|
Республикӑра
 cap.ru сӑнӳкерчӗкӗ 2025 ҫула пирӗн республикӑра ҫӗнтерӳ темине халаллӗҫ. Кун пирки республикӑн влаҫ органӗсен официаллӑ порталӗнче пӗлтернӗ. Ку сӗнӗве Чӑваш Ен Элтеперӗ Олег Николаев та ырласа йышӑннӑ. Ҫак ыйтӑва Чӑваш Республикин Элтеперӗ ҫумӗнчи общество канашӗн ларӑвӗнче хускатнӑ. 2025 ҫула ҫӗнтерӳ темине халаллани ытахальтен мар. Ҫитменнине килес ҫул пирӗн ҫӗршыв Тӑван ҫӗршывӑн аслӑ вӑрҫинче ҫӗнтернӗренпе 80 ҫул ҫитнине уявлӗ. Хыпар ҫӑлкуҫӗ:
|
|
Хулара
 44kv.ru сайтри сӑн Шупашкарти сывлӑх сыхлавӗн учрежденийӗнче ӗҫлекен 63 ҫулти хӗрарӑм ултавҫӑсене ӗненсе 900 пин ытла тенкӗ ҫухатнӑ. Ун патне мессенджерта шӑнкӑравланӑ. Экран ҫинче республикӑри Сывлӑх сыхлавӗнче ӗҫлекен ҫын ячӗ тухнӑ. Хайхискер каланӑ тӑрӑх, усал шухӑшлӑ ҫынсем даннӑйсен базине кӗнӗ, унӑн ячӗпе кредит илесшӗн-мӗн. Кӗҫех хӗрарӑм патне «йӗрке хуралҫи» шӑнкӑравланӑ, ҫав ҫынран маларах кредит илсе «хӑрушсӑр счет» ҫине куҫарма ыйтнӑ. Ҫапла медӗҫчен такамсене 916 пин тенкӗ куҫарса панӑ. Ку тӗслӗх тӗлӗшпе пуҫиле ӗҫ пуҫарнӑ. Хыпар ҫӑлкуҫӗ:
|
|
Кӳршӗре
 "Контактри" сӑн Саратов хулинче Раҫҫейпе Китай туслӑхне халалласа чи пысӑк граффити ӳкереҫҫӗ. Ӗҫе Китайри, Чӑваш Енри тата Атӑлҫи федераци округӗнчи хӑш-пӗр хулари ӳнерҫӗсем пурнӑҫлаҫҫӗ. Пирӗн регионтан унта Лилия Яковлева кайнӑ. Стена ҫине Атӑлҫи федераци округӗнчи 14 регионти тата Китайри 6 провинци символӗсене ӳкерӗҫ. Варринче Атӑл тата Янцзы юханшывсене кӑтартакан хӗрсем пулӗҫ. Граффити 600 тӑваткал метр пулӗ. Ӑна «Атӑл - Янцзы» ҫамрӑксен форумӗ хупӑниччен туса пӗтерме палӑртнӑ. Хыпар ҫӑлкуҫӗ:
|
|
Персона
 "Контактри" сӑн Ҫамрӑк ӳнерҫӗ Надежда Баранкина тӑван хулине, Улатӑра, хӑйӗн ӳкерчӗкӗсемпе илем кӳрет. Ӳкересси уншӑн чун киленӗҫӗ кӑна мар, професси те. Надежда унпа шкуланпах кӑсӑкланать. Вӑл педколледжра вӗренсе рисовани учителӗн специальноҫне илнӗ. Унтан И.Я.Яковлев ячӗллӗ Чӑваш патшалӑх педагогика университетӗнче интерьер дизайнерӗн дипломне илнӗ. Халӗ Надежда «Ника» ҫемье аталанӑвӗн центрӗнче «Акварелька» студие ертсе пырать, Улатӑрти ача-пӑча ӳнер шкулӗнче вӗрентет. Пушӑ вӑхӑтра вара ҫуртсен стенисем ҫине ӳкерет. Хыпар ҫӑлкуҫӗ:
|
|
Пӑтӑрмахсем
 Прокуратура тунӑ сӑн Паян 10 сехет тӗлнелле Шупашкар округӗнчи Ҫӗньялта инкек пулнӑ: 2 ҫулти ача ҫурт умӗнчи канализаци ҫӑлне кӗрсе ӳкнӗ. Шел те, пӗчӗкскер вилнӗ. Ҫакӑ паллӑ: ку ҫӑл – шыв юхтарса кӑлармалли тӗп тытӑм пайӗ мар, унпа ҫуртра пурӑнакансем усӑ курнӑ. Ҫемье ятарлӑ органсенче шутра тӑман. Вырӑна Шупашкар округӗн прокурорӗ Сергей Кабуркин ҫитнӗ. Халӗ тӗрӗслев ирттереҫҫӗ. Вӑл мӗнле иртнине прокуратура тӗрӗслесе тӑрӗ. Хыпар ҫӑлкуҫӗ:
|
|
Культура
 https://vk.com/wall260765572_683 страницӑран илнӗ сӑнӳкерчӗк Ыран, ҫурла уйӑхӗн 28-мӗшӗнче, Шупашкарти ача-пӑчапа ҫамрӑксен пултарулӑх керменӗн педагогӗсен ӗҫӗсен куравӗ уҫӑлӗ. Вӑл Чӑваш тӗррин музейӗнчен ӗҫлеме тытӑнӗ. Куравра Ольга Волкова, Светлана Лотова, Ольга Кондратьева тата Светлана Савельева пултарулӑхӗпе паллашма май килӗ. Вӗсем чылай ҫул ӗнтӗ декоративлӑ прикладной ӳнер енӗпе тӑрӑшаҫҫӗ. Ҫав ӑсталӑха ачасене хӑнӑхтарнӑ май вӗсене чӑваш халӑх пултарулӑхӗпе кӑсӑклантарса ярассипе ҫине тӑраҫҫӗ. Хыпар ҫӑлкуҫӗ:
|
|
Персона
 Типшӗм Сашук страницинчен илнӗ сӑнӳкерчӗк Ӗнер, ҫурла уйӑхӗн 26-мӗшӗнче, чӑваш эстрадин паллӑ артисчӗ Типшӗм Сашук 50 ҫул тултарнӑ. Пултаруллӑ сцена ӑсти Елчӗк районӗнчи Элекҫей Тимеш ялӗнче ҫуралнӑ. Саша — тӑван ҫӗршыва, тӑван кӗтесне, чӑваш халӑхне юратакан ҫын пулни унӑн юррисенче те сисӗнет. Вӑл чӑваш эстрадине музыкӑн рэп енне илсе килчӗ. Пӗрремӗш юррине вӑл 17-ре ҫырнӑ. Унӑн ячӗ 2000-мӗш ҫулсенче халӑхра сарӑлма пуҫларӗ. Пултаруллӑ артист паян — икӗ ача ашшӗ, спортпа туслӑ. Пултарулӑхӗ вара унчченхиллех тапса тӑрать. Хыпар ҫӑлкуҫӗ:
|
|
Сывлӑх
 www.orthoscheb.com сӑнӳкерчӗкӗ Шупашкарта вырнаҫнӑ Федерацин травматологи, ортопеди тата эндопротезировани центрӗн коллективне Раҫҫей Президенчӗн Владимир Путинӑн йышӑнӑвӗпе тав тунӑ. Коллектив ҫав чыса «сывлӑх сыхлав ӗҫри ҫитӗнӳсемшӗн» тивӗҫнӗ. Центрта пӗлтернӗ тӑрӑх, ку хаклав — медицина пулӑшӑвӗ кӳрессине тата медицина практикине инновацилле технологисем кӗртессипе туса ирттерекен ырми-канми ӗҫӗн кӑтартӑвӗ. Пысӑк шайра тав туни малашне те талпӑнса ӗҫлеме хавхалантарать. Хыпар ҫӑлкуҫӗ:
|
|
Пӑтӑрмахсем
 ҪҪХПИ тунӑ сӑн Ӗнер 10 сехет те 40 минутра Шӑмӑршӑ округӗнчи Палтиел ялӗ ҫывӑхӗнче аварире ҫын вилнӗ, тепӗр тӑваттӑн аманнӑ. Суранланнисен йышӗнче 3 ҫулти ача та пур. Малтанлӑха пӗлтернӗ тӑрӑх, ВАЗ-2111 машина рулӗ умӗнче ларнӑ 67 ҫулти водитель ҫул хӗресленекен выранта иномаркӑна ирттерсе яман. «Шкода» рулӗ умӗнче 27 ҫулти арҫын ларнӑ. Икӗ машина ҫапӑнсан ВАЗ-2111 машина водителӗ вырӑнтах вилнӗ. Иномаркӑри тӑватӑ пассажира, ҫав шутра ачана та, пульницӑна илсе кайнӑ. Хыпар ҫӑлкуҫӗ:
|
|
Раҫҫейре
 Елена Осипова страницинчен илнӗ сӑнӳкерчӗк Шупашкарта пурӑнакан 7 ҫулти купӑсҫӑ Артем Осипов «Лучше всех!» телекӑларӑма хутшӑнассине Чӑваш халӑх сайчӗ унччен пӗлтернӗччӗ-ха. Аса илтерер: ачана пуш уйӑхӗнче ӳкернӗ. Кӑларӑм эфира ҫурла уйӑхен 24-мӗшӗнче тухнӑ. Арҫын ачана виҫҫӗре чухнех музыка инструменчӗпе кӑсӑклантарса яма пултарнӑ аслисем. Ачан талпӑнӑвне кура амӑшӗ, Елена Осипова, ҫав енӗпе вӗрентес тенӗ. Хыпар ҫӑлкуҫӗ:
|
+23.3 °C