|
Хулара
 21.мвд.рф сайтри сӑнӳкерчӗк Паян, ака уйӑхӗн 10-мӗшӗнче, Шупашкарти хӑна ҫурчӗсенче мигрантсене тӗрӗсленӗ. Ҫак ӗҫе миграци енӗпе ӗҫлекен специалистсемпе полицин участокри уполномоченнӑйӗсем пурнӑҫланӑ. Йӗрке хуралҫисем хулари 8 хӑна ҫуртне ҫитме ӗлкӗрнӗ. Миграци саккунне пӑсакансем Шупашкарта та пур иккен. Сӑмахран, Туркменистан ҫынни пирӗн ҫӗршыва вӗренме тесе килнӗ. Анчах ӑна Ҫӗнҫӗпӗтри аслӑ шкултан кӑларса янӑ, анчах вӑл тӑван ҫӗршывне каяс вырӑнне Шупашкара килнӗ. Полицейскисем ӑна виҫӗ кунта пирӗн ҫӗршывран тухса каймалли пирки асӑрхаттарнӑ. Шри-Ланкӑран кунта вӗренме килнӗ виҫӗ ҫын миграци учетӗнче кӑтартнӑ адреспа пурӑнман. В хостеле в новоюжном микрорайоне Чебоксар полицейские обнаружили приезжего из Узбекистана, включенного в реестр контролируемых лиц. Для разбирательства мужчина доставлен в подразделение по вопросам миграции. Мероприятия по проверке иностранных граждан продолжаются. Хыпар ҫӑлкуҫӗ:
|
|
Пӑтӑрмахсем
 Телеграмри t.me/nikamran каналтан илнӗ сӑнӳкерчӗк Канашра пурӑнакан ҫемьере харкашу сиксе тухнӑ. Арӑмӗпе упӑшки хирӗҫсе кайнӑ та 37 ҫулти хӗрарӑм электрогитара ярса тытнӑ. Кун пирки Телеграмри «Пуринчен малтан» каналта пӗлтернӗ. Гитарӑпа темиҫе хутчен ҫапнипех ҫырлахман-ха усал хӗрарӑм. Вӑл алла ҫӗҫӗ ярса илнӗ, унпа упӑшкин аллине суранлатнӑ. Кайран хӑйех васкавлӑ медицина пулӑшӑвӗн тухтӑрӗсене чӗнсе илнӗ, полицие пӗлтернӗ. Хыпар ҫӑлкуҫӗ:
|
|
Хулара
 21.мвд.рф сайтри сӑнӳкерчӗк Шупашкарти право хуралҫисем ака уйӑхӗн 1-8-мӗшӗсенче хулара «Надзор» (чӑв. Сӑнав) оперативлӑ профилактика мероприятийӗ ирттернӗ. Ҫав вӑхӑтра судпа унччен айӑпланнӑ 600 ытла ҫынна тӗрӗсленӗ. Ҫавсем – полицире профилактика учетӗнче тӑваҫҫӗ. Йывӑр тата уйрӑмах йывӑр преступлени тунисене пушшех те тӗплӗн тӗрӗсленӗ. Мероприятие полицин участокри уполномоченнӑйӗсем, ҫул ҫитменнисемпе ӗҫлекен инспекторсем, пуҫиле шырав ӗҫченӗсем, патрульпе пост службин ӗҫченӗсем, патшалӑхӑн ҫул-йӗр хӑрушсӑрлӑхӗн инспекторӗсем, халӑх дружинникӗсем таранаххутшӑннӑ. Административлӑ надзор йӗркине пӑхӑнман 5 ҫын тӗлӗшпе пуҫиле ӗҫ пуҫарнӑ, 50 ытла ҫын тӗлӗшпе адмпротоколсем шӑрҫаланӑ, 132 ҫынна сиенлӗ йӑла-йӗркерен сиплемелли ҫинчен наркологсене хыпарланӑ. Хыпар ҫӑлкуҫӗ:
|
|
Хулара
 rg.ru сайтри сӑн Египета ҫитсе курма ӗмӗтленнӗ арҫынна палламан ҫынсем улталанӑ. Вӑл Шупашкарта пурӑнать, 24 ҫулта. Египетра канма ӗмӗтленекен арҫын интернетра суя пӗлтерӳ тӗлне лекнӗ, путевкӑна илме шутланӑ. Ҫавна май вӑл пӗр ушкӑнра хӑйӗн даннӑйӗсене хӑварнӑ. Унпа хӑйӗнпе «менеджер» тесе паллаштарнӑ ҫын ҫыхӑннӑ, килӗшӳ ярса панӑ. Арҫын 130 пин тенкӗ куҫарса панӑ. Анчах кун хыҫҫӑнах «туроператор» ҫухалнӑ. Арҫыннӑн полицие кайма тивнӗ. Хыпар ҫӑлкуҫӗ:
|
|
Пӑтӑрмахсем
 "Контактри" сӑн Чӑн-чӑн детектив пекех. Ку Чӑваш Енрех пулса иртнӗ. Джой ятлӑ овчарка кафере ҫынна вӗлерме тӑнӑ преступнике тупма пулӑшнӑ. Ӗҫ-пуҫ ҫапла пулса иртнӗ: каччӑ ҫуралнӑ кунне паллӑ тунӑ, унтан ӑна такам мӑйӗнчен ҫӗҫӗпе чикнӗ. Преступник тарнӑ, анчах карттусӗпе телефонне ӳкерсе хӑварнӑ. Джоя ҫакӑ кӑна кирлӗ пулнӑ – шӑршӑпа полицейскисене йӗр ҫине ӳкернӗ. Ҫапла ҫав арҫынна шыраса тупнӑ. Джойӑн напарникӗ – Анастасия Рысева кинолог. Хыпар ҫӑлкуҫӗ:
|
|
Хулара
 cap.ru сайтри сӑн Шупашкарта «Пехет» агромаркет тӑвасси пирки унччен пӗлтернӗччӗ. Унта банкет залӗ те пулассине пӗлтереҫҫӗ. Нумаях пулмасть объекта премьер-министрӑн тивӗҫӗсене пурнӑҫлакан Сергей Артамонов ҫитсе курнӑ. Унти ӗҫсем мӗнле пулнипе кӑмӑллӑ юлнӑ вӑл, агромаркет ҫулла уҫӑлассине пӗлтернӗ. Аса илтерер: «Пехет» агромаркет Шупашкарти «Каскад» суту-илӳ центрӗн цоколӗнче пулӗ. Унта общество апатланӑвӗн 4 вырӑнӗ, 76 фермер вырӑнӗ, вырӑнти производительсем валли 12 зона пулӗҫ. Хыпар ҫӑлкуҫӗ:
|
|
Пӑтӑрмахсем
 "За рулем" порталти сӑн Паян ирхине 6 сехет те 40 минутра Шупашкарта «Газопровод» чарӑнура маршрутка ҫунса кайнӑ. Ҫулӑм Fiat Ducato автобуса хӑвӑртах ярса илнӗ. Транспортран нимӗн те юлманпа пӗрех. Ҫав вӑхӑтра йӗрке хуралҫисем «Дорис парк» чарӑну енчен килекен транспорта унталла кайма чарнӑ, тавран янӑ. Хыпар ҫӑлкуҫӗ:
|
|
Персона
 "Контактри" сӑн Шупашкарти Сергей Зельтюков – интереслӗ ҫын. Вӑл ҫутҫанталӑкра канма юратать. Ӗҫ хыҫҫӑн вӑл Атӑл ҫинчи утравсем ҫине кайма кӑмӑллать. Хӑш чухне унта ҫемйипех каять. Утрав ҫинче вӑл канмалли вырӑн ятарласа хатӗрленӗ. Сергей пулӑ тытма та юратать. Пӗррехинче вӑл 63 килограмм таяканнине ҫаклатнӑ. Уншӑн пулли хӑй мар, ӑна тытасси киленӳ кӳрет. «Утрав ҫине икӗ эрне каймасан тунсӑхласах ҫитетӗп, ҫутҫанталӑка тухас килет», – тет Сергей. Хыпар ҫӑлкуҫӗ:
|
|
Персона
 mk.ru сайтри сӑн Казахстанри ҫыравҫӑсен пӗрлӗхӗ ЧР Писательсен союзӗн правленийӗн председательне, Чӑваш халӑх ҫыравҫине Юхма Мишшине 89 ҫул тултарнӑ ятпа саламланӑ. Саламлӑ ҫырура Михаил Николаевичӑн хайлавӗсем чӑваш тата вырӑс литературине аталантарас ҫӗрте пысӑк тӳпе хывнине, кашни йӗркере, сӑмахра унӑн шухӑшӗсем, кулянӑвӗсем пулнине палӑртнӑ. Ҫыру айне Казахстанри Ҫыравҫӑсен правленийӗн председателӗ Мереке Кулькенов алӑ пуснӑ. Юхма Мишши ҫинчен тӗплӗнрех РУВИКИн чӑваш уйрӑмӗнче паллашма пулать. |
|
Пӑтӑрмахсем
 t.me/chuv_prok сӑнӳкӗрчӗкӗ Йӗпреҫ поселокӗнче пурӑнакан 78 ҫулти ватӑ тротуарпа утса пынӑ чухне шуҫса ӳкнӗ. Пӑтӑрмахра шар курнӑ ҫын тухтӑрсенчен пулӑшу ыйтнӑ. Чӑваш Енӗн прокуратуринче пӗлтернӗ тӑрӑх, инкек Мересьев урамӗнчи пӑрлакаланса ларнӑ тротуара пула сиксе тухнӑ. Пӗлтӗрхи раштав уйӑхӗнче пулнӑ пӑтӑрмахра шар курнӑ пенсионера хӳтӗлесе прокуратура суда тавӑҫпа тухнӑ. Надзор органӗ ватта кӑмӑл-сипет тӗлӗшӗнчен сиен кӳннине саплаштарма ыйтнӑ. Суд вырӑнти тӳре-шарана пенсионера 30 пин тенкӗ тӳлеттерме йышӑннӑ. Хыпар ҫӑлкуҫӗ:
|
+10.3 °C