|
Тӗрлӗ япалапа кӑткӑсланни ҫинчен калаҫу пуҫлансан нумайӑшӗ вӗсем валли хӑҫан вӑхӑт пур-ши? тесе хуравлаҫҫӗ. Ӗҫ, кил-йыш, килти хуҫалӑх. Анчах та килӗшетӗр пулӗ, кам та пулин мӗнпе те пулин чӑнахах та кӑткӑсланать пулсан — ӑна чарма питӗ йывӑр. Элӗкри «Атӑлҫи Россгосстрах» компанире ӗҫлекен Степанова Раиса Александровна хӑйӗн ӗҫӗпе ӑна ҫирӗплетет. Раиса Александровна Элӗк районӗнчи Якунькӑ ялӗнче пурӑнать.
Хӑйӗн пӗрремӗш хушпуне вӑл вунӑ ҫул каялла тунӑ. «Малтан бисера леска ҫине чиксе пуҫтарасшӑнчӗ — анчах та пулмарӗ, ҫипе усӑ курма тиврӗ. Йывӑр пулсан та вӗренсе ҫитрӗм» — каласа парать Раиса Александровна, — «Кайран вара ыттисем валли хатӗрлеме пуҫалрӑм — тӑвансем, юлташсем валли». Раиса Александровна пире Ирина хӗрӗ тата кинӗ валли хатӗрленӗ хушпусене кӑтартрӗ. Эрешӗсем пӗрре те пӗр пек мар, хашни хӑй евӗр. «Уяв» ансамбль те ӑна тумтире хатӗерлеме заказ парать. Сӑмах май каласан, ансамбльте Степанов Геннадий Афанасьевич пӑяхамӗ юрлать.
Чӑваш пикисемпе хӗрарӑмӗсем хӗр тумӗсенне хатӗрленӗ чухне кӗмӗл укҫаран хатӗрленӗ. Вӗсем вара йывӑр та хаклӑ пулнӑ. | ||
|
Енчен те эсир Мускавра пурӑнатӑр пулсан тата футболла выляс кӑмӑл пур пулсан сире ҫакна пӗлтересшӗн:
Кашни шӑматкун Мускавра пурӑнакан чӑвашсем «Канаш ҫуначӗсем» (Крылья советов) стадионра футболла выляҫҫӗ. Футболла вылякансене, кӑсӑкланакансене пурне те унта чӗнесшӗн.
Стадион адресӗ: Семеновски метро, Будёный проспекчӗ Тӗплӗнрех пӗлмелли телефонсем: 8-916-651-81-48 (Андрей Ларионов); 8-916-933-79-39 (Андрей Ерицов) | ||
|
Хаклӑ хӑнасем! Пирӗн сайтра эсир нумай материалпа паллашма пултаратӑр, анчах та тӑван чӑваш хаҫачӗсемпе маларах паллашнине нимӗн те ҫитмест! Атьӑр-ха хамӑр чӑваш хаҫачӗсене пулӑшар, вӗсен кӑларӑмӗсене ҫырӑнса илер! Ҫырӑнма укҫи нумай та кирлӗ мар, тӗслӗхрен, «Хыпар» хаҫат кӑларӑмӗсене ҫур ҫул илсе тӑмашкӑн пӗтӗмпе те 320-340 тенкӗ ҫеҫ тӳлемелле! Ҫырӑнма вара пур ҫӗрте те ҫырӑнма пулать, Республика тулашӗнче пурӑнатпӑр тесе ан тӑрӑр, унта та илсе ҫитереҫҫӗ ҫырӑнатӑр пулсан. Хӑвӑр аҫу-аннӗрсене те ҫырӑнса пама пултаратӑр...
| ||
|
Пасар Николаев урамӗнче вырнаҫнӑ «Чӑваш Енӗн апат-ҫимӗҫ фончӗн» ҫӗрӗ ҫинче вырнаҫӗ. Ҫитес ҫулӑн ҫурла-авӑн уйӑхӗччен ӑна хута яма шутлаҫҫӗ. Ҫӗнӗ пасарта, Н.В. Фёдоров палӑртнӑ тӑрӑх посредниксен ӗҫӗпе усӑ курмасӑр пысӑк тата пӗчӗк ял хуҫӑлӑх предприятийӗсем, фермерсен хуҫалӑхӗсем, тата уйрӑм ҫынсем туса илнӗ ҫимӗҫе сутма пултарӗҫ.
| ||
|
2006 ҫулхи чӳк уйӑхӗн 4-мӗшӗнче (шӑматкун) 19 сехетре Мускавра чӑвашсем валли дискотека иртӗ!. Яланхи пекех, ҫав каҫ сире нумай кӗтмен япала кӗтӗ!!! Тӑван чӑваш ташӑ кӗвви тата, ҫавӑн пекех, чӑваш эстрадин ҫӑлтӑрӗ Екатерина Голубева!!!! Юлтавшсем! Сирӗн унта хӑвар телейӗн иккӗмӗш пайне те тупас шанчӑк пулӗ! Дискотека ҫак вырӑнта иртӗ: Мускав хули, Рязань проспекчӗ, 39 ҫ, "ЭСТАКАДА" КК, (малтанхи Октябрьӗн 40 ҫуллӑх КК)
Йӗркелекенӗ: Чӑваш наципе культура автономийӗ ҫуменчи ҫамрӑксен обществӑллӑ юхӑмӗ | ||
|
Маларах пӗлтернӗ тӑрӑх, юпа уйӑхӗн 28-мӗшӗнче, Мускавра пӗтӗм Раҫҫей шайенчи «Раҫҫей чӑваш пики-2006» конкурс иртрӗ. Конкурса республикӑсемпе облаҫсенчи конкурсенче ҫӗнтернӗ 9 пике хутшӑнчӗ. Пикесем Чӑваш Енрен, Тутарстанран, Пушкӑртстанран, Мускавран, Чӗмпӗр, Тюмень, Мурманск облаҫӗсенчен, тата Пермь Енӗнчен пулчӗҫ. Тутарстан Республикинчен икӗ пике пулчӗ. Пӗри Хусан хулинчен, тепри хӑй Тутарстанран. Чӑваш пикисем хӑйсен ӑсталахне 6 ӑмартура кӑтартрӗҫ: хӑйсем ҫинчен тата пурӑнакан хутлӑхӗ ҫинчен каласа кӑтартрӗҫ, паллӑ чӑвашсем тата чӑвашсен пурнӑҫӗнче усӑ курнӑ хатӗрсем ҫинчен пӗлӗвне кӑтартрӗҫ, спортпа туслӑ пулнине тата пултарулахпа туслӑ пулнине палӑртрӗҫ. Пӗрремеш вырӑна тата 30 пин тенкӗне Анна Буркина (Чӗмпӗр облаҫӗ), иккӗмӗш вырӑна тата 20 пин тенкӗне Нина Казакова (Тутарстан), виҫҫӗмӗш вырӑна Ирина Такина (Чӑваш Ен) тивӗҫрӗ. Конкурс хушшинче куракансене хӑйсен пултарулӑхӗпе паллӑ чӑваш ансаблӗсем "Эревет" тата "Илемпи", Чӑваш Енӗн халӑх артисчӗ Вячеслав Христофоров, тата чӑваш эстрадин паллӑ юрӑҫӗсем Светлана Яковлева, Татьяна тата Стас Владимиров савӑнтарчӗҫ. | ||
Кӗр сӑри уявӗ
Мероприяти «Прожектор» КК иртӗ, 16 сехетре пуҫланӗ. 1-мӗш Владимирски ур., 10 "в" ҫурт. Епле ҫитмелле: Перово е Энтузиастсен шоссе м. ст. хуть те хӑш транспортпа «Слава» кинотеатр таран ҫитмелле. Унта «Прожектор» КК вырнаҫнӑ та (схема кунта). | ||
|
Район летопиҫӗнче истори пӗлтерӗшлӗ самантсем пайтах. Кӑҫалхи юпа уйӑхӗн 15-мӗшӗ район ҫыннисемшӗн тепӗр истори пӗлтерӗшлӗ кун пулса юлчӗ. Район администрацийӗн пуҫлӑхӗ Н.Глухов тата ЧПУ ректорӗ Л.Кураков академикӑн пӗрлехи йышӑнӑвӗпе килӗшӳллӗн, ҫак кун Чӑваш Ишек ялӗнчи Пӗлӳ ҫурчӗн никӗсӗ ҫинче аслӑ шкул умӗнхи вӗрентӳ хатӗрленӗвӗн центрне уҫрӗҫ. Кунта хамӑр районти тата ытти регионсенчи вун пӗрмӗш класра вӗренекен 90 ача аслӑ вӗрентӳ шкулӗсенче пӗлӳ пухма хатӗрлерӗҫ. Асӑннӑ Пӗлӳ ҫуртне 2000 ҫулта Л.П.Кураков ентешӗмӗр тӑрӑшӑвӗпе тата хавхаланӑвӗпе хӑй ҫуралса ӳснӗ вырӑнта уҫнӑ. Ҫавӑнтанпа кунта ҫулсеренех лицеист-ачасем вӗренеҫҫӗ.
— Ҫак хӑтлӑ та малашлӑхлӑ шкулта эсир пысӑк хавхаланупа вӗренессе шанас килет. Пӗлӳ ҫуртӗнче чи-чи лайӑх вӗренекен лицеистсем пулни те кӑмӑллӑ. Кайран вӗсенчен пурте тенӗ пекех Чӑваш патшалӑх университетне е ытти аслӑ вӗренӳ заведенийӗсене вӗренме кӗреҫҫӗ. Паян Патӑрьел ҫамрӑкӗсемшӗн, манӑн пӗчӗк ҫӗршывшӑн, аслӑ пӗлӳ тӗнчине туртӑнмалли, ӑнтӑлмалли тепӗр ҫул уҫӑлнӑшӑн эпӗ питӗ савӑнатӑп. | ||
|
Конкурс 14 сехетре ҫак вырӑнта пуҫланӗ: 1-мӗш Владимирски ур., 10 "в" ҫурт. Епле ҫитме пулать: Перово е Энтузиастсен шоссе м. ст. хуть те хӑш транспортпа Слава кинотеатр таран ҫитмелле. Унта «Прожектор» КК вырнаҫнӑ та.
Тӗплӗнрех кунта.
Билет хакӗ 200 тата 250 тенкӗ
Студентсем хӑйсен студент билетне кӑтартсан билета 150 (партер), 100 (амфитеатр тата балкон) тенкӗпе туянма пултараҫҫӗ.
Маларах билет туянас тесен СТУДЕНТСЕН 8-903-255-26-80 Ольга (Чӑваш ҫамрӑкӗсен юхӑмӗ) телефонпа шанкӑравламалла, е o.a.borisova@mail.ru e-mail-па ҫыхӑнмалла.
Билетсен шучӗ сахал, ҫавӑнпа та билета малтан туянма сӗнетпӗр! | ||
|
Юпа уйӑхӗн 12-мӗшӗнче Валентина Ивановна Игнатьевӑн юбилейӗ пулчӗ. Нумай ҫул хушши вӑл Чӑваш патшалӑх педагогика университетӗнче чӑваш филологи факультетӗнче вӑй хурать. Ӑна уяв ячӗпе чун-чӗререн саламлатпӑр, ҫирӗп сывӑх сунатпӑр, ӗҫре тата та ҫитӗнӳсем тума сунатпӑр. Теплӗнрен унпа паллашма Чӑваш Википеди сайтӗнче пулать: Валентина Ивановна Игнатьева | ||
+7.3 °C
Юпа уйӑхӗн 28-мӗшӗнче Мускаври «Прожектор» КК пӗтӗм Раҫҫейри «Чӑваш пики» конкурс иртӗ. Конкурса Федераллӑ чӑваш культура автономийӗ (председателӗ — РФ Патшалӑх Думин депутачӗ 