|
Пӑтӑрмахсем
 t.me/mchs_chuvashia сӑнӳкерчӗкӗ Ҫу уйӑхӗн 17-мӗшӗнчи каҫхине Шупашкар хулинчи Корней Чуковский урамӗнчи икӗ хутла ҫурт вутра кӗлленнӗ. Ҫав кунхине 43 ҫулти кил хуҫи хушма хуҫалӑхра мангал ҫинче шашлӑк пӗҫернӗ. Кӑмрӑк сӳнессе кӗтсе тӑман вӑл, ҫывӑрма кӗрсе выртнӑ. Хӗлхем беседкӑна лекнӗ те вӑл ҫунма пуҫланӑ, унтан ытти ҫурт-йӗр ҫине куҫнӑ. Пушарта пӗр пӳрт ҫунса кайнӑ, юнашарти тепӗр икӗ ҫурт сиенленнӗ. Хыпар ҫӑлкуҫӗ:
|
|
Ҫутҫанталӑк
 Синоптиксем ку эрнере мӗнле ҫанталӑк пулассине пӗлтернӗ. Паян тата ыран кӑнтӑрлаччен ҫумӑр ҫукалӗ. Унтан сивӗ сывлӑш килӗ, ҫил вӑйланӗ. Кайран ҫанталӑк майӗпен ӑшӑтма тытӑнӗ. Ыран кӑнтӑрла хыҫҫӑн хӗвел тухӗ. Ҫапах эрне варринче те хушӑран ҫумӑр ҫума пултарӗ. Кӗҫнерникун республикӑна сивӗ фрончӗ ҫитӗ. Эрнекун уяр тӑрӗ. Анчах канмалли кунсем те сивӗ ҫанталӑкран пуҫланӗҫ. Вырсарникун вара хӗвеллӗ, ӑшӑ пулӗ. Малтанлӑха пӗлтернӗ тӑрӑх, ҫитес тунтикун каллех сивӗ килӗ, вӑл икӗ куна тӑсӑлӗ. Ҫу уйӑхӗн 30-мӗшӗнче тин республикӑра хӗвеллӗ, 20 градус ытла ӑшӑ ҫанталӑк хуҫаланма тытӑнӗ. Хыпар ҫӑлкуҫӗ:
|
|
Ял хуҫалӑхӗ
 Чӑваш аграри университечӗн архивӗнчи сӑн Кӑҫал кӗркунне Ҫӗрпӳри аграри-технологи тухникумӗ 100 гектар ҫӗр ҫинче хӑмла лартӗ. Тӳрех палӑртса хӑвӑрар: республика кӑҫал хӑмла ӳстерессине аталантарма 130 миллион ытла тенкӗ уйӑрнӑ. Ҫавӑн пекех грантсем, пӗтӗмпе 140 миллион ытла тенкӗ, парӗҫ. Хӑмла лартмалли лаптӑка сухаланӑ ӗнтӗ. Ҫулла унта шпалерсем вырнаҫтарӗҫ, кӗркунне вара 330 пин хунав лартӗҫ. 80 гектарӗ – Тӑвай округӗнче пулӗ. Патӑрьел тата Ҫӗрпӳ округӗсенче – 10-шар гектар. Хыпар ҫӑлкуҫӗ:
|
|
Республикӑра
 Ҫӗмӗрлере пурӑнакан Николай Егоров патшалӑх пулӑшнипе хӑйӗн ӗҫне пуҫарса янӑ. Халӗ вӑл хӑй унччен ӗҫленӗ вырӑнтан пӑрахса кайнӑ. Паян арҫын хӑйӗн ӗҫ графикне хӑй пӗлнӗ пек йӗркелесе пырать. Фото тата видео ӳкерес опыт Николайӑн унчченех пулнӑ. Социаллӑ контрактпа ӗҫ пуҫараса яма май пурине илтсен вӑл ку майпа усӑ курас тенӗ. Патшалӑх укҫипе Николай кирлӗ оборудовани туяннӑ. Вӑл каланӑ тӑрӑх, унӑн клиенчӗсен йышӗ ӳссех пырать. Хыпар ҫӑлкуҫӗ:
|
|
Чӑвашлӑх
 "Контактри" сӑн Шупашкарти Афанасьев урамӗнчи 9-мӗш ҫурт картишне хӑтлӑлатса пӗтернӗ. Халӗ унта тӗлӗнмелле хитре. Строительсемпе пӗрле Шупашкарти Э. М. Юрьев ячӗллӗ ача-пӑча ӳнер шкулӗн хастарӗсем те ӗҫленӗ. Вӗсем Аслӑ Ҫӗнтерӳ пулнӑранпа 80 ҫул ҫитнине тата чӑваш культурине халалланӑ стенд хатӗрленӗ. Хыпар ҫӑлкуҫӗ:
|
|
Республикӑра
 "Контактри" сӑн Ҫу уйӑхӗн 17-мӗшӗнче Сӗнтӗрвӑрри округӗнчи Нерядово ялӗнче хӗрлӗ армеецӑн Алексей Семенович Масловӑн ӳчӗн юлашкине пытарнӑ. Ӑна «Воин» шырав отрячӗ тупнӑ. Ҫав вырӑнта 1942 ҫулхи чӳк вӗҫӗнче 24-мӗш ҫар Дон патӗнче малалла кайса тӑшмана ҫавӑрса илме палӑртнӑ. Анчах операци ӑнӑҫсӑр иртнӗ, нимӗҫсем Дон урлӑ каҫса ҫӗнӗ позицисене йышӑннӑ. Алексей Маслов 1909 ҫулта ҫуралнӑ, авланнӑ, мӑшӑрӗпе 3 ача ӳстернӗ. Фронта ӑна 1942 ҫулхи ҫулла илнӗ. Хыпар ҫӑлкуҫӗ:
|
|
Персона
 Комплекслӑ центр сӑнӳкерчӗкӗ Шупашкар хулинчи халӑха социаллӑ пулӑшу паракан комплекслӑ центрта ватӑсене чӑваш классикӗ ҫинчен каласа кӑтартнӑ. «Литература классикӗн классикӗ» литература сехетне Константин Иванов ҫуралнӑранпа 135 ҫул ҫитнине халалланӑ. Литература сехетне хальхинче те М. Шумилов ячӗллӗ вулавӑш ӗҫченӗ Наталья Хуморова йӗркеленӗ. Вӑл Константин Иванов ҫинчен кӑсӑклӑ нумай факт каласа кӑтартнӑ. Хыпар ҫӑлкуҫӗ:
|
|
Чӑваш чӗлхи
 Эрнекун, ҫу уйӑхӗн 16-мӗшӗнче, Елчӗкре вӗрентекенсен семинарӗ иртнӗ. Кун пирки Чӑваш Республикин Вӗренӳ институчӗн ӗҫченӗ Анна Егорова халӑх тетелӗнчи хӑйӗн страницинче пӗлтернӗ. Вӑл хыпарланӑ тӑрӑх, семинара пуҫламӑш шкул тата чӑваш чӗлхипе литератури вӗрентекенӗсем пуҫтарӑннӑ. Вӗсем ӗҫпе ҫыхӑннӑ ҫивӗч таиа кулленхи ыйтусене сӳтсе явнӑ. |
|
Раҫҫейре
 Раҫҫей банкӗн вдеовӗнчен илнӗ сӑнӳкерчӗк «Артек» пӗтӗм тӗнчери ача-пӑча центрне йӗркеленӗренпе 100 ҫул ҫитнине халалласа 3 тенкӗлӗх кӗмӗл укҫа кӑларассине Раҫҫей банкӗ пӗлтернӗ. «Артек» 1925 ҫулта Аю-Даг тӑвӗ айӗнчи 4 брезент палаткинчен пуҫланнӑ. Унран СССРти пионер лагерӗ пуҫланса кайнӑ. Хыпар ҫӑлкуҫӗ:
|
|
Культура
 Чӑваш Ене Тимур Ведерников килӗ. Кун пирки «Пуринчен малтан» телеграм-канал пӗлтерет. Вӑл – «Привет, Андрей!», «Песни от всей души» кӑларӑмсене хутшӑнакан мусӑкҫӑ, «МузыкаВместе» проект авторӗ. Кӑларӑмсен йӗркелӳҫисем тӗрлӗ региона ҫитсе музыка роликӗсем ӳкереҫҫӗ. Халӗ вӗсем «Аслӑ ҫӗршывӑн юррисем» кӑларӑм хатӗрлеҫҫӗ. Ҫавна май федерацин Атӑлҫи округӗнчи регионсене ҫитме палӑртнӑ Проект паян Чулхулара старт илет. «Атӑлҫи тӑрӑхӗнче пултаруллӑ ҫынсем пурӑнаҫҫӗ. Ҫынсем ҫакна эпир хатӗрленӗ роликсене курса ӗненӗҫ», — тенӗ Тимур Ведерников. Хыпар ҫӑлкуҫӗ:
|
+21.3 °C