ufa.aif.ru сайтри сӑн

Ҫӗрпӳ округӗнче Первомайски ялӗ ҫывӑхӗнче 72 ҫулти хӗрарӑм путса вилнӗ.

Вӑл плотинӑра шыва кӗнӗ чухне путнӑ. Унта шыва кӗмелли ятарлӑ вырӑн ҫук. Водолазсем унӑн виллине шыв тӗпӗнче тупса ҫыран хӗррине илсе тухнӑ.

Шыва кӗмелли сезон пуҫланнӑранпа республикӑра 4 ҫын путса вилнӗ. Ачса илтерер: Улатӑрта 12-ри хӗрача путнӑ, Канашра 17-ри ҫамрӑкӑн пурнӑҫӗ пӗвере татӑлнӑ.

«Контактри» сӑн

Канаш станцийӗнче пуйӑс 64 ҫулти хӗрарӑма вилмеллех ҫапса кайнӑ.

Ку инкек ҫӗртме уйӑхӗн 8-мӗшӗнче кӑнтӑрла пулнӑ. Машинист пуйӑса чарса ӗлкӗреймен, рельссем ҫинчи хӗрарӑм ҫине пырса кӗнӗ. Вӑл сураннӑ, кӑштахран ҫавӑнтах сывлама пӑрахнӑ.

Халӗ Следстви комитечӗн следователӗсем тӗрӗслев ирттереҫҫӗ.

"На связи" форумри сӑн

Паян ирхи 3 сехет иртсен Шупашкарати «ВНИИР» предприяти ҫине икӗ беспилотник ӳкнӗ.

Республика ертӳлӗхӗ малтанлӑха пӗлтернӗ тӑрӑх, вӗсем – Украина беспилотникӗсем. Предприятире пушар пуҫланнӑ, ҫулсене пӳлнӗ. Экстреннӑй служба оперативлӑ ӗҫленипе пушара хӑвӑрт сӳнтернӗ, никам та шар курман, вилмен. Хӑрушсӑрлӑх мерисене пула предприяти ӗҫӗ-хӗлне вӑхӑтлӑха чарнӑ.

Тепӗр 2 беспилотник Краснармейски тата Шупашкар округӗсенчи уйра ӳкнӗ.

Хальхи вӑхӑтра И. Яковлев проспектӗнчи ҫула уҫнӑ, транспорт ҫӳрет.

Патшалӑх автоинспекцийӗ тунӑ сӑн

Паян 11 сехет те 20 минутра Вӑрмар поселокӗ ҫывӑхӗнче хӑрушӑ авари пулнӑ. «Фольксваген Поло» пысӑк хӑвӑртлӑхпа хирӗҫ ҫул ҫине тухса кайса «Опель Астра» ҫине пырса кӗнӗ.

Авари тӑватӑ ҫыннӑн пурнӑҫне татнӑ. «Фольксваген» рулӗ умӗнче ларнӑ 68 ҫулти арҫын, «Опельти» 59 ҫулти хӗрарӑм (вӑл пульницӑра вилнӗ), 58-ти тата 29-ти арҫынсем.

Халӗ ӗҫ-пуҫа уҫӑмлатаҫҫӗ.

Шупашкарта Ҫӗнҫӗпӗрти арҫын подъездсенчи велосипедсемпе самокатсене вӑрласа ҫӳренӗ. Велосипедсем хулари Новоилларионовски, М.Павлов, Богдан Хмельницкй тата ытти хӑш-пӗр ҫӗрти ҫуртсенчен ҫухалнӑ. Вӑрӑна видеокамера ӳкерсе илнӗ. Ҫын япалине черетлӗ хутчен вӑрласан вӑл велосипеда иртен-ҫӳрене туянма сӗннӗ. Кун пирки ҫынсем йӗрке хуралҫисене пӗлтернӗ.

34 ҫулти арҫын унччен судпа айӑпланнӑскер иккен. Хальлӗхе ӑна 70 пин тенкӗ ытла тенкӗлӗх 5 хутчен вӑрланӑ тесе шухӑшлаҫҫӗ.

Ҫӗнӗ Шупашкарти «Химпром» предприятири икӗ пысӑк пуҫлӑха йӗрке хуралҫисем тытса чарнӑ. Кун пирки CHEB.ru портал пӗлтернӗ.

Тытса чарнисенчен пӗри – коммерци директорӗ Алексей Федотов, тепри – предприятин хушма предприятийӗн, «РусХимтрейд» суту-илу ҫурчӗн гендиректорӗ Евгений Герасимов. Вӗсен тӗлӗшпе РФ Пуҫиле кодексӗн 204 статйипе (ку статья коммерци подкупӗ тенине пелтерет) пуҫиле ӗс пуҫарнӑ. Вӗсене ӗс вырӑнӗпе усӑ курнӑ тесе шухӑшлаҫҫӗ.

Ӗҫе малтанласа Чӑваш Енӗн Шалти ӗҫсен министерствин ӗҫченӗсем «Химпромӑн» хӑрушсӑрлӑх службин материалӗсене тӗпе хурса тӗпченӗ.

Евгений Герасимов 2020 ҫулсен варринче Чӑваш Енӗн промышленность тата энергетика министрӗ пулса та ӗҫленӗ.

Шупашкарти Хӗвелтухӑҫ урамӗнчи 13-мӗш ҫурт тӑррин парапечӗ йӑтӑнса аннӑ. Ку инкек ӗнер кӑнтӑрла иртнӗ хыҫҫӑн пулнӑ. Ӗнер ҫил те вӑйлӑ пулнӑ. Ку унпа ҫыхӑннӑ-и е ҫук-и - специалистсем уҫӑмлатӗҫ.

Парапет подъезд умӗнче ларакан икӗ машина ҫине ӳкнӗ. Иккӗшӗ те вӑйлах сиенленнӗ. Ҫав вӑхӑтра ҫын утса пынӑ, вӑл чутах инкеке лекмен.

Халӗ прокуратура тӗрӗслев ирттерет.

Шупашкарта пурӑнакан 33 ҫулти хӗрарӑм Атӑл урлӑ ишсе каҫас тенӗ. Анчах вӑл ним мар инкеке лекме пултарнӑ. Хӗрарӑм тӗрлӗ пӑрахут ҫӳрекен вырӑнта ишсе каҫма хӑтланнӑ.

Хӑйне хӗрхенмен тата упрама пӗлмен ҫынна Республикӑн Шыравпа ҫӑлав службин ӗҫченӗсем асӑрханӑ. Катерпа пыраканскерсем хӗрарӑм патне васкаса ҫитнӗ, ӑна ҫыран хӗрне илсе тухнӑ, апла хӑтланма юраманни пирки ҫирӗп асӑрхаттарнӑ.

Ҫӗнӗ Шупашкарта пурӑнакан 67 ҫулти арҫын ултавҫӑсене 60 миллион тенкӗ куҫарса панӑ.

Пӑтӑрмах ҫу уйӑхӗн 23-мӗшӗнче пуҫланнӑ. Ҫавӑн чухне ун патне домофонсене пӑхса тӑракан организаци ҫынни текен этем шӑнкӑравланӑ. Ҫӗнӗ уҫӑ илме смс-ҫырури кода ыйтнӑ. Арҫын кода каланӑ.

Унтан хайхипе Росфинансмониторингпа Федерацин хӑрушсӑрлӑх службин ӗҫченӗ текенсем ҫыхӑннӑ. Унпа форма тӑхӑннӑ улитавҫӑсем те видеооҫыхӑнупа калаҫнӑ, вӗсем арҫын укҫа ҫухатасран пӑшӑрханнине пӗлтернӗ. Ятарлӑ службӑсемпе калаҫма урӑх телефон та туянма сӗннӗ.

Арҫын темиҫе кунта 60 миллион тенкӗ ытла такамсене куҫарса пана, лешсем укҫа Тӗп банкри ятарлӑ счет ҫинче упранать тесе суя справка та ярса панӑ.

21.мвд.рф сӑнӳкерчӗкӗ

Ҫӗртме уйӑхӗн 1-мӗшӗнче Муркаш районӗнче Владимир облаҫӗнчи вӑрра тытса чарнӑ.

Вырӑнти йӗрке хуралҫисене ял хуҫалӑх предприятийӗсенчен пӗрин ертӳҫи ферма ҫывӑхӗнчи трактор ҫухални пирки шӑнкӑравласа пӗлтернӗ. Транспортпа ӗҫлекен трактор айкинелле пӑрӑннӑ, ҫав вӑхӑтра вӑл тракторсӑр тӑрса юлнӑ.

Пакунлисем хирпе трактор пынине асӑрханӑ та ун хыҫҫӑн васканӑ. Йӗрке хуралҫисене курсан арҫын трактор салонӗнчен сиксе юлса тарма тытӑннӑ.

Владимир хулинчи 35 ҫулти арҫын пӗлтернӗ тӑрӑх, вӑл М-7 автоҫулпа хӑйӗн «ГАЗелӗпе» пынӑ, бензин пӗтсен ҫывӑхри фермӑна ҫул тытнӑ. Унти трактора мӗншӗн чӗртсе кайнине вӑл ӑнлантарса пама пултарайман.