|
Хулара
 А.Г. Николаев ячӗпе хисепленекен Шупашкарти аэропорт иртнӗ уйӑх вӗҫӗнче, пуш уйӑхӗн 30-мӗшӗнче, ҫуркуннепе ҫуллахи тапхӑр ҫине куҫнӑ. Ҫӗнӗ тапхӑр ҫине куҫнӑ май расписанире хӑш-пӗр улшӑну пулса иртнӗ. Сӑмахран, самолетсем Питӗрпе Мускава каймалли вӑхӑта улӑштарнӑ. «Аэрофлот» самолёчӗ Шупашкартан Мускава каллех ирхи 7 сехетре вӗҫсе кайӗ, кунта вӑл 23 сехет те 30 минутра вӗҫсе килӗ. Хыпар ҫӑлкуҫӗ:
|
|
Ял хуҫалӑхӗ
 cap.ru сӑнӳкерчӗкӗ Ҫитес канмалли кунсенче Шупашкарта, ял хуҫалӑх ярмӑрккисем уҫӑлӗҫ. Вӗсем ака уйӑхӗн 27-мӗшӗччен кашни шӑматкунпа вырсарникун 9-14 сехетсенче ӗҫлӗҫ. Ярмӑрккӑсем виҫӗ лапамра вырнаҫӗҫ: «Шупашкар» суту-илӳ центрӗ умӗнче, «Николаевски» суту-илӳ комплексӗнче, Эльгер урамӗнчи 11-мӗш «а» ҫурт умӗнчи фермер суту-илӳ речӗсенче. Хыпар ҫӑлкуҫӗ:
|
|
Раҫҫейре
 m.ok.ru сайтри сӑн Вӑрҫӑ пирки хывнӑ «Катюша» юрӑ Мускавра иртнӗ «Навруз» уявӗнче тӑватӑ чӗлхепе янӑранӑ Кӑҫал уяваТӑван ҫӗршывӑн Аслӑ вӑрҫинче ҫӗнтернӗренпе 80 ҫул ҫитнине халалланӑ. Сцена ҫинче вӑрҫӑ юррисем чылай янӑранӑ. Вӗсенчен пӗри — «Катюша». Ӑна таджикла, казахла, вырӑсла тата чӑвашла юрланӑ. Чӑвашла версине Мускав хулинче пурӑнакан Алена Силпи юрӑҫ шӑрантарнӑ. |
|
Спорт
 www.cap.ru сӑнӳкерчӗкӗ Шупашкарти Олимп резервӗн 2-мӗш спорт шкулӗн воспитанникӗсем 4 медальпе таврӑннӑ. Вӗсем Мурманскра иртнӗ «Праздник севера» (чӑв. Ҫурҫӗр уявӗ) йӗлтӗр марафонне хутшӑннӑ. Старта 360 спортсмен тухнӑ. Йӗлтӗрпе ирӗклӗ стильпе ярӑнакансенчен 18 ҫулти спорстменсем хушшинче ылтӑн тата кӗмӗл медальсене Антон Петров тата Кирилл Петров ҫӗнсе илнӗ. Вӗсем 25 километр тӑрршӗне ӑмӑртнӑ. 23 ҫулхисем хушшинче Даниил Акимов мала тухнӑ. Абсолютлӑ ӑмӑртура Антон Петров виҫҫӗмӗш вырӑн йышӑннӑ. Хыпар ҫӑлкуҫӗ:
|
|
Персона
 "Контактри" сӑн Нумаях пулмасть «Мускав тата Мускав облаҫӗн королеви» илем тата амӑшлӑх конкурсӗ иртнӗ. Унта Юлия Переверзева ҫӗнтернӗ. Унӑн йӑх несӗлӗсем – Чӑваш Енрен. Юлия Мускавра пурӑнать. Унӑн ашшӗ – Чӑваш Енрен. Юлия хӑй те 11-16 ҫулта чухне Шупашкарта пурӑннӑ, чӑвашла калаҫма, ташлама вӗреннӗ. Юлия конкурсра та чӑваш эрешӗллӗ тум тӑхӑннӑ. Хыпар ҫӑлкуҫӗ:
|
|
Раҫҫейре
 "Контактри" сӑн Чӑваш Енри нумай ачаллӑ ҫемье Пӗрремӗш каналпа пыракан «Кто хочет стать миллионером?» кӑларӑма хутшӑннӑ. Вӗсем – Шупашкарта пурӑнакан Ирина тата Владимир Васильевсем. Ҫемьере 7 ача ӳсет. Вӗсем 20 ҫул ӗнтӗ каратэпе кӑсӑкланаҫҫӗ. Шоура Васильевсем 9 ыйтӑва хуравланӑ. 10-мӗш ыйту патне ҫитсен ҫемье иккӗленнӗ те вӑйӑран тухма шутланӑ. Ҫапла вӗсем 50 пин тенкӗ выляса илнӗ. Васильевсем ку укҫана патшалӑх уйӑрса панӑ ҫӗр ҫинче ҫурт лартма ярассине каланӑ. Хыпар ҫӑлкуҫӗ:
|
|
Ҫутҫанталӑк
 Синоптиксем пӗлтернӗ тӑрӑх, ку эрнере те ӑшӑ ҫанталӑк пулӗ: 10-15 градус ӑшӑ тӑрӗ. Ку – ака уйӑхӗн вӗҫӗнчи норма. Ытларикун кӑнтӑрла хыҫҫӑн тата юнкун кунӗпех ҫумӑр ҫӑвӗ. Эрне варринче кӑшт уҫӑлтарӗ: 5-10 градус ӑшӑ пулӗ. Эрнекун 14 градусран ӑшӑрах тӑрӗ, анчах ҫил вӑйланӗ. Каҫхине вара вырӑнӑн-вырӑнӑн ҫумӑр ҫукалӗ. Шӑматкун типӗ те ӑшӑ пулӗ. Вырсарникун кӑштах сивӗтӗ. Малтанлӑха пӗлтернӗ тӑрӑх, акан 12-14-мӗшӗсенче ҫӗр юрпа шуралӗ. Хыпар ҫӑлкуҫӗ:
|
|
Персона
 www.cap.ru сӑнӳкерчӗкӗ Паян Чӑваш Республикин хисеплӗ ҫыннине, РСФСР тава твӗҫлӗ строительне Евгений Тертышныя юлашки ҫула ӑсатнӑ. 91 ҫулти хисеплӗ ҫын пуш уйӑхӗн 28-мӗшӗнче куҫне ӗмӗрлӗхе хупнӑ. Вӑл 1935 ҫулта Курган облаҫӗнчи Шадринск хулинче ҫуралнӑ. Сартури автоҫул институтӗнчен вӗренсе тухнӑ хыҫҫӑн Шупашкара ӗҫлеме направленипе килнӗ. Мастер, прораб, тӗп инженер пулса ӗҫленӗ. Республикӑри пысӑк строительство пӗрлешӗвӗсемпе организацисене ертсе пынӑ. Тава тивӗҫлӗ канӑва тухсан вӑл «СУОР», «Чувашстрой», «Монолитстрой» организацисенче гендиректорӑн заместителӗнче тӑрӑшнӑ. Евгений Тертышный ҫинчен тӗплӗнрех РУВУИКИ-н чӑваш уйрӑмӗнче вуласа пӗлме пулать. Хыпар ҫӑлкуҫӗ:
|
|
Культура
 cheb-centr.soc.cap.ru сӑнӳкерчӗкӗ Анатолий Силов — живопись тата графика ӑсти. Вӑл 1938 ҫулхи ҫу уйӑхӗн 20-мӗшӗнче Сӗнтӗрвӑрри районӗнчи Шуркасси ялӗнче ҫуралнӑ. Вырӑнти шкулта ҫичӗ класс вӗренсе пӗтернӗ хыҫҫӑн вӑл Звенигово поселокӗнчи ремесла училищинче тата Мускаври пир-авӑр институтӗнчи прикладной ӳнер факультетӗнче пӗлӗвне туптанӑ. Аслӑ шкултан вӗренсе тухсан Шупашкарти пир-авӑр комбинатӗнче пусма художникӗ пулса ӗҫлеме тытӑннӑ. Унтан тӗрлӗ ҫӗрте тӑрӑшнӑ. Паян ватӑ ҫын ҫутҫанталӑкпа киленсе чунне уҫать. Хыпар ҫӑлкуҫӗ:
|
|
Культура
 cap.ru сӑнӳкерчӗкӗ Етӗрне округӗнче Чӑваш хӑмлин музейне уҫасшӑн. Кун пирки округ пуҫлӑхӗ Станислав Трофимов пӗлтернӗ. Вӑл муниципалитетра пурӑнакансене музей валли экспонатсем пухмашкӑн пулӑшу ыйтнӑ. Сӑнӳкерчӗксем, наградӑсем, документсем, харпӑр тата ытти япала – йӑлтах кирлӗ. Вӗсене Етӗрнери ӳнерпе таврапӗлӳ музейӗ йышӑнать. Хальлӗхе музей ӑҫта пулассине, ӑна хӑҫан уҫассине пӗлтермен. Хыпар ҫӑлкуҫӗ:
|
+9.3 °C