«Урал сасси» хаҫатӑн халах тетелӗнчи пабликӗнчен илнӗ сӑнӳкерчӗк

Ҫак уйӑхра Пушкӑртстанра чӑваш артисчӗсем концертпа пулӗҫ. Йышра — халӑх артисчӗ Вячеслав Христофоров, Чӑваш Республикин культурӑн тава тивӗҫлӗ ӗҫченӗсем Марта Зайцевапа Михаил Федоров (асли) тата Игорь Иванов.

«Урал сасси» хаҫат гастроль маршручӗпе паллаштарнӑ:

Ака уйӑхӗн 15-мӗшӗ – Чекмагуш районӗ, Юмашри культура ҫурчӗ;

16-мӗшӗ – Пелепей, тӗп культура керменӗ;

17-мӗшӗ – Ҫтерлӗ, Загородный поселок, районти культура ҫурчӗ;

18-мӗшӗ – Ишимбай районӗ, Йӗкенпуҫӗнчи культура ҫурчӗ;

19-мӗшӗ – Абдуллино (Эрӗнпур облаҫӗ), «Юбилейный» культура керменӗ;

20-мӗшӗ – Пишпӳлек районӗ, Пӑслӑкри культура ҫурчӗ;

21-мӗшӗ – Октябрьски, Наци культурисен центрӗ.

Пушкӑртстанра халӑх ятне тивӗҫне чӑваш ансамблӗсен хисепӗ 25-е ҫитнӗ. Вӗсем пирки асӑннӑ тӑрӑхри «Урал сасси» хаҫат пӗлтернӗ.

Халӑх ятне тивӗҫнисем ҫаксем:

• Пишкайӑнри культура ҫурчӗн «Шурӑ хурӑн» чӑваш юррисен халӑх хорӗ, Авӑркас районӗ;

• «Мерчен» чӑваш халӑх фольклор ансамблӗ, Авӑркас районӗн Тӗп культура ҫурчӗ, Толбазӑ ялӗ;

• «Илем» халӑх фольклор ансамблӗ, Пелепейри «Урал-Батыр» ял хутлӑхӗсен хушшинчи наци культурисен центрӗ, Пелепей районӗ;

• Пелепейри ачасен 1-мӗш номерлӗ ӳнер шкулӗ ҫумӗнчи «Сӗрен» тӗслӗхлӗ ача-пӑча юррисен ансамблӗ (вӑл икӗ ҫул каялла «Сӗрен» «Мерчен» ушкӑнпа пӗрлешсе «Мерчен» ятпа ҫӳреме пуҫланӑ);

• «Шурӑ хурӑн» фольклорпа этнографи ансамблӗ, Пишпӳлекри культура керменӗ;

• Пӑслӑкри «Ҫӑлкуҫ» фольклор ансамблӗ, Пишпӳлек районӗ;

• «Мерчен» фольклор ансамблӗ, Пишпӳлекри Тӗп культура керменӗ;

• Пӑслӑкри культура ҫурчӗн «Виҫтӳпе ҫӑлтӑрӗсем» «тӗслӗхлӗ» хореографи ансамблӗ, Пишпӳлек районӗ;

• Уйӑлкари «Ҫӑлкуҫ» чӑваш юррисен фольклор ансамблӗ, Ермеккей районӗ;

• Чӑваш Кӑпавӗнчи культура ҫурчӗн «Пилеш» чӑваш юррисен вокал ансамблӗ, Иглин районӗ;

• «Ҫӑлкуҫ» чӑваш халӑх фольклор ансамблӗ, Йӑмран ялӗ, Кармаскалӑ районӗ;

• «Шевле» чӑваш халӑх фольклор ансамблӗ, Суук-Чишма ялӗ, Кармаскалӑ районӗ;

• «Ҫеҫпӗл» фольклор ансамблӗ, Кривле-Илюшке культура ҫурчӗ, Куюргазӑ районӗ;

• «Туслӑх» вокал ансамблӗ, Мелеуз хули;

• «Сувар» чӑваш халӑх ансамблӗ, Ҫӗнӗ Хурамал ялӗ, Мияки районӗ;

• «Палан» чӑваш вокал ансамблӗ, Ямансасри культура ҫурчӗ, Ҫтерлӗ районӗ;

• «Парне» чӑваш юррисен ансамблӗ, «Рощинский» совхоз, Ҫтерлӗ районӗ;

• «Ашкатар ҫӑлкуҫӗсем» юрӑпа ташӑ ансамблӗ, Ашкатар ялӗ, Федоровка районӗ;

• «Мерчен» чӑваш фольклор ансамблӗ, Уралти культура ҫурчӗ, Федоровка районӗ;

• «Ҫеҫпӗл» фольклор ансамблӗ, Юмашри культура ҫурчӗ, Чекмагуш районӗ;

• «Родничок» фольклор ансамблӗ, Мичуринскри культура ҫурчӗ, Шаран районӗ;

• «Илемпи» вокал ансамблӗ, Октябрьский хули;

• «Шуратӑл ҫӑлкуҫӗсем» чӑваш юррисен ансамблӗ, Салават хули;

• «Тавах» эстрадӑпа фольклор ансамблӗ, Ҫтерлӗ хули;

• «Нарспи» фольклорпа этнографи халӑх ансамблӗ, Ӗпхӳ хули.

Малалла...

Чӑваш патшалӑх академи юрӑпа ташӑ ансамблӗ

Чӑваш патшалӑх академи юрӑпа ташӑ ансамблӗ Пушкӑртстанра пӗрре мар пулнӑ. Чи пысӑк йышпа (70 ҫынна яхӑн) 1990 ҫулта чӑваш литература классикӗ К. Иванов 100 ҫул тултарнӑ чухне килнӗччӗ. Апла пулсан Шупашкар артисчӗсене Пушкӑртстан килӗшет‚ хӑй патне туртать‚ куракансем те вӗсен пултарулӑхӗпе кӑмӑллӑ. Шӑпах ҫак сӑлтавсене тӗпе хурса ансамбль пуш уйӑхӗн вӗҫӗнче — ака пуҫламӑшӗнче республикӑна гастроле килме палӑртнӑ.

Кӗскен пӗлтерсен вӗсен маршручӗ ҫапла пулӗ:

● Пушӑн 28-мӗшӗ — Пелепей хули‚ Культура керменӗ;

● Пушӑн 29-мӗшӗ — Ҫтерлӗ хули‚ Хула культура ҫурчӗ;

● Пушӑн 30-мӗшӗ — Федоровка ялӗ‚ Культура керменӗ;

● Пушӑн 31-мӗшӗ — Толбазӑ ялӗ‚ Культура керменӗ.

● Акан 1-мӗшӗ — Пишпӳлек районӗ‚ Пӑслӑк ялӗ;

● Акан 2-мӗшӗ — Мияки районӗ‚ Тимеш ялӗ;

● Акан 3-мӗшӗ — Чекмагуш районӗ‚ Юмаш ялӗ;

● Акан 4-мӗшӗ — Ермеккей ялӗ‚ Культура керменӗ.

Концертсем 19 сехетре (Ермеккейре — 16.00) пуҫланаҫҫӗ.

Малалла...