|
Чӳк уйӑхӗн 20-мешӗнче Николай Федоров президент Пӗтӗм тӗнчери ача кунӗнче тивӗҫлӗ указа алӑ пуснӑ. Президент Министрсен Кабинетне Чӑваш Енре Ача ҫулталӑкне ирттермелли мероприятисен анлӑ планне хатӗрлесе ҫирӗплетме хушнӑ. Планеркӑра ҫавӑн пекех Чӑваш Енӗн социаллӑ пурнӑҫпа экономика аталанӑвӗн ҫивӗч ыйтӑвӗсене пӑхса тухнӑ. Республика ертӳҫи Культура, Экономика аталанӑвӗн министерствисен тата Патшалӑх ҫыхӑну комитечӗн пуҫлӑхӗсен пайӑр инвестици проекчӗсене пурнӑҫлассипе ҫыхӑннӑ ӗҫне сивленӗ, лару-тӑрӑва кӗске вӑхӑтра йӗркелеме хушнӑ. Шупашкарпа Ҫӗнӗ Шупашкар хулисен пуҫлӑхӗсене те сӑмах тивнӗ. Ҫак хуласен влаҫӗсем йӑлари хытӑ каяшсене утилизацилес ыйтупа тимлӗ ӗҫлемеҫҫӗ, ҫакӑ муниципалитет тытӑмӗсен ҫумӗнчи территорисенчи экологи лару-тӑравне япӑх витӗм кӳрет. Президент хуласен пуҫлӑхӗсене тивӗҫлӗ органсен ертӳҫисемпе пӗрле ҫуп-ҫап тирпейлекен ҫӗнӗ йышши завод строительствин ыйтӑвне кӗске вӑхӑтра татса пама хушнӑ.
Хыпар ҫӑлкуҫӗ: «Хыпар» хаҫат |
|
Чӑвашсен йӑли-йӗркине сыхласа упраса хӑварас енӗпе республикӑра сахал мар мероприяти иртереҫҫӗ. Чӳк уйӑхӗн 24-мӗшӗнче вара Муркаш районӗнчи Кашмаш ял культура ҫуртӗнче «Саркайӑк» ятлӑ конкурс иртнӗ. Унта шкул ачисем пӗр-пӗррин хушшинче кам чӑваш халӑх юррисене лайӑхрах юрланине пӗлес тесе кӗрешнӗ.
|
|
Вӑрнар издательство ҫурчӗн директорне тата тӗп редакторне гонорарсене хӑй аллине илнӗшӗн айӑплав приговорне вуласа панӑ. 2003 ҫултан пуҫласа 2005 ҫулхи юпа уйӑхӗ таран Фомина хӑйӗн вырӑнне усӑ курса кӑсьине укҫа вӑрласа пурӑннӑ. Следовательсем пӗлтернӗ тӑрӑх Фомина сакунсӑр автор гонорарӗсене палартнӑ, укҫине вара хӑйне илнӗ. Материалсен авторӗ шутне вӑл предприятире ӗҫлекен бухгалтера ҫырнӑ. Кайран вара, лешӗ укҫине ӑна хӑйне панӑ. Пӗтӗмӗшле Альбина Фомина хӑйӗн кӑсьине 26 пин ытла укҫа чикнӗ. Гонорарсене хӑй аллине илнӗшӗн Альбина Фоминана икӗ ҫул ҫурӑ условлӑ наказани панӑ. Пӗр ҫул ҫурӑ хушши тӗрӗслев вӑхӑтне иртерме тивӗ.
|
|
Чӑваш Енре Ҫеҫпӗл Мишши ҫуралнӑранпа 107 ҫул ҫитнине паллӑртаҫҫӗ. Чӳк уйӑхӗн 17-мӗшӗнче Канаш районӗнчи Ҫеҫпӗл ялӗнче «Ҫеҫпӗл сасси» ятлӑ регионсем хушшинчи фестиваль иртрӗ. Йӑлана кӗнӗ тӑрӑх уяв 1999 ҫулхи чӳк уйӑхӗнче уҫӑлнӑ «Ҫеҫпӗл Мишшин тӑван ҫӗрӗ» мемориаллӑ комплексра иртнӗ. Комплексра кашни ҫул регионсем хушшинчи фестиваль, тата «Ҫеҫпӗл кӑвайчӗ» ятлӑ ҫамрӑк сӑвӑҫсен конкурсӗ иртет. Ку ҫулта фестивале Патӑрьел, Вӑрнар, Комсомольски, Красноармейски, Шупашкар, Ҫӗрпӳ, Шӑмӑршӑ, Елчӗк тата Тӑвай районӗсенчи ушкӑнсем хутшӑннӑ. Уява ҫавӑн пекех Тутарстан Республикӑри Теччӗ хулинчи хӑнасем те ҫитнӗ. |
|
Тюмень облаҫӗнчи чӑвашсен диаспори чӳк уйӑхӗн 25-мешӗнче «Тӑван» ятлӑ чӑвашсен ассоциацине туса хунӑранпа 15 ҫул ҫитнине палӑртасшӑн! «Тӑван» ассоциаци пурӗ 30 пин чӑваша пӗрлештерет.
|
|
Ытларах студентсемпе ҫамрӑк ҫынсемпе ҫыхӑну тытасшӑн. Чулхула ҫыннисем, атьӑр перле пулар! |
|
Ҫакна каласа хӑвармалла, сехете Чистополь хулинчи «Хӗвелтухӑҫ» (Восток) ӑслӑлӑхпа производство пӗрлешӗвӗ хатӗрленӗ. Сехетӗн диаметрӗ 2,10 метр, йывӑрӑшӗ 60 килограмм. Сехет пичӗ шурӑ тӗслӗ, хисепӗсемпе сӑннисем — хура тӗслӗ. Сехет ӑшӗ электроникӑллӑ. Ҫитес вӑхӑтра чан ҫапакан механизма вырнаҫтармалла. Каҫхи вӑхӑтра чанӗ ӗҫлемест. |
|
Пӗтӗм тӗнчери самбо кӗрешӗвӗн чемпионачӗ вӗҫленчӗ. Унта 33 патшалӑхран килнӗ спортсменсем тӗрлӗ йывӑрӑш категориӗнче кӗрешнӗ. Раҫҫей сборнӑйӗ унта пӗрремеш вырӑн йышӑннӑ. Ун шутне кӗрекен Сергеев Виталий те хӑйӗн 62 кг йывӑрӑш категорийӗнче ылтӑн медале ҫӗнсе илнӗ. Ҫапла вара Чӑваш Енӗн тепӗр ылтӑн медаль хушӑнчӗ! Сергеев Виталий самбо шкулӗнче вӗренет.
|
|
Чӳк уйӑхӗн 7-мӗшпе 9-мӗш хушшинче Чӑваш Енре Чечня Реуспубликин ҫыннисем хӑнара пулчӗҫ. Вӗсем хушшинче район, хула, ял тӑрӑхӗсен пуҫлӑхӗсем, Чечня Республикин парламенчӗн депутачӗсем, Чечня Республикин Правительствипе Президент аппаратӗнче вӑй хуракансем. Чӑваш Енре пулнӑ хушӑра вӗсем республикӑн вырӑнти влаҫ органӗсен ӗҫӗпе паллашрӗҫ.
Чечня Республикин ҫыннисем пирӗн республикӑна Чечня Республикинче демократипе право патшалӑхне ҫирӗплетекен Европа Пӗрлешӗвӗн программи тӑрӑх килсе кайнӑ. Чӑваш Ене ахаль суйласа илмен, Светлана Бастанжиева пӗлтернӗ тӑрӑх, Чӑваш Ен вырӑнти влаҫ органӗсен ӗҫе аталантарассипе малти вырӑнсенче тӑрать.
Европа Пӗрлешӗвӗн тата Чечня Республикин ҫыннисем хӑнасене лайӑх кӗтсе илнӗшӗн Чӑваш Ен ертӳҫисене пысӑк тав каланӑ.
|
|
Тӗрлӗ япалапа кӑткӑсланни ҫинчен калаҫу пуҫлансан нумайӑшӗ вӗсем валли хӑҫан вӑхӑт пур-ши? тесе хуравлаҫҫӗ. Ӗҫ, кил-йыш, килти хуҫалӑх. Анчах та килӗшетӗр пулӗ, кам та пулин мӗнпе те пулин чӑнахах та кӑткӑсланать пулсан — ӑна чарма питӗ йывӑр. Элӗкри «Атӑлҫи Россгосстрах» компанире ӗҫлекен Степанова Раиса Александровна хӑйӗн ӗҫӗпе ӑна ҫирӗплетет. Раиса Александровна Элӗк районӗнчи Якунькӑ ялӗнче пурӑнать.
Хӑйӗн пӗрремӗш хушпуне вӑл вунӑ ҫул каялла тунӑ. «Малтан бисера леска ҫине чиксе пуҫтарасшӑнчӗ — анчах та пулмарӗ, ҫипе усӑ курма тиврӗ. Йывӑр пулсан та вӗренсе ҫитрӗм» — каласа парать Раиса Александровна, — «Кайран вара ыттисем валли хатӗрлеме пуҫалрӑм — тӑвансем, юлташсем валли». Раиса Александровна пире Ирина хӗрӗ тата кинӗ валли хатӗрленӗ хушпусене кӑтартрӗ. Эрешӗсем пӗрре те пӗр пек мар, хашни хӑй евӗр. «Уяв» ансамбль те ӑна тумтире хатӗерлеме заказ парать. Сӑмах май каласан, ансамбльте Степанов Геннадий Афанасьевич пӑяхамӗ юрлать.
Чӑваш пикисемпе хӗрарӑмӗсем хӗр тумӗсенне хатӗрленӗ чухне кӗмӗл укҫаран хатӗрленӗ. Вӗсем вара йывӑр та хаклӑ пулнӑ. |
+22.3 °C