uk.pinterest.com сайтри сӑн

«Ҫанталӑк 21» сайт пӗлтернӗ тӑрӑх, ку эрнере ҫанталӑк ҫумӑрлӑ пулӗ, ҫуллахи шӑрӑх савӑнтармӗ.

Чи ҫумӑрлӑ кун кӗҫнерникун пулӗ. Ун чухне термометр 20 градус та катартмӗ, ҫӗрле пушшех те сивӗ пулӗ – 10 градус кӑна. Тата ҫил те вӑйланӗ.

Телее, канмалли кунсенче ҫанталӑк лайӑхланма тытӑнӗ, ҫил лӑпланӗ. Вырсарникун урамра 26-28 градус ӑшӑ пулӗ. Ҫитес эрне пуҫламӑшӗнче вара тата шӑрӑхрах пулӗ.

Малтанлӑха палӑртнӑ тӑрӑх, утӑ уйӑхӗн 24-25-мӗшӗсенче чи шӑрӑх кунсем пулӗҫ. Утӑ уйӑхӗн 26-мӗшӗччен вара ҫумӑр ҫумӗ.

ru.pngtree.com сайтри сӑн

«Ҫанталӑк 21» сайт пӗлтернӗ тӑрӑх, вырсарникунран шӑрӑх вӗҫленӗ, пирӗн пата ҫумӑрлӑ ҫанталӑк килӗ.

Паян тата ыран 30 градус шӑрӑх пулӗ-ха: шыва кӗрсе савӑнӑр. Вырсарникун вара кӑнтӑрла аслатиллӗ ҫумӑр ҫӑвӗ. Ҫӗрле ҫумӑр пӗлӗчӗсем республикӑн ҫурҫӗр-анӑҫ еннелле куҫӗҫ. Ҫапла кӗҫнерникунччен ҫумӑр ҫума пултарӗ.

Ҫанталӑк питех сивӗ пулмӗ, утӑ уйӑхӗн 13-мӗшӗнче кӑна термометр 17-22 градус кӑтартӗ. Кайран ҫуллахи уҫӑ ҫанталӑк тӑрӗ, 22-24 градус пулӗ, ҫӗрлесерен – 15-16 градус.

Ҫитес эрне вӗҫӗнче пирӗн республикӑна антициклон килӗ, каллех чӑн-чӑн ҫулла таврӑнӗ — 23-28 градус таран ӑшӑ пулӗ.

«Ҫанталӑк 21» порталти сӑн

«Ҫанталӑк 21» сайт ку эрнере ҫанталӑк мӗнле пулассине пӗлтернӗ.

Ыран вырӑнӑн-вырӑнӑн аслатиллӗ ҫумӑр ҫӑвӗ-ха, ҫил те ҫав вӑхӑтра вӑйланӗ. Эрне варринче вара 25-20 градус таран шӑрӑхланӗ: пирӗн пата антициклон ҫитӗ.. Канмалли кунсенче те хӑш-пӗр тӑрӑхра аслатиллӗ ҫумӑр ҫӑвӗ. Анчах сывлӑш температури ҫуллахи пекех пулӗ.

Икӗ эрнере 1 тӑваткал метр ҫӗр ҫине 45 литр ҫумӑр ӳкӗ. Сывлӑшӑн талӑкри вӑтам кӑтартӑвӗ 21 градуспа танлашӗ. Ку климат норминчен пӗр градус ытларах.

Сӑмах май, кӗҫӗр республика урлӑ сивӗ фрончӗ иртнӗ, хӑш-пӗр тӑрӑхра аслатиллӗ ҫумӑр ҫукаланӑ. Пӑрачкаври метеостанци ҫил ҫеккунтра 23 метр хӑвӑртлӑхпа вӗрнине шута илнӗ. Кунашкалли йывӑҫа тымарӗпе кӑклама пултарать. Ҫиле пула хӑш-пӗр округри ялсенче электричество пӗтнӗ.

Чӑваш Енре авторезина пухакан лапамсем уҫасшӑн. Кун пирки Чӑваш Енӗн Правительствин халӑх тетелӗнчи ушкӑнӗсенчен пӗринчи комментарире хыпараланӑ. Комментари авторӗ — республикӑн Ҫутҫанталӑк ресурсӗсен министерстви.

Йӑлари каяша пухса тирпейлессине халалланӑ тӳрӗ эфира анонслани айӗнче тӗрлӗ ыйтӑва хускатнӑ, ҫав шутра усӑ курнӑ шинӑсене вырнаҫтарассине те.

Республикӑн Ҫутҫанталӑк министерстви ӗнентернӗ тӑрӑх, ку енӗпе ӗҫе пуҫӑннӑ-мӗн. Пысӑк операторсенчен пӗринпе пӗрле ҫӗнӗ проект ӗҫлеттерсе ярасшӑн имӗш. Ҫапла вара авторезинӑна тӳлевсӗр пырса хумалли ятарлӑ лапамсем пулӗҫ. Вӗсене хулари кашни управа территорийӗнче вырнаҫтармалла.

Унсӑр пуҫне Шупашкар хулин администрацийӗ «Зеленая покрышка» (чӑв. Симӗс покрышка) акци пуҫарнӑ.

meteo-tv.ru сайтри сӑн

«Ҫанталӑк 21» сайт пӗлтернӗ тӑрӑх, ҫак кунсенче республикӑра 33 градус таран шӑрӑх пулӗ.

Паянтан пуҫласа вырсарникунччен термометр 30 градус ӑшӑ кӑтартӗ. Паян кӑнтӑрла хыҫҫӑн пӑр ҫума, ҫил вӑйланма пултарать, ҫеккунтра 14-19 метр хӑвартлӑхпа вӗрӗ — асӑрханӑр! Шӑматкун ҫил лӑпланӗ.

Вырсарникун чи шӑрӑх кун пулӗ. Анчах каллех сивӗ фрончӗ килӗ, ҫӗрле ҫанталӑк кӑштах уҫӑлтарӗ. Тунтикун уяр, анчах шӑрӑхах мар пулӗ. Ҫитес эрне варринче каллех 25-30 градус таран ӑшӑтӗ, ҫил тӳлек вӗрӗ. Эппин, шыва кӗмелли лайӑх ҫанталӑк пулӗ.

Малтанлӑха пӗлтернӗ тӑрӑх, чи шӑрӑх кунсем утӑ уйӑхӗн варринче пулӗҫ. Темиҫе кун тропика каҫӗсем кӗтеҫҫӗ – ун чухне ҫӗрле 20 градус ытла ӑшӑ пулӗ.

max.ru/progorod21 каналтан илнӗ сӑнӳкерчӗк

Чӑваш Енре Сосновски пултӑран ашкӑрать. Темиҫе ҫул каялла ҫак культурӑна ҫак йӗркесен авторӗ Мускава автобуспа кайнӑ чух асӑрханӑччӗ. Владимир, Мускав облаҫӗсенче вӑл тем пек саркаланса ларатчӗ. Ҫак йӗркесен авторне ку курӑк уйрӑм ҫынсен ҫурчӗ умӗнче ашкӑрни, хуҫисем мӗншӗн ӑна ҫулманни тӗлӗнтернӗччӗ. Ҫул айкки пирки каласан, ӑна ҫул-йӗрҫӗсен тытса тӑмалли паллӑ ӗнтӗ.

Халӗ Чӑваш Енре те ку культура вӑй илсе пырать. «PRO Город» кӑларӑм пӗлтернӗ тӑрӑх, ку пултӑран Йӗпреҫ, Улатӑр, Шупашкар, Сӗнтӗрвӑрри районӗсенче вӑйлӑ ашкӑрать.

Сиенлӗ ҫумкурӑк мӗнпур экотытӑма пӗтерсе пырать, ҫынсем ӑна ӑнсӑртран тытсан пиҫсе каяҫҫӗ.

Чӑваш Енре пурӑнакансем сиенлӗ пултӑран пахчасемпе дачӑсене те куҫасран хӑраҫҫӗ иккен.

rosdrevo.ru сайтран илнӗ скриншот

Пирӗн ҫӗршывра каллех йывӑҫшӑн сасӑлаҫҫӗ. Унта каллех Чӑваш Енри йывӑҫ хутшӑнать. Хальхинче — Шупашкар районӗнчи Кӑшавӑшри киремет йывӑҫҫи, юман.

Ҫак йывӑҫ 300 ҫулта иккен. Апла пулсан вӑл иккӗмӗш Кӗтерне патша саманине та астӑвать, ун чухне чӑвашсем мӗнле пурӑннине те курнӑ, туйнӑ. Паллах, этем пек мар ӗнтӗ. Хӑйне май. Кашни кӗркунне ҫулҫӑ тӑксан та ҫуркунне ҫитсен вӑл каллех ҫулҫӑ кӑларнӑ. Ҫак ҫулсенче мӗн чухлӗ йӗкел туман-ши!

Сасӑлас тесен https://rosdrevo.ru/ сайта кӗмелле. Чӑваш Енри ватӑ юмана, киремет йывӑҫҫине, 73-мӗш номерпе шыраса тупма ҫӑмӑлрах.

Сасӑлама вӑхӑт нумай иртмест: электрон адрес кӑтартмалла та ун ҫине килнӗ кода ҫырмалла. Пулчӗ те. Чӑваш Енри юманшӑн ҫурла уйӑхӗн 1-мӗшӗччен сасӑлама май пур.

tnv.ru сайтри сӑн

Тинех, тинех! Ку эрнере тинех ҫанталӑк ӑшӑтать! Ҫапла пӗлтерет «Ҫанталӑк 21» сайт.

Паян ҫумӑр ҫукалӗ-ха. Ыран вара уяртӗ, ҫурҫӗр енчен вӗрекен ҫил вӑйланӗ, ҫапах ӑшӑ пулӗ: термометр 21-26 градус кӑтартӗ. Анчах республикӑн тухӑҫ енчи округсенче ҫумӑр ҫуса илес хӑрушлӑх пулӗ. Хӗвеланӑҫ енчи округсенче вара уяр ҫанталӑк тӑрӗ.

Эрне варринелле тата ӑшӑтӗ, ҫил те лӑпланӗ. Эрне вӗҫнелле вара пушшех те шӑрӑхланӗ, термометр 30 градус кӑтартӗ, хӑш-пӗр вырӑнта – ытларах та. Ҫӗрлесерен те ӑшӑтӗ, 17-19 градус пулӗ. Анчах вырсарникун ҫӗрле хӑш-пӗр вырӑнта аслатиллӗ ҫумӑр ҫума пултарӗ.

Малтанлӑха палӑртнӑ тӑрӑх, ҫитес эрнере ҫанталӑк каллех сивӗтӗ, ҫумӑр ҫӑвӗ.

https://austrianpress.com сайтри сӑн

Ҫуллахи шӑрӑх кӗҫех пирӗн пата таврӑнӗ. Ҫапла пӗлтерет «Ҫанталӑк 21» сайт.

Анчах унччен тепӗр сивӗ те ҫиллӗ, ҫумӑрлӑ ҫанталӑка чӑтса ирттерме тивӗ. Шӑматкун хӗвеллӗ пулӗ-ха, анчах ҫӗрле самай сивӗтӗ. Вырсарникун вара кӑнтӑрла хыҫҫӑн ҫанталӑк пӑсӑлӗ: ҫумӑр ҫума тытӑнӗ, ҫӗрлесӗр те чарӑнмӗ. Ҫав вӑхӑтрах ҫил вӑйланӗ, ҫеккунтра 18 метр таран хӑвӑртлӑхпа вӗрӗ. Ҫавна май урамра 8-13 градус ӑшӑ пек кӑна туйӑнӗ.

Тунтикунран тинех ҫанталӑк, лайӑхланма ӑшӑтма тытӑнӗ, ҫапах хушӑран вырӑнӑн-вырӑнӑн ҫумӑр ҫума пултарӗ. Эрне варринче шӑрӑхланӗ, термометр 25-30 градус ӑшӑ кӑтартӗ.

Шупашкарта «Река» (чӑв. Юханшыв) форум пуҫласа иртӗ. Мероприяти ҫӗртме уйӑхӗн 30-мӗшӗ-утӑ уйӑхӗн 1-мӗшӗсенче иртӗ. Пӗтӗм Раҫҫейри форумра ҫӗршывра шыв транспортне аталантарас ыйтӑва тишкерӗҫ.

Унта патшалӑхӑн влаҫӗнче тата бизнесра ӗҫлекенсем пухӑнса отраслӗн тӗп ыйтӑвӗсене тата унӑн ыранхи кунне сӳтсе явӗҫ: юханшыв тӑрӑх пассажирсене турттарассине, порт инфраструктурине тӑвассине, кимӗсемпе пӑрахутсен ыйтӑвне, логистикӑпа инвестици хывассине.

Раҫҫей юханшывсен тӑршшӗпе тӗнчере иккӗмӗш вырӑн йышӑнать: пурӗ 101,5 пин километр. Юханшыв хӗрринче халӑхӑн 80 проценчӗ пурӑнать.

Форум Чӑваш академи драма театрӗнче иртӗ. Мероприятие йӗркелекенӗсем Раҫҫейӗн Транспорт министерстви, Росморречфлот, Портсемпе пӑрахутсен ассоциацийӗ тата Чӑваш Ен Правительстви.