстисем Крымра кун ҫути кӑтартнӑ «Золотой салют колосьев» чӑваш поэзийӗн антологийӗпе паллаштарӗҫ. Хыпар ҫӑлкуҫӗ:
|
|
Спорт
 cap.ru сӑнӳкерчӗкӗ Чӑваш Ен спортсменӗ Сергей Козырев Раҫҫей первенствинчен пӑхӑр медальпе таврӑннӑ. Ӑмӑрту Бурят Республикинче иртнӗ. Унта 24 ҫула ҫитмен, спорт кӗрешӗвӗпе кӑсӑкланакан 300 спортсмен вӑй виҫнӗ. Чӑваш Ен чысне хӳтӗленӗ Сергей 97 килограмм тайманнисен категорийӗнче тупӑшнӑ. Палӑртмалла: вӑл — кӗрешӳ енӗпе тӗнче класлӑ спорт мастерӗ. Ӑсталӑхне Валерий Кочков ячӗллӗ 5-мӗш спорт шкулӗнче туптать. Хыпар ҫӑлкуҫӗ:
|
|
Чӑвашлӑх
 Альбина Юрату архивӗнчи сӑн «Чунташсем» черетлӗ «Чунҫӳреве» кайма тухнӑ. Кун пирки Альбина Юрату сӑвӑҫ «Контактра» халӑх тетелӗнчи страницинче пӗлтернӗ. Вӗсем паян ирхине ҫула тухнӑ. Карачай-Черкессине ҫитиччен Шӑмӑршӑра, Домбайра,Волгоградра, Элистӑра, Карачайра чарӑнӗҫ. «Пирӗн йӑх-несӗлсен ҫӗрӗ тӑрӑх утӑпӑр, хамӑрӑн авалхи пӑлхар историне аса илӗпӗр», – тесе ҫырнӑ Альбина Юрату. Хыпар ҫӑлкуҫӗ:
|
|
Пӑтӑрмахсем
 Патшалӑх автоинспекцийӗ тунӑ сӑн Етӗрне округӗнче рейс автобусӗ аварие лекнӗ. Ку инкек паян 9 сехет ҫурӑра Чурпай ялӗнче пулнӑ. 123-мӗш маршрутпа ҫӳрекен автобус ҫине «Нива» пырса кӗнӗ. «Нива» водителӗ вӑйлах ӳсӗр пулни паллӑ. Вӑл — Етӗрне округӗнче пурӑнакан 43-ри арҫын. Авари вӑхӑтӗнче автобус салонӗнче 12 ҫын пулнӑ. 68 ҫулти хӗрарӑма больницӑна сывлӑхне тӗрӗслеме илсе кайнӑ. Хыпар ҫӑлкуҫӗ:
|
|
Чӑваш чӗлхи
 Шупашкарта чӑваш ачисен «Эткер» смени уҫӑлни пирки эпир унччен пӗлтернӗччӗ-ха. Халӗ смена хупӑннӑ. Тутарстанри, Пенза, Чӗмпӗр облаҫӗсенчи тата ытти тӑрӑхри чӑваш ачисем чӑвашла выляса та кулса каннӑ. . «Ку сменӑна килнӗ ачасем чӑваш халӑхӗн йӑли-йӗркийӗпе кӑсӑкланаҫҫӗ. Чӑваш чӗлхине пула вӗсем ку сменӑна лекеҫҫӗ», —пӗлтернӗ смена ертӳҫи Ирина Диарова Чӑваш Енӗн патшалӑх телерадиокомпанийӗн журналисчӗсене. «Кун пек лагерьсемпе кун пек программӑсене пӗр смена ҫеҫ пултарас килмест манӑн. Вӑл пӗчӗк ачасем валли те, вӑтам классенчисем тата аслӑ классенчисем валли те пулсан аван. Ун пек пулан эпир чӑн-чӑн чӑвашсене ӳстерейӗпӗр», — смена педагогӗ Александр Степанов. Хыпар ҫӑлкуҫӗ:
|
|
Пӑтӑрмахсем
 gov.cap.ru сӑнӳкерчӗкӗ Ҫурла уйӑхӗн 16-мӗшӗнче, ирхи 9 сехетре, Атӑлта катер сӳнсе ларнӑ. Кун пирки Республикӑн шыравпа ҫӑлав служби пӗлтерет. Техника Сӗнтӗрвӑрри районӗн территорийӗнче пулнӑ. Катер ҫинче пулӑҫ пулнӑ. Катер дивгателӗ сӳнсе ларсан арҫын вырӑнтан та хускалайман, мӗншӗн тесен унӑн кӗсмен пулман. Инкеке лекнӗ пулӑҫа ҫӑлавҫӑсем ҫыран хӗррине илсе тухнӑ. Хыпар ҫӑлкуҫӗ:
|
|
Чӑваш чӗлхи
 Пукане театрӗнче чӑвашла спектакль лартнӑ. Кун пирки Шупашкарти Александр Степанов вӗрентекен халӑх тетелӗнчи хӑйӗн странцинче хыпарланӑ. «Пукане театрӗнче тинех чӑвашла спектакль лартрӗҫ. Ку ҫав тери пысӑк пулӑм. Мӗншӗн тесен нумай актёр вылякан спектакльсем унта юлашки вӑхӑтра пулман. Кун пек спектакльсем ытларах та ытларах кирлӗ», — тесе палӑртнӑ постра Александр Марсович. Кунта сӑмах асӑннӑ театр 80-мӗш сезонра Леонид Агаков хайлавӗпе лартнӑ «Ылтӑн вӑчӑра» спектакль пирки пырать. Чӑваш патшалӑх пукане театрӗнче пуканесем чӑвашла калаҫма пуҫлани, чӑн та, аван. Хыпар ҫӑлкуҫӗ:
|
|
Пӑтӑрмахсем
 t.me/chuvashia_sledcome сӑнӳкерчӗкӗ Шупашкарта иртекен Пӗтӗм Раҫҫӗйцри ГТО ӑмӑртӑвне пуҫтарӑннисем йышлӑн чирлесе ӳкнӗ. Ӗнер, ҫурла уйӑхӗн 18-мӗшӗнче, темиҫе ачапа аслӑ ҫынна тухтӑрсен пулӑшӑве кирлӗ пулса тухнӑ. Ӑмӑртӑва килнисем хулари хӑна ҫурчӗсенчен пӗринче вырнаҫнӑ. Вӗсем пурте унта апатланнӑ. Пӑтӑрмах тӗлӗшпе РФ Следстви комитечӗн Чӑваш Енри тӗпчевҫисем тӗрӗслев ирттереҫҫӗ. Тӗрӗслеве РФ Пуҫиле кодексӗн 236-мӗш статйин 1-мӗш пайӗпе пуҫарнӑ. Хыпар ҫӑлкуҫӗ:
|
+0.3 °C