Сайта кӗр | Регистраци | Сайта кӗрсен унпа туллин усӑ курма пулӗ
 +10.3 °C
Ӗмӗр сакки сарлака.
[ваттисен сӑмахӗ]
 

Хыпарсем: шупашкар

Пӑтӑрмахсем
21.мвд.рф сӑнӳкерчӗкӗ
21.мвд.рф сӑнӳкерчӗкӗ

Шупашкарта пурӑнакан 71 ҫулти карчӑкран пӗлӗшӗ пулӑшу ыйтнӑ.

Ҫырӑва ватӑ ҫын мессенджерсенчен пӗринче илнӗ. Унта ӑна пӗлӗшӗ икӗ сехетлӗхе 29 пин тенкӗ куҫарса пама ыйтнӑ, ӑҫта куҫармаллине кӑтартнӑ. Карчӑк пӗлӗшӗ патне шӑнкӑравланӑ-ха, анчах лешӗ телефона тытман. Вара вӑл ӑна укҫана куҫарса панӑ.

Каярах вӑл пӗлӗшӗн мессенджерти аккаунтне такамсем ватнине пӗлнӗ.

 

Персона
"Контактри" сӑн
"Контактри" сӑн

Вӑл алӑсӑр ҫуралнӑ, анчах ишме пултарать. Ӑмӑртусене хутшӑнса спорт мастерӗн кандидачӗ те пулса тӑнӑ. Ку сӑмахсем – Шупашкарта пурӑнакан 13 ҫулти Кирилла Александров пирки.

Кирилл халӗ 2028 ҫулта иртекен Паралимпиадӑна хутшӑнма хатӗрленет. Ҫавӑнпа вӑл Мускава Раҫҫейӗн тава тивӗҫлӗ тренерӗ Сергей Жилкин патне хатӗрленме ҫӳрет.

Хӑйӗн ӑнӑҫӑвӗсем пирки Кирилл телеграмм-каналӗнче пӗлтерсе тӑрать: «Несломленный пловец» ятлӑ вӑл.

Хыпар ҫӑлкуҫӗ: https://vk.com/wall-194537172_19195
 

Персона
culture.cap.ru сайтран илнӗ сӑнӳкерчӗк
culture.cap.ru сайтран илнӗ сӑнӳкерчӗк

Нарӑс уйӑхӗн 19-мӗшӗнче Шупашкарта Никита Михайлков режииссёрпа тӗл пулу иртӗ. Унпа курнӑҫас тесен «Атӑл Опера» театра каймалла.

Пултарулӑх каҫӗнче Никита Сергеевич ҫӗршывра тата тӗнчере пулса иртекен пулӑмсем пирки те каласа кӑтартӗ, «БесогонТВ» автор программин уйрӑм пайӗсене кӑтартӗ. Тата, паллах, хӑйӗн пултарулӑх ӗҫӗнчи аса юлнӑ самантсене аса илӗ.

Тӗлпулу 18 сехет те 30 минутра пуҫланӗ. Ыйтса пӗлмелли телефон номерӗ 8 (8352) 58-00-96.

 

Культура
culture.cap.ru сайтран илнӗксӑнӳкерчӗк
culture.cap.ru сайтран илнӗксӑнӳкерчӗк

Ф.П. Павлов ячӗллӗ музыка училищинче вӗренекенсем Елена Межова (Певчая) фолк-юрӑҫпа тӗл пулнӑ. Вӑл Раҫҫейри тӗрлӗ наградӑна тивӗҫме ӗлкӗрнӗ. Хальхинче «Звезда» телепроектра ӳкерӗнме кайма тухнӑ, хӑй пӗлӳ илнӗ вӗренӳ заведенине ҫула май тенӗ пек кӗрсе тухнӑ.

Юрӑҫ вырӑс фольклорне кӑмӑллать, автор юррисене ҫӗршыври тӗрлӗ музыка платформи ҫине вырнаҫтарать.

Ҫамрӑксене юрӑҫ сонграйтинг, продакшн, дистрибьюшн, монетизаци тата ытти япала мӗне пӗлтерни ҫинчен те каласа кӑтартнӑ.

 

Пӑтӑрмахсем
Инкеклӗ лару-тӑру министерстви тунӑ сӑн
Инкеклӗ лару-тӑру министерстви тунӑ сӑн

Шупашкарти Якимов ҫырминче пурӑнакан арҫын кӑвайт ҫинче апат пӗҫерсе пушар тунӑ. Унӑн хӑмаран ҫапса тунӑ пӳрчӗ ҫунса кайнӑ. Ку инкек ӗнер кӑнтӑрла пулнӑ. Юрать-ха, кил хуҫи хӑй, 65 ҫулти арҫын, чӗрех юлнӑ.

Тепӗр ҫур сехетрен Канаш округӗнчи пушарнӑйсен ҫулӑма сӳнтерме тивнӗ. Ҫатӑрка Ҫырми ялӗнче 76 ҫулти арҫыннӑн мунчи ҫунма пуҫланӑ. Пушарта сарай та ҫунса кайнӑ. Телее, суранланнисем пулман.

 

Раҫҫейре
"Чеб.ру" сайтри сӑн
"Чеб.ру" сайтри сӑн

Раҫҫейри 20 хулара прокуратурӑсене пӗтерӗҫ. Ҫав шутра Шупашкар та пур. Хушӑва кӑрлачӑн 17-мӗшӗнче Раҫҫей тӗп прокурорӗ Игорь Краснов алӑ пуснӑ.

Ҫавӑн пекех Барнаулта, Астраханьте, Брянскра, Иркутскра, Калининградра, Кемеровӑра, Новокузнецкра, Кировра, Курскра, Оренбургра, Владивостокра, Тольяттире, Саратовра, Ставропольте, Томскра, Тулӑра, Тюменьте, Хабаровскра, Ярославльте хула прокуратурисем пулмӗҫ. Пӗтӗмпе 327 ҫынна чакарӗҫ, вӗсене прокуратурӑн ытти органне ӗҫлеме ярӗҫ.

«Ъ» пӗлтернӗ тӑрӑх, прокуратурӑсене штат расписанине оптимизаци тума пӗтереҫҫӗ.

 

Чӑваш чӗлхи
Александр Степанов страницинчен илнӗ сӑнӳкерчӗк
Александр Степанов страницинчен илнӗ сӑнӳкерчӗк

2-мӗш классем валли кӑларнӑ «Чӑваш чӗлхи» вӗренӳ пособийӗ тӑрӑх интерактивлӑ хӑнӑхтарусем хатӗрленӗ. Вӗсене Шупашкар хулинчи 33-мӗш вӑтам шкулти чӑваш чӗлхипе литературине вӗрентекен Ирина Диарова хатӗрленӗ.

Кун пирки Александр Степанов педагог, чӑваш чӗлхи вӗрентекенӗ халӑх тетелӗнчи хӑйӗн страницинче пӗлтернӗ.

Хыпар ҫӑлкуҫӗ: https://vk.com/wall47036538_4478
 

Хулара
zastavki.com сайтри сӑн
zastavki.com сайтри сӑн

Шупашкарти ҫемье ачине хӑйне евӗр ят панӑ. Тин ҫуралнӑ ачине ашшӗ-амӑшӗ Иессей тесе ҫыртарнӑ.

Вӑл – ҫемьери улттӑмӗш ача. Амӑшӗ ӑна килтех ҫуратнӑ. Ҫемьере халӗ икӗ хӗрпе тӑватӑ ывӑл ҫитӗнеҫҫӗ.

Иессей ят – авалхи историрен. Авалхи Египет чӗлхинчен куҫарсан «Турӑ пани» тенине пӗлтерет.

 

Пӑтӑрмахсем
t.me/nikamran каналта вырнаҫтарна сӑнӳкерчӗк
t.me/nikamran каналта вырнаҫтарна сӑнӳкерчӗк

Мӑнукне пӑвса вӗлернӗ хӗрарӑма сиплеме ярасшӑн. Кун пирки Телеграмри «Пуринчен малтан» каналта пӗлтернӗ.

Пӗлтӗрхи ака уйӑхӗнче Шупашкарта 61-ри хӗрарӑм 9-ти мӑнукне пӑвса вӗлернӗ.

Херарӑм тӗлӗшпе пуҫарнӑ пуҫиле ӗҫе тишкерсе пӗтернӗ. «Тӗрлӗ экспертиза ирттернӗ хыҫҫӑн хӗрарӑм психика чирне пула хӑй мӗн тунине ӑнланман тесе палӑртнӑ. Специалистсем ӑна медицина учрежденийӗнче сиплеме сӗннӗ. Ҫитес вӑхӑтра унӑн шӑпине суд татса парӗ», — хыпарлана эпир маларах асӑнна ҫӑлкуҫра.

Хыпар ҫӑлкуҫӗ: https://t.me/nikamran/15218
 

Пӑтӑрмахсем
ҪҪХПИ тунӑ сӑн
ҪҪХПИ тунӑ сӑн

Паян, карлачӑн 17-мӗшӗнче 14 сехет те 25 минутра , Шупашкарти Трактор тӑвакансен проспектӗнче, «Яхтинг» чарӑну патӗнче, ҫамрӑк водитель студенткӑна ҫапса кайнӑ. Шел те, вилмеллех.

ҪҪХПИ пӗлтернӗ тӑрӑх, руль умӗнче ларнӑ водитель-хӗр «зебра»урлӑ каҫакан хӗр ҫине пырса кӗнӗ. 16 ҫулти студентка йывӑр сурансене пула ҫавӑнтах вилнӗ. Вӑл техникумра вӗреннӗ пулнӑ.

 

Страницӑсем: 1 ... 6, 7, 8, 9, 10, 11, 12, 13, 14, 15, [16], 17, 18, 19, 20, 21, 22, 23, 24, 25, 26, ... 1027
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (03.04.2025 21:00) сайра пӗлӗтлӗ ҫанталӑк, атмосфера пусӑмӗ 748 - 750 мм, 3 - 5 градус ӑшӑ пулӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Халӗ эсир юрату серепине ҫакланма пултаратӑр. Сире шӑпах романтика хутшӑнӑвӗ кирлӗ вӗт? Анчах ҫӑлтӑрсем асӑрхаттараҫҫӗ: килӗштерӳ кӗҫех кӗвӗҫӳпе ылмашӑнӗ. Хирӗҫни уйрӑлу патне илсе ҫитерме пултарать. Тен, ҫывӑх ҫынсем е тӑвансем пулӑшу ыйтӗҫ.

Ака, 03

1929
96
Воронцова Галина Михайловна, медицина ӑслӑхӗсен докторӗ ҫуралнӑ.
1977
48
Раман Иринкки, ҫамрӑк чӑваш ҫыравҫи ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑнана ӑсатма никам та тухмасть
кил-йышри арҫын
хуҫа тарҫи
хуҫин ҫитӗннӗ ачисем
хӑни ҫулне ахаль те пӗлет, ӑсатмасӑр та
хуҫа хӑй
хуҫа арӑмӗ
хуть те кам тухсан та
пӗтӗм кил-йышпа тухаҫҫӗ
ӑсатма тухни — ҫылӑх, юрамасть