|
Пӑтӑрмахсем
 Канаш районӗнчи пӗр ялта пурӑнакан 57 ҫулти арҫын инветсиципе тупӑш курас тенӗ те хӑй пухса пынӑ 1,6 миллион тенке ултавҫӑсене куҫарса панӑ. Сӑмах май каласан, арҫын пӗр предприятире тӗп инженерта ӗҫлекенскер иккен. Анчах ултавҫӑсем такама та шӑнман пӑрпа лартса яма пултараҫҫӗ. Иртнӗ уйӑхра вӑл тӗнче тетелӗнче унпа палламан ҫын калаҫу пуҫарнӑ. Хӑйӗнпе менеджер тесе паллаштарнӑ ҫын нефть компанине инвестици хывса тупӑш курма пулать тесе ӗнентернӗ. Тӗп инженер 1,6 миллион тенке ют ҫынсене куҫарса панӑ. Хӑй улталаннине ӑнланса илнӗ хыҫҫӑн йӗрке хуралҫисенчен пулӑшу ыйтнӑ. Вӗсене вӑл ӑнлантарнӑ тӑрӑх, инвестиципе илнӗ тупӑшпа машина туянма ӗмӗтленнӗ. «Хушма тупӑш» пирки вӑл чылайччен никама та пӗлтермен. Хыпар ҫӑлкуҫӗ:
|
|
Хулара
 cap.ru сӑнӳкерчӗкӗ Чӑваш Енри фермерсен пӗрремӗш агромаркечӗ ута уйӑхӗн 18-мӗшӗнче уҫӑлӗ. Кун пирки республика Правительствин Председателӗ Сергей Артамонов халӑх тетелӗсенчен пӗринче хыпарланӑ. Аса илтерер, агромаркет ячӗ - «Пехет». Вал «Каскад» суту-илӳ ҫурчӗн цоколь хутӗнче вырнаҫӗ. Унччен пушӑ пулнӑ лаптӑк калама ҫук илемленсе кайнӑ-мӗн. Унта халӗ - йывӑҫ витринӑсем, илемлӗ ытти хатӗр-хӗтӗр, капарлатнӑ колоннӑсем. Унта кӗрсен чӑваш наци элемӗсем куҫа тӑрӑнаҫҫӗ. Вырӑнти художниксем чуна парса ӗҫленӗ. «Пехет» 40 ытла фермер продукцине туянма май килӗ: аш-пӑшпа сӗт-ҫу, сыр, пыл, чей, пахчаҫимӗҫ, ҫӗрулми, ҫӑкӑр, пулӑ тата ытти те пулӗ. Унсӑр пуҫне халӑх промыслисемпе паллашма тата наци сувенирне туянма май килӗ. Агромаркета 5-мӗш тата 13-мӗщ маршрутсемпе ҫитме меллӗ. Хыпар ҫӑлкуҫӗ:
|
|
Хулара
 cap.ru сӑнӳкерчӗкӗ Шупашкар хулинче пурӑнакансем интернет пулмасан та общество транспорчӗ ҫинче ҫул укҫи тӳлеме пултараҫҫӗ. Республикӑн Цифра аталанӑвӗн министерствинче пӗлтернӗ тӑрӑх, терминалсем малатнхиллех ӗҫлеҫҫӗ, укҫана тытса юлни пирки хыпар каярах, интернет ҫыхӑнӑвӗ ӗҫлесе кайсан, ҫитӗ — ҫавӑ ҫеҫ. Маларах республика Элтеперӗ Олег Николаев регионти Цифра аталанӑвӗн тата Транспорт министерствисене транспортри тӳлев системине интернет ҫук вӑхӑтра та йӗркеллӗ ӗҫлеттерсе яма хушнӑ. «ЕТК» компани ку ыйту татӑлнине пӗлтернӗ. Хыпар ҫӑлкуҫӗ:
|
|
Вӗренӳ
 cap.ru сайтри сӑн «Яндекс Учебниксем» конференцире Раҫҫейри чи лайӑх информатика вӗрентекенӗсене палӑртнӑ. Палӑртма кӑмӑллӑ: 20 ҫӗнтерӳҫӗ йышӗнче пирӗн 3 ентеш пур. Ҫак йыша Ҫӗнӗ Шупашкарти Ольга Перепёлкина, Шупашкарти Алексей Владимиров, Канашри Ольга Плешанова кӗнӗ. Вӗсем «Кадр резервӗсем» программӑпа килӗшӳллӗн наградӑсене тивӗҫнӗ. Пирӗн ентешсене профессионаллӑхшӑн, цифра вӗрентӗвне тӳпе хывнӑшӑн тата вӗренекенсене хавхалантарма пӗлнӗшӗн палӑртнӑ. Лауретсен тӗп парни — Мускаври IT-компанире стажировка тухасси. Хыпар ҫӑлкуҫӗ:
|
|
Пӑтӑрмахсем
 Паян каҫхине Сӑр юханшывӗнче 69 ҫулти арҫын путса вилнӗ. Вӑл ӳсӗр пулни паллӑ. Арҫын Етӗрне округӗнчи Стрелецки ялӗнче пурӑннӑ. Вӑл Етӗрне хулине килсен Сӑр юханшывӗнче шыва кӗме шутланӑ. Анчах, шел те, ку инкекпе вӗҫленнӗ. Унӑн виллине ҫӑлавҫӑсем тупса ҫыран хӗррине кӑларнӑ. Хыпар ҫӑлкуҫӗ:
|
|
Персона
 Антонина Андреева страницинчен илнӗ сӑнӳкерчӗк Чӑваш Енӗн наци вулвӑшӗнче Анатолий Абрамов 65 ҫул тултарнӑ май пер унлах курав уҫӑлнӑ. Анатолий Серафимович нумай ҫул И.Н. Ульянов ячӗллӗ Чӑваш патшалӑх университетӗнче пула сжурналистсене вӗрентнӗ. Унсӑр пуҫне вӑл журналист, Раҫҫей журналисчӗсен союзӗн пайташӗ, Республикӑри журналистсен С.В. Элкер ячӗллӗ премийӗн лауреачӗ. «Анатолий Абрамовӑн илемлӗх тӗнчи» фотокуравра вӑл иллюстрациленӗ кӗнекесем, энциклопедисем, вӗренӳ кӗнекисем вырӑн тупнӑ. Курав утӑ уйӑхӗн 8-мӗшӗнче ӗҫленӗ. Хыпар ҫӑлкуҫӗ:
|
|
Экономика
 cap.ru сӑнӳкерчӗкӗ Чӑваш Енри алӑк туса кӑларакан «Гармония» компани хӑйӗн продукцине Перси заливӗнчи ҫӗршывсене, ҫав шутра Арабсен Пӗрлештернӗ Эмирачӗсене, ӑсатасшӑн. Чӑваш Енри компани Екатеринбургра утӑ уйӑхӗн 7-10-мӗшӗсенче иртекен «Иннопром» пӗтӗм тӗнчери промышленность куравне республика делегацийӗпе пӗрле хутшӑнать. Унта вӑл «Majdalina Group» компанипе килӗштерсе ӗҫлесси ҫинчен калакан килӗшӗве алӑ пуснӑ. Документра палӑртнӑ тӑрӑх, Чӑваш Енри компани хӑйӗн проекчӗсене Перси заливӗнчи ҫӗршывсенче, ҫав шутра маларах эпир асӑннӑ Арабсен Пӗрлештернӗ Эмирачӗсенче, пурнӑҫа кӗртесшӗн. «Гармония» компанин производстви Ҫӗрпӳре, Шупашкарта тата Ҫӗнӗ Шупашкарта вырнаҫнӑ. Предприяти хӑйӗн продукцине Казахстана, Грузине, Таджикистана, Каркӑстана ӑсатнӑ. Хыпар ҫӑлкуҫӗ:
|
|
Политика
 cap.ru сӑнӳкерчӗкӗ Чӑваш Енре ҫӗнӗ транспорт прокурорне ҫирӗплетнӗ. Паян унпа Чӑваш Ен Элтеперне Олег Николаева паллаштарнӑ. Республикӑн Правительство ҫуртӗнчи тӗлпулура Атӑлҫи тӑрӑхӗнчи транспорт прокурорӗ, юстицин аслӑ канашҫи Максим Суров Дмитрий Широковпа паллаштарнӑ. «Дмитрий МихайловичЧӑваш Республикин ваҫ органӗсемпе тачӑ ҫыхӑну тытса ӗҫлесшӗн», - палӑртса хӑварна хӑйӗн сӑмахӗнче Максим Суров. Дмитрий Широков унччен Херсон облаҫӗнчи Геническ районӗнче прокурорта ӗҫленӗ. Хыпар ҫӑлкуҫӗ:
|
|
Пӑтӑрмахсем
 Инкеклӗ лару-тӑру министерстви тунӑ сӑн Ҫӗрпӳ округӗнчи Тӗнсӗр ялӗнче пушарнӑйсем 20 вӗллене ҫӑлнӑ. Ку инкек утӑ уйӑхӗн 8-мӗшӗнче кӑҫхине пулнӑ. Пушар ял хӗрринчи никам та пурӑнман ҫуртра тухнӑ. Ҫулӑма 8 ҫӑлавҫӑ, икӗ техника сӳнтернӗ. Вӗсем кӳршӗре вырнаҫнӑ утара ҫӑлса хӑварнӑ. Унти 20 вӗллене ҫунса кайма паман. Ҫӗрле вара Ҫӗнӗ Шупашкарта ҫутӑ лампочки ҫуннӑ. Малтанлӑха палӑртнӑ тӑрӑх, вӑл юрӑхсӑра тухнӑскер пулнӑ. Хыпар ҫӑлкуҫӗ:
|
|
Персона
 cap.ru сайтри сӑн Тӑвай округӗнчи Сӑхӑтпуҫ ялӗнче пурӑнакан Анна Наумова 100 ҫулхи юбилейне паллӑ тунӑ. Анна Алексеевна Вӑрмар районӗнчи Кӗтеснер ялӗнче ҫуралнӑ. Тӑван ҫӗршывӑн Аслӑ вӑрҫи вӑхӑтӗнче торф предприятийӗнче ӗҫленӗ, унтан – колхозра. Ӗҫре хастар пулнӑшӑн ӑна Тӑвай районӗн «Хисеп кӗнекине» кӗртнӗ, Хӗрлӗ Ӗҫ Ялавӑн орденӗпе чысланӑ. Анна Алексеевна 7 ача ҫуратнӑ. Халӗ унӑн 18 мӑнук, 24 кӗҫӗн мӑнук тата кӗҫӗн мӑнукӗн 1 ачи. Хыпар ҫӑлкуҫӗ:
|
+0.3 °C