|
Хулара
 cap.ru сӑнӳкерчӗкӗ Шупашкар хулин кунне уявланӑ май республикӑмӑрӑн тӗп хулин историлле пайӗпе паллаштаракан тӳлевсӗр экскурсисем иртӗҫ. Ӑна хулари музейпа туризм центрӗ йӗркелӗ. Экскурсисем ҫурла уйӑхӗн 12-14-мӗшӗсенче пулӗҫ. Ҫуран утакансен ҫулҫӳревӗсем 1,5-2 сехет тӑсӑлӗҫ. Унӑн маршручӗ ҫапларах: ««Шупашкар» пограничникпа хурал карапӗ – Юханшыв порчӗ – Хӗрлӗ тӳрем – Мускав ҫыранӗ». Гид Шупашкарӑн историйӑпе тата культурипе паллаштарӗ, «Шупашкар» карап ҫине те кӗртсе кӑтартӗ. Экскурсие юханшыв порчӗ патне пуҫтарӑнмалла. Ҫулҫӳреве 10, 13 тата 15 сехетре тухӗҫ. Экскурсие 23-20-36 телефонпа (ирхи 8 сехетрен пуҫласа 16.30 сехетчен, кӑнтӑрлахи апат вӑхӑчӗ 12 сехетрен пуҫласа 13 сехетчен). Хыпар ҫӑлкуҫӗ:
|
|
Пӑтӑрмахсем
 rbc.ru сайтри сӑн Ҫурла уйӑхӗн 8-мӗшӗнче Шупашкарти ҫӗнӗ кӑнтӑр районӗнче, Ленин Комсомолӗн урамӗнчи 50-мӗш ҫурт ҫывӑхӗнче, арҫын виллине тупнӑ. 10 хутлӑ ҫурт умне оперативлӑ службӑсем ҫитнӗ. «Про Город» хаҫата халӑх корреспонденчӗ пӗлтернӗ тӑрӑх, арҫын ҫӳллӗшӗнчен ӳкнӗ. Вӑл пӗр 30 ҫулсенче пулнӑ. Следстви комитечӗн Чӑваш Енри следстви органӗсем ку ӗҫ-пуҫа уҫӑмлатаҫҫӗ. Хыпар ҫӑлкуҫӗ:
|
|
Ял хуҫалӑхӗ
 agro.cap.ru cӑнӳкерчӗкӗ Чӑваш Енримял хуҫалӑх предприятийӗсенче вырмана тухнӑ, кӗрхисене те акаҫҫӗ. Республикӑн Ял хуҫалӑх министерстви «Агрохмель» обществӑра пӗрчӗллӗ йышши культурӑсене вырасси хӗрӳ пырать. Куславкка районӗнчи «Родина» кооперативра кӗрхи ыраш акма пуринчен малтан тенӗ пек пуҫӑннӑ. Красноармейски муниципалитет округӗнче те комбайнсем вырмара ӗҫлеҫҫӗ. Шупашкар районӗнче 4 хуҫалӑхра вырмана тухнӑ. Шӑмӑршӑ районӗнче кӗрхисене акма 1022 гектар ҫӗр хатӗрленӗ. Хыпар ҫӑлкуҫӗ:
|
|
Вӗренӳ
 cap.ru сайтри сӑн Ҫӗртме уйӑхӗн 27-мӗшӗнче республикӑра ҫил-тӑвӑл алхаснӑ чухне шкулсем шар курнӑччӗ. Уйрӑмах Комсомольски, Йӗпреҫ, Канаш районӗсенче пурӑнакансем тӑкак тӳснӗ. Шар курнӑ 7 шкултан 5-шӗ – Комсомольски районӗнче: Хырхӗрри, Урмаел, Хирти Сӗнтӗр, Чӗчкен, Асанкасси шкулӗсем. Вӗсенче юсав ӗҫӗсене туса пӗтернӗ, пӗлӳ ҫурчӗсем вӗренӳ ҫулне хатӗр. Йӗпреҫ районӗнчи Пучинке шкулӗнче те юсаса пӗтернӗ. Канаш районӗнчи Шелттем шкулӗнче вара хальлӗхе ӗҫсем пӗтмен. Хыпар ҫӑлкуҫӗ:
|
|
Чӑваш чӗлхи
 Николай Плотниковӑн тӳпи ҫурри ытла йышӑнать Google.Translate сервиса чӑваш чӗлхине кӗртес тӗлӗшпе пулӑшу эпир сирӗнтен унччен те ыйтнӑччӗ. Шел те, хыпарне вырнаҫтарнӑ чухне кӑна пулӑшакансем хастаррӑн хутшӑнчӗҫ, каярах вара ҫак ӗҫ пирки пачах та манчӗҫ. Ҫавна май Чӑваш чӗлхи лабораторийӗ сире ку ӗҫе тепӗр хут хутшӑнма йыхравлать! Пулӑшма кӑмӑл пур пулсан ҫак ӗҫ пӗрре те йывӑр мар. Ҫакна унччен хутшӑннисем те ҫирӗплетсе пама пултараҫҫӗ. Пулӑшас текенсен мӗнле утӑмсем тумаллине ятарлӑ статьяра ҫырса кӑтартрӑмӑр. Кӗскен каласан, сирӗн Google.Translate сайта уҫмалла та, «Предложить перевод» пускӑч ҫине пусса ятарлӑ пая кӗмелле. Кунта чӑваш чӗлхине суйламалла та («английский–>чувашский» мӑшӑра) е куҫарусем сӗнмелле, е ыттисем куҫарнине тӗрӗслемелле. Пулчӗ те. Ку пулӑшӑва акӑлчанла пӗлмесен те ним йывӑрлӑхсӑр тума пулать. Google е Яндекс пулӑшнипе ним мар акӑлчанларан вырӑсла (Яндексӗ вара тӳрех чӑвашла та куҫарма пултарать!) куҫарма пулать. Вырӑслине чӑвашла куҫарма вара йывӑр мар. Кӑмӑл кӑна пултӑр! Сӑмах май, чӑвашсем «ҫывӑрнӑ» хушӑра пушкӑртсем те, яккутсем те пирӗнтен иртнӗ. Чеченсем пирки каласси те ҫук. Хыпар ҫӑлкуҫӗ:
|
|
Пӑтӑрмахсем
 http://gov.cap.ru/Info.aspx?type=news&id=4543416&gov_id=126 Ҫӗрпӳ районӗнчи Туҫа ялӗнче арҫын шыва путса вилнӗ. Вӑл Энӗш юханшывне путнӑ. Ҫавӑн чухне инкек пулса иртнӗ те. 1979 ҫулта ҫуралнӑ арҫынна ҫӑлса ӗлкӗреймен. Шыва путнӑ этеме инкек вырӑнне пырса ҫитнӗ Республикӑн шыравпа ҫӑлав службин ӗҫченӗсем водолаз снаряженийӗпе шыранӑ. Вилене юханшывран туртса кӑларса вӗсем тӑванӗсене панӑ. Хыпар ҫӑлкуҫӗ:
|
|
Республикӑра
 Следстви комитечӗн архивӗнчи сӑн Шупашкарти «Экра» предпряитире ӗҫленӗ Татьяна Качковӑна полицейскисем шыранӑ. Ҫак кунсенче ӑна тытса чарнӑ. Вӑл 185 миллион тыла тенкӗ ҫухалнӑ ӗҫпе ҫыхӑннӑ тесе шутлаҫҫӗ. Ҫак хӗрарӑм предприятире финанспа экономика службин ертӳҫинче ӗҫленӗ. Халӗ ӑна килти ареста лартнӑ. Пуҫиле ӗҫе малалла тӗпчеҫҫӗ. Следстви палӑртнӑ тӑрӑх, 2010 ҫулхи кӑрлачран пуҫласа 2013 ҫулхи ҫу уйӑхӗччен хӗрарӑм Ирина Дрозд бухгалтера укҫа вӑрлама пулӑшса пынӑ, преступлени йӗрне ҫухатнӑ. Ҫапла вӗсем хӑйсен тата упӑшкин счечӗсем ҫине 185 миллион та 469 пин тенкӗ куҫарнӑ. Хӗрарӑма айӑплама тӑрсан вӑл ҫухалнӑ, урӑх регионта 2 эрне пытаннӑ. Ҫурлан 7-мӗшӗнче полицейскисем вӑл Мускавра пулнине палӑртнӑ. Ӑна тытса чарса Чӑваш Ене илсе килнӗ. Хыпар ҫӑлкуҫӗ:
|
|
Хулара
 ШӖМ тунӑ сӑн 20 ҫулти каччӑ хваттер чӳречинчен кайӑксене перес тесе ҫынна лектернӗ. Ку ҫурла уйӑхӗн 8-мӗшӗнче Шупашкарти Дементьев урамӗнче пулнӑ. Пуля хӗрарӑмӑн питҫӑмартине шӑйӑртнӑ, хулпуҫҫинчен лекнӗ. Вӑл пульницӑна кайса тухтӑрсенчен пулӑшу ыйтнӑ. Пӑшалтан перекен каччӑна часах тупса палӑртнӑ. Хӑй ӑнлантарнӑ тӑрӑх, вӑл чӳречерен кайӑксене пересшӗн пулнӑ, урамри хӗрарӑма вара асӑрхаман. Йӗрке хуралҫисем унӑн пӑшалне туртса илнӗ. Халӗ тӗрӗслев пырать. Хыпар ҫӑлкуҫӗ:
|
|
Республикӑра
 iz.ru сайтри сӑн Чӑваш Енри транспорт прокуратури Ростов облаҫӗнчи Шахта хулин судне тавӑҫ тӑратнӑ. Унта вӑл АН-2 самолета вӗҫмешкӗн чарма ыйтнӑ. Ҫав самолет ҫу уйӑхӗн 22-мӗшӗнче Улатӑр районӗнчи ял хуҫалӑх уйӗсене сапнӑ чухне пысӑк вольтлӑ линие сиенлетнӗ. Самолета йӗркене пӑхӑнса регистрацилемен-мӗн. Пилотӑн вӗҫме ирӗк паракан сертификат та пулман. Борт ҫинче ҫӑлавпа авари хатӗрӗсем те пулман. Пилот тӗлӗшпе административлӑ ӗҫсем пуҫарнӑ. Хыпар ҫӑлкуҫӗ:
|
|
Чӑваш чӗлхи
 cap.ru порталтан илнӗ скриншот Чӑваш Енри шкулсенчи ачасем чӑваш чӗлхипе тата литературипе, тутар чӗлхипе тата литературипе, мордва чӗлхипе тата литературипе регион тата халӑхсем хушшинче олимпиадӑсенче ҫӗнтернӗшӗн вӗсен вӗрентекенӗсене укҫан хавхалантарма йышӑннӑ. Документа республика Элтеперӗ Олег Николаев алӑ пуснӑ. Хӑш-пӗр учителе 100-шер пин тенкӗ преми парӗҫ, хӑшӗсене — 50-шар пин тенкӗ. Вӗсем Патӑрьел, Йӗпреҫ, Улатӑр, Пӑрачкав, Вӑрмар, Ҫӗрпӳ, Муркаш, Комсомольски районӗсенчи шкулсенче ӗҫлеҫҫӗ. Хыпар ҫӑлкуҫӗ:
|
+8.3 °C