Дмитрий Моисеев страницинчен илнӗ сӑнӳкерчӗксемпе Таисия Ташней усӑ курса хатӗрленӗ коллаж

Кӑркӑстанра чӑваш ҫыравҫин Дмитрий Моисеевӑн кӗнеки пичетленсе тухнӑ. Кун пирки автор «ВКонтактра» халӑх тетелӗнчи хӑйӗн страницинче пӗлтернӗ.

«Бишкекра манӑн «Ют пахчари хӑмла ҫырли» кӗнеке кӑркӑсла пичетленсе тухнӑ.

Калавӑмсене темиҫе чӗлхене куҫарса литература журналӗсенче кун ҫути кӑтартнӑ-ха, анчах ку таранччен урӑх чӗлхепе уйрӑм кӗнеке тухманччӗ. Кӑркӑссем калама ҫук пысӑк парне турӗҫ. Хайлавсене кӑркӑсла куҫарнине те эпӗ пӗлнӗ, ҫапах вӗсене кӗнекелесе кӑларасси пирки шухӑшлама та пултарайман», — пӗлтернӗ калем ӑсти.

Куҫаруҫи – кӑркӑс ҫыравҫи, журналисчӗ, педагогика ӑслӑлӑхӗсен докторӗ, профессор, ачасене чӗлхесем вӗрентессипе, тивӗҫлӗ воспитани парассипе ҫыхӑннӑ ыйтусемпе 100 ытла наука ӗҫӗ ҫырнӑ, 20-е яхӑн учебник хатӗрлесе кӑларнӑ Кыялбек Акматов.

Чӑваш Ене Тимур Ведерников килӗ. Кун пирки «Пуринчен малтан» телеграм-канал пӗлтерет. Вӑл – «Привет, Андрей!», «Песни от всей души» кӑларӑмсене хутшӑнакан мусӑкҫӑ, «МузыкаВместе» проект авторӗ. Кӑларӑмсен йӗркелӳҫисем тӗрлӗ региона ҫитсе музыка роликӗсем ӳкереҫҫӗ.

Халӗ вӗсем «Аслӑ ҫӗршывӑн юррисем» кӑларӑм хатӗрлеҫҫӗ. Ҫавна май федерацин Атӑлҫи округӗнчи регионсене ҫитме палӑртнӑ

Проект паян Чулхулара старт илет.

«Атӑлҫи тӑрӑхӗнче пултаруллӑ ҫынсем пурӑнаҫҫӗ. Ҫынсем ҫакна эпир хатӗрленӗ роликсене курса ӗненӗҫ», — тенӗ Тимур Ведерников.

К. В. Иванов ячӗллӗ Чӑваш академи драма театрӗнче ҫӗнӗ спектакль хатӗрлеҫҫӗ. Вӑл «Куйкӑрӑш» ятлӑ.

Спектакле чӑваш сцени ҫине ҫӗртме уйӑхӗн 20-мӗшӗнче кӑларӗҫ.

Театрта пӗлтернӗ тӑрӑх, «пӗр ялта хура кайӑк ҫӑмартинчен ҫын евӗрлӗ Куйкӑрӑш ҫуралать. Вӑл хӑйӗн хуҫин, Петӗрккен, кирек мӗнле ӗмӗтне те пурнӑҫлама пултарать иккен. Старик кӗтмен ҫӗртен ҫитнӗ «телейпе» киленнӗ вӑхӑтра Ӗнчӗ ятлӑ кӳршӗ хӗрачи тӗлӗнтермӗш чӗрчуна юратса пӑрахать.

Анчах та кашни «парнен» хӑйӗн хакӗ пур. Петӗрккепе Ӗнчӗ Куйкӑрӑшӑн аркатуллӑ вӑйне чарма пултарӗҫ-ши?»

«Контактри» сӑн

Сӗнтӗрвӑрринче пурӑнакан Иван Веденеев «Кустӑрма» ятлӑ музей уҫнӑ. Ӑна вӑл ӗлӗкхи хула уесӗнчи хуҫалӑха халалланӑ.

Экспозицире – хӑйне евӗр япаласем. Пӗтӗмпе – 100 ытла. Ӗлӗкхи савӑт-сапа, урапапа ҫуна пайӗсем… –тӗрлӗ япала пур унта. Вӗсем XIX–XX ӗмӗрсенче Атӑлҫи тӑрӑхӗнче усӑ курнӑскерсем. Вӗсене вӑл хӑйсен таврашӗнче пухнӑ.

Иван Веденеев хӑй экскурсисем ирттерет, ватӑ ҫынсенчен ыйтса пӗлнӗ информацисемпе паллаштарать.

culture.cap.ru сӑнӳкерчӗкӗ

Чӑваш Енри чи ҫамрӑк театр – Сӑнавлӑ театр. Ака уйӑхӗн 30-мӗшӗнче вӑл хӑйӗн 30 ҫулхине уявланӑ. Коллектива ҫав ятпа саламлама асӑннӑ коллективра ӗҫленисем, ытти культура учрежденийӗнче тӑрӑшакансем пырса ҫитнӗ.

Тӳрӗ-шараран театра саламлама республикӑн Культура министрӗн ҫумӗ Татьяна Казакова пырса ҫитнӗ.

Театрӑн директорӗ – Дмитрий Капустин.

​

fotocheb.ru сайтри сӑн

Красноармейскинче ҫӗнӗ культура ҫурчӗ пулӗ. Ӑна Пензӑри фирма хута ярӗ. Аукциона вӑл кӑна хутшӑннӑ.

Контракт хакӗ – 249,1 миллион тенкӗ. Подрядчикӑн культура клубне 2017 ҫулхи ҫӗртме уйӑхӗн 30-мӗшӗччен туса пӗтермелле. Клуб виҫӗ хутлӑ пулӗ, унта 243 ҫын вырнаҫӗ. Ҫавӑн пекех костюмернӑй, курав залӗсем пулӗҫ, артистсене тумланмалли пӳлӗмпе тивӗҫтерӗҫ. Иккӗмӗш хутра балкон вырнаҫӗ, унта 57 ҫын валли вырӑн пулӗ. Проектпа килӗшӳллӗн, виҫҫӗмӗш хутра вулавӑш вырнаҫӗ. Кунсӑр пуҫне ҫуртра ике лифт лартӗҫ.

Чӑваш кӗнеке издательствин сӑнӳкерчӗкӗ

Чӑваш кӗнеке издательствинче «Сирень сенкерӗ» кӗнеке кун ҫути курнӑ. Унӑн авторӗ – Елена Николаева ҫыравҫӑ-журналист. Редакторӗ – Ольга Иванова, ӳнерҫи – Ирина Калентьева.

Чӑваш кӗнеке издательствинче пӗлтернӗ тӑрӑх, хайлав пуххине авторӑн тӗрлӗ ҫулта ҫырнӑ новеллисем кӗнӗ. Елена Николаева 1974 ҫулхи ҫӗртме уйӑхӗн 3-мӗшӗнче Тӑвай районӗнчи Тушкилте ҫуралнӑ. Тӑван ялти вӑтам шкулта вӗреннӗ чухнех районта, республикӑра тухса тӑракан хаҫат-журналпа ҫыхӑну тытнӑ. 1991–1996 ҫулсенче И.Н. Ульянов ячӗллӗ Чӑваш патшалӑх университечӗн чӑваш филологийӗпе культура факультетӗнче вӗреннӗ.

Аслӑ шкул пӗтерсенех республикӑра тухса тӑракан «Хресчен сасси» хаҫатра ӗҫлеме пуҫланӑ. 2015 ҫултанпа «Хресчен сасси – КИЛ» хаҫатра пай редакторӗнче тӑрӑшать.

Шупашкарти музыка училищинче «Весенние голоса» (чӑв. Ҫурхи сасӑсем) халӑх музыкин концерчӗ иртнӗ.

Фольклор уявне унта ҫулсеренех йӗркелеҫҫӗ. Унта республикӑри ача-пӑчапа аслисен коллективӗсем, солистсем хутшӑнаҫҫӗ. Чӑвашсен тӗрле этнос ушкӑнӗнчи халӑх юррисем тата Раҫҫейӗн тӗрлӗ кӗтесӗнче пурӑнакан вырӑссен юррисем янӑраҫҫӗ.

Шупашкарти музыка училищинчи халӑх юррисене пӗччен тата хорпа юрлама вӗренекен студентсем те унта хутшӑннӑ. Вӗсем юрлана ҫеҫ мар, тӗрлӗ халӑх инструменчӗпе те каланӑ.

culture.cap.ru сайтран илнӗ сӑнӳкерчӗк

Чӑваш Енӗн ача-пӑчапа ҫамрӑксен вулавӑшӗнче литература пултарулӑхӗн регионсем хушшинчи IX «Ҫӗнӗ ятсем уҫатпӑр» конкурсӗн ҫӗнтерӳҫисене чысланӑ. Кӑҫалхи конкурса Константин Иванов ҫуралнӑранпа 135 ҫул ҫитнине халалланӑ.

Чӑвашла сӑвӑ сыракан 15-25 ҫулсенчи ҫамрӑксем хушшинче пӗрремӗш вырӑна Ҫӗрпӳри 2-мӗш вӑтам шкулти чӑваш чӗлхипе литератури учителӗ Ксения Леонтьева ҫӗнсе илнӗ. 25-35 ҫулсенчи авторсенчен Шупашкарти И. Тургенев ячӗллӗ вулавӑшри Кристина Васильева пӗрремӗш вырӑна тивӗҫнӗ.

Чӑвашла проза ҫыракан 25-35 ҫулсенчи ҫамрӑксенчен жюри Вӗренӳ тата ачасене комплекслӑ пулӑшакан центрӑн вырӑс чӗлхи учителӗн Елена Кудрявцевӑн ӗҫне суйласа илнӗ.

Кунсӑр пуҫне 2-мӗш тата 3-мӗш вырӑна тухнисене те палӑртнӑ, вырӑсла ҫыракан авторсене те чысланӑ.

Чӑваш Енӗн Экономика министерствин сӑнӳкерчӗкӗ

Чӑваш Ен республикӑмӑр туристсене мӗнпе илӗртме пултарни ҫинчен Китайра каласа кӑтартнӑ. Пекин хулинче пӗтӗм тӗнчери China Outbound Travel & Tourism Market курав иртет. Чӑваш Ен те унта хутшӑнать.

Курава 70 ҫӗршыври туризм отраслӗн 20 пине яхӑн специалисчӗ, эксперчӗсем пуҫтарӑннӑ иккен. Чӑваш Енпе Раҫҫейӗн Discover Russia стенчӗ патӗнче паллашма май туса панӑ. Кун пирки республикӑн Экономика министерстви пӗлтернӗ.