|
Пӑтӑрмахсем
 hmotor.ru сӑнӳкерчӗкӗ Патӑрьел муниципаллӑ округӗнче «Лексус» автомобиль водительне тытса чарнӑ. Вӑл патшалӑхӑн ҫул-йӗр хӑрушсӑрлӑхӗн инспекцийӗн ӗҫченне пӑхӑнман. 20 ҫулти водитель тӗлӗшпе халӗ пуҫиле ӗҫ пуҫарнӑ. Ӗҫе влаҫ ҫыннине пӑхӑнманшӑн пуҫарнӑ. Пӑтӑрмах раштав уйӑхӗн 3-мӗшӗнче пулса иртнӗ. Патӑрьелти кафене йӗрке хуралҫисем унта ҫапӑҫаҫҫӗ тенипе пырса ҫитнӗ. Ҫапӑҫакансенчен пӗри патруль машинине ларма килӗшмен. Вӑл пӗлӗшӗн автомобильне кӗрсе ларнӑ. Инспектор «Лексус» автомашина умне тӑнӑ. Водитель транспорта хускатса кайнӑ, йӗрке хуралҫисене капот ҫинче темиҫе метр илсе кайнӑ. Кайран инспектор машина алӑкӗ патне пырса хӑлӑпран ярса илнӗ. Водитель ӑна сӗтӗрсе илсе кайнӑ. «Лексуса» штрафстоянкӑна илсе кайнӑ. Водителе следователь судчен следстви изоляторне яма ыйтать. Хыпар ҫӑлкуҫӗ:
|
|
Политика
 Сӑн ҫӑлкуҫӗ: t.me/oanikolaev Раҫҫей Федерацийӗн Тӗп суйлав комиссийӗн Евгений Шевченко пайташӗпе тӗлпулу ирттернӗ хыҫҫӑн Чӑваш Республикин Элтеперӗ Олег Николаев хӑйӗн страницинче суйлав участокӗсене паллӑ ентешсен ячӗсене парасси пирки пӗлтернӗ. Шупашкарти Ленин районӗнчи пӗр участок Василий Чапаев ячӗллӗ пулса тӑма пултарать, Сӗнтӗрвӑрри муниципаллӑ округӗнчи тепӗр суйлав участокӗ вара Андриан Николаев ячӗпе хисепленсе тӑма пултарӗ. Олег Алексеевич ҫавӑн пекех тепӗр виҫӗ суйлав участокне Раҫҫей Паттӑрӗсен ятне пама сӗннӗ. Суйлав участокӗсене вӑл е ку ят парасси 2011 ҫулта пуҫланнӑ. Ун чухне Патшалӑх Думине депутатсене суйланӑ май Тула облаҫӗнчи 60 ытла участока ятсем парса тухнӑ, вӗсем «Лев Толстой», «Куликово уйӗ», «Варяг» тата ытти ятсене йышӑннӑ. Хыпар ҫӑлкуҫӗ:
|
|
Статистика
 life.ru сайтри сӑн Юлашки вӑхӑтра республикӑра кӑшӑлвируспа чирлекен нумайланнӑ. Иртнӗ эрнере 614 ҫыннӑн ҫак амак пулнине палӑртнӑ. Ун умӗнхи эрнере 538 тӗслӗх пулнӑ. Пульницӑна лекекенсен йышӗ вара пӗчӗкленнӗ. Иртнӗ эрнере 37 ҫынна стационара вырттарнӑ. Ун умӗнхи эрнере – 52 ҫынна. Раҫҫейре иртнӗ эрнере 95 пин ытла ҫын кӑшӑлвируспа чирленине палӑртнӑ. Ун умӗнхи эрнере кӑтарту 77,1 пин ҫынпа танлашнӑ. Ҫӗршывра ҫак амакран вилекенсен йышӗ те пысӑкланнӑ. Иртнӗ эрнере138 ҫын вилнӗ, унччен – 90 ҫын. Хыпар ҫӑлкуҫӗ:
|
|
Политика
 Общество палатине малашне 27 ҫулти Ирина Иванова ертсе пырӗ. Унчченхи ертӳҫӗ Артем Йовенко ку должноҫрен кӑҫал ҫурла уйӑхӗн 1-мӗшӗнче кайнӑ. Кун хыҫҫӑн конкурс ирттернӗ, документсене юпа уйӑхӗн 23-мӗшӗнчен пуҫласа чӳкӗн 7-мӗшӗччен йышӑннӑ. Конкурсра Ирина Иванова ҫӗнтернӗ. Вӑл 1996 ҫулта Патӑрьел районӗнче ҫуралнӑ. 2018 ҫулта И.Н.Ульянов ячӗллӗ ЧПУран вӗренсе тухнӑ. Кайран унтах магистратурӑра ӑс пухнӑ. 2018 ҫултах Раҫҫей халӑх хуҫалӑхӗн тата патшалӑх службин академийӗнчен «Патшалӑх тата муниципалитет управленийӗ» енпе вӗреннӗ. Хыпар ҫӑлкуҫӗ:
|
|
Сывлӑх
 Шупашкарти Президент пепкелӗх центрӗнче ӗҫлекен Светлана Павлова ҫӗршыври чи лайӑх лаборант ятне тивӗҫнӗ. Наградӑна вӑл РФ сывлӑх сыхлавӗн министрӗн Михаил Мурашкӑн аллинчен илнӗ. Чыслав «Наци сывлӑх сыхлавӗ» конгресра иртнӗ. Республикӑри ӳтпе венерологи диспансерӗн дерматологӗ Гелия Гималиева «Чи лайӑх инфекционист» номинацире 3-мӗш вырӑна тивӗҫнӗ. Улатӑр округӗнчи тӗп пульницӑн офтальмологӗ Наталья Кононцева «Чи лайӑх офтальмолог» номинацире 3-мӗш пулнӑ. Хыпар ҫӑлкуҫӗ:
|
|
Вӗренӳ
 «Чеб.ру» сайтри сӑн Шупашкарти «Садовый» микрорайонти шкула темиҫе ҫул ӗнтӗ хӑпартаҫҫӗ. Вӑл хӑҫан уҫӑлӗ? Срока темиҫе хутчен те куҫарнӑ. Юлашкинчен ЧР Элтеперӗ Олег Николаев шкула раштавӑн 5-мӗшӗнче уҫма шантарнӑ. Паян шӑпах ҫак кун. Аса илтерер: икӗ эрне каялла микрорайонти шкулӑн 83 проценчӗ хатӗр пулнине пӗлтернӗ. Ҫав вӑхӑтрах РФ строительство министрӗ Михаил Коледа 95 проценчӗ хатӗррине каланӑ. Шкула 2020 ҫулхи ҫурла уйӑхӗнче тума пуҫланӑ. Унта 1650 ача валли вырӑн пулмалла. Вӑл 9-мӗш шкулӑн иккӗмӗш корпусӗ пулӗ. Хыпар ҫӑлкуҫӗ:
|
|
Хулара
 nsk.rbc.ru сайтри сӑн Шупашкарта пурӑнакан 33 ҫулти арҫын пӗлтӗр раштав уйӑхӗнчен пуҫласа кӑҫалхи кӑрлаччен халӑх тетелӗнче страница уҫнӑ та унта арӑмӗн ҫарамасланса ӳкерӗннӗ сӑнӳкерчӗкӗсене вырнаҫтарнӑ. Хӗрарӑм ҫав вӑхӑт тӗлне унран уйрӑлма хут ҫырнӑ пулнӑ. Арҫын ҫак сӑнӳкерчӗксене арӑмӗн пиччӗшӗ патне те ярса панӑ. Ҫакна вӑл, ахӑртнех, кӗвӗҫнипе, куҫман пурлӑх пайланӑ чухне кӳреннипе тунӑ. Сӑнӳкерчӗксене ӑҫтан илнӗ-ха вӑл? Арӑмӗпе иккӗшӗ ҫырӑннӑ чухне ярса панисем пулнӑ. Тӗнче тетелӗнче порнографи материалӗсене сарнӑшӑн 2-6 ҫул таран тӗрмене лартма пултараҫҫӗ. Хыпар ҫӑлкуҫӗ:
|
|
Ҫурт-йӗр
 culture.cap.ru сӑнӳкерчӗкӗ Чӑваш Енре федераци пӗлтерӗшлӗ тӑватӑ культура объектне упрамаллисен шутне кӗртнӗ. Ҫавӑн пирки Чӑваш Енӗн Культура министерствин приказӗсемпе ҫирӗплетнӗ. Асӑннӑ документра – XVII-XVII ӗмӗрсенчи «Троицки мӑнастирӗ» ансамбле кӗрекен 4 объект. Ҫав шутра – Федор Стратилатӑн чиркӗвӗ, Толгски турӑ амӑшӗн чиркӗвӗ, Троицки собор, чиркӳ ҫыннисене апатланмалли ҫурт. Вӗсем пурте Шупашкарти Константин Иванов урамӗнче вырнаҫнӑ. Хыпар ҫӑлкуҫӗ:
|
|
Ҫурт-йӗр
 blog.domclick.ru сӑнӳкерчӗкӗ Чӑваш Енре пурӑнакансене кӳршӗ-аршӑпа строительсем канма кансӗрлесрен саккун йышӑннӑ. Ӑна чӳк уйӑхӗн 30-мӗшӗнче ҫирӗплетнӗ. Асӑннӑ саккунра пӑхса хӑварнӑ тӑрӑх, нумай хваттерлӗ ҫуртсенче 23 сехетрен пуҫласа 7 сехетчен шавлама юрамасть. Строительствӑпа монтаж, юсав ӗҫӗсене 20 сехетрен пуҫласа 8 сехетчен пурнӑҫлама юрамасть. Шӑматкунпа вырсарникун тата уяв кунӗсенче 22 сехетрен пуҫласа 9 сехетчен шавламалла мар. Строительствӑпа ҫыхӑннӑ ӗҫе 19 сехетрен пуҫласа 9 сехетчен пурнӑҫлама чарнӑ. 13 сехетрен пуҫласа 15 сехетчен те шавламалла мар. Ҫӗнӗ ҫул каҫхине – раштавӑн 31-мӗшӗнче 22 сехетрен пуҫласа кӑрлачӑн 1-мӗшӗнче 4 сехетчен – шавланӑшӑн явап тыттармӗҫ. Хыпар ҫӑлкуҫӗ:
|
|
Республикӑра
 ngs.ru сӑнӳкерчӗкӗ Интернатра ӳснӗ ачасене пурнӑҫра хӑйсен вырӑнне тупма ҫӑмӑл мар. Ҫемьере пурӑнса курманскерсене малтанхи вӑхӑтра патшалӑх пулӑшса пырӗ. Чӑваш Енре нумаях пулмасть ятарласа ҫавӑн пек саккун йышӑннӑ. Ача ҫурчӗсенче ӳснисене интернатран тухсан вӗренме кӗме, ӗҫе вырнаҫма пулӑшасшӑн, ҫӗнӗ ҫӗрте пурӑнма хӑнӑхтарасшӑн. Ашшӗ-амӑшӗсӗр ҫамрӑксене ятарласа ҫирӗплетнӗ наставник пулӑшса пымалла. Хыпар ҫӑлкуҫӗ:
|
+12.1 °C