Сайта кӗр | Регистраци | Сайта кӗрсен унпа туллин усӑ курма пулӗ
 +3.6 °C
Юлташу хӑвӑнтан лайӑхрах пултӑр.
[ваттисен сӑмахӗ]
 

Хыпарсен ҫыххи: Ҫутҫанталӑк

Ҫутҫанталӑк

Ыран – ҫулла. Вӑл пӗлтӗрхи пекех шӑрӑх тата типӗ пуласси пирки калаҫаҫҫӗ.

Анчах синоптиксен прогноз урӑхла: ҫав тери шӑрӑх тата типӗ пулмӗ. Ҫапах ку ҫӗртме уйӑхне пырса тивмест. Ун чухне сывлӑш температури вӑтамран 17,5 градус ытларах пулӗ. Ҫумӑр 64 миллиметртан сахалрах ҫӑвӗ.

Пӗрремӗш декадӑра сивӗрех ҫанталӑк тӑрӗ. Унтан ӑшӑтма пуҫлӗ. Иккӗмӗш декадӑра термометр 30 градус таран кӑтартӗ. Ҫумӑр ытларах иккӗмӗш тата виҫҫӗмӗш декадӑсенче ҫӑвӗ. Ахӑртнех, вырӑнӑн-вырӑнӑн ҫӑвакан аслатиллӗ ҫумӑр пулӗ.

 

Ҫутҫанталӑк

Ку эрнере пирӗн республикӑра циклон хуҫланать. Пирӗн пата ҫурҫӗр енчен уҫӑрах сывлӑш килнӗ. Ҫак кунсенче кӑнтӑрласерен те уҫӑрах пулӗ: термометр 20-22 градус кӑна кӑтартӗ.

Юнкун ҫумӑр вӑйлах ҫума пултарать. Кӗҫнерникунран пуҫласа шӑматкунччен уяр тата ӑшӑ ҫанталӑк савӑнтарӗ.

Вырсарникун, Ҫимӗкре, ҫумӑр ҫӑвӗ, ҫил ҫурҫӗр-хӗвел анӑҫ енчен самай вӑйлӑ вӗрӗ.

 

Ҫутҫанталӑк

Ҫанталӑк ҫуллахи пекех шӑрӑх тӑрать. Гидрометцентр пӗлтернӗ тӑрах, ҫитес 10 кунра ӑшӑ пулӗ.

Ку эрнере кӗҫнерникунпа эрнекун термометр 30 граду кӑтартӗ. Ҫӗрлесерен те 16-18 градус ӑшӑ пулӗ.

Юнкун хӗвеланӑҫ районӗсенче ҫумӑр ҫума пултарать. Канмалли кунсенче аслатиллӗ ҫумӑр ҫӑвас хӑрушлӑх пур. Ун чухне кӑштах сивӗтӗ те.

 

Ҫутҫанталӑк

Синоптиксем унччен ку канмалли кунсенче ҫумӑр ҫӑвассине пӗлтернӗччӗ. Халӗ вара улшӑнусем пур. Вӗсем каланӑ тӑрӑх, ҫумӑр Мускав еннелле кайӗ, пирӗн патра вара шӑматкун кӑшт сивӗрех пулӗ кӑна: 18-23 градус ӑшӑ.

Ҫитес вӑхӑтра ҫумӑр ҫумӗ. Тунтикун 23-28 градус ӑшӑ пулӗ. Эрнен иккӗмӗш ҫурринче 30 градус таранах ҫитӗ. Ҫӗрлесерен те 14-16 градус ӑшӑ тӑрӗ. Ҫил кӑнтӑр-хӗвелтухӑҫ енчен вӗрсе кӑшт уҫӑлтарӗ.

Малтанлӑха пӗлтернӗ тӑрӑх, ҫу уйӑхӗ вӗҫлениччен республикӑра типӗ те шӑрӑх ҫанталӑк тӑрӗ. Ҫӗртме пуҫламӑшӗнче те ҫаплах пулӗ.

 

Ҫутҫанталӑк

Паян ҫанталӑк пӗлӗтлӗ. Ӗнерхипе танлаштарсан, ӑшӑрах: 15-16 градус. Ыран тата ӑшӑ пулӗ, уяртӗ. Термометр 18-23 градус кӑтартӗ. Хушӑран ҫумӑр ҫума пултарӗ.

Эрне варринче ҫуллахи пекех пулӗ: кӑнтӑрла термометр 23-25 градус кӑтартӗ, каҫхине – 10-15 градус.

Канмалли кунсенче кӑштах сивӗтӗ. Шӑматкун хушӑран ҫумӑр ҫӑвӗ, вырсарникун типӗ ҫанталӑк тӑрӗ, анчах ҫиллӗ пулӗ. Термометр 13-18 градус кӑтартӗ.

 

Ҫутҫанталӑк

Синоптиксем пӗлтернӗ тӑрӑх, паян-ыран ӑшӑ тӑрӗ те вырсарникун кӑшт сивӗтӗ. Телее, нумайлӑха мар.

Вырсарникун ҫумӑр ҫукалӗ, 11-16 градус таран кӑна ӑшӑ пулӗ. Тунтикун ӑшӑтма пуҫлӗ, 18 градус пулӗ. Кашни кун ӑшӑтса пырӗ, эрне варринелле 25 градус тарана шӑрӑх пулӗ. Ҫӗрлесерен те ӑшӑрах туйӑнӗ.

Малтанлӑха палӑртнӑ тӑрӑх, текех сивӗ пулмӗ. Ҫу уйӑхӗн вӗҫӗнче термометр 30 градус таранах кӑтартма пултарӗ.

 

Ҫутҫанталӑк

Паян ҫӗрле Шупашкарта тӑм ӳкмен. Хӑш-пӗр районта вара 2,4 градус таран сивӗ пулнӑ, курӑк ҫине тӑм ӳкни палӑрнӑ.

Паян та ҫӗрле тӑм ӳкес хӑрушлӑх пулӗ. Пӗтӗмӗшле илсен, ҫанталӑк ӑшӑтма пуҫлать. Паян Шупашкарта 10 градус таран ӑшӑ. Ыран 9-14 градус ӑшӑ пулӗ.

Ҫил лӑпланӗ. Юнкун тата ӑшӑтӗ. Кӗҫнерникун вырӑнӑн-вырӑнӑн ҫумӑр ҫума пултарӗ. Эрне вӗҫнелле 15-20 градус таран ӑшӑтӗ. Ҫӗрлесерен 5-10 градус ӑшӑ пулӗ. Вырӑнӑн-вырӑнӑн ҫумӑр ҫума пултарать.

 

Ҫутҫанталӑк

Урамра текех юр ҫумасть пек туйӑнать. Анчах ҫанталӑк пирӗн валли «парне» хатӗрленӗ иккен.

Ҫу уйӑхӗн 7-8-мӗшӗсенче чи сивӗ кунсем пулӗҫ: ун чухне пӗлӗтсен шайӗнче сывлӑш 7-8 градус таран сивӗнӗ. Кӑнтӑрла йӗпе юр ӳкме пултарӗ, ҫӗрле тӑм ӳкӗ. Ҫил вӑйланнӑран пушшех те сивӗ пек туйӑнӗ.

Ҫу уйӑхӗн 9-мӗшӗнчен уяртӗ. Майӗпен ӑшӑ таврӑнма пуҫлӗ. Ҫӗнтерӳ кунӗнче 8-13 градус ӑшӑ пулӗ. Ҫӗрле те ӑшӑрах тӑрӗ. Уяври канмалли кунсем хыҫҫӑн 12-17 градус ӑшӑтӗ.

Малтанлӑха пӗлтернӗ тӑрӑх, 20 градус ӑшӑ пирӗн пата ҫу уйӑхӗн 15-мӗшӗ хыҫҫӑн килӗ.

 

Ҫутҫанталӑк

Ҫу уйӑхӗн мӗнле пулӗ? Синоптиксем каланӑ тӑрӑх, кӗҫех ҫанталӑк сивӗтӗ. Ҫу уйӑхӗн 6-11-мӗшӗсенче пӗлӗтсен шайӗнче 0 градусран сивӗрех пулӗ. Ун чухне йӗпе юр та ҫума пултарать. Шӑпах ҫав кунсенче чи сивӗ вӑхӑт пулӗ: кӑнтӑрла 7-8 градус кӑна ӑшӑ тӑрӗ, ҫӗрле тӑм ӳкме пултарӗ.

Ку уйӑхра текех ун пек сивӗтмӗ. Уйӑх варринче 20 градус таран ӑшӑтӗ. Ҫапах шӑрӑх кӗтмелле мар. Ахӑртнех, ку уйӑхри чи ӑшӑ кун ҫу уйӑхӗн 1-мӗшӗ пулӗ – ун чухне 27 градуса яхӑн ӑшӑтнӑччӗ.

Ҫу уйӑхӗн 20-26-мӗшӗсенче ҫумӑр ҫӑвӗ. Иккӗмӗш декадӑра ытларах уяр кунсем пулӗҫ.

 

Ҫутҫанталӑк
Шӑматкунлӑха хутшӑнакансем. Элӗк районӗн сайтӗнчи сӑн
Шӑматкунлӑха хутшӑнакансем. Элӗк районӗн сайтӗнчи сӑн

Элӗк районӗнчи Татмӑш ялӗнче иртнӗ шӑматкун «Атӑл ҫӑлӗ» ҫутҫанталӑк паркне тирпейленӗ. Ку парк аталанса пырать пулин те, экологи шӑматкунлӑхне ирттермелӗх ӗҫ унта тупӑннӑ.

Ял ҫыннисем тӗплӗн хатӗрленнӗ: парка хӑт кӗртес ӗҫ епле аталаннине сӑнлакан 7 метр тӑршшӗ баннер карса хунӑ, артистсем валли сцена ӑсталанӑ.

Чи кирлӗ ӗҫ пирки те манман: нумай пулмасть лартнӑ йывӑҫсене тирпейленӗ, тавралӑха пӗлтӗрхи ҫулҫӑран тасатнӑ, арҫынсем пуртӑ тытса хунавсене иртнӗ. Шӑматкунлӑха ятарласа ҫитнӗ хӑнасем паркра, ҫӑлкуҫ тавра, йывӑҫсем лартнӑ: кедр, юман тата каштан хунавӗсене.

Тарласа ӗҫленӗ хыҫҫӑн пурте сцена патне пухӑннӑ. Шӑматкунлӑха йӗркелекенсем пурте те тав сӑмахӗ каланӑ хыҫҫӑн сцена ҫине чӑваш эстрада ҫӑлтӑрӗ Александр Шадриков хӑпарнӑ. Татмӑш халӑхӗпе «Атӑл ҫӑлӗ» парка хӑт кӗртме килнӗ хӑнасене ҫавӑн пекех хӑйӗн пултарулӑхӗпе «Каҫхи Шупашкар» вокал ушкӑнӗ савӑнтарнӑ.

 

Страницӑсем: 1, 2, 3, 4, 5, 6, 7, 8, 9, 10, [11], 12, 13, 14, 15, 16, 17, 18, 19, 20, 21, ...78
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (28.03.2024 15:00) уяр ҫанталӑк, атмосфера пусӑмӗ 751 - 753 мм, 5 - 7 градус ӑшӑ пулӗ, ҫил 4-6 м/ҫ хӑвӑртлӑхпа ҫурҫӗр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Мухтанмалли пур, анчах ăнăçусемпе мухтанма ан тăрăшăр. Сирĕн вăй пухма, ăна кăтартма тивĕ, тĕллевсене çĕнсе илес тесен тăрăшмалла. Ку эрнере ĕç ăшнех путатăр, яваплăх ÿссех пырĕ. Çынсенчен тимлĕх кăна ыйтса лартмалла мар, вĕсемшĕн те мĕн те пулин тумалла. Канмалли кунсене çемьепе, тăвансемпе ирттерĕр.

Пуш, 28

1915
109
Дедушкин Николай Степанович, чӑваш критикӗ, литература тӗпчевҫи ҫуралнӑ.
1983
41
Шамбулина Алина Валерьевна, чӑваш тележурналисчӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑни ҫулне ахаль те пӗлет, ӑсатмасӑр та
хуҫа арӑмӗ
ӑсатма тухни — ҫылӑх, юрамасть
хуть те кам тухсан та
хуҫин ҫитӗннӗ ачисем
пӗтӗм кил-йышпа тухаҫҫӗ
хӑнана ӑсатма никам та тухмасть
хуҫа тарҫи
кил-йышри арҫын
хуҫа хӑй