|
Спорт
 "Контактри" сӑн Абхазире пӗрремӗш президента Владислав Григорьевич Ардзинба халалласа Пӗтӗм тӗнчери уҫӑ турнир иртнӗ. Ӑна ҫулсеренех йӗркелеҫҫӗ. Каратэ енӗпе иртнӗ турнирта 10-17 ҫулсенчи хӗрачасемпе арҫын ачасем вӑй виҫеҫҫӗ. Чӑваш Енрен 10 спортсмен кайнӑ, вӗсенчен иккӗшӗ – Вӑрнарти 2-мӗш шкулта вӗрекенсем. Андрей Петров кӗмӗл медаль ҫӗнсе илнӗ, Макар Гурьев вара пӑхӑр медале тивӗҫнӗ. Хыпар ҫӑлкуҫӗ:
|
|
Спорт
 "Контактри" сӑн Йӗпреҫ округӗнчи ҫемье Барнаулта иртнӗ Пӗтӗм Раҫҫейри ял спорчӗн вӑййисенче иккӗмӗш вырӑн илсе таврӑннӑ. Ҫак ҫитӗнӗве Ефремовсен ҫемйи тунӑ. Софья, Александр тата Анастасия 2012-2013 ҫулта ҫуралнӑ ачасемпе тупӑшмалли ушкӑнра вӑй виҫнӗ. Ӑмӑрту программинче дартс, гимнастика тата йӗлтӗр эстафети пулнӑ. Хыпар ҫӑлкуҫӗ:
|
|
Спорт
 "Контактри" сӑн Чӑваш Ен спортсменки Екатерина Андреева Атӑлҫи федераци округӗнче спорт гимнастики енӗпе иртнӗ чемпионатра ылтӑн медаль ҫӗнсе илнӗ. Ӑмӑрту Йошкар-Ола хулинче иртнӗ. Екатерина Андреева нумай енлӗ кӗрешӳре вӑй виҫнӗ. Вӑл пурне те ҫӗнсе малти вырӑна ҫӗнсе илнӗ. Екатерина Олимп резервӗсен 6-мӗш спорт шкулӗнче ӑсталӑхне туптать. Вӑл – Раҫҫей спорт мастерӗ. Хыпар ҫӑлкуҫӗ:
|
|
Спорт
 "Контактри" сӑн Артем Дзюба – чӑваш тымарӗллӗ футболист. Вӑл Раҫҫей футбол историйӗнче чи лайӑх бомбардир пулса тӑнӑ – карьеринче чи нумай гол кӗртсе рекорда ҫӗнетнӗ. Ку ҫитӗнӳ «Крылья Советов» командӑна хирӗҫ вылянӑ Раҫҫей премьер-лигинче палӑрнӑ. Унта Артем 9-мӗш минутра гол кӗртнӗ. Ҫапла вӑл ку таранччен 234 гол кӗртсе Александ Кержаковран та ирттернӗ. Хыпар ҫӑлкуҫӗ:
|
|
Спорт
 Спорт министрӗн телеграм каналӗнчи сӑн Чӑваш Енри ҫамрӑк шахматистка Марьяна Осипова Раҫҫей первенствинче ҫӗнтернӗ. Конкуренци пӗчӗк пулман. Ӑмӑртӑва ҫӗршыври 75 субъектран 740 спортсмен килнӗ.ЧР спорт министрӗ Василий Петров палӑртнӑ тӑрӑх, пирӗн регионта 8 пине яхӑн ҫын шахматпа кӑсӑкланать. Пӗтӗм Раҫҫейри «Шахмат – шкула» проект вара республикӑри 80 шкулта пурнӑҫланать. Хыпар ҫӑлкуҫӗ:
|
|
Спорт
 "Контактри" сӑн Алӑсӑр ҫуралнӑ арҫын ача, Кирилл Александров, Атӑлҫи федераци округӗнче хусканупа тӗрев енчен сусӑр спортсменсен хушшинче иртнӗ чемпионатра тӳрех виҫӗ медаль ҫӗнсе илнӗ. Ӑмӑрту Дзержинск хулинче иртнӗ, унта 120 ытла спортсмен хутшӑннӑ. Кирилл виҫӗ дистанцие тӗрлӗ мелпе ишсе малти вырӑнсене йышӑннӑ. 13 ҫулти арҫын ача Шупашкарта пурӑнать. Вӑл – спорт мастерӗн кандидачӗ, Раҫҫейӗн юниорсен пӗрлештернӗ командинче тӑрать. Хыпар ҫӑлкуҫӗ:
|
|
Спорт
 "Контактри" сӑн Пирӗн ентешсем, «Аквайспорт-Чӑваш Ен» хӗллехи ишев федерацийӗн спортсменӗсем, Санкт-Петербургра иртнӗ Пысӑк Нева Кубокра лайӑх кӑтартусемпе палӑрнӑ. Вӗсем тӗрлӗ дистанцире 9 медаль ҫӗнсе илнӗ! Михаил Андронов 2 ылтӑн тата 3 кӗмӗл медальсем ҫӗнсе илнӗ. Ирина Брынцева 2 ылтӑн тата 1 кӗмӗл медальсемпе таврӑннӑ. Радмила Биаметова вара 1 кӗмӗл медале тивӗҫнӗ. Хыпар ҫӑлкуҫӗ:
|
|
Спорт
 Чӑваш Енӗн Спорт министерствин сайтӗнчен илнӗ сӑнӳкерчӗк Чӑваш Ен хӗрӗ Анастасия Красильникова Раҫҫей чемпионатӗнче кӗмӗл медале тивӗҫнӗ. Шупашкарти Олимп резеврӗн 3-мӗш спорт шкулӗнче вӗренекен хӗр унта ӑсталӑхне ҫӑмӑл атлетика енӗпе туптать. Унӑн вӗрентекенӗ — Раҫҫӗйӗн тава тивӗҫлӗ тренерӗ Михаил Кузнецов. Мускавра иртнӗ Раҫҫей чемпионатӗнче Шупашкар хӗрӗ 3 пин метра 8 минут та 48,45 ҫеккунтра чупса тухнӑ. Хыпар ҫӑлкуҫӗ:
|
|
Спорт
 "Контактри" сӑн Мускав ҫывӑхӗнчи Одинцово хулинче СССР спорт мастерӗн Артур Аветисяна халалласа каратэ енӗпе анлӑ турнир иртнӗ. Унта Раҫҫейри 42 регионти 2200 ытла спортсмен хутшӑннӑ. Чӑваш Енри спортсменсем те вӑй виҫнӗ. Ку кӑна мар, лайӑх кӑтартусемпе те палӑрнӑ. Владимир Шурманов, Георгий Яковлев тата Кирилл Исайкин хӑйсен ӳсӗмӗнчи спортсменсемпе тупӑшса ылтӑн медаль ҫӗнсе илнӗ. Иван Белов тата Руслан Самарин кӗмӗл медальлӗ пулнӑ. Анна Яковлева пӑхӑр медале тивӗҫнӗ. Ксения Никитина 18-20 ҫулсенчи спортсменсен хушшинче чи лайӑххи пулнӑ. Хыпар ҫӑлкуҫӗ:
|
|
Спорт
 "Контактри" сӑн Чӑваш Ен спортсменки Татьяна Александрова хӗллехи ишев енӗпе иртнӗ Пӗтӗм Раҫҫейри ӑмӑртура тӑватӑ ылтӑн медаль ҫӗнсе илнӗ. Тупӑшу Калининград облаҫӗнчи Славск хулинче иртнӗ. Татьяна 25,50, 100 тата 200 метра ирӗклӗ майпа ишсе финиша чи малтан ҫитнӗ. Ӑмӑртӑва Раҫҫейри 40 хулари, Латвири тата Беларуҫри 150 ытла спортсмен хутшӑннӑ. Спортсменсем уҫӑ бассейнра 5 градус ӑшӑ шывра ишнӗ. Хыпар ҫӑлкуҫӗ:
|
+10.3 °C