cheb-centr.soc.cap.ru сӑнӳкерчӗкӗ

Шупашкарта кун кунлакан Валентина Николаевнӑпа Иван Дмитриевич 64 ҫул пӗрле пурӑнаҫҫӗ. Вӗсем ҫирӗп ҫемье ҫавӑрнӑ, виҫӗ ача ӳстернӗ, халӗ 11 мӑнукпа, 6 кӗҫӗн мӑнукпа сӑвӑнаҫҫӗ.

Валентина Николаевна бухгалтерта ӗҫленӗ, Иван Дмитриевич тракторист пулнӑ. Мӑшӑр халӗ те ӗҫсӗр лармасть, качакасем тытаҫҫӗ, пахчара кӑштӑртатаҫҫӗ.

Икӗ увӑх каялла «Икар» компани Шупашкартан Калининграда самолетсем яма сӗнни пирки пӗлтернӗччӗ. ЧР транспорт министрӗ Максим Иванов рейссем пулассине ҫирӗплетнӗ. Вӑл каланӑ тӑрӑх, ҫитес ҫул самолетсем яма хыснара халех укҫа пӑхса хураҫҫӗ.

Самолетсене ҫу уйӑхӗн 1-мӗшӗнчен пуҫласа авӑнӑн 20-мӗшӗччен вӗҫтересшӗн. Рейса субсидилекенсен йышне кӗртме палӑртнӑ.

ru.freepik.com

Шупашкарти тата Ҫӗнӗ, Шупашкарти пассажир маршручӗсем ҫинче улшӑнусем пулӗҫ.

Шупашкарта ҫӗнӗ маршрут уҫма палӑртнӑ. Вӑл 13-мӗш маршрут пулӗ. Малтанлӑха палӑртнӑ тӑрӑх, вӑл ЖБК-9 тата Улатӑр ҫулне ҫыхӑнтарӗ. 7Э, 7 тата 30-мӗш маршрутсене упраса хӑварӗҫ.

Таисия Ташней хатӗрленӗ сӑн

Раштавӑн 7-мӗшӗнче чӑвашсен «Хавал» пуҫару ушкӑнӗ И. Я. Яковлев ячӗллӗ Чӑваш патшалӑх педагогика университечӗпе Чӑваш патшалӑх гуманитари ӑслӑлӑхсен институчӗ пулӑшнипе шкул ачисен 2-мӗш ӑслӑлӑхпа практика конференцийӗ иртӗ. Кун пирки «Хавал» халӑх тетелӗнчи хӑйӗн страницинче пӗлтернӗ.

Конференци тӗллевӗсен шутӗнче вӗренекенсен хастарлӑхне ӳстерессине, тишкерӳ ӗҫне аталантарса пырассине, ӑслӑлӑха кӗме ҫул уҫса парассине, хӑйсем тӗллӗн ӗҫлеме хӑнӑхтарассине,

вӗренекенсен ӑслӑлӑхри ҫитӗнӗвӗсемпе паллаштарассине кӗртнӗ.

Конференцие 5-11-мӗш класра вӗренекенсем хутшӑнма пултарӗҫ.

DIVA анонсӗнчен илнӗ сӑнӳкерчӗк

Паян Шупашкара хальхи вӑхӑтри чаплӑ чӑваш ушкӑнӗсенчен пӗри, «DIVA», концертпа килнӗ.

Асӑннӑ ушкӑн пултарулӑхӗпе киленсе савӑнма, хавхаланса ҫунатланма куракансем (ку ырӑ хыпара ҫак йӗркесен авторӗ ку хыпара ҫак самантра пӗлчӗ) Чӑваш патшалӑх филармонине пуҫтарӑннӑ.

Чӑваш халӑх юррисене илемлетсе ҫӗнӗлле янӑратакан ушкӑн тӑван халӑхӑмӑрӑн культурин аталанӑвне чӑннипех те тӳпе хывать. Раштав уйӑхӗнче вӑл Мускавра концерт лартса парӗ.

"Контактри" сӑн

Паян Красноармейски округӗнчи Яманак ялӗнче пурӑнакан Анастасия Васильевна Викторова 100 ҫул тултарнӑ. Юбилейпа саламлама ӑна ЧР вӗренӳ министрӗ Дмитрий Захаров, Краснаормейски округӗн администрацийӗн пуҫлӑхӗ Павел Семенов саламлама килнӗ.

Анастасия Васильевна пурнӑҫне вӗрентӗвӗ, ачасене воспитани парассине халаллани Чӑваш халӑх сайчӗ маларах пӗлтернӗччӗ-ха. Шкулта вӑл 70 ҫул тултариччен ӗҫленӗ. Унӑн стажӗ – 42 ҫул.

culture.cap.ru сӑнӳкерчӗкӗ

Юпа 31-мӗшӗнче Чӑваш патшалӑх академи драма театрӗнче паллӑ актер, РСФСР халӑх артисчӗ, Чӑваш АССР халӑх артисчӗ, К.С. Станиславский ячӗллӗ патшалӑх премийӗн лауреачӗ Виктор Родионов ҫуралнӑранпа 100 ҫул ҫитнине халалланӑ аст каҫӗ иртнӗ.

Чаплӑ мероприятие актерӑн асӑну хӑми патне чечек хунинчен пуҫланнӑ, унта театр актерӗсем, журналистсем, тӑванӗсем театрта пухӑннӑ. Виктор Родионовӑн пултарулӑх биографийӗ Чӑваш драматрӗпе уйрӑлми ҫыхӑннӑ. Вӑл республикӑри театр искусствин историйӗнче тарӑн йӗр хӑварнӑ.

Аса илӳ каҫне тӳре-шараран Чӑваш Енӗн культура, национальноҫсен тата архив ӗҫӗсен министрӗн ҫумӗ Георгий Богуславский хутшӑннӑ.

cheb-centr.soc.cap.ru сӑнӳкерчӗкӗ

Паян, чӳк уйӑхӗн 1-мӗшӗнче, Шупашкарта пурӑнакан Анастасия Викторова 100 ҫул тултарнӑ.

Кинемей Красноармейски районӗнчи Яманак ялӗнче 1924 ҫулхи чӳк уйӑхӗн 1-мӗшӗнче ҫуралнӑ. Вӑл Тӑван ҫӗршывӑн аслӑ вӑрҫин ветеранӗ, тӑлӑх салтак арӑмӗ.

Анастасия Васильевна 7 класс вӗренсе пӗтерсен Ҫӗрпӳри педагогика училищине вӗренме кӗнӗ. 1943 ҫулта шкулта ӗҫлеме тытӑннӑ, тӑван колхоза та пулӑшнӑ. Ӗмӗрне Яманакри шкулта пуҫламӑш класс ачисене вӗрентсе ирттернӗ. Ҫав енӗпе вӑл 42 ҫул тӑрӑшнӑ.

Виҫӗ ача амӑшне паян виҫӗ мӑнук, мӑнукӗн 5 ачи савӑнтараҫҫӗ.

Паян республикӑра юр ҫӑвать. Каҫхине вӑйлах ҫӑвӗ. Анчах ҫӗрле юр вырӑнне ҫумӑр ӳкӗ.

Ыран, шӑматкун, ирхине те ӑшӑрах пулӗ: 4-9 градус. Анчах кӑнтӑрлаччен каллех сивӗтӗ. Ирхи 9 сехетре – йӗпе, кӑнтӑрла хыҫҫӑн типӗ юр ҫӑвӗ. Каҫхине вара ҫил-тӑман тухӗ.

Чӳкӗн 2-мӗшӗнче ҫумӑр ҫӑвӗ. Шӑматкун куҫхине 1-6 градус таран сивӗтӗ. Ҫӗре юр хуплӗ, ҫулсем пӑрлакланӗҫ.

Чӳкӗн 3-мӗшӗнче хушӑран юр ҫӑвӗ, хӗвел те пӑхкалӗ. Тунтикун юр ҫӑвӗ. Малтанлӑха пӗлтернӗ тӑрӑх, чӳкӗн 7-9-мӗшӗсенче юр ҫӑвӗ, ҫил-тӑман тухӗ.

Анатолий Аксаков Телеграм-каналӗнчи сӑн

РФ Патшалӑх Думини финанс рынокӗн ыйтӑвӗсемпе ӗҫлекен комитет председателӗ Анатолий Аксаков Тӗп банк пуҫлӑхне Эльвира Наибуллинӑна ҫуралнӑ кун ячӗпе «Раҫҫейӗн тӗрленӗ карттине» парнеленӗ.

Кӗнекере – 328 страница, пӗлтӗр вӑл 1500 тенкӗ тӑнӑ.

Сӑмах май, Раҫҫейӗн тӗрленӗ карттине 2022 ҫулта хӑтлӑлатнӑ.