Сайта кӗр | Регистраци | Сайта кӗрсен унпа туллин усӑ курма пулӗ
 +7.3 °C
Мулкачӑн хӑлхи вӑрӑм та хӳри кӗске.
[ваттисен сӑмахӗ]
 

Хыпарсен ҫыххи: Спорт

Спорт

Чӑваш Енӗн Спорт министерствин «Олимп резервӗн самбо тата дзюдо енӗпе 10-мӗш спорт шкулӗ» автономи учрежденийӗн ятне ылмаштарма йышӑннӑ. Малашне вӑл «Олимп резервӗн А.И. Трофимов ячӗллӗ 10-мӗш спорт шкулӗ» автономи учрежденийӗ шутланӗ.

Шкул малашне те республикӑн Спорт министерствин тытӑмӗнчех пулӗ. Ятпа ылмаштарассипе ҫыхӑннӑ ӗҫсене те асӑннӑ ведомствӑнах туса ирттермелле.

Шкул ятне ылмаштарасси ҫинчен калакан йышӑнӑва республика Элтеперӗ Олег Николаев ака уйӑхӗн 2-мӗшӗнче алӑ пуснӑ.

Сӑмах май каласан, Александр Трофимов – самбо енӗпе тӗнче класлӑ спорт мастерӗ, Раҫҫейри дзюдо федерацийӗн вице-президенчӗ пулнӑ. Унӑн кун-ҫулӗ 2008 ҫулхи авӑн уйӑхӗнче «Боинг» самолет Пермь ҫывӑхӗнче инкеке лексен татӑлнӑ. Самолетра 82 пассажир пулнӑ.

 

Спорт

Чӑваш Енри икӗ спортсмена допинг йӗркине пӑхӑнманшӑн дисквалификациленӗ.

Допинг пӑтӑрмахне Надежда Федорова тата Роман Георгиев ҫакланнӑ. Кун пирки Ҫӑмӑл атлетикӑн Пӗтӗм Раҫҫейри федерацийӗ пӗлтернӗ.

Спортсменсем допинга хирӗҫ правилӑн 2,2 пунктне пӑснӑ иккен. Надежда Федоровӑпа Роман Георгиевӑн спортри айӑплав вӑхӑчӗ икӗ ҫула тӑсӑлӗ. Вӗсен спортри айӑплав вӑхӑчӗ 2019 ҫулхи утӑ уйӑхӗн 20-мӗшӗнче пуҫланнӑ. Тепӗр майлӑ каласан, кӑҫалхи ҫӗртме уйӑхӗнчен Чӑваш Енри ҫак икӗ спортсмен ӑмӑртӑва хутшӑнайӗ.

Надежда Федорован специализацийӗ — вӑтам инҫӗшне чупасси, Роман Георгиевӑн – утасси.

 

Спорт

Чӑваш Енри икӗ спортсмен Фристайл енӗпе тӗнче чемпионатне хутшӑнассине Чӑваш халӑх сайчӗ пӗлтернӗччӗ. Аса илтерер: вӗсем — олимп резервӗн 2-мӗш спорт шкулӗнчи фристайл уйрӑмӗн воспитанникӗсем Лана Прусакова тата Дмитрий Мулендеев.

Виза илес енӗпе йывӑрлӑх пулнӑран спортсменсем АПШна кая юлса тухса кайнӑ. Ҫавӑнпа вӗсем «слоуп-стайл» ӑмӑртӑвне хутшӑнайман.

Фристайлӑн «биг-эйр» дисциплининчи ӑмӑртура Раҫҫейри икӗ спорстмен малти икӗ вырӑна йышӑннӑ. Мускаври Анастасия Таталина ылтӑн медаль ҫӗнсе илнӗ, Лана Прусакова – кӗмӗл. Тӗнче чемпионатӗнче Раҫҫей спортсменӗсем «биг-эйр» дисциплинӑра малти вырӑна тухни пулман.

«Ҫӗнтернине халӗ те ӗненес килмест! Мана шаннӑшӑн тата ӗненнӗшӗн пурне те пысӑк тав! Йывӑр ӗҫ хакне кӑларчӗ! Эпӗ питех те телейлӗ! Хам пултарнине йӑлтах турӑм», – тесе ҫырнӑ ентешӗмӗр Инстаграмра.

Дмитрий Мулендеев тата Раҫҫейри тепӗр спортсмен Дмитрий Макаров ӑмӑртӑвӑн финалне лекеймен.

 

Спорт

Чӑваш Енри 8 спортсмен Токиора иртекен Олимп вӑййисене хутшӑнма пултараҫҫӗ. Аса илтерер: ӑмӑрту пӗлтӗр ҫулла иртмеллеччӗ, анчах кӑшӑлвируса пула ӑна 2021 ҫулхи утӑн 23-мӗшӗ ҫине куҫарнӑ.

Раҫҫей Олимп комитечӗ Олимп вӑййисене хутшӑнма пултаракан кандидатсен списокне хатӗрленӗ. Унта -1125 ҫын. Вӗсенчен 8-шӗ – Чӑваш Ен спортсменӗсем. Списока Татьяна Архипова, Алина Прокопьева, Анжелика Сидорова, Кирилл Фролов, Вероника Чумикова тата Евгения Захарченко, Владислав Поляшов тата Елена Герасимова кӗнӗ.

Кандидатсем 2019 ҫулхи ака уйӑхӗнчен пуҫласа уйӑхсерен 30 тата 15 пин тенкӗ стипенди илсе тӑраҫҫӗ. Унта – 24 ҫын. Ҫитес вӑхӑтра списока ҫӗнетӗҫ.

 

Спорт

Ҫак кунсенче Чӑваш Енри икӗ спорстмен пысӑк ҫитӗнӳпе палӑрнӑ.

Вӗсенчен пӗри – Владислав Поляшов гимнаст. Раҫҫейӗн спорт гимнастики енӗпе иртекен чемпионатӗнче мӑшӑр кашта ҫинче хусканусем туса вӑл ылтӑн ылтӑн медале тивӗҫнӗ. Ӑмӑрту Пенза хулинче иртнӗ. Чӑваш Енри спортсмен маларах Федерацин Атӑлҫи округӗнчи тупӑшура нумай енлӗ ӑмӑтура кӗмӗл медале ҫӗнсе илнӗ.

Сергей Козырёв ирӗклӗ мелпе кӗрешсе Раҫҫей чемпионатӗнче ҫӗнтернӗ. Вӑл 125 килограмчченхи виҫере ӑмӑртнӑ. Спорт тупӑшӑвӗ Улан-Удэре иртнӗ. Сергей Козырёва Чӑваш Ен Элтеперӗ Олег Николаев саламланӑ.

Республикӑн Спорт министерствинче пӗлтернӗ тӑрӑх, ку вӑл – историлле ҫитӗнӳ. Спортӑн ку енӗпе пирӗн республика спортсменӗсем юлашки хут 1984 ҫулта ҫӗнтернӗ. Ун чухне Иван Григорьев палӑрнӑ.

 

Спорт
ru.wikipedia.org сӑнӳкерчӗкӗ
ru.wikipedia.org сӑнӳкерчӗкӗ

Темиҫе минут каялла Чехире биатлон енӗпе Тӗнче кубокӗн черетлӗ тӑххӑрмӗш тапхӑрӗ вӗҫленчӗ. Хӗрарӑм-спортсменкӑсем спринтра 7,5 километра чупрӗҫ. Вӗсен пӗрре выртса, пӗрре тӑрса пеме тиврӗ.

Пирӗн ҫӗршыв командинче 6 спортсменка пулчӗ, ҫав шутра – Чӑваш Ен хӗрӗ, Тӗменшӗн ӑмӑртакан Татьяна Акимова та.

Тӳрех палӑртар: Раҫҫей командин членӗсем япӑх печӗҫ, начар чупрӗҫ. Ҫав вӑхӑтрах эпир ентешӗмӗрпе мӑнаҫланма пултаратпӑр. Вӑл 100 ытла спортсмен хушшинче 25-мӗш вырӑн йышӑнчӗ. Татьяна Акимова выртса пенӗ чух ҫеҫ пӗрре лектереймерӗ. Пирӗн ҫӗршыври ытти спортсменкӑн кӑтартӑвӗ ҫапларах:

Лариса Куклина — 42-мӗш, Светлана Миронова — 52-мӗш, Ульяна Кайшева — 58-мӗш, Евгения Павлова — 65-мӗш, Ирина Казакевич — 81-мӗш.

 

Спорт

Чӑваш Енри икӗ спортсмен Фристайл енӗпе тӗнче чемпионатне хутшӑнӗ. Вӗсем – олимп резервӗн 2-мӗш спорт шкулӗнчи фристайл уйрӑмӗн воспитанникӗсем Лана Прусакова тата Дмитрий Мулендеев. Раҫҫей командине ҫавӑн пекех Анастасия Таталина (Мускав) тата Дмитрий Макаров (Красноярск тӑрӑхӗ) кӗнӗ.

Фристайлӑн «слоуп-стайл» тата «биг-эйр» дисциплинисенчи ӑмӑртӑвӗ Америкӑри Пӗрлешӳллӗ Штатсенче пуш уйӑхӗн 7-16-мӗшӗсенче иртӗ. «Слоуп-стайл» квалификацийӗ пуш уйӑхӗн 11-мӗшӗнче иртӗ, 13-мӗшӗнче финал пулӗ. «Биг-эйр» дисциплинипе квалификаци пуш уйӑхӗн 15-мӗшӗнче иртӗ, финал – 16-мӗшӗнче.

Виза илес енӗпе йывӑрлӑх пулнӑран спортсменсем АПШна ыран ҫеҫ тухса кайӗҫ. Ҫавӑнпа вӗсем «слоуп-стайл» ӑмӑртӑвне хутшӑнаймӗҫ.

 

Спорт

Чӑваш Енре хӗрарӑмсен хоккейне аталантарасшӑн. Ҫакӑн пирки республикӑн спорт министрӗ Василий Петров тата РФ Патшалӑх Думин депутачӗ Анатолий Аксаков хӗрарӑмсен пӗртен-пӗр хоккей командипе (вӑл «Чебоксарские амазонки» ятлӑ) тӗл пулсан сӳтсе явнӑ.

Министр Анатолий Аксакова республикӑра спорта аталантарма пулӑшнӑшӑн тав тунӑ. Шупашкарти «Атӑл» стадиона юсасси шӑпах вӑл пулӑшнипе пуҫланнӑ. Уйӑх каялла тренерсемпе тӗл пулсан вӗсен шалӑвне ӳстермелли пирки сӑмах хускатнӑ. Ку ыйтупа депутат халӗ федераци шайӗнче ӗҫлет.

Хӗрарӑмсен хоккей команди вара депутата Челепир хулинчи ӑмӑртӑва хутшӑнма спорт тумӗ туянма пулӑшма ыйтнӑ. Парламентари хирӗҫлемен – туянса панӑ.

Хӗрарӑмсен хоккей командине (дружина капитанӗ – Евгения Фомина) 2017 ҫулхи юпа уйӑхӗнче йӗркеленӗ. Йышра паян 25 спортсмен.

Василий Петров министр республикӑри хоккей шкулӗн директорне Олег Салтыкова Хоккей федерацийӗн регионти ертӳҫине Алексей Протаповича хӗрарӑмсен хоккейне аталантарассипе программа хатӗрлеме хушнӑ.

 

Спорт
Шӑкасра пурӑнакансем тунӑ сӑн
Шӑкасра пурӑнакансем тунӑ сӑн

Нарӑс уйӑхӗн 13-мӗшӗнче Чӑваш Енре «Йӗлтӗр йӗрӗ» массӑллӑ спорт ӑмӑртӑвӗ иртнӗ. Тупӑшӑва хуласенче ҫеҫ мар, хӑш-пӗр ялта та йӗркеленӗ.

Шупашкар районӗнчи Шӑнкас ялӗнче пурӑнакансем те йӗлтӗр сырса тухнӑ. Унта Мӑштавӑш ялӗнчи ҫынсем те хутшӑннӑ. Йӗлтӗр сырса чупнӑ чи кӗҫӗн ҫын 4 ҫулта пулнӑ. Чи асли вара - 72 ҫулти ҫын. Вӗсене ятарлӑ парнесемпе хавхалантарнӑ.

Йӗлтӗрпе чупакансем питӗ кӑмӑллӑ юлнӑ. Уҫӑ сывлӑш, лайӑх ҫанталӑк вӑй-хал хушнӑ. Ӑмӑрту вӗҫленсен ял ҫыннисем вӗри чей ӗҫнӗ.

Хыпар ҫӑлкуҫӗ: https://pg21.ru/news/69850
 

Спорт
Татьяна Акимова — сулахай енче иккӗмӗшӗ. MiRSporta сӑнӳкерчӗкӗ
Татьяна Акимова — сулахай енче иккӗмӗшӗ. MiRSporta сӑнӳкерчӗкӗ

Чӑваш ҫӗрӗн хальхи вӑхӑтри маттур хӗрӗ, халӗ Тӗмен облаҫӗшӗн ӑмӑртакан Татьяна Акимова биатлон енӗпе иртекен Тӗнче чемпионатне хутшӑнӗ. Спортсменсем нарӑс уйӑхӗн 10-21-мӗшӗсенче Словенири Поклюкӑра ӑмӑртӗҫ.

Раҫҫейӗн пӗрлештернӗ командине 6 хӗрарӑмпа 6 арҫын кӗнӗ: Светлана Миронова, Евгения Павлова, Ульяна Кайшева, Татьяна Акимова, Ирина Казакевич, Лариса Куклина, Александр Логинов, Матвей Елисеев, Эдуард Латыпов, Антон Бабиков, Евгений Гараничев, Карим Халили.

Италири Антхольцра биатлон енӗпе иртнӗ Тӗнче кубокӗн тапхӑрӗнче Раҫҫейӗн пӗрлештернӗ команди эстафетӑра пӗрремӗш вырӑна тухнине эпир пӗлтернӗччӗ. Аса илтерер: ылтӑн медале тивӗҫнӗ тӑватӑ биатлонисткӑран пӗри Чӑваш Енре ҫуралса ӳснӗ Татьяна Акимова пулнӑччӗ.

Хыпар ҫӑлкуҫӗ: https://tass.ru/sport/10630915
 

Страницӑсем: 1, 2, 3, [4], 5, 6, 7, 8, 9, 10, 11, 12, 13, 14, ...90
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (17.09.2021 15:00) тӗтреллӗ ҫанталӑк, атмосфера пусӑмӗ 751 - 753 мм, 7 - 9 градус ӑшӑ пулӗ, ҫил 3-5 м/ҫ хӑвӑртлӑхпа хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Хăш-пĕр япалана эсир улăштараймастăр. Кун çине философилле пăхăр. Ку эрне романтика тĕлпулăвĕсем валли лайăх. Çемьеллĕ Сурăхсен халĕ хирĕçмелле мар. Унсăрăн кайран час мирлешейместĕр.

Авӑн, 17

1932
89
Львов Пётр Константинович, чӑваш ҫыравҫи, сӑвӑҫи, тӑлмачӗ ҫуралнӑ.
1932
89
Хлебников Геннадий Яковлевич, литература тӗпчевҫи,вӗрентӳҫӗ ҫуралнӑ.
1936
85
Праски Витти, чӑваш ӳнерҫи ҫуралнӑ
1958
63
Андреева Евдокия Александровна, филологи ӑслӑлӑхӗсен кандидачӗ ҫуралнӑ.
2003
18
Кариков Порфирий Герасимович, Мухтав орденӗн тулли кавалерӗ вилнӗ.
2003
18
Кариков Порфирий Герасимович, полковник, Мухтав орденӗн кавалерӗ вилнӗ.
Пулӑм хуш...Пулӑм хуш...

Ыйтӑм

Чӑваш халӑх сайтӗнче цензура пулмалла-и?
Ку ыйтӑва редакци татса памалла
Паллах, пулмалла, унсӑр ӑпӑр-тапӑр япала лартма пулать!
Маншӑн ҫавах
Ҫук, хуть те мӗнле материала ирӗклӗн вырнаҫтармалла
Пулмалла, анчах виҫеллӗ
Эпир Facebook-ра 1610+
 
 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org