«Контактри» сӑн

Хӗрлӗ Чутай тӑрӑхӗнче «Иксӗлми Чутай ҫӑлкуҫӗсем» фестиваль иртнӗ. «Арданас» тата «Ҫартмас» фольклор ушкӑнӗсем чӑвашсен утҫи вӑхӑтӗнчи йӑли-йӗркине кӑтартнӑ.

«Шуҫӑм», «Айхал» тата «Елӗм» фольклор ушкӑнӗсем салтака ӑсатнине туса кӑтартнӑ. «Хӑмӑш» тата «Хӑнатар» фольклор ушкӑнӗсем туй юрри-ташшипе савӑнтарнӑ. «Шокӑль» тата «Сӑр таппи» халӑх фольклор ансамблӗсем Ҫӑвӑрни йӑли-йӗркипе паллаштарнӑ.

dog-food.su сайтри сӑн

Чӑваш Енрен Китая чӑх ури ӑсатни пирки сайтра унччен хыпарланӑччӗ. Кӑҫалхи 10 уйӑхра унта 5 пин тонна чӑх ури янӑ.

Кунсӑр пуҫне Китая чӑх ҫунатти нумай ӑсатнӑ. Ку ҫӗршывра пурӑнакансем Чӑваш Енри кӑвакалпа кӑрккан ӳпки-пӗверне те кӑмӑллаҫҫӗ. Вӗсене те пирӗн патран Китая ӑсатаҫҫӗ.

pravdapfo.ru сӑнӳкерчӗкӗ

Шупашкар хулинчи 28 шкулти 80 класа каратина хупнӑ. Вӗсене халӗ инҫет сыхӑну мелӗпе вӗрентеҫҫӗ. Хулари 3-мӗш лицей пӗтӗмпех дистанци мелӗпе вӗренет.

Сӑмах май каласан, ОРВИпе тата гриппа чирлекен нумай. Юлашки икӗ эрнере грипа тата ОРВИне пула пульницӑна лекнисен йышӗ Чӑваш Енре 1,8 хут ӳснӗ.

www.cap.ru сӑнӳкерчӗкӗ

Паян Чӑваш Енӗн Ҫут ҫанталӑк ресурсӗсен тата экологи министрӗн пӗрремӗш ҫумӗ пулма Ольга Александровӑна шаннӑ.

Унччен Ольга Сергеевна Экологин ӑслӑлӑхпа тӗпчев институчӗн директорӗнче ӗҫленӗ. Паян ӑна ҫав должноҫрен хӑтарса министр ҫумӗ пулма шаннӑ. Министр ҫумӗ пулса вӑл ырантан, раштавӑн 16-мӗшӗнчен, ӗҫлеме тытӑнӗ.

ШӖМ тунӑ сӑн

Шупашкарти 20-ри хӗр пӗрле пурӑнакан хӗр тусӗн апачӗ ҫине ҫывӑратакан эмел янӑ та унӑн 5 пин ытла тенкине вӑрланӑ.

Шар курнӑ хӗрарӑм укҫа ҫухалсан полицие кайнӑ. Йӑлтах каласа кӑтартнӑ: 5 пин те 400 пин тенке вӑл хваттер илме пухнӑ, ӑна банкра упранӑ. Кӑшт маларах унран пӗрле пурӑнакан 20 ҫулти хӗр укҫа ыйтнӑ иккен. Ҫавӑнпа полици укҫана вӑл вӑрлама пултарать тесе шухӑшланӑ.

Чӑнах та, кайран ҫакӑ палӑрнӑ: 20-ри хӗр патне ултавҫӑсем шӑнкӑравланӑ, вӗсене ӗненсе вӑл хӑйӗн 700 пин тенкине куҫарса панӑ. Лешсем ӑна тусӗн укҫине те «деклараци» тумаллине ӗнентернӗ, укҫана курьера пама, Чулхулана кайса унта «ФСБ ӗҫченӗсенчен» хушу кӗтме хушнӑ. Хӗр тусӗ нимӗн те ан систӗр тесе вӑл унӑн апачӗ тата чейӗ ҫине ҫывӑратакан эмел янӑ. Лешӗ ҫывӑрнӑ чухне ултавҫӑсем хушнине пурнӑҫланӑ та.

20-ри хӗр тӗлӗшпе пуҫиле ӗҫ пуҫарнӑ.

Ҫак кунсенче Ҫеҫпӗл Мишши фончӗ вулакана тата тепӗр паха кӗнеке парнелерӗ. Ку вӑл — Чӑваш АССРӗн К.В.Иванов ячӗллӗ Патшалӑх премийӗн лауреачӗн Куҫма Турханӑн (1915–1988 ҫҫ.) «Сӗве Атӑла юхса кӗрет» трилоги-романне тишкернӗ хайлавсен «Икӗ вут хушшинче» ятлӑ пуххи.

Вӗсен авторӗсем виҫҫӗшӗ те Халӑхсем хушшинчи Ҫеҫпӗл Мишши ячӗллӗ преми лауреачӗсем — Чӑваш Республикин искусствисен тава тивӗҫлӗ деятелӗ Аристарх Дмитриев, Чӑваш халӑх поэчӗ Валери Туркай тата Тутарстан халӑх поэчӗ Ренат Харис.

Асӑннӑ авторсем виҫҫӗшӗ те К.С.Турханӑн вилӗмсӗр романне питӗ пысӑка хурса хаклаҫҫӗ, ку хайлав чӑваш, тутар, вырӑс тата ҫармӑс халӑхӗсен авалхи историне лайӑхрах пӗлме, Раҫҫейри халӑхсен туслӑхне ҫирӗплетме пулӑшнине палӑртаҫҫӗ.

Ҫеҫпӗл Мишши фончӗ ҫитес вӑхӑтра «Икӗ вут хушшинче» кӗнекене Шупашкарти филолог-студентсене тата чӑваш литературине чунтан юратакан шкул ачисене парнелеме палӑртать.

«За рулем» порталти сӑн

Паян Шупашкарта Гузовский урамӗнче «Хендай» кроссовер «Ҫутҫанталӑк» чарӑну ҫине пырса кӗнӗ. Ку кӑна мар, павильона витӗр шӑтарса тухнӑ.

Ку 11 сехет тӗлӗнче Маяковский вулавӑшӗ енче пулнӑ. Иномарка хирӗҫ ҫул ҫине тухса кайса чарӑну павильонӗ ҫине пырса тӑрӑннӑ. Малтанлӑха пӗлтернӗ тӑрӑх, аманнисем пур.

Вырӑнта ҪҪХПИ тата васкавлӑ мудпулӑшу ӗҫлеҫҫӗ.

pravdapfo.ru сайтри сӑн

Паян, раштавӑн 15-мӗшӗнчен, Шупашкарта елка пасарӗсем ӗҫлеме тытӑннӑ. Вӗсем раштавӑн 31-мӗшӗччен ӗҫлӗҫ.

Пӗтӗмпе 15 вырӑнта чӑрӑш сутаҫҫӗ: Трактор тӑвакансен проспекчӗ («Шупашкар» суту-илӳ ҫурчӗ ҫывӑхӗнче, 45-мӗш тата 71-мӗш ҫуртсем патӗнче), Гагарин урамӗнчи 29-мӗш ҫурт, Ильбеков урамӗнчи 7/2-мӗш ҫурт, Хузанкай урамӗнчи 22-мӗш ҫурт, К. Маркс урамӗнчи 52-мӗш ҫурт, Павлов мичман урамӗнчи 39-мӗш ҫурт, Энтузиастсен урамӗ (31-мӗш ҫурт ҫывӑхӗнче тата «ДК Салют» чарӑну патӗнче), Эльгер урамӗ (фермерсен мини-пасарӗнче), Афанасьев урамӗ (суту-илӳ картишӗнче), Мускав проспектӗнчи 40-мӗш ҫурта («Ахазов урамӗ») чарӑну патӗнче, М. Горький проспекчӗ («Арктика» лавкка патӗнче).

Раштавӑн 20-мӗшӗнче вара Хӗрлӗ тӳремре Хӗл Мучи резиденцийӗ ӗҫлеме тытӑнӗ. Унта тӳлевсӗрех кӗртеҫҫӗ.

Халӑх тетелӗсенче ЧР Элтеперӗпе Олег Николаевпа ҫыхӑннӑ суя видео сарӑлма тытӑннӑ. Олег Алексеевич ӑна такамсем нейросетьпе тунине, калаҫӑва чӑн мар ӑс-хакӑлпа ҫыртарнине пӗлтернӗ.

Видеора Элтепер тӳлевсене пӗчӗклетнӗ хыҫҫӑн ҫынсем ятарлӑ ҫар операцине кайманшӑн пӑшӑрханнине калать-мӗн. Олег Николаев ку хыпара ӗненмелле маррине пӗлтернӗ, официаллӑ ҫӑлкуҫсене кӑна шанмаллине каланӑ. Вӑл пӗлтернӗ тӑрӑх, ку тӗслӗх тӗлӗшпе йӗрке хуралҫисем ӗҫлеҫҫӗ — видеоролике хатӗрленӗ ҫынна тупсан явап тыттарӗҫ.

«Ҫанталӑк 21» порталти сӑн

Ӗнер ҫил вӑйланнине пула урамра 25-30 градус сивӗ пек туйӑннӑ. Кӗҫӗр тата паян ирхине ҫил хушӑран ҫеккунтра 17 метр хӑвӑртлӑхпа вӗрнӗ. Ку эрнере вара ҫанталӑк мӗнле пулӗ? «Ҫанталӑк 21» портал акӑ мӗн хыпарлать.

Ҫил майӗпен лӑпланӗ, ыран лапкӑ пулӗ. Ытларикун ҫӗрле ҫӳлти Атӑл тӑрӑхне ӑшӑ фрончӗ килӗ, юр ҫумӗ. Каҫхине вара каллех ҫил вӑйланӗ, кӑштах ҫил-тӑман вӗҫтерӗ. Юнкун кӑнтӑрла юр ҫума чарӑнӗ.

Кӗҫнерникун юр ҫӑвӗ, ҫил вӑйланӗ, термометр 0 градус патнелле кӑтартӗ. Эрнекун ҫил лӑпланӗ, ӑшӑтма пултарӗ, каҫхине каллех юр ӳкӗ.

Малтанлӑха пӗлтернӗ тӑрӑх, канмалли кунсенче сивӗтӗ, 11-16 градус сивӗ пулӗ. Шӑматкун хӗвел тухма пултарӗ.