Сайта кӗр | Регистраци | Сайта кӗрсен унпа туллин усӑ курма пулӗ
 +1.3 °C
Кахал ҫине виҫ кун малтан ҫумӑр ӳкнӗ.
[ваттисен сӑмахӗ]
 

Хыпарсен ҫыххи: Пӑтӑрмахсем

Пӑтӑрмахсем

Элӗк районӗнчи Шоркасси Сорӑм ялӗнче пурӑнакан 58 ҫулти арҫынна ҫынна заложника ярса илнӗшӗн айӑплӗҫ. Унсӑр пуҫне вӗлерессипе 3 хутчен хӑратнӑ, ӗҫри влаҫ представительне хӑратнӑ.

Пӑтӑрмах пӗлтӗрхи ҫурла уйӑхӗн 14-мӗшӗнче, авӑн уйӑхн 5-мӗшӗнче тата юпа уйӑхӗн 7-мӗшӗнче пулса иртнӗ. Ҫавӑн чухне арҫын хӑйӗн килӗнче пулнӑ-ха. Ӳсӗрскер пӗрле пурӑнакан 54 ҫулти хӗрарӑмпа харкашма тытӑннӑ. Алӑ та ҫӗкленӗ, вӗлерессиие хӑратнӑ. Юлашки тӗслӗхре пӑтӑрмах пирки пӗлсен пӗр ял хӗрарӑмӗ йӗрке хуралҫисене евитленӗ.

Пакунлисем вырӑна килсе ҫитсен арҫын алӑка уҫман, полицейскисене кайма хушнӑ. 16-мӗш калибрлӑ «ИЖ-18Е» пӑшалтан алӑк витӗр перессипе, хӗрарӑма вӗлерессипе хӑратнӑ.

Унтан вырӑна Росгвардин спецназӗ тата полицейскисем персе ҫитнӗ. Арҫын пӗрле пурӑнакан хӗрарӑм мӑйӗ патне ҫӗҫӗ илсе пынӑ, полицейскисене ҫаврӑнса кайма ыйтнӑ, ахальлӗн хӗрарӑма вӗлерессипе хӑратнӑ. Унтан вӑл кил ҫывӑхӗнчи вӑрмана тухса тарнӑ. Анчах пакунлисем тытса чарнӑ.

 

Пӑтӑрмахсем
"Про Город" сайтран илнӗ сӑн
"Про Город" сайтран илнӗ сӑн

Паян ҫур ҫӗр иртсен Комсомольски районӗнчи Анат Тимӗрчкасси ялӗнче пушар алхаснӑ. Ҫулӑм икӗ пӳрте тӗп тунӑ.

Инкеклӗ лару-тӑру министерстви пӗлтернӗ тӑрӑх, пушар тухнине ҫур ҫӗр иртни 3 сехет тӗлӗнче курнӑ. Ҫунса кайнӑ пӗр ҫуртӗнче пурӑннӑ хӗрарӑм пушартан ҫӑлӑнас тесе иккӗмӗш хутран сикнӗ. Ҫапла вӑл аллине амантнӑ, ӑна тухтӑрсем пулӑшнӑ.

Паян ирхине Муркаш районӗнчи «Хӗвеллӗ» сад юлташлӑхӗнче те пушар пулнӑ. Унта хуралтӑ таврашӗсем кӗле ҫаврӑннӑ.

 

Пӑтӑрмахсем
hab.mk.ru сайтри сӑн
hab.mk.ru сайтри сӑн

Хӗрлӗ Чутай районӗнчи Пӗрремӗш Липовка ялӗнче пурӑнакан 25 ҫулти арҫын ашшӗне вӗлернӗ тесе шутлаҫҫӗ. Следовательсем ун тӗлӗшпе пуҫиле ӗҫ пуҫарнӑ.

Следстви версийӗ тӑрӑх, ҫурла уйӑхӗн 22-мӗшӗнче каҫхине каччӑ ашшӗпе пӗрле килте эрех ӗҫнӗ. Вӗсем хирӗҫсе кайнӑ. Ывӑлӗ ҫӗҫӗ ярса тытнӑ та ашшӗне чикнӗ. Суранланнӑ арҫын патне васкавлӑ медпулӑшу ҫитнӗ, пульницӑна илсе кайма тухнӑ. Анчах 52 ҫулти арҫын ҫул ҫинче вилнӗ.

Ывӑлне тытса чарнӑ. Следовательсем пуҫиле ӗҫе малалла тӗпчеҫҫӗ.

Хыпар ҫӑлкуҫӗ: https://pg21.ru/news/73912
 

Пӑтӑрмахсем
med.cap.ru сайтри сӑн
med.cap.ru сайтри сӑн

Ҫак кунсенче Ҫӗмӗрле районӗнче инек пулнӑ. 1985 ҫулта ҫуралнӑ арҫын сарӑмсӑр вилнӗ.

«Про Город» хаҫата халӑх корреспонденчӗ пӗлтернӗ тӑрӑх, арҫын юхӑнса ларакан сысна комплексне пӑхма кайнӑ. Ҫавӑнта ҫӳренӗ чухне ун ҫине кирпӗчсем йӑтӑнса аннӑ, вӑл айне пулнӑ. Ӑна пульницӑна илсе ҫитернӗ. Анчах, шел те, ҫурла уйӑхӗн 23-мӗшӗнче реанимацире унӑн чӗри тапма чарӑннӑ.

Халӗ йӗрке хуралҫисем ӗҫ-пуҫа уҫӑмлатаҫҫӗ. Ҫав арҫын, 36 ҫултискер, Шупашкарта пурӑннӑ.

Хыпар ҫӑлкуҫӗ: https://pg21.ru/news/73917
 

Пӑтӑрмахсем
hamidulina_19 архивӗнчи сӑн
hamidulina_19 архивӗнчи сӑн

Ҫурла уйӑхӗн 21-мӗшӗнче каҫхи 9-10 сехетре Йӗпреҫ районӗнчи Хирти Выҫли ялӗнче ҫурт ҫунма тытӑннӑ. Унта пурӑнакан ҫемье – арӑмӗпе упӑшки тата 12 ҫулти ывалӗ – урама ҫарранах чупса тухнӑ.

Вӗсем каҫхине тӗтӗм шӑршипе вӑраннӑ. Ҫав вӑхӑтра пӳртре ҫулӑм алхаснӑ ӗнтӗ. Ҫемье урама ҫара уранах чупса тухнӑ, нимӗн те илсе ӗлкӗреймен, докуменчӗсем те ҫунса кайнӑ.

Малтанлӑха палӑртнӑ тӑрӑх, пушар электропралук юсавсӑр пулнӑран тухнӑ. Ҫемье ҫуртсӑр юлнӑ, вӗсене пулӑшу кирлӗ. Ыйтса пӗлмелли телефон – 89279988242, Галина Андреевна Хамидулина.

Хыпар ҫӑлкуҫӗ: https://pg21.ru/news/73881
 

Пӑтӑрмахсем
cap.ru сӑнӳкерчӗкӗ
cap.ru сӑнӳкерчӗкӗ

Вӑрмар районӗнчи Ҫиҫтӗпе ялӗ ҫывӑхӗнче ял хуҫалӑх пӗлтерӗшлӗ ҫӗр ҫинче типӗ курӑк тата тӗмсем ҫуннӑ. Кун пирки пушарнӑйсене ҫурла уйӑхӗн 21-мӗшӗнче 13 сехет те 45 минутра пӗлтернӗ.

Ҫулӑм 70 гектар ҫӗр ҫинче алхаснӑ. Ӑна сӳнтерме Сӗнтӗрвӑрри тата Канаш районӗсенчи вӑрман хуҫалӑхӗнчи ӗҫченсем ҫитнӗ. Пушара 5 техника сӳнтернӗ.

Ҫулӑмпа кӗрешме Вӑрмар районӗнчи 20 ҫын ҫитнӗ. Район администрацийӗн пуҫлӑхӗ Дмитрий Иванов тата Кавал ял тӑрӑхӗн ертӳҫи Алексей Николаев та вырӑнта пулнӑ.

 

Пӑтӑрмахсем
vrubcovske.ru сӑнӳкерчӗкӗ
vrubcovske.ru сӑнӳкерчӗкӗ

Йӗпреҫ районӗнчи суд вырӑнти микрофинас организацийӗсенчен пӗринче тӑрӑшнӑ хӗрарӑм тӗлӗшпе приговор вуланӑ.

Хӗрарӑм микрофинанс организацийӗнче ӗҫленипе усӑ курса кассӑран пысӑках мар суммӑпа темиҫе хутчен укҫа илнӗ. 4 пинрен пуҫласа 7 пин тенкӗ таран. Кун пек вӑл 2020 ҫулхи авӑн уйӑхӗнчен пуҫласа 2021 ҫулхи нарӑс уйӑхӗ таран хӑтланнӑ.

Клиентсен даннӑйӗсем пуррине кура ҫавсен ячӗпе микрозайм килӗшӗвне йӗркеленӗ, вӗсен вырӑнне хӑй алӑ пусса янӑ.

Тӗрӗслев вӑхӑтӗнче 22 суя килӗшӳ ҫиеле тухнӑ. Вӗсем тӑрӑх 110 пин ытла тенкӗ илни палӑрнӑ.

Ӗҫ вырӑнӗпе усӑ курса ют пурлӑха вӑрланӑшӑн хӗрарӑма РФ Пуҫиле кодексӗн 160-мӗш статйин 3-мӗш пайӗпе айӑпланӑ. Айӑпне йышӑннине, тӑкакӑн пӗр пайне саплаштарнине, пӗчӗк ачасем пуррине кура ӑна тӗрмене хупса хумасӑр 1 ҫуллӑха ирӗкрен хӑтарма йышӑннӑ.

 

Пӑтӑрмахсем
zvezdagukovo.ru сӑнӳкерчӗкӗ
zvezdagukovo.ru сӑнӳкерчӗкӗ

Ку пӑтӑрмах пирки йӗрке хуралҫисене ҫурла уйӑхӗн 18-мӗшӗнче пӗлтернӗ. Тӗрӗссипе, ним ҫӗнни те ҫук. Черетлӗ ҫын каллех ултавҫӑсен капкӑнне ҫакланнӑ. Укҫана вӑл вӗсене пӗр кунра мар, уйӑх хушши куҫарса парса пурӑннӑ. Тӗрлӗшер сумма.

Улталанаканни — Шупашкарӑн кӑнтӑр-хӗвеланӑҫ районӗнче пурӑнакан 43 ҫулти хӗрарӑм. Утӑ уйӑхӗн вӗҫӗнче ун патне палламан арҫын шӑнкӑравланӑ, хӑйӗнпе банкӑн хӑрушсӑрлӑх службин ӗҫченӗ тесе паллаштарнӑ. Хӗрарӑма ют ҫын такам ун ячӗпе кредит илесшӗн, ултавҫӑсем иличчен маларах хӑв ил тесе ӗнентернӗ.

Хӗрарӑм банкран 168 пин ытларах тенкӗ кредит илнӗ. Ҫав вӑхӑтра ултавҫӑсем айван хӗрарӑм патне шӑнкӑравласах тӑнӑ. Укҫана ӑна ятарлӑ счётсем ҫине куҫарма ыйтнӑ. Хӗрарӑм уйӑх хушшинче 900 пин ытла тенкӗ кредит илсе тултарнӑ, ҫав укҫана ют ҫынсен счёчӗ ҫине куҫарса панӑ.

 

Пӑтӑрмахсем
ШӖМ тунӑ сӑн
ШӖМ тунӑ сӑн

Паян ирхи 4 сехетре Шупашкарта хӗрарӑм машинӑна тытса чарас тесе вилнӗ. Ку Кадыков урамӗнчи 6-мӗш ҫурт ҫывӑхӗнче пулнӑ.

Иртен-ҫӳрен ирхине картишре хӗрарӑм вилли выртнине асӑрханӑ. Пӑтӑмрах мӗнле пулса иртнине ҫынсем курнӑ. Хӗрарӑм тапраннӑ «Хендай» машинӑна чарас тесе алӑк хӑлӑпӗнчен ярса тытнӑ. Водитель чарӑнман, малаллах кайнӑ. Хӗрарӑм вара вилмеллех суранланнӑ.

Ҫав водителе ҫийӗнчех тупнӑ. Унӑн машини ҫав урамрах 16-мӗш ҫурт умӗнче ларнӑ. 30 ҫулти арҫын ӳсӗр курӑннӑ. Ӑна тытса чарнӑ.

Хыпар ҫӑлкуҫӗ: https://pg21.ru/auto/73832
 

Пӑтӑрмахсем
"Про Городран" илнӗ сӑн
"Про Городран" илнӗ сӑн

Паян кӑнтӑрла 12 сехет тӗлӗнче Шупашкарти пляжра арҫын путса вилнӗ. Кун пирки ҫынсем «Про Город» хаҫата ҫийӗнчех каласа кӑтартнӑ.

Вӗсем каланӑ тӑрӑх, каччӑ хӗре ишме вӗрентнӗ. Унччен те пулман, хӑй шыв айне анса кайнӑ. Вӑл 24 ҫулта пулнӑ.

Каччӑпа хӗр шыва кӗмелли вырӑнтах пулнӑ, вӗсем юраман вырӑналла кӗрсе кайман. Ахӑртнех, вӗсем ишнӗ вырӑнта чӑнкӑ ҫыран, каччӑ тӑрук анса кайнӑ. Пляжри ҫынсем ӑна тупма хӑтланнӑ, анчах усӑсӑр. Ҫӑлавҫӑсем те шырама пуҫланӑ.

Хыпар ҫӑлкуҫӗ: https://pg21.ru/news/73831
 

Страницӑсем: 1, 2, 3, [4], 5, 6, 7, 8, 9, 10, 11, 12, 13, 14, ...249
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (19.09.2021 03:00) пӗлӗтлӗ ҫанталӑк, атмосфера пусӑмӗ 758 - 760 мм, 3 - 5 градус ӑшӑ пулӗ, ҫил 1-3 м/ҫ хӑвӑртлӑхпа ҫурҫӗр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Хăш-пĕр япалана эсир улăштараймастăр. Кун çине философилле пăхăр. Ку эрне романтика тĕлпулăвĕсем валли лайăх. Çемьеллĕ Сурăхсен халĕ хирĕçмелле мар. Унсăрăн кайран час мирлешейместĕр.

Авӑн, 19

1914
107
Жакова Вера Николаевна, Пӑрачкав районӗнче ӳснӗ ҫыравҫӑ ҫуралнӑ.
1937
84
Симаков Александр Иванович, живописец ҫуралнӑ.
1939
82
Ямаш Владимир Михайлович, чӑваш сӑвӑҫи, ҫыравҫи ҫуралнӑ.
1982
39
Захаров Виталий Николаевич, ҫыравҫӑ, тӑлмач ҫут тӗнчерен уйрӑлса кайнӑ.
Пулӑм хуш...Пулӑм хуш...

Ыйтӑм

Чӑваш халӑх сайтӗнче цензура пулмалла-и?
Маншӑн ҫавах
Ҫук, хуть те мӗнле материала ирӗклӗн вырнаҫтармалла
Паллах, пулмалла, унсӑр ӑпӑр-тапӑр япала лартма пулать!
Ку ыйтӑва редакци татса памалла
Пулмалла, анчах виҫеллӗ
Эпир Facebook-ра 1610+
 
 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org