"Контактри" сӑн

Шупашкарти 19 ҫулти Мария Филиппова Чулхула облаҫӗнче бодибилдинг енӗпе реоионсен хушшинче иртнӗ кубокра ылтӑн медаль илнӗ. Вӑл юниорсемпе тупӑшнӑ.

Мария ачаранпах спортпа туслӑ. Вӑл И.Н.Ульянов ячӗллӗ ЧПУн экономика факультетӗнче вӗренет. Бодибилдинг уншӑн спортри ҫӗнӗ ен пулса тӑнӑ.

Мария халӗ Раҫҫей кубокне хутшӑнма хатӗрленет. «Пирӗн кӗлетке йӑлтах пултарать, кун пирки пуҫ мимине ӗнентермелле ҫеҫ», - тет вӑл.

t.me/chuv_kray сӑнӳкерчӗкӗ

Чӑваш яш-кӗрӗмӗпе хӗрупраҫӗ 18 медаль ҫӗнсе илнӗ. Питӗрте иртнӗ Раҫҫей чемпионачӗпе первенствинче мас-рестлерсем ҫавӑн пек палӑрнӑ.

Ӑмӑртӑвӑн пӗрремӗш кунӗнче пӗр ылтӑн, виҫӗ кӗмӗл, тӑватӑ бронза медаль ҫӗнсе илнӗ, иккӗмӗш кунхине – тата те 10 медаль.

Турнирта ҫӗнтернӗ Алина Алексеева Кӑркӑстанра иртекен тӗнче чемпионатне хутшӑнӗ. Илья Лазарев, Виктория Яковенко, Лия Иванова тата Николай Ушаков Грузире иртекен Европа чемпионачӗпе первенствине тухса кайӗҫ.

"Контактри" сӑн

И.Н.Ульянов ячӗллӗ Чӑваш патшалӑх университечӗн экономика факультечӗн студентки Мария Филиппова бодибилдинг енӗпе иртнӗ регионсен хушшинчи кубокра ҫӗнтернӗ. Ӑмӑрту ака уйӑхӗн 7-мӗшӗнче Чулхулара иртнӗ.

Мария юниорсен хушшинче мала тухнӑ. «Ӑмӑртӑва хатӗрленесси – пысӑк ӗҫ. Кунне икӗ тренировка: ирхине кардио тата растяжка, каҫхине – вӑй тренировки тата позировани. Тренировкӑсемпе апатланӑва кӑна мар, организм мӗнле хӑйне туйнине те сӑнамалла. Халӗ эпӗ тепӗр ӑмӑрту валли хатӗрленетӗп», - ҫапла пӗлтернӗ Мария Филиппова.

"Контактри" сӑн

Чӑваш Енре пурӑнакан ача шахмат енӗпе иртнӗ Раҫҫей кубокӗнче ҫӗнтернӗ. Вӑл - Ярослав Слаутин. Ӑмӑрту Чулхула хулинче иртнӗ.

Ярослав Раҫҫей кубокӗнче 9 ҫул тултарман ачасен ушкӑнӗнче тупӑшнӑ. Унта 37 регионти 400-е яхӑн шахматист хутшӑннӑ. Пирӗн ентеше вара ҫитекенни пулман – вӑл пурне те ҫӗнтерсе ылтӑн медале тивӗҫнӗ.

Палӑртса хӑварар: Ярослав Слаутин Шупашкарти 2-мӗш шкулта 1-мӗш класра вӗренет.

"Контактри" сӑн

Пирӗн ентеш самбо енӗпе иртнӗ Пӗтӗм тӗнчери турнирта малти вырӑна тухса ылтӑн медаль ҫӗнсе илнӗ. Вӑл - Даниил Орлов.

Турнир ҫак кунсенче Мускав хулинче иртнӗ. Унта 16 ҫӗршыври 250 ытла самбист хутшӑннӑ. Пирӗн ентеш 79 килограмм тайманнисен виҫе категорийӗнче тупӑшнӑ. Вӑл ытти спортмсена парӑнтарса пьедесталӑн чи ҫӳлти картлашки ҫине хӑпарма пултарнӑ.

Дмитрий Мулендеев архивӗнчи сӑн

Красноярск хулинче фристайл енӗпе Раҫҫей чемпионачӗ иртет. Унта пирӗн ентеш Дмитрий Мулендеев слоуп-стайл дисциплинӑра 90,50 балл пухса ылтӑн медале тивӗҫнӗ.

Лана Прусакова вара хӗрарӑмсен хушшинче 85 балл пухса иккӗмӗш вырӑна тухнӑ. Ланӑпа Димӑн тата биг-эйр дисциплинӑра тупӑшмалла-ха.

Аса илтерер: нумаях пулмасть Дмитрий Мулендеев Лана Прусаковӑна качча тухма ыйтнӑ.

cap.ru сайтри сӑн

Чӑваш Енре наци кӗрешӳ енӗпе пӗрремӗш хут ӑмӑрту иртӗ. Ӑна Республика кунне халалласа йӗркелӗҫ.

Тупӑшӑва Комосомольскинче ирттерме палӑртнӑ. Унччен кӗрешӳ ӑмӑртӑвӗсен ятарлӑ статус пулман. Ӑна ытларах чухне Акатуйра ирттернӗ.

Кӗрешӗве республикӑри спортсменсем хутшӑнӗҫ. Ҫавӑн пекех регионсенчи диаспорӑсенчи кӗрешӳҫӗсем килмелле.

Ӑмӑрту ҫӗртме уйӑхӗнче иртӗ.

sports.ru сайтри сӑн

Чӑваш Енри спортменка Алиса Петрова Сауд Аравийӗнче иртнӗ экстремаллӑ чупура финиша пӗрремӗш ҫитнӗ. Ҫапла вӑл 80 пин доллара тивӗҫнӗ.

Чупу пуш хирте иртнӗ. Спортмсенсем тӗрлӗ чӑрмавлӑ дистанцире хӑйӑр тӑрӑх чупса тупӑшнӑ. Алиса 90 ҫухрӑма 8 сехет ҫурӑра парӑнтарнӑ. Ку вӑхӑта чарӑнса апат ҫини те кӗрет.

Алиса каланӑ тӑрӑх, старт умӗн ҫумӑр пуҫланнӑ, кӑшт сивӗтнӗ, ҫил-тӑвӑл ҫӗкленнӗ. Йӗркелӳҫӗсен кун хыҫҫӑн дистанцие йӗркене кӗртме тивнӗ.

«Пире ӑнчӗ, сывлӑш температури лайӑхчӗ, 25 градусран ытларах марччӗ», - тенӗ Алиса Петрова.

"Контактри" сӑн

Ҫак кунсенче Атӑлҫи тӑрӑхӗнче бокс енӗпе первенство иртнӗ. Унта пирӗн ентешсем ӑсталӑхӗпе палӑрнӑ.

Пенза хулинче иртнӗ ӑмӑртура 15-16 ҫулсенчи спортсменсен хушшинче Муркаш шкулӗнче вӗренекенсем малти вырӑнсене йышӑннӑ. Алексей Алексеев 52 килограмм тайманнисен виҫе категорийӗнче ылтӑн медаль ҫӗнсе илнӗ. Артемий Алексеев вара 60 килограмм тайманнисен виҫе категорийӗнче пӗрремӗш вырӑн йышӑннӑ.

"Советская Чувашия" архивӗнчи сӑн

Ирӗклӗ кӗрешӳҫӗ Мария Александрова Мускавра иртнӗ Раҫҫей первенстинчен пӑхӑр медальпе таврӑннӑ. Вӑл 15 ҫул тултарман спортсменсен хушшинче 36 килограмм тайманнисен виҫе категорийӗнче виҫҫӗмӗш вырӑн йышӑннӑ.

Мария - Комсомольски тӑрӑхӗнчен. Вӑл Владимир Григорьев тата Максим Степанов тренерсем патӗнче ӑсталӑхне туптать.