Сӗнтӗрвӑрри районӗнчи Тукайӗнчи культура ҫуртӗнче ӗҫлекен Людмила Данькова патӗнче нумаях пулмасть халӑх тетелӗнчи пабликсенчен пӗри валлитревел-шоу ӳкерекенсем пырса ҫитнӗ.

Ют ҫӗршывран килнӗ виҫӗ студент пирӗн ҫӗршывӑн тӗрлӗ регионӗнчи йӑла-йӗркепе кӑсӑкланаҫҫӗ иккен. Пӗр проекта харӑсах тӑватӑ регионти хӗрарӑм хутшӑнать. Вӗсенчен чи пултаруллине суйласа илсе ҫӗнтерӳҫӗне ӗне парӗҫ.

«Проект валли ӳкернӗ чух сирӗн республикӑра хам пулаймарӑм, эпӗ ун чухне ӗҫпе Владивостока кайнӑччӗ. Людмила Данькова питӗ килӗшнӗ», — каласа кӑтартрӗ проект продюсерӗ Анна ҫак йӗркесен авторне.

Проектпа ҫывӑх вӑхӑтра «Пӗр класрисем» халӑх ушкӑнӗнче паллашма май килӗ.

Авӑн уйӑхӗн 23-мӗшӗнче Чӑваш наци вулавӑшӗнче «Современная литература народов России. Поэзия и проза тюркских и монгольских народов» антологин хӑтлавӗ пулнӑ.

880 страницӑллӑ сумлӑ кӗнекене 18 тӗрлӗ чӗлхепе ҫырнӑ 135 авторӑн хайлавӗсем кӗнӗ. Чӑваш ҫыравҫисемпе сӑвӑҫисенчен унта Николай Теветкелӗн, Юрий Сементерӗн, Галина Матвеевӑн, Станислав Сатурӑн, Олег Прокопьевӑн, Людмила Сачковӑн, Валентин Константиновӑн, Улькка Эльменӗн, Владимир Степановӑн, Елен Нарпин хайлавӗсем кӗнӗ.

Ку антологипе Чӑваш наци библиотекинче паллашма пулать.

Чӑваш патшалӑх оперӑпа балет театрӗн видеовӗнчен илнӗ сӑнӳкерчӗк

Юпа уйӑхӗн 26-мӗшӗнче Чӑваш патшалӑх оперӑпа балет театрӗнче блокадӑри Ленинградра ӗҫлесе пурӑннӑ ӳнер ӗҫченӗсене халалланӑ «Так хочется жить!» спекталь-концерт кӑтартӗҫ.

Ку спектакль Ленинградри пултарулӑх интеллигенцийӗн – музыкантсен, театр артисчӗсен, Эрмитажпа ытти музей ӗҫченӗсен, искусствоведсемпе архитекторсен, поэтсемпе писательсен, художниксен, ученӑйсен — кун-ҫулӗпе паллаштарӗ. Шӑпапа паллаштаракан кашни новелла – ҫав ҫынсем дневниксенче ҫырса хӑварнӑ чӑн историсем.

Мероприятие Росконцерт йӗркелет. Спектакле Раҫҫей халӑх артисчӗ Артём Каминский, Раҫҫей тава тивӗҫлӗ артисчӗ Анна Большова, театрпа кино актёрӗ Андрей Пляскин хутшӑнӗҫ.

cap.ru сӑнӳкерчӗкӗ

Чӑваш патшалӑх культурӑпа ӳнер институтӗнче «Выдающиеся личности в становлении и развитии профессионального театра и кинематографа Чувашии» (чӑв. Чӑваш Енри профессилле театрпа кинематографи йӗркеленсе кайнипе тата аталаннипе ҫыхӑннӑ паллӑ ҫынсем) ятпа ҫавра сӗтел иртнӗ. Ӑна актер ӑсталӑхӗн тата режиссурин кафедринче йӗркеленӗ.

Мероприятие Культура институчӗн чӗрӗк ӗмӗрне тата культура колледжӗн 80 ҫулхине халалланӑ. Маларах асӑннӑ кафедра заведующийӗ Лия Чернова ҫамрӑк специалистсемпе студентсене вӗренӳ заведенийӗпе ҫыхӑннӑ сумлӑ ҫынсемпе паллаштарас ӗмӗтлине палӑртса хӑварнӑ.

Светлана Елисеева архивӗнчи сӑн

Канашра ҫуралса ӳснӗ Светлана Елисеевӑн сӑнӳкерчӗкӗсем Мускаври хаҫат хуплашки ҫине лекнӗ. Вӑл ҫӗршывӑн тӗп хулинче пурӑнать.

Светлана Мускаври хими ӗнӗпе аслӑ шкул пӗтернӗ хыҫҫӑн хӑйӗн профессийӗпе ӗҫленӗ. Декретра ларнӑ чухне вара сӑнӳкерчӗксемпе кӑсӑкланма пуҫланӑ. Хӗрне, тусӗсене ӳкернӗ, кайран урамри самантсене сӑн тунӑ. Халӗ вӑл Мускав ҫыннисен пурнӑҫӗнчи самантсене сӑн ӳкерет.

Унӑн сӑнӳкерчӗкӗсем Мускаври пӗр хаҫат ӗҫченӗсене питӗ килӗшнӗ, редакци вӗсене пичетлесе кӑларнӑ, ҫав шутра – хуплашка ҫинче те.

Светлана тӑван тӑрӑхне килсех ҫӳрет. Вӑл чӑваш наци туйне сӑн ӳкерме ӗмӗтленет.

«Паха тӗрӗ» сӑнӳкерчӗкӗ

Нумаях пулмасть Хусанта «Стиль жизни – Культурный код» (чӑв. Пурнӑҫ стилӗ — культура кочӗ) халӑх пултарулӑхӗн этно-Fashion фестивалӗ иртнӗ. Унта халӑх пултарулӑхӗн тата декораципе прикладной ӳнер ӑстисем пуҫтарӑннӑ.

Унта Раҫҫейӗн тӗрлӗ кӗтесӗнчи 30 ытла дизайнерсем пуҫтарӑннӑ. Ҫав шутра Тутарстанран, Мусквавран, Екатеринбургран, Липецкран, Красноярскран, Якутскран, Удмурт Республикинчен, Самараран тата Кировран. Унсӑр пуҫне Кӑркӑстанран, Турцинчен, Малайзирен, Китайран, Казахстанран, Узбекистанран.

Чӑваш Енӗн патшалӑх телерадиокомпанийӗн видеовӗнчен илнӗ сӑнӳкерчӗк

Чӑваш Енӗн Наци вулавӑшӗнче «Хавхалану» клуб ҫуллахи кану хыҫҫӑн каллех поэзие юратакансене пуҫтарнӑ. Кун пирки Чӑваш Енӗн патшалӑх телерадиокомпанийӗ пӗлтернӗ.

Унта иртсе кайнӑ уйӑхра ҫуралнӑ сӑвӑҫсене чыслаҫҫӗ. Хальхинче вара пурнӑҫран уйрӑлса кайнисене те асӑннӑ, вӗсен сӑввисене вуланӑ.

Авӑн уйӑхӗнче Валем Ахун, Трубина Мархви, Александр Артемьев, Мӗтри Кипек, Стихван Шавли, Фёдор Павлов тата ытти сӑмах ӑсти ҫуралнӑ. Ҫав шутра Петӗр Яккусен те.

«Хавхалану» клубӑн черетлӗ ларӑвне юпа уйӑхӗн виҫҫӗмӗш кӗҫнерникунӗнче ирттерме палӑртаҫҫӗ.

Марина Карягина страницинчен илнӗ сӑнӳкерчӗк

Марина Карягина поэт, журналист, сценарист, драматург Пӗтӗм тӗнчери обществӑлла ассамблейӑна хутшӑннӑ. Ку хыпара эпир вӑл халӑх тетелӗчи страницинче ӗнер, авӑн уйӑхӗн 20-мӗшӗнче, хыпарланӑ.

«Мускавран 140 ытла ҫӗршыв ҫынни хутшӑнакан Пӗтӗм тӗнчери обществӑлла ассамблейӑна кайма йыхрав илсен малтан иккӗленсе тӑтӑм: ку ытла та пысӑк чыс, ку масштаблӑ мероприятире манран мӗн усси... Темшӗн литературӑра хам уҫнӑ ҫӗнӗ жанрпа (амфистрофпа) ҫырнӑ чи пысӑк хайлава ярса пама ыйтрӗҫ. 2016 ҫулта ҫырнӑ пӗр поэмӑна ярса патӑм.

Халь эпӗ тӗп хуламӑрта. Те кулас, те йӗрес — паян пач кӗтмен ҫӗртен ҫакӑн пек Ӗнентерӳ хучӗ илме тӳр килчӗ.

Планета ҫинчи 140 ытла халӑх хушшинче чӑваш пулма питӗ кӑмӑллӑ», — тесе пӗлтернӗ пултаруллӑ чӑваш поэчӗ.

Ӗнентерӳ хучӗнче Марина Карягина тӗнче литературине ҫӗнӗ жанр — Марина Карягина поэт, журналист, сценарист, драматург Пӗтӗм тӗнчери обществӑлла ассамблейӑна хутшӑннӑ. Ку хыпара эпир вӑл халӑх тетелӗчи страницинче ӗнер, авӑн уйӑхӗн 20-мӗшӗнче, хыпарланӑ.

«Мускавран 140 ытла ҫӗршыв ҫынни хутшӑнакан Пӗтӗм тӗнчери обществӑлла ассамблейӑна кайма йыхрав илсен малтан иккӗленсе тӑтӑм: ку ытла та пысӑк чыс, ку масштаблӑ мероприятире манран мӗн усси.

Малалла...

vk.com/chuv_kray пабликран илнӗ сӑнӳкерчӗк

Чӑваш актёрӗсем Андрей Кончаловский сериалӗнче ӳкерӗннӗ.

Кӑҫалхи юпа уйӑхӗнче «Раҫҫей 1» телеканалпа Андрей Кончаловскийӗн «Хроники русской революции» сериалне кӑтартӗҫ. Унта пирӗн икӗ ентешӗмӗр Дмитрий Матвеев тата Даниил Иванов ӳкерӗннӗ.

Дмитрия куракансем «Чернобыль», «Империи: Александр I», Даниила – «Слово пацана. Кровь на асфальте», «СашаТаня» тӑрӑх пӗлеҫҫӗ.

II Николай патша сӑнарне Никита Ефремов калӑплать. Вӑл — чӑваш букварӗн авторӗн Иван Яковлевӑн тӑванӗ.

chgign.ru сайтран илнӗ сӑнӳкерчӗк

Чӑваш патшалӑх гуманитари ӑслӑлӑхӗсен институчӗн ӗҫченӗ кӗслепе паллаштаракан кӗнеке хатӗрлесе кӑларнӑ.

«Кӗсле – музыкальный инструмент чувашского народа в истории и современной культуре» кӑларӑм авторӗ — искусствоведени докторӗ Михаил Кондратьев.

Ҫӗнӗ кӑларӑма 500 экземплярпа кун ҫути кӑтартнӑ. Кӗнекене социаллӑ пӗлтерӗшлӗ литературӑна пичетлеме федераци хыснинчен паракан субсиди укҫипе Чӑваш кӗнеке издательствинче пичетленӗ.