|
Пӑтӑрмахсем
 "Руль умӗнче" порталтан илнӗ сӑнӳкерчӗк Шупашкар хулинче пӗр водитель хӑйӗн машинине Тӑван ҫӗршывӑн аслӑ вӑрҫинче ҫӗнтернӗренпе 40 ҫул ҫитнине халалласа уҫнӑ мемориал комплексӗнче лартса хунине, тротуар тӑрӑх машинӑпа пынине эпир унччен пӗлтернӗччӗ-ха. «Хендай» автомобиль водителӗ пуҫтахланни пирки халӑх тетелӗсенчен пӗринче хыпарланӑ хыҫҫӑн йӗрке хуралҫисем ҫав машина водительне административлӑ май явап тыттарнӑ. Водитель 61 ҫулти арҫын иккен. Ӑна 2 пин тенкӗ штраф хурса панӑ. Арҫын ӳлӗмрен ун пек хӑтланмассине шантарнӑ. Хыпар ҫӑлкуҫӗ:
|
|
Пӑтӑрмахсем
 Инкеклӗ лару-тӑру министерстви тунӑ сӑн Канмалли кунсенче республикӑра пулнӑ пушарсенче икӗ ҫыннӑн пурнӑҫӗ татӑлнӑ. Инкексем Муркаш тата Елчӗк муниципалитет округӗсенче пулнӑ. Муркаш тӑрӑхӗнчи Анатри Панкли ялӗнче 77 ҫулти арҫын хӑйӗн килӗнче ҫунса вилнӗ. Малтанлӑха пӗлтернӗ тӑрӑх, пушар юсавсӑр электрокӑмакана пула тухнӑ. Кӗҫӗр Елчӗк тӑрӑхӗнчи Таяпа Энтри ялӗнче пушар пулнӑ. Унта 36 ҫулти кил хуҫи ҫунса вилнӗ. Халӗ ӗҫ-пуҫа уҫӑмлатаҫҫӗ. Хыпар ҫӑлкуҫӗ:
|
|
Пӑтӑрмахсем
 t.me/chuvashia_sledcome сӑнӳкерчӗкӗ Елчӗк тӑрӑхӗнчи пӗр ял хуҫалӑх предприятийӗнче рабочи погрузчик айне пулса вилнӗ. Инкек кӑҫалхи авӑн уйӑхӗн 13-мӗшӗнче 15 сехетре «Труд» ял хуҫалӑх кооперативӗнче пулса иртнӗ. Шар курни инкек вырӑнӗнчех куҫне ӗмӗрлӗхе хупнӑ. Шар кураканни — 34 ҫулти механизатор. Пӑтӑрах хыҫҫӑ РФ Следстви комитечӗн тӗпчевҫисем РФ Пуҫиле кодексӗн 143-мӗш статйин 2-мӗш пайӗпе пуҫиле ӗҫ пуҫарнӑ. Тӗпчевҫӗсем шухӑшланӑ тӑрӑх, пӑтӑрмахшӑн ӗҫ сыхлавӗн инженерӗ яваплӑ. Вӑл мехаизаторӑн погрузчикпа ӗҫлеме ирӗк ҫуккине пӗлсе тӑрсах ӑна ҫав ӗҫе шанса панӑ. Хыпар ҫӑлкуҫӗ:
|
|
Пӑтӑрмахсем
 "Про Город" сайтӗнчи сӑн Паян, раштав уйӑхӗн 17-мӗшӗнче, Шупашкарти Лакрей вӑрманӗ ҫывӑхӗнчи кӗпер ҫинчен хӗр ӳкнӗ. Ку каҫхине пулнӑ. «Про Город» хаҫата халӑх корреспонденчӗ пӗлтернӗ тӑрӑх, ҫакна пӗр водитель курсан ыттисем хӗре таптаса ан кайччӑр тесе чарӑннӑ. Телее, хӗр чӗрӗ юлнӑ. Ӑна васкавлӑ медпулӑшу машинипе пульницӑна илсе кайнӑ. Хыпар ҫӑлкуҫӗ:
|
|
Пӑтӑрмахсем
 sovetdomu.ru сӑнӳкерчӗкӗ Шупашкар хулинче пурӑнакан 80 ҫулти кинемей хваттерсӗр тӑрса юласран хӑранипе укҫасӑр юлнӑ. Раштав уйӑхӗн 16-мӗшӗнче ватӑ хӗрарӑм патне палламан ҫын шӑнкӑравланӑ. Вӑл хӑйӗнпе следователь тесе паллаштарнӑ. Ҫав ҫын кинемее унӑн хваттерне ют ҫынсем сутса янӑ, халӗ банкри укҫана илесшӗн тесе ӗнентернӗ. Укҫасӑр тӑрса юлас мар тесен ӑна хӑрушсӑр счет ҫине куҫаса ямалла тенӗ. Банк ӗҫченӗсене кинеми укҫа кирлӗ пулса тухрӗ тесе каланӑ. Ҫапла вара 80-ри хӗрарӑм 450 пин тенкӗсӗр тӑрса юлнӑ. Хыпар ҫӑлкуҫӗ:
|
|
Пӑтӑрмахсем
 ШӖМ тунӑ сӑн Ӗнер, раштав уйӑхӗн 16-мӗшӗнче, 11 сехет те 15 минутра М-7 автоҫул ҫинче, Куславкка муниципаллӑ округӗнче, авари пулнӑ. Унта ҫыннӑн пурнӑҫӗ татӑлнӑ. Малтанлӑха пӗлтернӗ тӑрӑх, «Лада Приора» хирӗҫ ҫул ҫине тухса кайса «Скания» фурӑпа ҫапӑннӑ. «Приора» водителӗ, 60-65 ҫулсенчи арҫын, вилмеллех суранланнӑ. Хыпар ҫӑлкуҫӗ:
|
|
Пӑтӑрмахсем
 21.mchs.gov.ru сӑнӳкерчӗкӗ Ӗнер, раштав уйӑхӗн 14-мӗшӗнче, Ҫӗнӗ Шупашкарти общежитисенчен пӗринче пушар тухнӑ. Инкеклӗ ӗҫсен министерствин ӗҫченӗсем унта пурӑнакан виҫӗ ҫынна пулӑшнӑ. Спутник-хулари Советски урамри 9-мӗш ҫуртра пушар кӑнтӑрла тухнӑ. Виҫӗ ҫынна: арҫынпа икӗ хӗрарӑма – эвакуаци ҫулӗпе тухма май килмен. Пушар тӑххӑрмӗш хутри секцисенчен пӗринчи пушӑ пӳлӗмре алхаснӑ. Хыпар ҫӑлкуҫӗ:
|
|
Пӑтӑрмахсем
 ШӖМ тунӑ сӑн Паян Улатӑр хулинче Ленин тата Комсомол урамӗсем хӗресленнӗ вырӑнта авари пулнӑ: пушарнӑй машини маршруткӑна пырса ҫапӑннӑ. Малтанлӑха пӗлтернӗ тӑрӑх, маршрутка светофор симӗс ҫутнӑ вӑхӑтра пынӑ. Пушарнӑй машини вара хӗрлӗ ҫутнӑ чухне кайнӑ. Вӑл мигалкӑсене, сиренӑна ҫутнӑ пулнӑ. Юрать-ха, маршруткӑра пассажирсем пулман. Водителе пульницӑра тухтӑрсем тӗрӗсленӗ те киле янӑ. Вӑл аманман. Хыпар ҫӑлкуҫӗ:
|
|
Пӑтӑрмахсем
 chgtrk.ru сайтри сӑн Паян Шупашкарта «Ҫутҫанталӑк» лавкка» чарӑну патӗнче троллейбус ҫуннӑ. Кун пирки «Ҫыхӑнура» форума ҫакна куракансем пӗлтернӗ. Троллейбус 22-мӗш маршрутпа ҫӳрекенскер пулнӑ. Видеона пӑхсан салонра ҫулӑм алхасни курӑнать. Юрать-ха, шар курнисем пирки хыпар пулман. Палӑртмалла: икӗ кун маларах Шупашкарта депора ҫӗнӗ троллейбус ҫунма пуҫланӑ. Хыпар ҫӑлкуҫӗ:
|
|
Пӑтӑрмахсем
 Инкеклӗ лару-тӑру министерстви сайтри сӑн Куславкка муниципалитет округӗнчи Мӗниҫырми ялӗнчи 68 ҫулти арҫын мунчара пурӑннӑ. Виҫӗ ҫул каялла унӑн ҫурчӗ ҫунса кайнӑ, ҫавӑнпа унӑн унта кун кунлама тивнӗ. Раштав уйӑхӗн 12-мӗшӗнче вара ҫак арҫыннӑн мунчи те ҫунса кайнӑ. Шел те, вӑл хӑй те унтан тухайман. Пушар каҫхи 7 сехетре пулнӑ. Вӑл ҫуннине ҫынсем тӳрех асӑрхаман. Инкеклӗ лару-тӑру министерстви пӗлтернӗ тӑрӑх, ҫулталӑк пуҫланнӑранпа республикӑра 1454 пушар пулнӑ, вӗсенче 64 ҫыннӑн пурнӑҫӗ татӑлнӑ. Хыпар ҫӑлкуҫӗ:
|
+20.3 °C