|
Республикӑра
 Кандинский нейросеть сӑнӳкерчӗкӗ Ҫитес ҫулхи ута уйӑхӗн 1-мӗшӗнчен пирӗн республикара коммуналлӑ пулӑшу хакӗ ӳсӗ. Хулара пурӑнакансем электроэнергишӗн 1 кВТ/сехетшӗн 4 тенке те 96 пус тӳлеме пуҫлӗҫ е хак 12,5 процент хӑпарӗ. Ку вал электроплита ҫуккисен ҫавӑн пек пулӗ. Электроплиталлисен 3 тенкӗ те 47 пус (хальхинчен 12,3 процент нумайрах) тӳлеме тивӗ. Ҫутанҫанталак газӗшӗн хак 10 процент ӳсӗ. Нумай хваттерлӗ ҫуртсенче пурӑнакансем йӑлари хытӑ каяшшӑн 62 тенкӗ те 73 пус (5,0 процент нумайрах) тӳлеме тытӑнӗҫ, ялтисем — 73 тенке те 16 пус. Хыпар ҫӑлкуҫӗ:
|
|
Республикӑра
 ставрополь.рф сайтри сӑн 2022 ҫулхи ҫу уйӑхӗнче Шӑмӑршӑра пурӑнакан хӗрарӑм бизнес-план хатӗрлесе ӑна хӳтӗленӗ хыҫҫӑн социаллӑ контракт алӑ пуснӑ. Ҫапла вӑл какайран ҫурмафабрикатсем хатӗрлеме патшалӑхран 250 пин тенкӗ субсиди илнӗ. Анчах хӑй услам ӗҫне пуҫарман, укҫипе хӑй пӗлнӗ пек усӑ курнӑ. Район прокуратури Патӑрьел районӗн судне тавӑҫ тӑратнӑ. Ҫапла хӗрарӑм патшалӑхран илнӗ укҫана каялла тавӑрса парӗ. Сӑмах май, Вӑрнар округӗнчи арҫын та автосервис уҫма тесе патшалӑхран 350 пин тенкӗ субсиди илнӗ. Ӑна социаллӑ тӳлеве вӑрланӑ тесе айӑпланӑ. Хыпар ҫӑлкуҫӗ:
|
|
Ҫутҫанталӑк
 Синоптиксем пӗлтернӗ тӑрӑх, ку эрнере юр юнкунччен ҫӑвӗ. Атмосфера пусӑмӗ 723 мм таран анӗ. Виҫӗ кунра юр хулӑнӑшӗ 5-10 сантиметр ӳсӗ. Кӗҫнерникун сивӗтӗ. Эрнекун ир тӗлне 15-20 градус таран сивӗтӗ. Анчах нумайлӑха мар, кӗҫех ӑшӑтӗ. Эрнекун пӑрлӑ ҫумӑр ҫума пултарать. Канмалли кунсенче термометр 0 градусран ӑшӑрах кӑтартӗ. Ку эрнере сывлӑш температури улшӑнса тӑрӗ кӑна мар, ҫил те вӑйланӗ. Хыпар ҫӑлкуҫӗ:
|
|
Персона
 "Контактри" сӑн Вӑрнар округӗнчи Уравӑш ялӗнче пурӑнакан Варвара Порфирьевна Гаврилова 103 ҫул тултарнӑ! Вӑл мӑшӑрӗпе 2 хӗр те пӗр ывӑл ҫуратса ӳстернӗ, вӗсем 19 мӑнук парнеленӗ. Халӗ Варвара Порфирьевнӑн 25 кӗҫӗн мӑнук тата вӗсен 4 ачи пур. Варвара Гаврилова Уравӑшри участок пульницинче ача ҫураттармалли уйрӑмра 38 ҫул ӗҫленӗ. Вӑл паянхи кун та ӑспах пурӑнать, ӑна юратнӑ мӑнукӗ Вероника пӑхать. Хыпар ҫӑлкуҫӗ:
|
|
Чӑвашлӑх
 Шӑматкун Халӑхсен туслӑхӗн ҫуртӗнче «Раҫҫей чӑваш пики» конкурс иринӗ. Кӑҫал кам ҫӗнтернӗ-ха?Муркаш тӑрӑхӗнчи Дарья Дмитриева. Дарьйӑна тинӗс хӗрринче канмалли путевкӑпа чысланӑ. Палӑртса хӑварар: кӑҫал илем конкурсне 16 чиперкке хутшӑннӑ. Вӗсем – Чӑваш Енри тӗрлӗ округран, Тутар Республикинчен, Чӗмпӗр, Пенза, Тюмень облаҫӗсенчен. Хыпар ҫӑлкуҫӗ:
|
|
Пӑтӑрмахсем
 Кандинский нейросеть сӑнӳкерчӗкӗ Куславкка районӗнчи пӗр хӗрарӑм хӑйне тепӗр хӗрарам кӳрентерсе пӗтерни пирки прокуратурӑна пӗлтернӗ. Куславкка хулинче пурӑнакан икӗ хӗрарӑм телефонпа калаҫнӑ. Унтан вӗсенчен пӗри теприне кӳрентерсе пӗтернӗ. Чӗлхене ирӗке янӑ 49 ҫулти хӗрарӑма Правӑна административлӑ майпа явап тыттарасси ҫинчен калакан кодекспа килӗшӳллӗн явап тыттарса 3 пин тенке штрафы хурса панӑ. Хыпар ҫӑлкуҫӗ:
|
|
Пӑтӑрмахсем
 Кандинский нейросеть сӑнӳкӗрчӗкӗ Кӑҫалхи ҫурла уйӑхӗнче Ҫӗрпӳ районӗнчи пӗр арҫын полицие хӑйӗн паспортне вӑрланӑ тата микрофинанс организацийӗнче ун ячӗпе кредит илнӗ тесе евитленӗ. Пакунлисем тӗрӗслев ирттернӗ те ҫав арҫын кредит учрежденийӗнче 45 пин тенкӗ илнине палӑртнӑ. Эрех ӗҫнӗ хыҫҫӑн кивҫен илнине те, паспортне ӑҫта хунине те манса кайнӑ. Кайран аса илнӗ те анчах кредит тӳлес килменрен йӗрке хуралҫисене паспорта такам вӑрланӑ тесе суйса пӗлтернӗ. Суякан арҫынна суд 200 сехет ӗҫлеттерсе юсантарма йышӑннӑ. Хыпар ҫӑлкуҫӗ:
|
|
Пӑтӑрмахсем
 Кандинский нейросеть сӑнӳкерчӗкӗ Сӗнтӗрвӑрри хулинчи Ломоносов урамӗнчи 8А ҫуртран пуҫласа Котовсий урамӗнчи 41-мӗш ҫурт патне ҫитиччен ҫутӑ пулман. Кун пирки вырӑнтисем тӗнче тетелӗнче хыпарланӑ. Ҫакна прокуратура асӑрханӑ та тӗрӗслев ирттернӗ. Йӗркене пӑснине палӑртнӑ хыҫҫӑн надзор органӗ муниципалитет органне асархаттару хучӗ ҫырса панӑ, кӑлтӑка пӗтерме хушнӑ. Ҫавӑн хыҫҫӑн урама ҫутӑпа тивӗҫтернӗ. Хыпар ҫӑлкуҫӗ:
|
|
Хулара
 Кандинский нейросеть сӑнӳкерчӗкӗ Шупашкар хулин Кӑнтӑр-Хӗвеланӑҫ районӗнчи темиҫе ҫурт тата хӑш-пӗр объект ӗнер ӑшӑсӑр тӑрса юлнӑ. Малтанласа палӑртнӑ тӑрӑх, Социализмла урамри котельнӑйран пыракан ӑшӑ трассин пӑрӑхӗ сиенленнӗ. Пӑтӑрмах ҫурҫӗр иртнӗ 1 сехет тӗлӗнче пулнӑ. Асӑннӑ вырӑна ятарлӑ службӑсем ҫийӗнчех тухса кайнӑ. Чӑваш Енӗн прокуратури ӗнер пӗлтернӗ тӑрӑх, темиҫе ҫурта ӑшӑ часах пама май килнӗ, хӑшӗсем вара ӑшӑсӑр юлнӑ. Хыпар ҫӑлкуҫӗ:
|
|
Ял пурнӑҫӗ
 "Контактри" сӑн Шӑмӑршӑ округӗнчи Палтиел ялӗнче пурӑнакасене шыв ыйтӑвӗ пӑшӑрхантарать. «Каллех ҫук. Хӑҫан пулӗ? Нивушлӗ тума ҫук?» – теҫҫӗ ҫынсем. Пӑчӑрлӑ Пашьел территори уйрӑмӗнче, ҫав шутра Палтиелте те, шыв тарифӗ ҫук. Эппин, ку ыйтӑва пӑхса тӑракан подрядчик те ҫук. Хыпар ҫӑлкуҫӗ:
|
+5.1 °C