medicin.cap.ru сӑнӳкерчӗкӗ

Республикӑн ача-пӑча клиника пульницинчи оториноларингологи тата янах шӑммипе пит хирургийӗн уйрӑмне сӑмсана пирсинг ҫӑтса янӑ хӗрачана илсе пынӑ. Пӗчӗк хӑлха ҫаккине вӑл сывланӑ чухне сӑмсипе туртса илнӗ.

Ачан ашшӗ-амӑшӗ каланӑ тӑрӑх, хӗрача аппӑшӗ пек сӑмси ҫине пирсинг лартса ҫӳреме ӗмӗтленнӗ. Ҫавӑн чухне вӑл ӑна ӑнсӑртран сӑмсана туртса илнӗ.

stylishbag.ru сайтри сӑн

Стопкоронавирус.рф сайт пӗлтернӗ тӑрӑх, Чӑваш Енре юлашки эрнере 273 ҫын кӑшӑлвируспа чирленине палӑртнӑ. Вӗсенчен 25-шне пульницӑна вырттарнӑ. Юрать-ха, вилекенсем ку эрнере пулман.

Палӑртмалла: юлашки вӑхӑтра кӑшӑлвируспа чирлекенсем нумайланнӑ. Юпа уйӑхӗнче чире парӑнтараймасӑр 2 ҫын вилнӗ тӗслӗх пулнӑ.

Сӑмах май, республикӑра ку таранччен 117911 ҫын кӑшӑлвируспа чирленӗ. Вӗсенчен 4742-шӗ чире парӑнтараймасӑр пурнӑҫран уйрӑлнӑ

карполь.рф сайтри сӑн

Чӑваш Енре «Госуслуги. Дом» сарӑм ӗҫлеме пуҫланӑ. Унччен вӑл 17 регионта сӑнав шайӗнче ӗҫленӗ. Халӗ вара унпа ҫӗршывра пурӑнакансем пурте усӑ курма пултараҫҫӗ.

Нумай хваттерлӗ ҫуртсенче пурӑнакансемшӗн вӑл питӗ меллӗ. Унта коммуналлӑ тӑкаксемшӗн тӳлеме, счетчик кӑтартӑвӗсене пама пулать. Ҫавӑн пекех управляющи компанине зявка яма май пур.

Чӑваш Енри общество палатин ертӳҫин пуканӗ пушӑ. Ун валли ҫын шыраҫҫӗ. Ҫавна май конкурс ирттереҫҫӗ.

Унччен ку должноҫре 32 ҫулти Артем Йовенко ӗҫленӗ. Вӑл ҫурла уйӑхӗн 1-мӗшӗнче ӗҫрен кайнӑ.

Конкурс условийӗсемпе килӗшӳллӗн, ҫак должноҫе йышӑнма хатӗр ҫыннӑн аслӑ пӗлӳ, ертӳҫӗре 3 ҫултан кая мар ӗҫлени, 5 ҫултан кая мар стаж пулмалла. Документсене чӳк уйӑхӗн 7-мӗшӗччен йышӑнаҫҫӗ.

21.мвд.рф сӑнӳкерчӗкӗ

Красноармейски районӗнче ӳсӗр пӗр водителе тытса чарнӑ. Вӑл «Шупашкар-Сурски» ҫул ҫинче груз турттармалли машина умне сиксе тухнӑ. Машина унталла та кунталла пӑркаланса пынӑ.

Ҫавна асӑрханӑ тепӗр водитель «ВАЗ-21041» машина пирки йӗрке хуралҫисене шӑнкӑравласа пӗлтернӗ, хӑй машина хыҫҫӑн кайнӑ. Ҫӑмӑл машина Красноармейски муниципаллӑ округӗнчи Йӗпрем ялӗ еннелле ҫул тытнӑ.

65 ҫулти водитель тухтӑрсем патне кайса тӗрӗсленме килӗшмен. Ҫавна май ун тӗлӗшпе административлӑ ӗ пуҫарнӑ.

t.me/mchs_chuvashia сӑнӳкерчӗкӗсем

Юпа уйӑхӗн 23-мӗшӗнче Ҫӗнӗ Шупашкарта 2 пӳлӗмлӗ хваттер ҫунма пуҫланӑ. Инкек 16 сехет иртсен сиксе тухнӑ.

Хулари Завод урамӗнчи 11-мӗш ҫуртри 3-мӗш хутра вырнаҫнӑ. Тӗтӗм-сӗрӗм сарӑлнӑ подъезран 5 ҫынна урама кӑларнӑ. Вӗсен йышӗнче 2 ҫынпа 3 ача пулнӑ.

Пушар 3 тӑваткал метр лаптӑк ҫинче алхаснӑ. Вут-ҫулӑмпа кӗрешекенсем ӑна сӳнтернӗ. Инкек сӑлтавне специалистсем палӑртӗҫ.

cap.ru сайтри сӑн

Сауд Аравинчи Эр-Рияд хулинче ҫар искусстви енӗпе Пӗтӗм тӗнчери вӑйӑсем иртнӗ. Унта 1500 ытла спортмен хутшӑннӑ.

Раҫҫейрен ӑмӑртӑва 8 спортсмен кай нӑ. Ҫав йышра пирӗн ентеш те, РФ спорт мастерӗ Татьяна Федорова та, пулнӑ. Вӑл «спорт самбо» дисциплинӑра 50 килограмм тайман спортсменсемпе вӑй виҫнӗ. Татьяна кӗмӗл медаль ҫӗнсе илнӗ.

Раҫҫей командинчи Али Турсунов тата Аслан Курбанов 1-мӗш тата 2-мӗш вырӑнсене йышӑннӑ.

culture.cap.ru сӑнӳкерчӗкӗ

Ӗнер, юпа уйӑхӗн 23-мӗшӗнче, Шупашкарти Иван Яковлев палӑкӗ умне аслӑ вӗрентекенӗмӗре сума сӑвакансем пуҫтарӑннӑ. Йышра тӳре-шарапа культура тата вӗрентӳ ӗҫченӗсем пулнӑ.

Чӑваш Енӗн Наци вулавӑшӗ умӗнчи сквер умӗнчи палӑк умне пухӑннисем хальхи вӑхӑтри чӑваш ҫырулӑхне йӗркеленӗ Иван Яковлев ҫинчен ӑшӑ сӑмахсем нумай каланӑ, чечек хунӑ.

Аса илтерер: Иван Яковлев 1848 ҫулхи ака уйӑхӗн 25-мӗшӗнче ҫуралнӑ, 1930 ҫулхи юпа уйӑхӗн 23-мӗшӗнче ҫут тӗнчерен уйрӑлса кайнӑ.

cap.ru сӑнӳкерчӗкӗ

Шупашкарта республикӑн сывлӑх схылав отралсьне кадрсемпе тивӗҫтерес ыйтӑва сӳтсе явма тӗрлӗ шайри тӳре-шара, пульницӑсен тӗп тухтӑрӗсем тата ыттисем пухӑннӑ.

«Медицинские кадры – стратегический ресурс республики» (чӑв. Медицина кадрӗсем — республикӑн стратегилле хӑвачӗ) стратеги сессийӗнче тухтӑрсемпе тивӗҫтерес ыйтӑва сӳтсе явнӑ.

Ҫӗнӗрен ҫӗнӗ фельшерпа акушер пункчӗсем тӑваҫҫӗ, амбулаторисемпе клиникӑсене юсаса ҫӗнетеҫҫӗ. Анчах тухтӑр ҫук ҫуртӑн усси ҫук.

Чӑваш Ен Элтеперӗ Олег Николаев пухӑннисем умӗнче ҫапларах тӗллев лартнӑ: ялта ФАП туса пӗтрнӗ ҫӗре унта квалификациллӗ пулӑшу пама пултаракан ухтӑрсем пулмалла.

elets-gid.ru сайтри сӑн

216080 - ҫавӑн чухлӗ доза вакцина илсе килнӗ Чӑваш Ене. Вӑл грипран хӳтӗленмелли «Совигрипп».

Ку вакцинӑна Пӗтӗм тӗнчери сывлӑх сыхлавӗн организацийӗ ырланӑ. Вӑл пулӑшнипе ҫын гриппа вӑйлах чирлемест, чир шала каймасть.

Прививкӑна тӳлевсӗр тӑваҫҫӗ. Хӑвӑр пурӑнакан вырӑнти поликлиникӑна каймалла ҫеҫ. Ӑна муниципаллӑ округсенчи пульницӑсенче те, ялсенчи фельдшерпа акушер пункчӗсенче те тӑваҫҫӗ.