|
Ял хуҫалӑхӗ
 Темиҫе кун каялла, раштавӑн 30-мӗшӗнче, «Чӑваш бройлерӗ» акционерсен уҫӑ обществин директорсен канашӗн ларӑвӗ иртнӗ. Унта предприяти малашне епле ӗҫлессине сӳтсе явнӑ. Предприятири лару-тӑрӑва Чӑваш Ен Элтеперӗ эрнесерен ирттерекен канашлура та (вӑл раштавӑн 28-мӗшӗнче иртнӗ) сӳтсе явнӑ. Обществӑра кайӑк-кӗшӗк апачӗ пӗр уйӑхлӑха, ветеринари препарачӗсем 2–3 эрнелӗхе кӑна ҫитеҫҫӗ-мӗн тата предприятин ҫутӑшӑн тата налук тӳлессипе парӑмсем те пуррине палӑртаҫҫӗ. Кайӑк-кӗшӗк хапрӑкӗн акцийӗсен 49 проценчӗ республика аллинче пулнине кура Чӑваш Ен влаҫӗсен лару-тӑрӑва ҫирӗп асӑрхаса-сӑнаса тӑмалла. Ку шухӑша Михаил Игнатьев Элтепер правительство пайташӗсемпе ирттернӗ канашлура палӑртса хӑварнӑ. Хыпар ҫӑлкуҫӗ:
|
|
Вӗренӳ
 Ҫак кунсенче Хӗрлӗ Чутайӑн кивӗ центрӗнче 160 ача (8 ушкӑн) вырнаҫмалӑх «Солнышко» (чӑв. Хӗвелпи, малтан ӑна Шевле ята парасшӑн пулнӑ) ача пахчи хута кайрӗ. Ӑна ҫӗклессипе ООО «Волга-Ресурс» организаци тӑрӑшнӑ. Ача пахчине уҫнӑ ҫӗре Чӑваш Республикин Патшалӑх Канашӗн депутачӗсем Валерий Павловпа Николай Малов, Чӑваш Республикин ҫутӗҫ министерствин элчи Валерий Кузьмин, Хӗрлӗ Чутай район пуҫлӑхӗ Александр Степанов, администраци ертӳҫи Александр Башкиров, «Волга-Ресурс» организацин директорӗ Сергей Алексеев, Хӗрлӗ Чутайри чиркӳ пупӗ Максим атте тата ыттисем хутшӑнчӗҫ. Валерий Павлов ача пахчине 20 пинлӗх сертификат парнелерӗ. Сергей Алексеев ҫӗнӗ ҫурт уҫҫине садик ертӳҫине Алина Васильевӑна тыттарчӗ. Хӑнасем ҫӗнӗ ҫуртпа паллашнӑ хыҫҫӑн вӑл пурне те килӗшнине пӗлтерчӗҫ. Сӑнсем (82) Хыпар ҫӑлкуҫӗ:
|
|
Ҫул-йӗр
 Етӗрне районӗнче Ҫӗнӗ ҫул умӗн ҫӗнӗ ҫул уҫнӑ. Вӑл 2,5 ҫухрӑм, темиҫе яла ҫыхӑнтарать. Кун пирки ЧР влаҫӗсен официаллӑ порталӗ пӗлтерет. «Сӑр — Тури Мучар — Чаканар — Ирҫе» ҫула раштав уйӑхӗн 30-мӗшӗнче савӑнӑҫлӑ лару-тӑрура уҫнӑ. Вырӑнти халӑхшӑн ку Ҫӗнӗ ҫул уявӗ умӗн чӑн-чӑн парне пекех пулнӑ. Унта хисеплӗ хӑнасем, пултарулӑх ушкӑнӗсем хутшӑннӑ. Ҫул 2,467 ҫухрӑм тӑршшӗ, сарлакӑшӗ — 6 метр. Ӑна тумашкӑн 46333,31 пин тенкӗ тӑкакланӑ. Етӗрне районӗнче кӑҫал 10 ҫул тума пуҫланӑ. Республикӑри ялсенче пӗтӗмпе 100 ытла объекта хута яма тытӑннӑ. Хыпар ҫӑлкуҫӗ:
|
|
Пӑтӑрмахсем
 Раштав уйӑхӗн 31-мӗшӗнче, Ҫӗнӗ ҫул уявӗнче, Етӗрне районӗнчи «Сурские зори» (чӑв. Сӑр шурӑмпуҫӗ) кану базинчен инҫех мар, урапа пӑр айне анса кайнӑ. Subaru Forester урапа пӑрпа витӗннӗ юханшыв ҫине кӗрсе кайнӑ, ҫыранран инҫех мар кайсан 10 сантиметра яхӑн хулӑнӑш пӑр ӑна чӑтайман — урапа шыв айне кайма пуҫланӑ. Руль умӗнче 51 ҫулти водитель пулнӑ. Икӗ пассажир, хыҫалта ларакансем, ҫӑлӑнса юлнӑ. Пӑр айне кайнӑ урапана хальлӗхе кӑларман, водитель ӳтне те тупман. Каярахпа пӗлтернӗ тӑрӑх, Шупашкарта пурӑнакан ҫемье Ҫӗнӗ ҫул каҫне «Сурские зори» кану базинче паллӑ тума палӑртнӑ. МЧС ӗҫченӗсем хальлӗхе урапапа пӑр ҫине кӗме юраманни пирки аса илтереҫҫӗ. Хыпар ҫӑлкуҫӗ:
|
|
Культура
 Августа Уляндина Чӑваш эстрада артисчӗсем ҫӗршывӑн тӗрлӗ регионне ҫитсе хӑйсен юрри-ташшине кӑтартса ҫӳрет. Сцена ҫине тинтерех ура ярса пуснисем те, сумлӑ ят ҫӗнсе илнисем те инҫе ҫула кӗскетсе аякри йӑхташӑмӑрсем патне кайса ҫӳреҫҫӗ. Кӑҫал та вӗсем тӗрлӗ региона ҫитӗҫ. Ҫывӑх вӑхӑтра иртекен концертсенчен Тутарстан Республикинчи Ҫарӑмсан салинчи Культура керменӗнче кӑрлачӑн 6-мӗшӗнче Раштава халалланине асӑнмалла. Уява Чӑваш Республиикн халӑх артистки Августа Уляндина пухӗ. Вӑл ыркӑмӑллӑх концертне чӗнет. Программӑна «Ярды» ушкӑн (Шупашкар), «Салам» фольклор ушкӑнӗ (Хусан), MC DANC ADRENALINE ушкӑн (Новосибирск), «ТРИ А» ушкӑн (Шупашкар) та кӗнӗ. Тӗрлӗ хуларан килнӗ артистсен концерчӗ 19 сехетре пуҫланмалла. Хыпар ҫӑлкуҫӗ:
|
|
Республикӑра
 Хисеплӗ хӑнасем, чӑваш тетелӗн хастар ӗҫтешӗсем! Чӑваш халӑх сайчӗ сире пурне те Ҫӗнӗ Ҫул ячӗпе саламлать! 2016 килес ҫулта пӗтӗм хуйхӑ-суйхӑна чӑтса ирттерсе лайӑххипе ҫеҫ киленмелле пултӑр! Чӑваш халӑхӗ те сире ҫӗнӗлӗхсемпе савӑнтарма тӑрӑшӗ! Кӳрентернине каҫарар, усал сунар мар, ырӑ тӑвакана — мухтар та хисеп тӑвар! Япӑххине асӑнмалла ан пултӑр, ырри тупӑнсах тӑтӑр! Ҫапла пултӑр! |
|
Спорт
 Ҫак кунсенче Етӗрне районӗнчи «Присурье» (чӑв. Сӑрҫум) спорт комплексӗн 4-мӗш хутӗнче ирӗклӗ мелпе кӗрешекенсенсен тата теннис залӗ уҫӑлнӑ. Ӑна уҫнӑ ҫӗре Етӗрне хулин пуҫлӑхӗ Фоланин В.И., Етӗрне районӗн вӗрентӳ пуҫлӑхӗ Филимонов А.А., районти пуху депутачӗсем Матвеев А.Н. тата Мешков С.В. хутшӑннӑ. Ку зал Етӗрне район депутачӗ Матвеев А.Н. пулӑшнипе уҫӑлнӑ. Мешков С.В. ачасене кӗрешмелли хатӗрсем тата мечӗксем парнеленӗ. Матвеев Александр Николаевича Етӗрне район администрацин Хисеп хучӗпе тата Чӑваш Республикин физкультурӑпа спорт Министерствин Тав хучӗпе чысланӑ. Спорта юратакансем ирӗклӗ мелпе кӗрешекенсем хушшинче иртнӗ турнира курса савӑннӑ, ҫӗнтерӳҫӗсем Хӗл Мучи парнине тивӗҫнӗ. Сӑнсем (23) Хыпар ҫӑлкуҫӗ:
|
|
Ҫурт-йӗр
 Шупашкар районӗнчи ашшӗ-амӑшӗсӗр юлнӑ ачасем Ҫӗнӗ ҫула ҫӗнӗ хваттерте кӗтсе илӗҫ. Тӗрӗсрех, хваттер уҫҫипе. Кӳкеҫри Совет урамри нумай хваттерлӗ ҫӗнӗ ҫуртра кил ӑшшине тупӗҫ вӗсем. Ахаль туянакансемпе танлаштарсан, социаллӑ программӑпа паракан хваттерсене пурӑнма хатӗрлесе ҫитернӗ: урайне сарнӑ, стенисемпе маччисене те йӗркене кӗртнӗ. Хваттерте шыв, газ тата ҫутӑ счетчикӗсем, газ плити вырнаҫтарнӑ. Хваттерлӗ пулнисен халӗ сӗтел-пукан, кил-тӗрӗшре кирлӗ ытти хатӗр-хӗтӗр туянса лартасси тата ҫӗнӗ ҫӗре пурӑнма куҫасси кӑна юлать. Хваттер уҫҫине Шупашкар район администрацийӗн пуҫлӑхӗн ҫумӗ — градостроительство пайӗн пуҫлӑхӗ Алексей Елимов тата ҫурт-йӗрпе коммуналлӑ хуҫалӑх пайӗн пуҫлӑхӗ Геннадий Ефимов тыттарнӑ. Сӑнсем (6) Хыпар ҫӑлкуҫӗ:
|
|
Культура
 Хӗрлӗ Чутай районӗнче ҫулленех йышлӑ ҫемьери тата йывӑр пурнӑҫпа пурӑнакан ачасене Ҫӗнӗ Ҫул уявӗпе савӑнтараҫҫӗ. Ӑна ирттерме Чӑваш Республикин Патшалӑх Канашӗн депутачӗ Валерий Павлов пулӑшать. Кӑҫал та районти ачасем Хӗрлӗ Чутая уява пуҫтарӑнчӗҫ. Малтанах вӗсене Пукане театрӗн артисчӗсем спектакльпе савӑнтарчӗҫ. Пухӑннисене 2016 ҫулпа Чӑвашпотребсоюз председателӗ Валерий Павлов саламларӗ, вӗсене вӗренӳре, спортра ӑнӑҫусем сунчӗ. Хӗрлӗ Чутай администраци пуҫлӑхӗ Александр Башкиров ачасен ашшӗ-амӑшне пурнӑҫри йывӑрлӑхсене ҫӗнтерсе малалла талпӑнма ырлӑх-сывлӑх сунчӗ. Унтан ачасем чӑрӑш тавра юрласа-ташласа савӑнчӗҫ. Хӗл Мучипе Юрпике, Фунтик, Беладонна тата ытти юмах сӑнарӗсем уява илемлетрӗҫ. Паллах, кашниех Хӗл Мучи парнине илме тивӗҫлӗ пулчӗ. Сӑнсем (37) Хыпар ҫӑлкуҫӗ:
|
|
Спорт
 Ҫак кунсенче Ҫӗмӗрле хулинче ҫамрӑк гимнасткӑсем хӑйсен пултарулӑхӗпе паллаштарчӗҫ. Етӗрне, Ҫӗмӗрле, Ҫӗрпӳ хулисенчен тата Кӳкеҫ поселокӗнчен пуҫтарӑннӑ 4–10 ҫулхи ачасем халлӗхе гимнастикӑра пӗрремӗш утӑмсем ҫеҫ тӑваҫҫӗ пулин те ҫапах вӗсен пултарулӑхӗ куракансене савӑнтарчӗ. Уяв хыҫҫӑн Хӗл Мучи пурне те саламласа парнесемпе чысларӗ. Сӑнсем (19) Хыпар ҫӑлкуҫӗ:
|
+6.3 °C