"Контактри" сӑн

«Раҫҫей туризм мисӗ» илем конкурсне пирӗн ентеш те, Шупашкарти пике, хутшӑнӗ.

Конкурс Чӑваш Енре утӑ уйӑхӗн 20-25-мӗшӗсенче иртӗ.

Пирӗн республика чысне Влада Комарова хӳтӗлӗ. Сӑмах май, вӑл кӑҫал «Чӑваш Ен мисӗ» ята ҫӗнсе илнӗ. Хальхинче конкурсра хӗр Раҫҫейӗн тӗрлӗ кӗтесӗнче тӗпленнӗ 29 чиперккепе тупӑшӗ.

Палӑртса хӑварар: финал Ҫӗнӗ Шупашкарти «Химик» культура керменӗче иртӗ.

Инкелӗ лару-тӑру министерстви тунӑ сӑн

Аслисем ҫывӑрнӑ чухне ачасем шӑрпӑкпа выляса пушар кӑларнӑ. Ҫулӑмран вӗсен тӑванӗ тухайман.

Ку инкек ӗнер каҫхине Йӗпреҫ округӗнчи Ленино ялӗнче пулнӑ. Аслисем ҫывӑрнӑ чухне 6-ри арҫын ачапа пӗчӗк хӗрача крыльца ҫинче шӑрпӑкпа вылянӑ, япаласене чӗртсе, янӑ. Ҫулӑм алӑк умӗнче хӑвӑрт сарӑлнӑ.

Амӑшӗ ҫак 2 ачана тата вӗсен пиччӗшне чӳречерен урама кӑларнӑ, кайран ашшӗ тухнӑ. Пӳртре 56-ри тӑванӗ юлнӑ. Шел те, вӑл ҫунса кайнӑ.

vk.com/mincult21 сӑнӳкерчӗкӗ

Ҫеҫпӗл Мишши ячӗллӗ Чӑваш патшалӑх ҫамрӑксен театрӗн артистне Дмитрий Петрова «Чӑваш Республикин тава тивӗҫлӗ артисчӗ» ят панӑ.

Дмитрий Анатольевич 1979 ҫулта Шӑмӑршӑ районӗнче ҫуралнӑ. 2005 ҫулта вӑл Чӑваш патшалӑх культура тата ӳнер институтӗнчен вӗренсе тухнӑ. Унта «Драма театрӗн тата кино артисчӗ» специальноҫа алла илнӗ. Вӗреннӗ вӑхӑтрах, 2003 ҫулта, театр турппине илнӗ.

Шупашкарта пурӑнакан 26 ҫулти арҫын налук декларацийӗ тӗрӗс мар тесе укҫасӑр тӑрса юлнӑ. Пӑтӑрмах налук инспекцийӗнчен тесе пӗр хӗр шӑнкӑравланинчен пуҫланнӑ. Хайхи каччӑна декларацие тӗрӗс мар ҫырнӑ, ӑна тӳрлетме налук инспекцине пымалла, ун валли вара электрон черете тӑмалла, черете тӑма смс-кода пӗлтермелле тесе ӗнентернӗ.

Ун хыҫҫӑн каччӑ патне патшалӑх пулӑшӑвӗн порталӗнчен, Центробанкран текенсем шӑнкӑравлама тапранса кайнӑ. Вӗсем ӑна ун ячӗсем ултавҫӑсем кредит илме заявка панӑ тесе хӑратнӑ, укҫана хӑрушсӑр счет ҫине куҫарма ӳкӗте кӗртнӗ.

Ҫамрӑк арҫын хӑй пухса пынӑ 800 пин тенке тата кредитла илнӗ 1 миллион тенке ют ҫынсене куҫарса панӑ.

chuvashia.sledcom.ru сӑнӳкерчӗкӗ

Шупашкарта пурӑнакан пӗр хӗрарӑм перле пурӑннӑ раҫынна ҫӗҫӗпе чиксе вӗлернӗ. Пӑтармах утӑ уйӑхӗн 3-мӗшӗнче пулса иртнӗ. 46 ҫулти хӗрарӑм тӗлӗшпе йӗрке хуралҫисем халӗ пуҫиле ӗс пуҫарнӑ.

Тӗпчевҫӗсем палӑртнӑ тӑрӑх, утӑ уйӑхӗн 3-мӗшӗнчи каҫхине арҫынпа хӗрарӑм эрех ӗҫнӗ. Унтан иккӗшӗ хирӗҫсе кайна, хӗрарам алла ҫӗҫе ярса илнӗ те унпа 5 хутран кая мар чикнӗ.

Йывӑр суранланнӑ арҫын кӑштахран вилсе кайнӑ.

"Првда ПФО" тӗнче тетеленчи хаҫатри сӑнӳкерчӗксемпе усӑ курса Таисия Ташней хатӗрленӗ коллаж

Шупашкарӑмӑр кӳлмекӗ чӑннипех те илемлӗ. Унта курса ҫӳремелли-паллашмалли чылай. Ҫавӑн пек вырӑнсенчен пӗри — Истори тӳремӗ. Унта ҫавра тенкелсемпе кантак витринӑлла сӗтелсем пур. Унта Чӑваш Енен историйӗпе ҫыхӑннӑ артефактсемпе паллашма пулать.

Анчах Шупашкара нумаях пулмасть килнӗ хӑна, РСФСР Верховнӑй Совечӗн депутачӗ (1990–1993 ҫҫ.) ҫын, эксперт, консультант Валерий Михайлов, йӑнӑш асӑрханӑ. Андриян Николаев космонавта халалланӑ экспозицире ентешӗмӗр уҫлӑха пӗрремӗш хут хӑпарсан орбитӑра 18 талӑк ирттернӗ тесе ҫырса хунӑ. Тӗрӗссипе вара — 4 кун. Иккӗмӗш хутӗнче вӑл 17 талӑк та 16 сехет те 59 минут пулнӑ.

kprf121.ru сайтри сӑн

Чӑваш Енре коммунистсем каллех Сталин бюстне вырнаҫтарнӑ. Ку – тӑваттӑмӗш.

Хальхинче бюста Комсомольски округӗнчи Асанкасси ялӗнче Киров урамӗнчи 35-мӗш ҫуртӑн пахчинче вырнаҫтарнӑ. Хальхине те, унчченхисене те Н.К.Шемякин скульптор хатӗрленӗ. Тӑваттӑмӗш бюста шӑпах унӑн мӑшӑрӗн ашшӗ-амӑшӗ килӗ умӗнче лартнӑ. Арӑмӗн ашшӗ Тӑван ҫӗршывӑн Аслӑ вӑрҫинче пулнӑ, амӑшӗ – ӗҫ фрончӗн ветеранӗ, хисеплӗ колхозница.

Малтанхи 3 бюст ҫак тӑрӑхсенче вырнаҫнӑ: Канаш округӗнчи Вӑтапуҫра, Хӗрлӗ Чутай тӑрӑхӗнчи Хурапырта тата Вӑрнар округӗнчи Чарӑшкас Хирлеп ялӗнче.

cap.ru сайтри сӑн

Ыран, утӑ уйӑхӗн 12-мӗшӗнче, Шупашкарта ретро-троллейбуспа ярӑнма май пулӗ. 1964 ҫулта линине тухнӑ ЗИУ-5 троллейбуспа хула тӑрӑх хӑйне евӗр экскурси ирттерӗҫ. Вӑл «Чукун ҫул вокзалӗ» чарӑнуран ҫула тухӗ, тек ниҫта та чарӑнмӗ, экскурси 2 сехете тӑсӑлӗ. Троллейбусра апат ҫиме юраманни пирки асӑрхаттараҫҫӗ.

Экскурси тӳлевлӗ. Билет хакӗ — 200 тенкӗ, 7 ҫул тултарман ачасене — тӳлевсӗр. Билета малтан (8352) 44-29-84 телефон номерӗпе саккас туса хумалла.

Антонина Андреева страницинчен илнӗ сӑнӳкерчӗк

Ҫак эрнере, утӑ уйӑхӗн 8-мӗшӗнче, Чӑваш Енен наци вулавӑшӗнче И. Н. Ульянов ячӗллӗ чӑваш патшалӑх университетӗнче пулас журналистсене хатӗрлес ӗҫре нумай ҫул тӑрӑшнӑ Анатолий Абрамовӑн 65 ҫулхине халалланӑ пултарулӑх каҫӗ иртнӗ.

Вулавӑш ӗҫченӗ Антонина Андреева халах тетелӗнчи хайӗн страницинче хыпарланӑ тӑрӑх, юбиляра саламлама ачисем, ҫывӑх тӑванӗсем, паллӑ артистсем, журналистсем, ҫыравҫӑсем, преподовательсем, хӑй вӗрентсе кӑларнӑ студентсем пуҫтарӑннӑ.

«Анатолий Серафимович - юратнӑ та хисеплӗ вӗрентекен ҫеҫ мар, чаплӑ фотограф, артист, ӑста строитель, сӑвӑҫ, юрӑҫӑ. Пӗр ҫын ҫакӑн чухлӗ талантлӑ пулни пурне те тӗлӗнтерчӗ. Кашни тухса калаҫакан юбиляр ҫинчен чи ӑшӑ самантсене аса илсе, иртнишӗн те хальхишӗн те тав туса чӗререн тухакан сӑмахсемпе саламларӗҫ», - пӗлтернӗ хыпарта.

Анатолий Абрамова саламлама Мускав хулинчен «Шевле» ушкӑн юрӑҫисем Валентина Попова, Григорий Вакку тата Гелий Илларионов ятарласа килнӗ.

Чӑваш академи драма театрӗн видеовӗнчен илнӗ сӑнӳкерчӗк

К.В. Иванов ячӗллӗ Чӑваш патшалах академи драма театрӗ ҫамрӑксене Мускава вӗренме яма суйласа илессине эпир унччен пӗлтернӗччӗ-ха. Халӗ эпир телейлисем камсем иккенне те пӗлтӗмӗр. Ун пирки Марина Карягина халах тетелӗнчи хӑйӗн страницинче пӗлтернӗ.

Мускаври Щукин ячӗллӗ Театр институтӗнче Анастасия Азанова, Александр Кузьмин, Елена Михайлова, Степан Никифоров, Анастасия Пашкова, Нина Яковлева Мускавра тӳлевсӗр вӗренӗҫ. Тепӗр тӑватӑ ҫултан вӗсем К.В.Иванов ячӗллӗ Чӑваш патшалӑх академи драма театрне таврӑнӗҫ.