|
Пӑтӑрмахсем
 «За рулем» порталти сӑн Паян каҫхине М-7 ҫул ҫинче, Лапсарпа Карачура хушшинче, 5 машина ҫапӑннӑ. Малтанлӑха пӗлтернӗ тӑрӑх, массӑллӑ авари микроавтобус водителӗ дистанцие пӑхӑнманнипе пулнӑ. Темиҫе ҫын тухтӑрсенчен пулӑшу ыйтнӑ. Икӗ ачана пульницӑна тӗрӗслеме илсе кайнӑ. Автобус рулӗ умӗнче 22 ҫулти арҫын пулнӑ. Хӑй каланӑ тӑрӑх, вӑл руль умӗнче кӑшт тимсӗрленнӗ те дистанцие пӑхӑнманнипе «Шевроле» ҫине пырса кӗнӗ. Ҫапла «сӑнчӑрпа» 3 машина, 1 микроавтобус ҫапӑннӑ. Шар курнӑ ҫынсем «Шевролере» пулнӑ. Хыпар ҫӑлкуҫӗ:
|
|
Пӑтӑрмахсем
 «Контактри» сӑн Юпа уйӑхӗн 31-мӗшӗнче Шупашкарта 9-мӗш Пилӗкҫуллӑх проспектӗнчи картишре ача чуччу-балансирпа ярӑннӑ чухне икӗ аллине хуҫнӑ. Вӑл ҫӗре ӳксе суранланнӑ. Тӗнче тетелӗнче кун пирки хыпар сарӑлсан Шупашкарти Ленин районӗн прокуратури тӗрӗслев пуҫарнӑ. Кун хыҫҫӑн ӗҫ-пуҫ мӗнле пулса иртнине уҫӑмлатӗҫ, ача-пӑча лапамӗ хӑрушсӑрлӑх мерисемпе килӗшсе тӑнипе тӑманнине палӑртӗҫ. Хыпар ҫӑлкуҫӗ:
|
|
Пӑтӑрмахсем
 rg.ru сайтри сӑн Кӑҫал юпа уйӑхӗнче Шупашкарти нумай хваттерлӗ ҫуртсен картишӗнче хӗрача виллине тупнӑ. Тӑванӗ кун хыҫҫӑн Раҫҫей Следстви комитечӗн председателӗн Александр Бастрыкинӑн «Контактри» страницине ҫырнӑ. Вӑл пӗлтернӗ тӑрӑх, хӗрачаран тантӑшӗсем кулнӑ. Хальхилле каласан – буллинг. Чӑваш Енре кун тӗлӗшпе пуҫарнӑ пуҫиле ӗҫе тишкереҫҫӗ. Александр Бастрыкин Следстви комитечӗн Чӑваш Енри Следстви управленийӗн ертӳҫине Александр Полтинина ӗҫ-пуҫ мӗнле пынине пӗлтерсе тӑма, ӗҫе тишкерсе пӗтерсен пӗтӗмлетӳпе паллаштарма хушнӑ. Хыпар ҫӑлкуҫӗ:
|
|
Пӑтӑрмахсем
 ҪҪХПИ тунӑ сӑн Ӗнӗр каҫхине Шӑмӑршӑ округӗнче водитель пӑши ҫине пырса кӗнӗ. Ку инкек Шӑмӑршӑ ялӗ ҫывӑхӗнче пулнӑ. Малтанлӑха палӑртнӑ тӑрӑх, чӗрчун ҫул ҫине чупса тухсан «Киа Рио» машина водителӗ, 57 ҫултискер, чарӑнса ӗлкӗреймен. Вӑл пӑшие ҫапса хӑварса хирӗҫ ҫул ҫине тухнӑ, ГАЗельпе ҫапӑнса кювета чӑмнӑ. Водитель йывӑр суранланнӑ, ӑна больницӑна илсе ҫитернӗ. Машинӑра тепӗр икӗ хӗрарӑм пулнӑ, вӗсене вырӑнта медпулӑшу панӑ. Хыпар ҫӑлкуҫӗ:
|
|
Пӑтӑрмахсем
 https://forum.na-svyazi.ru сайтра вырнаҫтарнӑ сӑнӳкерчӗк Шӑмӑршӑ районӗн пуҫлӑхӗ Сергей Галкин (ӑна ватӑ ҫынна канашлу вӑхӑтӗнче ҫапнӑ тесе айӑпласшӑн) федераци каналӗсенчен пӗрин журналисчӗсене кӳреннӗ. Вал шухӑшланӑ тӑрӑх, журналистсем ун пӳлӗмне асӑрхаттармасӑр кӗрсе тӑнӑ ҫеҫ мар, ун пирки начар шухӑшлаҫҫӗ. «Федераци каналӗсенчен пӗрин журналисчӗсем паян ман пӳлӗме, шел пулин те, асӑрхаттармасӑр кӗрсе тӑчӗҫ. Вӗсене факт кӑсӑклантармасть пек туйӑнчӗ», — тесе шӑрҫаланӑ ӗнер тӳре-шара Телеграмри хӑйӗн страницинче. Галкин ӗнентернӗ тӑрӑх, вӑл никама та хӗнемен, ҫав пӑтӑрмаха курнисем кун пирки судра каласа парӗҫ. «Ҫыхӑнура» форумра пӗлтернӗ тӑрӑх, кӑҫалхи пуш уйӑхӗн 22-мӗшӗнче иртнӗ канашлура вӑл 70 ҫулти сунарҫӑна малтан хулӗнчен тӗкнӗ, унтан ватӑ ҫине чышкӑпа ыткӑннӑ-мӗн. Хыпар ҫӑлкуҫӗ:
|
|
Пӑтӑрмахсем
 t.me/gibdd121 сӑнӳкерчӗкӗ Ӗнер, юпа уйӑхӗн 31-мӗшӗнче, Шупашкар районӗнчи Атайкасси ялӗ тӗлӗнче ҫул ҫинче инкек пулса иртнӗ. 67 ҫулти хӗрарӑм каҫхи ултӑ сехетре ҫул урлӑ чупса каҫма тӑнӑ. Ҫуран ҫӳрекенсене каҫмалли вырӑнпах каҫнӑ-ха вӑл. Ҫав вӑхӑтра ун ҫине «Тойота Альфард» пырса кӗнӗ. Машина рульне тытса пынӑ 38 ҫулти арҫынна тӗрӗсленӗ те вӑл урах пулни палӑрнӑ. Машина айне пулнӑ ватӑ хӗрарӑм инкек вырӑнӗнчех куҫне ӗмӗрлӗхе хупнӑ. Вӑл Атайкассинче пурӑнаканскер пулнӑ. Хыпар ҫӑлкуҫӗ:
|
|
Пӑтӑрмахсем
 forum.zarulem.ws форумар вырнаҫтарнӑ сӑнӳкерчӗк Ӗнер, юпа уйӑхӗн 31-мӗшӗнче, Муркаш районӗнче пулса иртнӗ инкекре 32 ҫулти водитель пурнӑҫӗ татӑлнӑ. Патшалахӑн автоинспекцийӗнче пӗлтернӗ тӑрӑх, «М-7» федераци ҫулӗ ҫинче «Lada Kalina» хирӗҫ килекен ҫул ҫине тухса кайса «Volkswagen Teramont» машинӑпа пырса ҫапӑннӑ. Инкекре «Лада» водителӗ вырӑнтах вилсе кайнӑ. Хыпар ҫӑлкуҫӗ:
|
|
Пӑтӑрмахсем
 Шупашкарта «Volkswagen Polo» автомашина Дзержинский тата Карл Маркс урамӗсем хӗресленнӗ вырӑнта хӗрачана ҫапса кайнӑ. Инкек ӗнер, юпа уйӑхӗн 30-мӗшӗнче, 15 сехет те 10 минутра пулса иртнӗ. Ют ҫӗршывра туса кӑларнӑ машина рулӗ умӗнче 24 ҫулти водитель пулнӑ. 13 ҫулти хӗрача ҫуран ҫӳрекенсем каҫмалли вырӑнпа ҫул урлӑ каҫма тӑнӑ. Хӗрачана пульницӑна ӑсатнӑ. Водитель светофорӑн сарӑ ҫутипе иртсе пынӑ иккен. Хыпар ҫӑлкуҫӗ:
|
|
Пӑтӑрмахсем
 stihi.ru сайтри сӑн Шупашкарта пурӑнакан 45 ҫулти хӗрарӑм усламҫӑ ултавҫӑсене 28 млн тенкӗ куҫарса панӑ. Йӑлтах икӗ эрне каялла пуҫланнӑ, ун патне «банк ӗҫченӗ» шӑнкӑравланӑ. Вӑл каланӑ тӑрӑх, банк унӑн счечӗ ҫинчи укҫана Украинӑна куҫарассине чарса лартнӑ. Ӗнентерме транзакци докуменчӗн сӑн ӳкерчӗкне те ярса панӑ. Кайран хӗрарӑмпа «ФСБ ӗҫченӗ» ҫыхӑннӑ: вӑл ӑна кивӗ счета хупса укҫана ҫӗнни ҫине куҫарма хушнӑ. Ҫитменнине, хӑратса пӗтернӗ: хушнине тумасан тӗрмене хупаҫҫӗ, ачине туртса илсе ача ҫуртне ӑсатаҫҫӗ-мӗн. Хӗрарӑм кун хыҫҫӑн банка кайнӑ, счечӗ ҫинчи 20 млн тенке илнӗ. Унти ӗҫченсене вара суйнӑ: упӑшкинчен уйрӑлать, ҫавна май укҫана урӑх счет ҫине куҫарать-мӗн. Кайран ҫак хӗрарӑм тата 8,7 млн тенкӗ кредит илнӗ. Ӑна та палламан ҫынсем каланӑ темӗнле счет ҫине куҫарнӑ. Ултавҫӑсем татах чарӑнман: тепӗр 5 млн тенкӗ ыйтнӑ. Хӗрарӑм тинех хӑйне улталанине ӑнланнӑ та полицие кайнӑ Хыпар ҫӑлкуҫӗ:
|
|
Пӑтӑрмахсем
 Ҫӑлав службин архивӗнчи сӑн Юпа уйӑхӗн 25-мӗшӗнче каҫхине Вӑрнар округӗнче Тӑвальушкӑнь Ялтӑра ялӗ ҫывӑхӗнче Урваш юханшывӗнчен вырӑнти ҫынсем 33-ри арҫын виллине туртса кӑларнӑ. Ҫӑлав служби пӗлтернӗ тӑрӑх, вӑл плотинӑра пулӑ тытнӑ чухне хӑрушсӑрлӑх йӗркине пӑхӑнманнипе путса вилнӗ. Аса илтерер: юпан 5-мӗшӗнче Сӗнтӗрвӑрри округӗнчи Шуршӑл ялӗ ҫывӑхӗнче 47-ри пулӑҫ путса вилнӗ. Юпан 18-мӗшӗнче Куславкка округӗнчи Ҫӳлти Улмалуй ялӗ ҫывӑхӗнчи пӗвере 57-ри арҫын путнӑ. Хыпар ҫӑлкуҫӗ:
|
-14.7 °C