|
Паян кунта сакӑр районтан тата виҫӗ хуларан килнӗскерсем 110 уракан хӑйсен вӑйне кӑтартнӑ. Пӗрремӗш этапне пӗтӗмлетнӗ хыҫҫӑн ҫаксене палӑртнӑ: Николай Андреев, Эдуард Владимиров, Игорь Иванов, Антон Игошин, Григорьев Федор. Хӗрачасен хушшинче — Марина Смирнова, Оксана Хайбуллина, Ирина Башкирова, Маргарита Максимова тата Наталья Рымар. |
|
Советская Чувашия пӗлтернӗ тӑрӑх А. Чубайс Шупашкар ГЭС шывӗн шайне хӑпартассиӗ чи малти вырӑнта тарать тесе пӗлтернӗ. Кӑна вӑл нарӑсӑн 25 Хусанта пӗлтернӗ. Анат Кама ГЭСӗ те хӑйӗн йытӑвне татаса парассине кӗтет, анчах та Чубайс пӗлтернӗ тӑрӑх — Шупашкар ГЭСӗн йытӑвӗ ҫивӗчрех. Ҫавӑн пекех хаҫат Раҫҫей Патшалах Думинче япӑх сӑмахпа асӑнни ҫинчен пӗлтерет.
Ҫӑлкуҫ: http://sоvch.chuvashia.com/ |
|
Тутарстанра 2006 ҫула литературӑпа ӳнер ҫулӗ ячӗпе «Сувар» хаҫат информаци енӗпе пулӑшнипе Хусанти «Сувар» ҫамрӑксен пӗрлешӗвӗ Тутарстанри чӑваш юрӑҫисен «Акатуй» ятлӑ пӗрремӗш аудио альбомне кӑларнӑ.
Альбома Хусанти, Чаллӑ, Анат Кама хулисен тата Элмет, Чистай, Теччӗ, Аксу, Пӑва районӗнчи юрӑҫӑсен пултарулӑхӗ кӗнӗ. Ытларах енӗпе унта 30 ҫула ҫитменнисен юррисене кӗртнӗ. Сӑмахран, чи ҫамрӑк юрӑҫа, Сергей Платонова, 18 ҫул кӑна. Юрӑсен сӑввисене те Тутарстанри авторсем ҫырнӑ. Пуш уйӑхӗн 18 Хусанти МВД КЦ-ӗнче ку прокта хутшӑннӑ юрӑҫӑсен концерчӗ иртӗ. 2006 ҫулхи ҫу пуҫламӑшӗ валли пӗрлешӳ иккӗмӗш альбома кӑларасшӑн.
Эпир ҫамрӑқ юрӑҫӑсене ҫитӗнӳсем сунатпӑр, итлекенсем альбома лайӑх йышӑнасса шанатпӑр! |
|
Нарӑсӑн 21 Мускара нумай чирленӗ хыҫҫӑн паллӑ сӑвӑҫ, Чӑваш Енӗн халӑх сӑвӑҫи Геннадий Николаевич Айхи вилсе кайнӑ. 1934 ҫулхи ҫурла уйӑхӗн 21 Чӑваш Енӗн Патӑръел районӗнчи Ҫӗньял ялӗнче ҫуралнӑ. 1994 ҫулта Чӑваш Енӗн халӑх сӑвӑҫи ятне тивӗҫлӗ пулнӑ. 1989 ҫулта К.В.Иванов ячӗллӗ Чӑваш Енӗн патшалӑх премиӗн, 1972 ҫулта Франци академиӗн премиӗн, 1993 ҫулта Ф.Петрарки ячӗллӗ премиӗн (Германи), 1993 ҫулта Ылтӑн венец Стружски поэзи каҫӗсен (Македони) тата 1996 ҫулта Кӑнтӑр Тироль премиӗн (Австри) лауриачӗ пулнӑ. 1998 ҫулта Исскуствопа литература Одренӗн (Франци) командорӗ ятне тивӗҫлӗ пулнӑ. Эпир те Геннадий Айхин вӑхӑтсӑр вилӗмӗшӗн тарӑнӑн хурланатпӑр. |
Ҫӗнӗ рекордНарӑсӑн 17 Мускавра иртнӗ ҫӑмӑл атлетика чемпионачӗнче Татьяна Петрова пӳлӗри 3000 м. хӗрарӑмсен чупӑвӗнче ҫӗнӗ тӗнче рекордне (9 мин 7 ҫек) лартнӑ. Татьяна Петрова — пӗтӗм тӗнче класлӑ спорт мастерӗ, Чӑваш Ен Спорт Министерствин 3-мӗш СДЮСШОРӑн, тата Шупашкарти одимп резервӗн училищин воспитаници. Вӑрмар районӗнчи Карӑк Ҫырми ялӗнче 1983 ҫулта ҫуралнӑ. Татьяна 2004 ҫулхи нарӑсӑн 23 Мускав облаҫӗн Людмила Иванова чупӑҫӑн рекордне (9 мин 21.4 ҫек) лайӑхлатнӑ.
Ҫӑлкуҫ: Чӑваш Енӗн Спорт Министерстви |
|
Нарӑсӑн 24-пе 28 хушшинче Шупашкарти Трактор тӑвакан КК франци кинон фестивалӗ иртӗ. Фестивале Раҫҫейри Франци посольстви тата «Содружество» культура центрӗ иртереҫҫӗ. Куракансене тӑватӑ ҫӗнӗ франци ленти тата пӗр мультфильм кӑтартӗҫ. Фестиваль тӑваттӑмӗш хут иртет ӗнтӗ, унта францире ӳкернӗ, анчах та пысӑк экран ҫине тухман франци кинокартинисемпе паллашма май пур. Билет хакӗ 30-60 тенкӗ. Картинӑсем: 24.02: Ҫӗтсе кайнисем (Les egares) Режиссёр: Андре Тешине (Andre Techine) 25.02: Тӗрӗҫӗсем (Brodeuses) Режиссёр: Элеонор Фоше ( Eleonore Faucher) 26.02: Кирику тата тухатмӑш (Kirikou et la sorciere) Режиссёр: Мишель Оцело (Michel Ocelot) 27.02. Кала-ха, кала! (Cause toujours!) Режиссёр: Жанна Лебрюн (Jeanne Labrune) 28.02. Чышкӑри ҫӗлен (Vipere au poing) Режиссёр: Филипп де Брока (Philippe Broca (de)
Ҫӑлкуҫ: Чебоксары.ру |
|
Нарӑсӑн 8 Комсомольски районӗнче тухакан «Каҫал Ен» хаҫатӑн пӗрремӗш кӑларӑмӗ тухнӑранпа 75 ҫул ҫитнӗ. Ун чухне вӑл «Паянхи сас» ятлӑ пулнӑ, Патӑрьелте 1500 тиражпа тухса тӑнӑ. «Паянхи сас» ячӗпе хаҫат 1931 ҫулхи раштавӑн 31-ччен тухса тӑнӑ. 1932 ҫулта вара икӗ хаҫат ҫине пайланнӑ: «Колхоз байрагы» тата «Октябрь ялавӗ». Икӗ хаҫачӗ те Патӑрьелте тухса тӑнӑ. 1939 ҫулта Комсомольски районне туса хунӑ хыҫҫӑн «Октябрь ялавӗ» хаҫат Комсомольскине куҫать. Нарӑсӑн 21 районти культура ҫурчӗнче хаҫатӑн ҫуралнӑ кунне халалласа мероприяти иртӗ. Пуҫламӑшӗ: 11 сехетре. |
"МУСКАВ-МИР ХУЛИ" фестивальНацилле театрсен III-мӗш фестивалӗ
Пуш уйӑхӗн 2-мӗшӗнче в 17 сехетре "Мускаври Национальностьсен ҫуртӗнче" театр фестивалӗ уҫӑлӗ. Фестивале иртнӗ ҫул юпа уйӑхӗн 15-мӗшӗнче никӗсленӗ МНЧКА председателӗ В.Н. Бурмистров ертсе пыракан Мускаври И.Я. Яковлев ячӗллӗ Чӑваш Театрӗ хутшӑнӗ. Театр пуш уйӑхӗн 4-мӗшӗнче Хуняма спектакле кӑтартӗ.
Фестиваль оргкомитечӗ: т. (495) 181-36-07, Степаненко Виктория председатель. |
|
Мускаври чӑваш дискотекин организаторӗсем пӗлтернӗ тӑрӑх халлӗхе Мускаври чӑвашсен пӗрремӗш хичӗ Диана юрӑҫӑн Хура куҫусем юрӑ. Юрӑ текстне эсир пирӗн сайтра тупатӑр. Ҫавӑн пекех mp3 форматпа ҫырса илеетӗр. |
|
Ҫӗнӗ Шупашкарта пурӑнакан Мария Афанасьевна Афанасьева ҫӗр ҫула ҫитнине паллӑ тунӑ. Хӑйӗн 100 ҫӳлхи ытларах пурнӑҫне Мария Афанасьевна Канаш районӗнчи Кашкӑр Ҫырми ялӗнче иртернӗ, «Коммунизмшӑн» колхозра вӑй хунӑ. 2005 ҫулта вӑл «Тыл ветеранӗ» медале тивӗҫлӗ пулнӑ. Мария Афанасьевна виҫӗ хӗре ҫӳратса ӳстернӗ. Вӗсем ӑна 7 мӑнук тата 7 правнук парнеленӗ. Халӗ Мария Афанасьевна хӑйӗн пысӑк ҫамьипе Ҫӗнӗ Шупашкар хулинче пурӑнать. 100 ҫула ҫитнӗ майпа Мария Афанасьевнӑна Ҫӗнӗ Шупашкар пуҫлӑхӗ саламланӑ. Пирӗн пӗрлӗх те Мария Афанасьевнӑна саламлать, ырлӑхпа сывлӑх сунать! |
+5.3 °C
Пуш уйӑхӗн 9 Чӑваш Енӗн спорт Министерствин пӗрремӗш СДЮСШОРта Чӑваш Республикин вӗренекенсен хушшинчи спортла утас кӗрешӳ пуҫланнӑ.