|
Республикӑра
 www.cap.ru сӑнӳкерчӗкӗ Ӗнер, утӑ уйӑхӗн 28-мӗшӗнче, Тинӗс ҫар флочӗн кунӗнче, Аслӑ Пӑла Тимешре моряксене асӑнса палӑк уҫнӑ. Ӑна Елчӗкри ветеран-моряксен канашӗ пуҫарнипе уҫас тенӗ. Палӑка уҫма Елчӗк муниципаллӑ округӗн пуҫлӑхӗ Леонард Левый, тинӗс-ҫар флочӗн ветеранӗсем, Аслӑ Пӑла Тимешре пурӑнакансем, чӗннӗ хӑнасем хутшӑннӑ. Вӗсем моряксен сумне пысӑка хурса сӑмах каланӑ, уяв ячӗпе саламланӑ. Хыпар ҫӑлкуҫӗ:
|
|
Пӑтӑрмахсем
 21.мвд.рф сӑнӳкерчӗкӗ Утӑ уйӑхӗн 27-мӗшӗнче Каҫал тӑрӑхӗнче инкек пулса иртнӗ. «Ҫӗрпӳ-Чӗмпӗр» ҫулӑн 78-мӗш километрӗнче 8 сехет те 30 минутра «Мицубиси Лансер» автомобиль груз турттаракан «Рено» машинӑпа ҫапӑннӑ. «Рено» рулӗ умӗнче Дагестан ҫынни пулнӑ. Ҫапӑннӑ хыҫҫӑн машинӑсем ҫул айккине кӗрсе кайнӑ, хыпса илнӗ. Ҫӑмӑл машинӑри 59 ҫулти водитель, Шупашкар арҫынни, инкек вырӑнӗнчех вилнӗ. Малтанласа палӑртнӑ тӑрӑх, инкек сӑлтавӗ ҫӑмӑл машина хирӗҫ килекен ҫул ҫине тухса кайнипе ҫыхӑнма пултарнӑ. Водителе ҫав вӑхӑтра япӑх пулса кайма пултарнӑ. Хыпар ҫӑлкуҫӗ:
|
|
Ял пурнӑҫӗ
 cap.ru сӑнӳкерчӗкӗ Ял хӑй тӗллӗн ӗҫлекенсене хыснаран укҫа парса пулӑшаҫҫӗ. Заявкӑсене ҫурла уйӑхӗн 15-мӗшӗччен йышӑнӗҫ. Заявкӑсене Чӑваш Енӗн Инвестпорталӗнче пухаҫҫӗ. Кун пирки республикӑн ял хуҫалӑх министрӗ Сергей Артамонов хӑйӗн Телеграм-каналӗнче пӗлтернӗ. Федераци шайӗнчи пулӑшӑва илес кӑмӑллисен заявкисене суйласа илсе пӗтернӗ, республикӑри пулӑшупа усӑ курас текенсем кая юлман-ха. 3 пуҫ таран ӗне туянакансене пӗр пуҫшӑн 70 пин тенкӗ таран саплаштарӗҫ, качакасемпе сурӑхсемшӗн — пӗр пуҫшӑн 5 пин тенкӗ. Ӗнене пӗтӗлентернӗшӗн, ял хуҫалӑх культурин вӑрлӑхне тӗрӗсленӗшӗн, техника туяннӑшӑн, минераллӑ удобрени илнӗшӗн те тӑкакӑн пӗр пайне саплаштараҫҫӗ. Хыпар ҫӑлкуҫӗ:
|
|
Спорт
 cap.ru сӑнӳкерчӗкӗ Чӑваш Ен тата Чулхула облаҫӗн чысне ӑмӑртусенче хӳтӗлекен Виктория Максимова «Спорт королевин» тӑххӑрмӗш тапхӑрне хутшӑннӑ. Вӑл унта кӗмӗл медале тивӗҫнӗ. Ӑмӑрту Мускав хуинче иртнӗ. Виктория 200 метрлӑ дистанцие чупса финиша иккӗмӗш ҫитнӗ. Унӑн кӑтартӑвӗ - 23,49 ҫеккунт. Хыпар ҫӑлкуҫӗ:
|
|
Хулара
 ШӖМ тунӑ сӑн ГАЗель водителӗ ӳсӗр пулнине ҫынсем асӑрханӑ. Кун пирки Патшалӑх автоинспекцине шӑнкӑравласа пӗлтернӗ. Водителе Шупашкарти Иван Яковлев проспектӗнчи гаражсем патӗнче тытса чарнӑ. Вӑл ГАЗельпе сӗт юр-варне турттарнӑ. Хайхискер инспекторсене турӑх кӑна ӗҫнине ӗнентерме хӑтланнӑ. Анчах алкотестер суйма паман - водитель эрех сыпнине кӑтартнӑ: сахал та мар, самаях ӗҫни палӑрнӑ. Водитель тӗлӗшпе административлӑ материал ҫырнӑ. Хыпар ҫӑлкуҫӗ:
|
|
Ял пурнӑҫӗ
 Кандинский нейросеть сӑнӳкерчӗкӗ Шупашкар муниципаллӑ округӗнчи Лепетерте йӑлари хытӑ каяша вӑхӑтра турттарса кайман, анчах ял ҫыннисен укҫа илнӗ. Ҫакна прокуратура тупса палӑртнӑ. Йӑлари хытӑ каяша сивӗ чухне виҫӗ талӑкра пӗр хутран кая мар турттарса тӑмалла, сывлӑш температури 5 граудсран ӑшӑрах чухне — талӑкра пӗрре. 2023 ҫулхи раштав тата 2024 ҫулхи кӑрлач уйӑхӗсенче Лепетерти каяша уйӑхра пӗрре ҫеҫ турттарса кайнӑ, 2024 ҫулхи нарӑс-ака уйӑхӗсенче пачах та турттарман. Ҫынсем патне вара квитанцисем килсе выртнӑ. Йӑлари хытӑ каяша турттаракан «Ситиматик Чувашия» предприятин гендиректорне прокуратура коммуналлӑ пулӑшушӑн тӳлеве ҫӗнӗрен шутласа пама хушнӑ. Хыпар ҫӑлкуҫӗ:
|
|
Пӑтӑрмахсем
 ШӖМ тунӑ сӑн Куславкка муниципаллӑ округӗнчи Кӗнер ялӗ патӗнче паян ирхи 3 сехетре каччӑ виллине тупнӑ. Вӑл машина ҫапса кайнӑ хыҫҫӑн вилни палӑрнӑ. Каччӑ 22 ҫулта пулнӑ, ҫак округрах пурӑннӑ. Ӑна ҫапса хӑварнӑ водителе халӗ шыраҫҫӗ. Вӑл вырӑнтан тарса ҫухалнӑ. Каччӑна ҫапса хӑварнӑ саманта кам та пулин курнӑ тӑк ҫак номерсемпе шӑнкӑравлама ыйтаҫҫӗ: 8 (8353) 42-23-43, 8 (8353) 42-15-68. Хыпар ҫӑлкуҫӗ:
|
|
Спорт
 "Контактри" сӑн Пирӗн ентеш, ҫамрӑк спортсменка, Пӗтӗм Раҫҫейри ҫуллахи Универсиадӑра ҫитӗнӳ тунӑ. Наталья Прокопьева ирӗклӗ майпа кӗрешсе кӗмӗл медаль ҫӗнсе илнӗ. Наталья И.Н.Ульянов ячӗллӗ Чӑваш патшалӑх университетӗнче вӗренет, В.С.Соколов ячӗллӗ спорт шкулӗнче ӑсталӑхне туптать. Вӑл - Раҫҫей спорт мастерӗ. Наталья 59 килограмм таякан спортсменсемпе вӑй виҫсе иккӗмӗш вырӑн йышӑннӑ. Хыпар ҫӑлкуҫӗ:
|
|
Республикӑра
 magmer.ru сайтри сӑн Ыран, шӑматкун, республикӑра йӑлана кӗнӗ сывлӑхпа спорт кунӗ иртӗ. Ҫавна май ҫынсем спорт комплексӗсенче тӳлевсӗрех бассейнра ишме, конькипе ярӑнма, тренажер залӗнче кӗлеткене пиҫӗхтерме пултараҫҫӗ. Вӗсенче мӗнлерех мероприятисем ирттерме палӑртнине тӗплӗнрех спорт шкулӗсен, ФОКсен сайтӗнче пӗлме пулать. Сӑмах май, сывлӑхпа спорт кунне кашни уйӑхрах 2014 ҫултанпа ирттереҫҫӗ. Ҫав кун республика тата муниципалитет учрежденийӗсенче пуриншӗн те алӑк уҫӑ. Хыпар ҫӑлкуҫӗ:
|
|
Ҫул-йӗр
 21.мвд.рф сӑнӳкерчӗкӗ Чӑваш Ен витӗр каякан «М-12» автоҫула тунӑ ҫӗрте ӗҫлеме ятарласа ирӗк (патент) илмен ҫынсем тар тӑкнӑ. Вӗсене Чӑваш Енӗн ШӖМӗн миграци енӗпе ӗҫлекен управленийӗ Ҫӗмӗрле тӑрӑхӗнче тупса палӑртнӑ. Ятарлӑ ирӗк илмен виҫӗ ҫын ҫул тунӑ ҫӗрте тӑрӑшнӑ. Вӗсем Таджикистанри ҫынсем пулнӑ. Асӑннӑ ҫӗршыври икӗ каччӑн, 26-28 ҫулсенчи ҫамрӑксен, патент пулнӑ-ха. Анчах урӑх регионта ӗҫлеме. Вӗсен 40 ентешӗн ун пек документ пачах та пулман. Йӗркене пӑскансене 2-шер пин тенкӗлӗх штрафланӑ. Унсӑр пуҫне йӗрке хуралҫисем ют ҫӗршыв ҫыннисене ӗҫе илнӗ организацие тӗрӗслӗҫ. Хыпар ҫӑлкуҫӗ:
|
-5.7 °C