|
Тӗнчере
 Анӑҫри ҫӗршывсенчен идеологи сӑлтавне пула Раҫҫее куҫса килекенсем йышланнӑ. Йӑлана кӗнӗ хаклӑха тӗпе хуракан ют ҫӗршыв ҫыннисем кӑҫалхи ҫӗртме уйӑхӗнче миграци службине 1156 заявлени панӑ. Вӗсем пирӗн ҫӗршывра пурӑнма куҫса килесшӗн. Заявка панисенчен чылайӑшӗ, пурӗ 224 заявлени, — Германирен. Латвирен — 126. Хыпар ҫӑлкуҫӗ:
|
|
Сывлӑх
 "Контактри" сӑн 12-ри арҫын ача чупнӑ чухне ӳкнӗ те суранланнӑ. Анчах вӑйлӑ ыратнипе тепӗр кунхине кӑна ӑна пульницӑна илме кайнӑ. Унӑн янах шӑмми хуҫӑлнӑ иккен. Республикӑри ача-пӑча клиника пульницин тухтӑрӗсем ҫӑварӗ урлӑ ӑна операци тунӑ. Уйӑхран сиплев пуҫланнӑ. Ҫур ҫултан вара пластинӑна илнӗ – шӑмӑ сыпӑннӑ. Пичӗ ҫинче нимӗнле суран йӗрӗ те юлман. Халӗ арҫын ача унчченхи пурнӑҫ патне майӗпен таврӑнать. Тухтӑрсем вӑл каллех йӑл кулма пултарасса шантараҫҫӗ. Хыпар ҫӑлкуҫӗ:
|
|
Тӗнчере
 "Контактри" сӑн Кӑҫал раштав уйӑхӗнче Ҫӗр патне инопланетянинсен карапӗ ҫывхарӗ. Ҫапла пӗлтерет Гарвард университечӗн астрофизикӗ Ави Леб. Малтанах Ҫӗр патне 3I/ATLAS комета ҫывхарать тесе палӑртнӑ. Анчах эксперт унӑн траекторийӗ урӑхларах пулнине палӑртнӑ. Ун пекки кометӑсен, астероидсен пулма пултараймасть имӗш. Ҫапла пӗтӗмлетӳ тунӑ: инопланетянинсен карапӗ ҫывхарать. Вӑл Ҫӗр патне чӳкӗн 21-мӗшӗнчен пуҫласа раштавӑн 5-мӗшӗччен ҫитмелле. Хыпар ҫӑлкуҫӗ:
|
|
Хулара
 crimea.kp.ru сайтри сӑн Чӑваш Енри пенсионер ултавҫӑсене 8,5 миллион тенкӗ куҫарса панӑ. Ку Ҫӗнӗ Шупашкарти арҫынпа пулнӑ. 65 ҫулти пенсионер патне вӑл ӗҫленӗ предприятин «хальхи ертӳҫи» тесе паллаштарнӑ ҫын шӑнкӑравланӑ. Украинӑна укҫа куҫарман-и тесе тӗрӗсленине пӗлтернӗ. Хайхискер пенсионера хӑратса пӗтернӗ, унӑн тӑванӗсем пирки йӑлтах пӗлнине каланӑ. Кунпа вӗҫленмен-ха. Кайран арҫын патне «майор» текне ҫын шӑнкӑравланӑ. Вӑл пӗтӗм укҫине «ФСБ курьерне» парса яма хушнӑ. Ултавҫӑсем арӑмӗн укҫине те куҫарса пама ыйтсан тин пенсионер хӑйне шӑнман пӑр ҫине лартса хӑварнине ӑнланнӑ та полицие кайнӑ. Хыпар ҫӑлкуҫӗ:
|
|
Пӑтӑрмахсем
 Следстви комитечӗ тунӑ сӑн Путвала дезинфекци тунӑ чухне тӗтӗмпе наркӑмӑшланса вилнӗ. Ку инкек Ҫӗрпӳ округӗнчи Чурачӑк ялӗнче ӗнер, ҫурла уйӑхӗн 1-мӗшӗнче, пулнӑ. 1939 ҫулта ҫуралнӑ арҫын гаражри путвала дезинфекцилес тесе унта лӑсӑллӑ йывӑҫсен йӗкелне чӗртсе янӑ. Вӑл ҫавӑнтах тӗтӗмпе наркӑмӑшланса вилнӗ. Унсӑр пуҫне тепӗр 6 ҫын наркӑмӑшланнӑ: хӗрӗ тата кӳршисем. Вӗсем арҫынна ҫӑлма хӑтланнӑ, халӗ токсикологи уйрӑмӗнче сипленеҫҫӗ. Следовательсем халӗ следстви умӗнхи тӗрӗслев ирттереҫҫӗ. Хыпар ҫӑлкуҫӗ:
|
|
Ял пурнӑҫӗ
 «Чувашский край» сӑнӳкерчӗкӗ Красноармейски районӗнчи Йӗпремре пӗвене ҫӑтмаха ҫавӑрнӑ. «Ку вӑл Турцире мар, Крымри курорт та мар. Ялти курорт Красноармейски тӑрӑхӗнчи Йӗпремре вырнаҫнӑ», — тесе пӗлтернӗ «Чувашскй край» пабликра. Пӗвене йӗркене кӗртекенӗсем — ял ҫыннисем тата вырӑнти администраци иккен. Унта пальма (паллах, чӑн-чӑнни мар ӗнтӗ. Вӑл пирӗн патра ӳсмест), шезлонг, зонт таранах вырнаҫтарнӑ. Хыпар ҫӑлкуҫӗ:
|
|
Культура
 Римма Прокопьевӑн ҫӗнӗ кӗнеки кун ҫути курнӑ, вӑл «Пӗчӗкки» ятпа тухнӑ. Ҫак кӗнекене кӗнӗ хайлав ал ҫырӑвӗ ачасемпе ҫамрӑксем валли чӑвашла ҫырнӑ произведенисен конкурсӗнче ҫӗнтернӗ. Калу Сентти ятӗнчен пырать. 6-мӗш класра вӗренекен арҫын ача ашшӗ-амӑшӗпе, Телей ятлӑ пиччӗшӗпе тата аппӑшӗпе Салампипе хулара пурӑнать, тӑтӑшах яла килсе ҫӳрет. Туслӑ ҫемьене кӗтмен ҫӗртен кушак иленет. Ӑна вӗсем Пӗчӗкки тесе ят параҫҫӗ. Вулакан хайлавпа паллашнӑ май тӗп сӑнарпа пӗрле пӑшӑрханать. Чи пӗлтерӗшли – ырра шанмалла, ытлашшипех кулянмалла мар. Сенттин амӑшӗ шӑпах ҫакна вӗрентет. Хыпар ҫӑлкуҫӗ:
|
|
Ял хуҫалӑхӗ
 cap.ru сӑнӳкерчӗкӗ Чӑваш Енре чи лайӑх пахчаҫӑна суйланӑ. Ку ята Екатерина Аввакумова тивӗҫнӗ. Вӑл — агроном, пахчаҫӑ, Ҫӗнӗ Шупашкарти теплица комплексӗнче ӗҫлет. Вӑл «Профессире чи лайӑххи» Пӗтӗм Раҫҫейри конкурсӑн регионти тапхӑрӗнче ҫӗнтернӗ. Иккӗмӗшпе виҫҫӗмӗш вырӑнсене Дмитрий Кабаковпа Валерий Григорьев йышӑннӑ. Вӗсем конкурсра тӗрлӗ культурӑн вӑррисене уйӑрнӑ, вӗсене мӗнле акмалли пирки каласа кӑтартнӑ. Кунсӑр пуҫне салат калчисене хак панӑ. Екатерина республика чысне Раҫҫей шайӗнчи конкурсра хӳтӗлеме кайӗ. Конкурс Вологда облаҫӗнче иртӗ. Хыпар ҫӑлкуҫӗ:
|
|
Ҫул-йӗр
 cap.ru сайтри сӑн Паян Шупашкарпа Ҫӗнӗ Шупашкара ҫыхӑнтаракан 60-мӗш троллейбус ҫӳреме пуҫланӑ. Вӑл мӗнл маршрутпа ҫӳренипе паллаштаратпӑр. Ҫӗнӗ Шупашкартан (пӗрремӗш рейс — 4:53, юлашки — 22:48 сехетре): Женя Крутова ур. — Винокуров ур. — Тӗкӗрщ тӑкӑрлӑкӗ — 10-мӗш Пилӗкҫуллӑх ур. — Воин-интернационалистсен ур. — Совет ур. — «Вятка» автоҫул — Сӗнтӗрвӑрри ҫулӗ — Калинин ур. — Мускав пр. — Шупашкар: 500 ҫул ур. — М.Горький пр. — Университет ур. Шупашкартан: (пӗрремӗш рейс — 05:02, юлашки — 22:42 сехетре): Университет ур. — М.Горький пр. — Шупашкар: 500 ҫул ур. — Мускав пр. — Калинин ур. — Сӗнтӗрвӑрри ҫулӗ — Воин-интернационалистсен ур. — Винокуров ур. — Женя Крутова ур. — Силикат ур. Хыпар ҫӑлкуҫӗ:
|
|
Пӑтӑрмахсем
 ҪҪХПИ тунӑ сӑн Ӗнер каҫхине Патӑрьел округӗнчи Хирти Пикшик ялӗнче икӗ арҫын ачана ҫапса кайнӑ. Иккӗшӗ те аманнӑ, иккӗшӗн те шӑмӑ хуҫӑлнӑ. ҪҪХПИ пӗлтернӗ тӑрӑх, ВАЗ-2107 машина 11 ҫулти тата 7-ри пиччӗшӗпе шӑллӗ ҫине кӗрсе кайнӑ. Пӗри ун чухне велосипедпа пынӑ. Руль умӗнче ҫав ялти 68 ҫулти арҫын ларнӑ. Вӑл ӳсӗр пулни паллӑ. Руль умӗнче вӑл – 2009 ҫултанпа, унӑн ОСАГО полисӗ те пулман. Халӗ ку ӗҫ тӗлӗшпе тӗрӗслев пырать. Хыпар ҫӑлкуҫӗ:
|
+0.3 °C