21.мвд.рф сӑнӳкерчӗкӗ

Шупашкарта пурӑнакан 37 ҫулти хӗрарӑм пӗлтӗрхи чӳк уйӑхӗнче кӗрӗк туянас тенӗ. Халӑх тетелӗнче вӑл йӳнӗ хакпа кӗрӗк сутакан ушкӑна асӑрханӑ. Хӑйне килӗшекен атвар тупсан хӗрарӑм тавар сутаканпа ҫыхӑннӑ. Вӑл ӑна кӗрӗк хакне, 11 пин те 200 тенке, куҫарса панӑ. Анчах кӗрӗк килмен.

Пӑтӑрмах пирки хӗрарӑм йӗрке хуралҫисене пӗлтернӗ. Лешсем улталанӑ тӗслӗхпе пуҫиле ӗҫ пуҫарнӑ. Улталаканни Мускав облаҫӗнче пурӑнакан 33-ри хӗрарӑм пулнӑ.

Ҫӗрпӳ районӗнчи Туҫи ялӗнчи И.Н. Ульянов ячӗллӗ ял хуҫалӑх кооперативӗнче рабочи склад тӑрринчен персе аннӑ.

Ҫу уйӑхӗн 27-мӗшӗнче арҫын склад ҫивиттине сӳтнӗ. Инкек ҫавӑн чухне пулса иртнӗ. 1,8 метр ҫӳллӗшӗнчен ӳксен арҫын суранланса пӗтнӗ тата шӑммине хуҫнӑ.

Тӗпчевҫӗсем палӑртнӑ тӑрӑх, инкек предприятире ӗс хӑрушсӑрлӑхӗн правилине пӑхӑнмаран сиксе тухнӑ. Арҫыннӑн ятарласа ҫыхӑнмалли хатӗр те пулман.

Пӑтӑрмах тӗлӗшпе РФ Пуҫиле кодексӗн 143-мӗш статйин 1-мӗш пайӗпе пуҫиле ӗс пуҫарнӑ.

«Контактри» сӑн

Шупашкарта пурӑнакан Фроловсем ылтӑн туйӗнче наци тумне тӑхӑннӑ.

Мӑшӑр 1975 ҫулта пӗрлешнӗ, ҫак таранччен ҫемье ӑшшине упраса хӑварнӑ. Вӗсем паянхи кун та общество ӗҫӗсене хастар хутшӑнаҫҫӗ.

Екатерина Сильвестровна пир-авӑр комбинатӗнче чылай ҫул ӗҫленӗ, халӗ ятарлӑ ҫар операцийӗнчи салтаксем валли нуски ҫыхать. Николай Николаевич — ӗҫ ветеранӗ, Трактор заводӗнче токарьте 43 ҫул ӗҫленӗ.

Ылтӑн туй кунӗнче мӑшӑр, 50 ҫул каяллахи пекех, пӗр-пӗрне ҫӗрӗ тӑхӑнтартнӑ.

Синоптиксем ку эрнере мӗнле ҫанталӑк пулассине пӗлтернӗ. Паян хушӑран ҫумӑр ҫукалӗ. Ыран та, ытларикун, ӑшӑ пулӗ-ха, хӗвел ҫинче 32-37 градус шӑрӑх пекех туйӑнӗ. Кӑнтӑрла хыҫҫӑн вара аслатиллӗ ҫумӑр ҫума, ҫил вӑйланма пултарать.

Эрне варринче хушӑран ҫумӑр ҫума пултарать. Термометр кӑнтӑрласерен 22-27 градус кӑтартӗ.

Канмалли кунсенче уяр ҫанталӑк тӑрӗ. Анчах ҫӗрле 10-15 градус кӑна ӑшӑ пулӗ.

Малтанлӑха пӗлтернӗ тӑрӑх, ҫитес эрне пуҫламӑшӗнче ҫуллахи лайӑх ҫанталӑк тӑрӗ. Утӑ уйӑхӗн 31-мӗшӗнче каллех ҫумӑр пулӗ, ҫурла пуҫламӑшӗнче пуҫламӑшӗнче те ҫӑвӗ.

culture.cap.ru сӑнӳкерчӗкӗ

Ҫурла уйӑхӗн 2-мӗшӗнче, 10 сехетре, Улатӑрта вырӑс культурин «Звучи, российская глубинка!» Пӗтӗм Раҫҫейри фестивалӗ иртӗ.

Вырас наци культурин уявӗнче ҫӗршывӑн тӗрлӗ кӗтесӗнчи пултарулӑх коллективӗсен пултарулӑхӗпе паллашма май килӗ.

«Золотой колчан» конкурс та иртӗ. Унта халах промыслисен ӑстисен ӗҫӗсемпе паллашма тата туянма май килӗ.

Мероприятие йӗркелекенсенчен пӗри, Чӑваш Енри Вырӑс культурин центрӗн председателӗ Татьяна Ежова палӑртнӑ тӑрӑх, ку вӑл тӗрлӗ наци хушшинчи туслӑха кӑтартса паракан уяв та пулӗ.

chuvdram.ru сӑнӳкерчӗкӗ

Утӳ уйӑхӗн 18-мӗшӗнче Чӑваш академи драма театрӗнче Хальхи ӳнерӗн II чӑваш биеннали уҫӑлнӑ.

Марина Карягина журналист халӑх тетелӗнчи хӑйӗн страницинчен пӗлтернӗ тӑрӑх, Чӑваш биенналин теми - «Ҫич ҫунатлӑ ҫурт», вӑл Чӑваш Ен культуринчи «кил-ҫурт» ӑнлава пур енлӗн кӑтартать.

«Раҫҫейӗн тӗрлӗ регионӗнчен пухӑннӑ 50 ытла ӳнерҫӗ хӑйӗн ӗҫӗнче кил-ҫурта культурӑн пӗр пайӗ, астӑвӑм тата философи символӗ пек тӗпчесе пире паллаштараҫҫӗ. Ӳнерҫӗсем кунта мифсемпе халапсене, авалтан килекен йӑласене, эпир пурӑнакан вырӑнӑн — пире ялан "кил!" тесе кӗтекен килӗн - хальхи уйрӑмлӑхӗсене тӗрлӗ меслетпе чӗртсе тӑратаҫҫӗ», — хыпарланӑ Марина Карягина.

Мероприяти ҫурла уйӑхӗн 10-мӗшӗнче хупӑнӗ. Унпа тунтикунсӑр пуҫне кашни кунах 12 сехетрен пуҫласа 20 сехетчен паллашма май килӗ.

Театрпа капелла сӑнӳкерчӗксемпе усӑ курса Таисия Ташней хатӗрленӗ коллаж

Чӑваш Енри икӗ пултарулӑх ӑсти хисеплӗ ята тивӗҫнӗ. Хушӑва республика Элтеперӗ Олег Николаев иртнӗ эрнере алӑ пуснӑ.

Чӑваш патшалӑх ҫамрӑксен театрӗн тӗп режиссёрне Дмитрий Михайлова «Чӑваш Республикин тава тивӗҫлӗ артисчӗ» хисеплӗ ят панӑ. Ун пек ята Шупашкарти «Классика» капелли» концерт учрежденийӗн тӗп дирижёрӗ Владимир Петров та тивӗҫнӗ.

Инкеклӗ лару-тӑру министерстви тунӑ сӑн

Утӑ уйӑхӗн 19-мӗшӗнче Чӑваш Енре 2 ҫын путса вилнӗ.

Пӗрремӗш пӑтӑрмах Канаш округӗнче пулнӑ. Кӑнтӑрла Чулкӑмака ялӗнче ялти ҫынсем пӗверен 54 ҫулти арҫыннӑн виллине кӑларнӑ.

Каҫхи 8 сехет хыҫҫӑн вара «Росинка» санатори ҫывӑхӗнче инкек пулнӑ. Унта водолазсем Атӑлтан 35 ҫулти арыннӑн виллине тупса ҫыран хӗррине илсе тухнӑ.

www.cap.ru сӑнӳкерчӗкӗ

Раҫҫей Федерацийӗн Федерацин хӑрушсӑрлӑх службие йӗркеленӗренпе ута уйӑхӗн 20-мӗшӗнче 105 ҫул ҫитнӗ. Ҫав ятпа Чӑваш Ен Элтеперӗ Олег Николаев асӑннӑ служба ӗҫченӗсене саламланине республикӑн влаҫ органӗсен официалла порталӗнче вырнаҫтарнӑ.

«Ҫак юбилей уйрӑм пӗлтерӗшлӗ, вӗт шӑпах 105 ҫул каялла Чӑваш автономи облаҫне йӗркеленӗ. Сирӗн умӗнхи ӗҫтешӗрсем республика йӗркеленсе тата ҫирӗпленсе пынӑ ҫулсенче хӑрушсӑрлӑхпа йӗркелӗхе тивӗҫтерсе тӑнӑ.

Сирӗн служба юбилейне Аслӑ Ҫӗнтерӳ 80 ҫул тултарнӑ тапхӑрта паллӑ тӑватпӑр. Ӑна ҫывхартас ӗҫе патшалӑх хӑрушсӑрлӑхӗн органӗсен ветеранӗсем пысӑкран та пысӑк тӳпе хывнӑ. Вӗсен паттӑрлӑхӗ пирӗншӗн Тӑван ҫӗршыва чунтан парӑннине палӑртакан паха тӗслӗх шутланать.

Эсир ҫав мухтавлӑ йӑла-йӗркене тивӗҫлӗн малалла тӑсатӑр, хальхи вӑхӑт ҫуратакан йывӑрлӑхсене чыслӑн ҫӗнтерсе пыратӑр, тӑшманла ҫӗршывсем кӑларса тӑратакан хӑрушлӑхсене шанчӑклӑн сирсе яратӑр, патшалӑх ертӳлӗхӗ лартнӑ тӗллевсене кал-кал тата тухӑҫлӑн пурнӑҫлатӑр. Сирӗн служба паян та, пӗр ӗмӗр каяллахи пекех, регионӑн ҫирӗп аталанӑвӗн тата унта пурӑнакан ҫынсен ырлӑхӗн никӗсӗ пулса тӑрать.

Малалла...

cap.ru сайтри сӑн

Улатӑр округӗнче пурӑнакан Илюшинсем пӗр-пӗрне ӑнланса пурӑнаҫҫӗ. Вӗсем пӗрлешнӗренпе нумаях пулмасть 50 ҫул ҫитнӗ.

Ҫак тапхӑрта вӗсем ҫирӗп ҫемье йӗркеленӗ, икӗ ывӑл ӳстернӗ, халӗ вӗсен 3 мӑнук. Вӗсен йышӗнче спортсменсем те, ӳнерҫӗсем те пур.

Александр Алексеевич та, Людмила Александровна та чукун ҫул ҫинче ӗҫленӗ, пӗр-пӗрне пулӑшса пынӑ.