"Лиза.Алерт" шырав отрячӗн сӑнӳкерчӗкӗ

Шупашкарта икӗ арҫына шыраҫҫӗ. Вӗсенчен пӗри пӗлтӗрхи чӳк уйӑхӗн 3-мӗшӗнче ҫухалнӑ, тепри — кӑрлачӑн 11-мӗшӗнче.

Пӗлтӗрхи чӳк уйӑхӗнче ҫухални — 61 ҫулти Анатолий Кириллов. Вӑл 170 см ҫӳллӗш, начар пӳ-силлӗ, ҫӳҫӗ тӗксӗмрех хӑмӑр, куҫӗ сӑрӑ тӗслӗ. Мӗн тӑхӑнса тухса кайнине пӗлмеҫҫӗ.

Кӑрлач уйӑхӗн 11-мӗшӗнче 49 ҫулти Андрей Николаев ҫухалнӑ. Вӑл 166 см ҫӳллӗш, вӑтам пӳ-силлӗ, ҫӳҫӗ ҫырӑ, куҫӗ хӑмӑр. Капюшонлӑ кӑвак куртка, сӑрӑ тӗслӗ спорт шӑлаварӗ, хура атӑ, хура калопак тӑхӑннӑ.

Ҫитес вӑхӑтра пирӗн республика урлӑ каллех циклон иртӗ. Эппин, каллех юрпа кӗрешме хатӗрленмелле. Шупашкарта 5 сантиметр хулӑнӑш юр ҫӑвӗ, ҫил-тӑман тухӗ. Кӑнтӑр тата хӗвел тухӑҫ енчи округсенче ытларах ҫӑвӗ.

Кунсӑр пуҫне кӗҫӗр тӗтре карса илӗ, 100-200 метр аякри кӑна курӑнӗ. Ырантан уяртма пуҫлӗ, эрне вӗҫлениччен 13-18 градус сивӗ пулӗ.

Юнкун каҫхине каллех юр ҫӑвӗ, кӗҫнерникун та чарӑнмӗ. Икӗ талӑкра тепӗр 5 сантиметр хулӑнӑш юр ҫӑвӗ. Ҫил те вӑйланӗ.

Канмалли кунсенче сивӗ ҫанталӑк тӑрӗ. Чи сивви – эрнекун каҫхине пулӗ: термометр 20 градус кӑтартӗ.

Чӗнтӗрлӗ хашаксемлӗ, пӗтнӗк тӗслӗ стенасемлӗ авалхи йывӑҫ ҫурта Заозерье ялӗнче ытти ҫуртсенчен тӳрех уйӑрса илӗн. Тахҫан ӗлӗк вӑл Устина Роскова купца майрин пулнӑ — хӗрарӑм шавлӑ та ҫынсем йышлӑ пурӑнакан ялта шушкӑ сутса пуйнӑ.

Ҫурт 19-мӗш ӗмӗрте

Ку ял хӑй ӗлӗк Салтыков-Щедрин амӑшӗн пулнӑ, ҫыравҫӑ ун пирки хӑйӗн «Пошехонская старина» хайлавӗнче асӑнни те пур. 18-мӗш ӗмӗрте сала пирки япӑх ят ҫӳренӗ. Ку шӑпах та ялта хупахсем йышлӑ пулнипе ҫыхӑннӑ.

Заозерьери суту-илӳ речӗсемпе купса ҫурчӗсенчен сыхланса юлнӑ пайӗ.

Кунсӑр пуҫне кунта тимӗрҫӗ лаҫҫисем ӗҫленӗ, тир-сӑран савучӗ пулнӑ. Вырӑнтисенчен нумайӑшӗ суту-илӳпе ӗҫленӗ: вырӑнти халӑхран пир туяннӑ та ӑна каярахпа ярмӑрккӑсенче сутнӑ. Майӗпен вӗсем валли ят та тупӑннӑ — маяксем.

Алена Петухова шӑпах ҫакӑнта ҫуралнӑ та. Ун чухне кунта колхоз та ӗҫленӗ, чӗнтӗрлӗ ҫурт ун аллинче пулнӑ — кунта колхоз кантурӗ вырнаҫнӑ.

Малалла...

"Чеб.ру" сайтри сӑн

Атӑл леш енчи Сосновкӑри ача пахчине Ҫурҫӗр, Первомайски тата Октябрьски поселокӗсенче пурӑнакан шӑпӑрлансем те ҫӳреҫҫӗ. Ҫулӗ ҫывӑхах мар, ҫавӑнпа Шупашкар хула администрацийӗн ачасене автобуспа илсе ҫӳремелле.

Автобусӗ 2022 ҫулхи нарӑс-ҫӗртме уйӑхӗсенче ҫӳренӗ-ха, анчах кайран рейс ҫула тухма пӑрахнӑ. Кун хыҫҫӑн прокуратура суда тавӑҫ тӑратнӑ. 2023 ҫулхи ҫӗртмере суд йышӑннӑ тӑрӑх, 3 уйӑх хушшинче ачасене автобуспа илсе ҫӳреме тытӑнмалла пулнӑ. Чӳк уйӑхӗнче автобус рейса тухнӑ. Анчах ҫак кунсенче транспорт ҫӗмӗрӗлнӗ, хальлӗхе вӑхӑтлӑх автобус ачасене илсе ҫӳрет.

sportishka.com сӑнӳкерчӗкӗ

Чӑваш Енре автотуризма аталантарасшӑн. Кун валли пирӗн тӑрӑхра йӑлтах пур. Ҫакӑн пек палӑртса хӑварнӑ республика Элтеперӗ Олег Николаев.

Чӑн та, республика урлӑ федераци пӗлтерӗшлӗ тӑватӑ ҫул иртет: М-7 «Атӑл» ҫулпа ҫӳрекенсем Мускавран Ӗпхӗве каяҫҫӗ, А-151 ҫулпа — Ҫӗрпӳрен Чӗмпӗре, М-12 «Хӗвелтухӑҫ» ҫулпа — «Европа — Хӗвеланӑҫ Китай», Р-176 «Вятка» — Шупашкартан Сыктывкара.

Федераци автоҫулӗсем хӗрринче сервисӑн 102 объекчӗ пур, ҫав шутран 44-шӗ — заправка станцийӗсем.

Элтепер шухӑшланӑ тӑрӑх, Шупашкарпа Комсомольски хушшинче — туризма аталантарма чи меллӗ вырӑн.

ntv.ru сайтри видео скринӗ

Улатӑр хулинчи биолог Виктория Штратрикова НТВ телеканалпа пыракан «Своя игра» кӑларӑма хутшӑннӑ. Кӑларӑм ӗнер, нарӑсӑн 3-мӗшӗнче, эфира тухнӑ.

Пирӗн ентеш ӑс-тӑн вӑййисен ертӳҫипе Евгений Быстровпа (Балаково хули) тата Питӗрти менеджерпа Сергей Смирновпа тупӑшнӑ. Виктория Штратникова 19 пин балл пухса вӗсене ҫӗнтернӗ.

Пирӗн ентеш Мускав патшалӑх унивеситетӗнче вӗреннӗ, халӗ унта биологра ӗҫлет.

А. Гайдар ячӗллӗ вулавӑш сӑнӳкерчӗкӗ

Шупашкарти Л. Гайдар ячӗллӗ вулавӑшра паллӑ чӑваш ҫыравҫипе Лидия Саринепе тӗлпулу ирттернӗ. Ӑшӑ кӑмӑллӑ та пултаруллӑ ҫыравҫӑпа шӑпӑрлансем – хулари 162-мӗш ача пахчине ҫӳрекенсем – курнӑҫнӑ.

Лидия Михайловна хӑйӗн ачалӑхӗнчи кӑсӑклӑ самантсене аса илнӗ, хӑйӗн кӗнекисемпе паллаштарнӑ май пултарулӑхӗ ҫинчен каласа кӑтартнӑ. Ачасем Лидия Саринен сӑввисемпе калавӗсене кӑсӑкланса итленӗ.

«Эпӗ – амӑшӗ, кукамай (тен, асанне те-тӑр. Вырӑсла хыпарта бабушка тенӗ. – Т.Т.) тата ҫыравҫӑ. Манӑн пурнӑҫри тӗллев — пултарулӑх!» – тенӗ Лидия Михайловна.

Лидия Сарине ҫырма 33 ҫулта ҫеҫ пуҫӑннӑ. Ун чухне ӑна кӗҫӗн хӗрӗ юмах вуласа пама ыйтнӑ. Тӗрлӗ юмаха темиҫе хут та каласа панӑран сюжетсем шухӑшласа кӑларма тытӑннӑ. Каярах ҫав хайлавсем тӗрлӗ пичет кӑларӑмӗнче кун ҫути курнӑ. Лидия Саринен пӗрремӗш калавӗ «Тӑварлӑ хурӑн шывӗ» ятлӑ пулнӑ.

ШӖМ тунӑ сӑн

Ҫӗнӗ Шупашкарта пурӑнакан 64 ҫулти арҫын патне мессенджерта палламан ҫын шӑнкӑравланӑ. Ҫав хӗрарӑм пӗлтернӗ тӑрӑх, арҫыннӑн патшалӑх пулӑшӑвӗсен порталӗнчи харпӑр кабинета ҫӗмӗрнӗ иккен. Кунпа усӑ курса ултавҫӑсем унӑн ячӗпе кредит илесшӗн имӗш.

Ҫак хӗрарӑм хушнипе арҫынпа арӑмӗ банка 500 пин тенкӗ кредит илме кайнӑ. Укҫана вӗсен «хӑрушсӑр счет» ҫине куҫармалла пулнӑ.

Банк менеджерӗ сисчӗвленнӗ: арҫын пӑлханнӑ, ыйтусене йӗркеллех хуравламан. Банк ӗҫченӗ ултавҫӑсем усӑ куракан мел пирки каласа кӑтартсан тин арҫын йӑлтах каласа панӑ. Менеджер ӑна полицие кайма сӗннӗ.

Мария Большакова менеджера вара ШӖМӗн Тав хучӗпе чысланӑ.

Чӑваш наци музейӗн страницинчен илнӗ сӑнӳкерчӗк

Паллӑ чӑваш поэчӗ Ҫеҫпӗл Мишши ҫуралнӑранпа 125 ҫул ҫитнине халалласа «Поэзи ҫеҫпӗлӗ» конкурс иртӗ. Унта чӑвашла сӑвӑсене илемлӗ вулакансем хутшӑнӗҫ.

Пултарулӑх ӑмӑртӑвне Чӑваш наци музейӗпе Чӑваш наци конгресӗ ирттерӗҫ.

Регионсем хушшинчи конкурса икӗ номинаципе йӗркелӗҫ: «Ҫеҫпӗл Мишшин чӑвашла хайлавӗсем» тата «Ҫеҫпӗл Мишшине халалласа ҫырнӑ сӑвӑсем».

Прокуратура архивӗнчи сӑн

Прокуратура Йӗпреҫ округӗнчи ҫулсене юртан мӗнле тасатнине тӗрӗсленӗ. «Нурӑс - Патӑрьел - Елчӗк» тата «Йӗпреҫ - Березовка - Кудеиха» ҫулсене «Дортех» организаци япӑх пӑхса тӑни палӑрнӑ. Чылай ҫӗрте ҫул хӗррине, тротуарсене хырман, юр 15 сантиметртан ҫӳллӗрех пулнӑ. Ҫул ҫине хӑйӑрпа тӑвар хутӑшне те сапман, чарӑнусем патне пынӑ ҫӗрте те кӑпӑшка юр выртнӑ.

«Дортех» тӗлӗшпе административлӑ ӗҫ пуҫарнӑ, должноҫри ҫынна 20 пин тенкӗлӗх штрафланӑ.