|
Пӑтӑрмахсем
 Инкеклӗ лару-тӑру министерстви тунӑ сӑн Шупашкарти общежитире кӗҫӗр пушар алхаснӑ. Инкек Ильбеков урамӗнчи общежитире пулнӑ. Ҫӗрле подъездра упранакан япаласем ҫунма тытӑннӑ. Тӗтӗм-сӗрӗм хӑвӑрт сарӑлнӑран ҫынсем урама тухса ӗлкӗреймен. Вырӑна ҫӑлавҫӑсем ҫитнӗ. Вӗсем 10 ҫынна урама тухма пулӑшнӑ. Телее, никам та шар курман. Пушара ҫур сехетрен сӳнтернӗ. Ҫулӑм 7 тӑваткал метр лаптӑк ҫинче алхаснӑ. Хыпар ҫӑлкуҫӗ:
|
|
Пӑтӑрмахсем
 Прокуратура архивӗнчи сӑн Республикӑра юр йывӑрӑшне пула каллех ҫурт тӑрри ишӗлнӗ. Хальхинче – Сӗнтӗрвӑрри хулинче. Ку паян Курчатов урамӗнчи 7-мӗш ҫуртра пулнӑ. Унта пӗтӗмпе – 19 хваттер. Вӗсем сиенленмен. Халӗ ҫурт тӑрринче юртан тасатаҫҫӗ, ун хыҫҫӑн юсав ӗҫӗсене пуҫӑнмалла – ҫапла пӗлтерет Чӑваш Ен прокуратури. Ку тӗслӗх тӗлӗшпе тӗрӗслев иртӗ – ҫурт тӑрринче камӑн тасатмалла пулнине тупса палӑртӗҫ, явап тыттарӗҫ. Хыпар ҫӑлкуҫӗ:
|
|
Пӑтӑрмахсем
 Прокуратура архивӗнчи сӑн Вӑрнар округӗнчи Нурӑсри психоневрологи интернатӗнче сипленнӗ хӗрарӑм унти пациенткӑна чейникпе ҫапса вӗлернӗшӗн судра явап тытӗ. Ку пӗлтӗр чӳкӗн 8-мӗшӗнче пулнӑ. 22 сехетре интернатра сипленнӗ 48 ҫулти хӗрарӑм кӳршине тимӗр чейникпе пуҫӗнчен, кӗлеткин ытти пайӗнчен нумай хутчен ҫапнӑ. Лешӗ сурансене пула ҫавӑнтах вилнӗ. Суд-психиатри экспертизи хӗрарӑм психика чирӗпе аптӑранине, преступлени вӑхӑтӗнче хӑй мӗн тунине ӑнланманнине палӑртнӑ. Ҫавна май прокуратура суда ӑна сипленме ямашкӑн ыйтса ходатайство ҫырнӑ. Хыпар ҫӑлкуҫӗ:
|
|
Пӑтӑрмахсем
 forum.zarulem.ws вырнаҫтарнӑ сӑнӳкерчӗк Нарӑс уйӑхӗн 15-мӗшӗнче каҫхине Кӳкеҫре васкавлӑ пулӑшу машини юр ӑшне путса ларнӑ. Ӑна ҫынсем тӗксе кӑларнӑ. Пӑтӑрмах Первомайски урамӗнчи 20-меш ҫуртӑн 1-мӗш корпусӗ патӗнче пулса иртнӗ. Ҫула япӑх тасатнӑран васкавлӑ пулӑшу машини те юр ӑшне путса ларать тесе вырӑнти хастарсем Кӳкеҫӗн официаллӑ ушкӑнӗнче каласа кӑтартас тенӗ, анчах вырӑнти тӳре-шара хистенипе видеона кӑларса ҫапнӑ иккен, видео авторне вара хура списока кӗртсе хунӑ. Хыпар ҫӑлкуҫӗ:
|
|
Пӑтӑрмахсем
 «Лиза Алерт» сӑнӳкерчӗкӗ Шупашкарта 35 ҫулти арҫын ҫухалнӑ. Вӑл ӑҫтине нарӑс уйӑхӗн 11-мӗшӗнченпе пӗлмеҫҫӗ. «Лиза Алерт» шыравпа ҫӑлав отрячӗ Константин Ярисова шырать. Константин Андреевич 176 см ҫуллӗш, вӑтам пӳ-силлӗ, ҫырӑ ҫӳҫлӗ, куҫӗ симӗс. Хӑй хура курткӑпа, тӗксӗм кӑвак джинс шӑлаварпа, хура кроссовкипе, хура рюкзакпа, хура кепкӑпа, пулнӑ. Хыпар ҫӑлкуҫӗ:
|
|
Пӑтӑрмахсем
 https://forum.zarulem.ws/?showtopic=685731&st=0&p=6379576#entry6379576 сӑнӳкерчӗкӗ Нарӑс уйӑхӗн 15-мӗшӗнче Элӗкре автобус ҫине ҫивитти йӑтӑнса аннӑ. Пӑтӑрмах вырӑнти автостанцире пулса иртнӗ. Пӑтӑрмах каҫхине пулса иртнӗ, ҫавӑнпа салонта ҫын пулман. Ҫивитти юр пусарса лартнине чӑтайман. В449СМ 21 номерлӗ «Ford Transit» автобус пассажирсене Элӗкрен Шупашкара турттараканскер иккен. Вӑл сиенленнӗ. Пӑтӑрмах тӗлӗшпе прокуратура тӗрӗслев пуҫарнӑ. Хыпар ҫӑлкуҫӗ:
|
|
Пӑтӑрмахсем
 Инкеклӗ лару-тӑру министерстви тунӑ сӑн Савнийӗ пӑрахсан каччӑ ӑна тавӑрма шухӑшланӑ. Ку — кинори сюжет мар, Шупашкар округӗнче пулса иртнӗ тискер ӗҫ ку. 2025 ҫулхи нарӑс уйӑхӗнче пулса иртнӗ. Шупашкарти 31 ҫулти арҫын савнийӗпе уйрӑлнӑ хыҫҫӑн ӑна тата унӑн ҫывӑх ҫыннисене вӗлерме шухӑш тытнӑ: вӗсен Шупашкар округӗнчи Хурӑнлӑх ялӗнчи ҫуртне чӗртсе ярас тенӗ. Ку ӗҫе хӑй туман, 33 ҫулти пӗлӗшне явӑҫтарнӑ. Вӑл каҫхине ҫунакан хатӗр илсе чӳречерен пенӗ. Анчах, хӗр ҫав каҫ килте пулман. Телее, унӑн ашшӗпе пӗртӑванӗ ҫунакан ҫуртран тухса ӗлкӗрнӗ. Кил-ҫуртран нимӗн те юлман. Вӗсем тӗлӗшпе пуҫарнӑ пуҫиле ӗҫе тишкерсе пӗтернӗ, ӑна кӗҫех Шупашкар районӗн сучӗ пӑхса тухӗ. Хыпар ҫӑлкуҫӗ:
|
|
Пӑтӑрмахсем
 Шупашкарта пурӑнакан виҫӗ ҫынна ултавҫӑсем шӑнман пӑрпа самантрах лартса янӑ. Пӗрне-пӗри пӗлекен ҫав ҫынсем патне пулӑшу ыйтса видеоҫыру ҫитнӗ. Ӑна вӗсен пӗлӗшӗ янӑ. Анчах тӗрӗссипе пӗлӗшӗ яман та иккен, видеона искусство интеллекчӗ хатӗрленӗскер пулнӑ. Унта самантлӑх укҫа куҫарса пама ыйтнӑ, икӗ-виҫӗ сехетрен каялла тавӑрса пама шантарнӑ. Суя видеона ӗненсе 10, 27 тата 28 пиншер тенкӗ куҫарса панӑ. Тусӗн аккаунчӗпе ултавҫӑсем усӑ курни кайран ҫеҫ ҫиеле тухнӑ. Хыпар ҫӑлкуҫӗ:
|
|
Пӑтӑрмахсем
 Чӑваш Енӗн ШӖМӗн видеовӗнчен илнӗ сӑнӳкерчӗк Шупашкарти хостелта икӗ ҫынна вӗлернӗ. Пӑтӑрмах нарӑс уйӑхӗн 10-мӗшӗнчи каҫхине Ломоносов урамӗнче вырнаҫнӑ хостелта пулса иртнӗ. Унта арҫынсем ҫапӑҫма тапранса кайнӑ. Патруль служби вырӑна пырса ҫитнӗ ҫӗре икӗ ҫынна вӗлернӗ. Шар курнисем — 48 тата 62 ҫулти арҫынсем. Вӗсенчен пӗри Тӗмен облаҫӗнчен пулнӑ, тепри — Алтай тӑрӑхӗнчен. Вӗсене вӗлерекеннисем Смоленск тата Кемер облаҫӗсенчи 32-39 ҫулсенч икӗ арҫын тесе шухӑшлаҫҫӗ, вӗсене пакунлисем тытса чарнӑ. Хыпар ҫӑлкуҫӗ:
|
|
Пӑтӑрмахсем
 «За рулем» порталти сӑн Шупашкарта Максим Горький проспектӗнче, «Европа» суту-илӳ центрӗ патӗнче, темиҫе машина ҫапӑннӑ. Ҫав шутра – автобус та. Кун пирки «За рулем» портал пӗлтерет. Унта 5 транспортран кая мар ҫапӑннӑ. Халӗ ӗҫ-пуҫа уҫӑмлатаҫҫӗ. Хыпар ҫӑлкуҫӗ:
|
+5.3 °C