|
Республикӑра
 chv.aif.ru сайтри сӑн Шупашкартан Азербайджанри Бакуна самоет вӗҫме пуҫлас шанчӑк пур. «ИрАэро» компани рейс уҫма ирӗк илнӗ. Документ тӑрӑх, вӑл эрнере икӗ рейс тума пултарать. Анчах ирӗк илни кӑна мар-ха. Маршрута уҫасси кунран кӑна килмест. Ун пек тӗслӗхсем пулнӑ: авиакомпани рейс уҫма ирӗк илнӗ, анчах маршрута йӗркелесе ярайман. Хыпар ҫӑлкуҫӗ:
|
|
Пӑтӑрмахсем
 Шупашкарта пурӑнакан пӗр водитель ҫул-йӗр хӑрушсӑрлӑхӗн инспекторӗсене улталас тенӗ те анчах май килмен. «Хендай Н-1» микроавтобус водительне пакунлисем пуш уйӑхӗн 15-мӗшӗнче ирхине асӑрханӑ. Йӗрке хуралҫисене курсан арҫын машинӑри хыҫалти ларкӑч ҫине куҫса ларнӑ, хӑй пассажир иккенне ӗнентерме пӑхнӑ. Медицина тӗрӗслевӗ витӗр тухма вӑл килӗшмен. Тепӗр виҫӗ кунтан ун тӗлӗшпе пуҫиле ӗҫ пуҫарнӑ, ӑна руль умне ӳсӗрле тепӗр хутчен ларнӑшӑн явап тыттарӗҫ. Сӑмах май каласан, 2022 ҫулта унӑн правине туртса илнӗ пулнӑ иккен. Хыпар ҫӑлкуҫӗ:
|
|
Пӑтӑрмахсем
 Ӗнер, пуш уйӑхӗн 19-мӗшӗнче, Шупашкарти Трактор тӑвакансен проспектӗнчи 46-мӗш ҫурт патӗнче пӗр водитель машинӑпа ҫын ҫине пырса кӗнӗ. «Ауди Q5» водителӗ машинӑна чакарса пынӑ чухне ҫуран утакан ватӑ ҫын ҫине пырса кӗнӗ. 78 ҫулти кинемее темех пулман, пульницӑра тӗрӗсленӗ хыҫҫӑн ӑна килне янӑ. Ют ҫӗршыври машина рулӗ умӗнчи 43 ҫулти арҫын урах пулнӑ. Ҫул-йӗр правилине пӑҫнӑшӑн ӑна администартивла майпа ҫулталӑкра 75 хутчен явап тыттарнӑ. Хыпар ҫӑлкуҫӗ:
|
|
Политика
 t.me/government_chuvashii сӑнӳкерчӗкӗ Ҫак эрнере пирӗн республикӑн правительствинче кадрсемпе ҫыхӑннӑ йышӑну пулса иртнӗ. Чӑваш Енӗн Патшалӑх ветеринари службин пуҫлӑхӗн ҫумӗ пулма Денис Шишкина шаннӑ. Дениса Алексеевича ку пукана шанса парасси ҫинчен калакан йышӑнӑва Чӑваш Енӗн Министрсен Кабинечӗн Председателӗн тивӗҫне пурнӑҫлакан Сергей Артамонов пуш уйӑхӗн 17-мӗшӗнче алӑ пуснӑ. Хыпар ҫӑлкуҫӗ:
|
|
Персона
 Комплекслӑ центр сӑнӳкерчӗкӗ Шупашкарта пурӑнакан Мария Столярова паян 105 ҫул тултарнӑ. Мария Михайловна 1920 ҫулта Муркаш районӗнчи Нискасси ялӗнче ҫуралнӑ. Ачаранах вӗренме ӑнтӑлнӑскер Горькинчи (халӗ — Чулхула) педагогика институтне вӗренме кӗнӗ. 1940 ҫулта вӑл Етӗрне районӗнчи Янӑм шкулӗнче ӗҫлеме тытӑннӑ. Вӑрҫӑ ҫулӗсенче шкул ачисемпе пӗрле вырӑнти колхозра нумай тӑрӑшнӑ. 1948-1970 ҫулсенче вӑл маларах асӑннӑ районти Урпаш шкулӗнче ачасене нимӗҫ чӗлхи вӗрентнӗ. 1970-1972 ҫулсенче Шупашкарти 6-мӗш вӑтам шкулта ӗҫленӗ. Мария Михайловнӑн ача-пӑча пулман, анчах чун юратӑвне вӑл хӑй вӗрентнӗ ачасене панӑ. Паян ӑна тӑванӗн хӗрӗ Нина Петровна пӑхать. Хыпар ҫӑлкуҫӗ:
|
|
Сывлӑх
 cheb.mk.ru сайтри сӑнӳкерчӗк Кӑҫал Шупашкар округӗнчи Ҫатракасси ялӗнче ҫӗнӗ фельдшерпа акушер пункчӗ уҫӑлмалла. Ӑна «Вӑрӑм та хастар пурнӑҫ» наци проекчӗпе килӗшӳллӗн хута ярӗҫ. ФАП тума 30 миллион ытла тенкӗ уйӑрнӑ. Хальхи вӑхӑтра аукцион иртет. Унта ҫӗнтернӗ подрядчикӑн ФАПа кӑҫал юпа уйӑхӗн 1-мӗшӗччен туса пӗтермелле. Ҫавӑн пекех унӑн инженери тытӑмне хута ямалла, ҫывӑхри территорие хӑтлӑлатмалла. Хыпар ҫӑлкуҫӗ:
|
|
Политика
 er.ru сӑнӳкерчӗкӗ Чӑваш Енри тата тепӗр икӗ ҫынна орден медалӗпе чыслама йышӑннӑ. «Чӑваш Республики умӗнчи тава тивӗҫлӗ ӗҫсемшӗн» орден медалӗпе Патӑрьел тӑрӑхӗнчи «Исток» агрофирма генеральнӑй директорне Александр Илюткина тата Пӑрачкав муниципалитет округӗн пуҫлӑхне Евгений Лебедева (сӑнӳкерчӗкре) чысланӑ. Хушӑва республика Элтеперӗ пуш уйӑхӗн 18-мӗшӗнче алӑ пуснӑ. Хыпар ҫӑлкуҫӗ:
|
|
Культура
 Cap.ru сӑнӳкерчӗкӗ Паян, пуш уйӑхӗн 20-мӗшӗнче, пирӗн республикӑра «ШупашкАРТ-2025» курав-конкурс уҫӑлӗ. Вӑл Чӑваш Енӗн Наци вулавӑшӗнче ӗҫлӗ. Дизайн, архитектура тата декораципе прикладной ӳнерӗн пӗтӗм тӗнчери куравӗ кӑҫалхипе 11-мӗш хут уҫӑлать. Ӑна йӗркелекенни – Чӑваш Енри дизайнерсен пӗрлешӗвӗ. Мероприяти тӗллевӗ — пултаруллӑ ҫамрӑксене тупса палӑртасси, пултарулӑх пӗрлешӗвӗсем хушшинче туслӑ ҫыхӑну йӗркелесе ярасси. Фестиваль «Кӗмӗл ӗмӗр» галерейӑра 16 сехетре уҫӑлӗ. Хыпар ҫӑлкуҫӗ:
|
|
Республикӑра
 Cap.ru сӑнӳкерчӗкӗ Чӑваш Енре кӑҫал та сӑра фестивальне иритерӗҫ. «Раҫҫейӗн симӗс ылтӑнӗ» хальхинче утӑ уйӑхӗн 12-19-мӗшӗсенче пулӗ. Фестивале йӗркелекенсем шантарнӑ тӑрӑх, кӑҫал ӑна тата та чаплӑрах, ҫӳллӗрех шайра ирттересшӗн. Республикӑн влаҫ органӗсен официаллӑ порталӗнче хыпарланӑ тӑрӑх, «ӗҫлӗ партнерсемпе хӑнасене» пӗлтӗрхинчен ытларах чӗнмелле. Республика Элтеперӗ Олег Николаев та сӑра фестивалӗ питех кирлӗ мероприяти тесе каланӑ май фестиваль аграрисене, влаҫа тата усламҫӑсене пӗрлештернине палӑртса хӑварнӑ. Хыпар ҫӑлкуҫӗ:
|
|
Сывлӑх
 "Контактри" сӑн Елчӗк округӗнчи Аслӑ Таяпа ялӗнче хальхи йышши тухтӑр амбулаторийӗ уҫӑлнӑ. Ӑна «Сывлӑх сыхлавӗ» наци проекчӗпе килӗшӳллӗн хута янӑ. Амбулатори 11 ялти 1800 ҫын сывлӑхне тӗрӗслесе тӑрать. Унта терапевт, педиатр ӗҫлеҫҫӗ, диспансеризаци тӑваҫҫӗ, вакцинацилеҫҫӗ. «Кунта питӗ хӑтлӑ», – тет ял старости Елена Еникова. Сӑмах май, юлашки ҫулсенче Елчӗк округӗнче 16 ФАП тата 2 тухтӑр амбулаторийӗ хута кайнӑ Хыпар ҫӑлкуҫӗ:
|
+0.3 °C