cheb.ru сайтри сӑн

Асӑрханӑр: синоптиксем ку эрнере ҫанталӑк самаях сивӗтессе пӗлтереҫҫӗ. Паян республикӑра йӗпе юрпа ҫумӑр ҫурӗ, ҫитес кунсенче вара кӗрӗке шкапран кӑларма тивӗ.

Ыранах ҫанталӑк сивӗтӗ: термометр «минус» кӑтартӗ. Юнкун юр ҫӑвӗ, ҫанталӑк тата сивӗтӗ. Ун чухне термометр 3-8 градус кӑтартӗ. Анчах хӗвеланӑҫӗнчен вӗрекен ҫиле пула тата сивӗрех пек туйӑнӗ.

Чи сивви – ку мар-ха. Нарӑсӑн 6-мӗшӗнче ҫил лӑпланӗ, сывлӑш 9-14 градус таран сивӗнӗ.

Эрнекун кӑштах юр ҫӑвӗ, ҫил-тӑман вӗҫтерӗ. Кун хыҫҫӑн пирӗн пата Арктикӑран сип-сивӗ сывлӑш ҫитӗ. Ҫавна май канмалли кунсенче хӗвеллӗ те шартлама сивӗ пулӗ – термометр 17-22 градус кӑтартӗ, хӑш-пӗр тӑрӑхра – 25 градус таранах.

Малтанлӑха пӗлтернӗ тӑрӑх, ҫитес эрне пуҫламӑшӗнчех ӑшӑтма тытӑнӗ.

https://www.instagram.com/p/B8FynYVIo3b сӑнӳкерчӗкӗ

Шупашкар хулинче видеокамерӑсем халӗ чылай вырӑнта пур. Вӗсене предприяти-организацисенче те вырнаҫтараҫҫӗ, урамсенче те йышлӑ. Урамрисенчен хӑшӗсем ӳкерекен информаци пакунлисем патне каять. Ҫав камерӑсем преступление палӑртма пулӑшаҫҫӗ.

Усал шухӑшпа ҫӳрекене нимӗн те чараймасть пуль ҫав. Шупашкарти икӗ ҫамрӑк камерӑсенчен пӗрне вӑрланӑ. Вӗсем Речников лапамӗнчи ҫурт ҫинчи камерӑна куҫ хывнӑ. Ӑна кӑрлачӑн 31-мӗшӗнче каҫхи 7 сехет тӗлӗнче пӗҫертсе кайнӑ.

Урамри видеокамерӑна вӑрлаканӗсем 20-25 ҫулсенчи икӗ ҫамрӑк тесе шухӑшлаҫҫӗ. ЧР Шалти ӗҫсен министерствин Инстаграмӗнче каччӑсен сӑнӳкерчӗкӗсене вырнаҫтаранӑ.

Вӗсене пӗлекенсене 8(8352) 24-07-71 е 102 телефон номерӗсемпе шӑнкӑравлама ыйтаҫҫӗ.

Чӑваш Енӗн Правительствинче ӗҫленӗ тата тепӗр виҫӗ ҫын министр портфелӗсемсӗр юлнӑ.

Республикӑн влаҫ органӗсенче улшӑну пулса иртнӗ хыҫҫӑн кадр ылмашӑвӗсем пирки те ҫине-ҫинех пӗлтереҫҫӗ. Паян, нарӑс уйӑхӗн 3-мӗшӗнче, виҫӗ ҫын — пурте министрсем — ӗҫсӗр юлнӑ.

Указсене Чӑваш Ен Элтеперӗн тивӗҫӗсене пурнӑҫлакан Олег Николаев алӑ пуснӑ. Документсене республикӑн влаҫ органӗсен официаллӑ порталӗнче вырнаҫтарнӑ.

Олег Николаев культура министрӗн тивӗҫне пурнӑҫланӑ Константин Яковлева, ҫутҫанталӑк ресурсӗсен тата экологи министрӗн тивӗҫӗсене пурнӑҫланӑ Иван Исаева тата ӗҫлев тата социаллӑ хӳтлӗх министрӗн тивӗҫӗсене пурнӑҫланӑ Сергей Димитриева Правительство ҫуртӗнчи ҫемҫе пукансемсӗр хӑварнӑ.

Маларах Юрий Васильева тата Светлана Енилинӑна ӗҫрен кӑларнӑччӗ.

youtube.com сайтри сӑн

Кӑҫал кӑрлач уйӑхӗн варринче Шупашкарти пӗр каҫхи клубра ӳкернӗ видео тӗнче тетелӗнче сарӑлнӑ, унта ӳкерӗннӗ хӗр тӗнчипех «чапа» тухнӑ.

Видеона курсан ҫакӑ паллӑ: малтан 18 ҫулти хӗр бар стойки патӗнче ташлать, унтан барменсем хушнӑ «намӑс» ӗҫсене пурнӑҫлать. Хӗр юлашкинчен тумсӑрах тӑрса юлать.

Ку пӑтӑрмаха кӗҫех «Россия 1» телеканалпа пыракан «Андрей Малахов. Прямой эфир» кӑларӑмра сӳтсе явӗҫ. Телеканал ҫак пулӑма тишкернӗ, каҫхи клубсенче мӗн пулса иртнине тӑрӑ шыв ҫине кӑларнӑ.

Кӑларӑма видеон тӗп сӑнарӗ, 18 ҫулти хӗр, хутшӑнӗ, чӑннипе мӗн пулса иртни пирки каласа кӑтартӗ. Вӑл шухӑшланӑ тӑрӑх, сӗткене усӑ курма юраман япала ярса панӑ, ҫавна май вӑл нимӗн те астумасть.

Кӑларӑм паян каҫхине эфира тухӗ.

http://yandex.ru/clck/jsredir?from=yandex.ru%3Bimages%2Fsearch%3Bimages%3B%3B&text=&etext=8805.aX6ZC0i8MtT7yS7Ixk1bWABhG99qm7SYbVZMmTKHaO3zylBCnMnsEh8YFtqMlXVOU-_CIVinN4JIg4Yk9H8O4Os-RTJT64ll29-JNAUW1pK5oPuUsyOS3Zoln5nby0mr.cab16f05205bf40b238b73ff36a97b3

Паян Чӑваш Ен финанс министрӗн тивӗҫӗсене пурнӑҫлакана ҫирӗплетнӗ. Республика Элтеперӗн тивӗҫӗсене вӑхӑтлӑх пурнӑҫлакан Олег Николаев хушӑвӗпе ҫак тилхепене Чӑваш Республикин тава тивӗҫлӗ экономистне Михаил Ноздрякова шаннӑ. Ҫапла вара Чӑваш халӑх сайтӗнче ӗнер хыпарлани тӗрӗсе килчӗ теме юрать.

Михаил Ноздряков 1970 ҫулхи юпа уйӑхӗн 26-мӗшӗнче Шупашкарта ҫуралнӑ. Питӗрти патшалӑх университетӗнче, РФ Правительстви ҫумӗнчи халӑх хуҫалӑхӗн академийӗнче вӗреннӗ.

1992 ҫултанпа РФ Перекет банкӗ Чӑваш Енри уйрӑмӗнче хаклӑ хутсен пайӗнче ертсе пыракан экономистра, 1999–2010 ҫулсенче управляющин ҫумӗ пулса ӗҫленӗ. 2010–2011 ҫулсенче «ВТБ» банкӑн Шупашкарти филиалне ертсе пынӑ. 2011 ҫулхи кӑрлач-нарӑс уйӑхӗсенче финанс министрӗн тивӗҫӗсене пурнӑҫланӑ, 2011 ҫулхи нарӑсран пуҫласа 2014 ҫулхи нарӑс уйӑхӗччен финанс министрӗ тата вице-премьер пулнӑ. Кайран Чӑвашкредитпромбанкра правлени ертӳҫин канашҫинче тӑрӑшнӑ. 2015 ҫулхи ҫурла уйӑхӗнче Севастополь хулинче финанс департаменчӗн директорӗн пӗрремӗш ҫумӗ пулма шаннӑ.

stavropolye.tv сайтри сӑн

Чӑваш Енре пурӑнакан, тивӗҫлӗ канӑва тухнӑ 66 ҫулти хӗрарӑм икӗ чикана хӳтте илнӗ те укҫасӑр тӑрса юлнӑ.

Хайхискер чикансемпе Шупашкарти пасарта паллашнӑ. Лешсем хулана ҫӑматӑ сутма килнине, ниҫта та ҫӗркаҫма вырӑн ҫуккине пӗлтернӗ. Ҫитменнине, хайхискерсем шӑнса кӳтнӗ, выҫса ҫитнӗ имӗш. Ватӑ хӗрарӑм чикансене шеллесе хӑйӗн килне чӗннӗ.

Киле утнӑ май хӗрарӑм чикансене йывӑр пурнӑҫӗ пирки каласа кӑтартнӑ. Лешсем вара ҫакӑн сӑлтавне тупнӑ: хӗрне пӑснӑ-мӗн. Хваттере ҫитсен хӑнасем пӑснине сирмелли йӑла-йӗркене тума пуҫланӑ, усси пултӑр тесе минтер ӑшне 150 пин тенкӗ хумалла-мӗн, ӑна 2 кун тытмалла мар.

Хӗрарамӑн кун чухлӗ укҫа пулман, вӑл 75 пин тенкӗ кредит илнӗ. Унтан вӑл ылтӑнӗсене, укҫине хаҫатпа чӗркенӗ те минтер ӑшне ҫӗлесе хунӑ. Кӑштахран хӑнасем кайнӑ, кил хуҫи минтере уҫса пӑхнӑ – нимӗн те ҫук!

Чикансенчен шар курнӑ хӗрарӑм 18 пин тенкӗ пенси илет, ҫав укҫаран 15 пин тенкине халӗ кредитшӑн тӳлемелле унӑн.

ШӖМ тунӑ сӑн

Нарӑсӑн 1-мӗшӗнче Ҫӗнӗ Шупашкарти Терешкова урамӗнчи пӗр ҫуртра, виҫҫӗмӗш хутра, ҫулӑм тухнӑ. Инкек вырӑнне патрулировани маршрутӗнчен ШӖМ ӗҫченӗ Артем Петров ҫитнӗ.

Хваттерӗн тимӗр алӑкӗ хупӑ пулнӑ. Кӳршисем унта пурӑнакан арҫынна кӑшкӑрнӑ, алӑкран шакканӑ – лешӗ сасӑ паман. Ҫӑлавҫӑсем хваттере кӗме пусма лартнӑ вӑхӑтра арҫыннӑн амӑшӗ ҫитнӗ, алӑка уҫнӑ. Артем Петров полицейски тӗтӗм-сӗрӗмпе тулнӑ пӳлӗме чупса кӗнӗ те арҫынна урама кӑларнӑ. Лешӗ сӗрӗмпе наркӑмӑшланнӑран хӑй тӗллӗн утайман.

Полицейски васкавлӑ медпулӑшу чӗннӗ. Тухтӑрсем 39 ҫулти арҫынна кислород маски тӑхӑнтартнӑ та пульницӑна илсе кайнӑ. Халӗ унӑн пурнӑҫӗ хӑрушлӑхра мар.

24smi.org сайтри сӑн

«Звезда» канал пӗлтернӗ тӑрӑх, Кремль элчи Дмитрий Песков «Мускав. Кремль. Путин» программа эфирӗнче Чӑваш Ен Элтеперне отставкӑна яни пирки комментари панӑ. Президентӑн пресс-секретарӗ Владимир Путин кун пирки мӗн шутланине пӗлтернӗ.

«Эпир чӑнах та питех те хитре мар, тӗрӗсрех каласан, питӗ хитре мар пулӑмсене куртӑмӑр. Президент влаҫ ҫынсене хиеплеменнине палӑртни пулмалла марри пирки темиҫе хутчен те каланӑ. Вӑл шутланӑ тӑрӑх, кун пекки пуҫа вырнаҫман япала», - тенӗ Дмитрий Песков.

Аса илтерер: Михаил Игнатьева РФ президенчӗ Владимир Путин кӑрлач уйӑхӗн 29-мӗшӗнче отставкӑна янӑ.

https://yandex.ru/images/pad/search?pos=17&img_url=https%3A%2F%2Favatars.mds.yandex.net%2Fget-pdb%2F2124041%2Fdb482037-6a26-4e68-ab21-cb3471f2d1db%2Fs1200&text=%D1%81%D0%B0%D0%BC%D0%BE%D0%BB%D0%B5%D1%82+%D0%BD%D0%BE%D1%80%D0%B4+%D0%B2%D0%B8%D0%BD%D0%B4+%D

«Нордвинд» авиакомпанин Шупашкартан Мускава тата каялла вӗҫекен самолётсен расписанине нарӑс уйӑхӗн 10-мӗшӗнчен улӑштарӗ.

«Шупашкар–Мускав–Шупашкар» расписани ылмашасси пиики Шупашкарти аэропортра пӗлтернӗ. Ҫав кун самолет Мускаври Шереметьево аэропортӗнчен 23 сехет те 40 минутра вӗҫсе тухӗ те тепӗр кун ирхине, 1 сехет те 5 минутра, Шупашкара ҫитӗ. Тепӗр кун 737-800 Boeing Шупашкартан ирхи 6 сехет те 15 минутра хускалӗ. Мускава 7 сехет те 40 минутра ҫитӗ. Кӗҫнерникунсерен самолет 5 минут каярах хускалӗ: 06 сехет те 20 минутра тапранӗ, Мускава вӑл 7 сехет 45 минутра ҫитӗ.

Рейссем кашни кунах пулӗҫ. Билетӑн пӗр майлӑ хакӗ ҫапларах:

«Шупашкар–Мускав» маршрутпа — 1 914 тенкӗрен пуҫласа, «Мускав–Шупашкар» — 2 286 тенкӗрен пуҫласа.

Ҫӗнӗ расписани пуш уйӑхӗн 28-мӗшӗччен вӑйра пулӗ.

Хальхи расписани: «Мускав–Шупашкар» маршрутпа —

09:50–11:10, «Шупашкар–Мускав» маршрутпа — 12:10–13:30.

Олег Николаев. «Правда ПФО»-ри сӑнӳкерчӗк.

Чӑваш Енӗн Правительствинче ҫак кунсенче пулса иртекен улшӑнусене паян чылайӑшӗ сӑнаса тӑрать. Министра лартма пултаракан хӑш-пӗр хушамата паян Александр Белов журналист асӑннӑ паян.

Вӑл ҫырнӑ тӑрӑх, премьер-министр тилхепине Чӑваш Ен Элтеперӗн тивӗҫӗсене пурнӑҫлакан Олег Николаев хӑй тытса пырӗ. Иван Моторина вице-премьер — республикӑн экономика министрӗ пулма сӗннӗ имӗш. Республикӑн тариф службине Экономика министерствин йышне илӗҫ.

Элтеперӗн Администрацийӗ республикӑн Правительствипе пӗрлешмелле-мӗн.

Правительство аппаратне Россельхозцентрӑн Чӑваш Енри управленийӗн ертӳҫи Николай Малов ертсе пыма тытӑнмалла имӗш. Финанс министрӗ пулма Михаил Ноздрякова шанмалла. Унӑн ҫумӗ пулма — экономика аталанӑвӗн министрӗн тивӗҫне пурнӑҫлакан Павел Иванова.

«Чӑвашавтодор» ертӳҫи пулнӑ, халӗ Мускавра ӗҫлесе пурӑнакан, Чӑваш Енӗн пӗрремӗш президенчӗпе Николай Федоровпа лайӑх хутшӑнури Владимир Осипов транспорт министрӗн пуканӗ йышӑнӗ тесе шухӑшлаҫҫӗ.

Анатолий Князева ҫӗнӗ командӑна чӗннӗ-мӗн. Вӑл хӑйне манманнишӗн тав тунӑ. Анчах Коми ертӳҫин Сергей Гапликовӑн командинче калӑпӑшлӑ пысӑк инвестици проекчӗсемпе ӗҫленине, ӗҫе ҫурма ҫулта пӑрахас килменнине пӗлтернӗ.

Малалла...