Сайта кӗр | Регистраци | Сайта кӗрсен унпа туллин усӑ курма пулӗ
 +32.3 °C
Ват ҫын — тӑват ҫын.
[ваттисен сӑмахӗ]
 

Хыпарсем

Республикӑра

Ӗнер Чӑваш Енре тата тепӗр автономи учрежденийӗ туса хунӑ. Вӑл «Чӑваш Республикин патшалӑх органӗсен ӗҫӗ-хӗлне йӗркелессипе ӗҫлекен республика служби» ятлӑ пулӗ. Ӑна «Чӑваш Республикин Элтеперӗн Администрацийӗн автобази» бюджет учрежденийӗ вырӑнне йӗркеленӗ.

Автономи учрежденийӗ республикӑн патшалӑх органӗсем йышӑнакан административлӑ ҫуртсене тытса тӑнипе пӗрлех вӗсене транспортпа тивӗҫтерӗ.

Чӑваш Ен Элтепрӗн Администрацийӗн автобазин харпӑрлӑхӗнче пулнӑ мӗнпур пурлӑх ҫӗнӗ учреждение куҫӗ.

Аса илтерер: ӗнер Туризма аталантаракан агентство йӗркеленӗччӗ.

 

Культура
Ираида Захарова архивӗнчи сӑнӳкерчӗксем
Ираида Захарова архивӗнчи сӑнӳкерчӗксем

Аякри Эстонире пурӑнакан хастар чӑвашсем тӑван чӗлхемӗре хисеплеҫҫӗ. Ҫавна палӑртакан пулӑмсенчен пӗри вӑл — «Радио 4» эфирӗнче «Ӑраскал» радиокӑларӑм тӑтӑшах янӑрани. Хальхинче ӑна ӗнер, нарӑс уйӑхӗн 10-мӗшӗнче, эстони вӑхӑчӗпе 19 сехет те 35 минутра итлеме май килнӗ.

Кӑларӑма ертсе пыракан Ираида Захарова Фейсбукра пӗлтернӗ тӑрӑх, черетлӗ кӑларӑма инҫетре пурӑнакан ентешсене халалланӑ. «Тӗрӗссипе каласан, ӑҫта кана чӑваш пурӑнмасть–ши?! Эпир тӗнчипех сапаланса кайнӑ, анчах та ку сӑлтав пире хамӑр культурӑпа кӑсӑкланма, йӑла – йӗркене йӗрлеме, чӗлхене упрама пӗрре те чӑрманатакан сӑлтав пулса тӑмалла мар–ҫке… Хамӑрӑн ентешсемпе мухтанмалӑх пур…», — тет Эстонири хастар йӑхташӑмӑр Ираида Захарова.

 

Республикӑра

Республикӑри бизнес-инкубатор тата Ҫамрӑксен пуҫарӑвӗсен центрӗ яш-хӗр хушшинче конкурс ирттерессине пӗлтернӗ. Вӗсене республикӑри туризм брендне /логотипне/ хатӗрлеме сӗнеҫҫӗ.

Конкурса шкул ачисем, студентсем, ӗҫлекен ҫамрӑксем, автор коллективӗсем хутшӑнма пултараҫҫӗ. Ӗҫсене нарӑсӑн 15-мӗшӗнчен пуҫласа пуш уйӑхӗн 13-мӗшӗччен mail@rbi21.ru электронлӑ почтӑна йышӑнаҫҫӗ. Е ҫак адреспа пымалла: Шупашкар хули, 12-мӗш «Б» ҫурт, 4-мӗш хут. Ыйтса пӗлмелли телефон: (8352) 49-99-95.

Конкурса пушӑн 25-мӗшӗнче пӗтӗмлетӗҫ. Финала тухнӑ 10 ҫын диплома, парнене тивӗҫӗ.

 

Хулара
forum.na-svyazi.ru сайтри сӑн
forum.na-svyazi.ru сайтри сӑн

Кӑҫал Шупашкарта ултӑ ача пахчи тума палӑртнӑ. Паллах, кашнин валли ят кирлӗ пулӗ. Вӗсене халӑха суйлама май туса панӑ, ҫавна май «Уҫӑ хула» порталта сасӑлав ирттереҫҫӗ.

Ултӑ ача пахчи валли ятсем суйланӑ. Кашнинех пӗри – чӑвашла. Вӗсем ҫакнашкал: «Пӗрле», «Ачалӑх», «Ҫӑлтӑр», «Пӗлӳҫӗ», «Хӗвелпи», «Асам». Сасӑлав пуҫланни пирки ӗнер пӗлтернӗ. Анчах паян каҫӑпа кайсан темшӗн сасӑлама май ҫук, ӑна хупнӑ.

Палӑртмалла: кӑҫал «Радужный», «Алькеш», «Благовещенский», «Университет», «Солнечный», «НЮН 14 мкр» микрорайонсенче ача пахчи хута ярасшӑн.

 

Культура
 zhivye-uroki.ru сӑнӳкерчӗкӗ
zhivye-uroki.ru сӑнӳкерчӗкӗ

Паянтанпа, нарӑс уйӑхӗн 10-мӗшӗнченпе, пирӗн республикӑра Туризма аталантаракан агентство пулӗ. Ҫакӑн ҫинчен калакан йышӑнӑва республикӑн влаҫ органӗсен официаллӑ порталӗнче вырнаҫтарнӑ.

«Туризма тата хӑнасене кӗтсе илекен индустрие аталантаракан агентство» (кӗскен каласан, «Туризма аталантаракан агентство») автономи учрежденийӗ пачах ҫӗнӗ орган мар. Ӑна республикӑн Культура, национальноҫсен ӗҫӗсен тата архив ӗҫӗн министерствин «Чӑваш Республикинчи туризмпа культура информаци центрӗ» автономи учржденин ятне ылмаштарса йӗркеленӗ.

Агентство туризм индустрине пур енлӗн аталантарассишӗн яваплӑ пулӗ. Ҫав шутра — регионӑн туризм брендне сарассишӗн, туриндустрие цифровизацилессишӗн, туроператор тивӗҫне пурнӑҫлассишӗн.

 

Сывлӑх
risingsunholistic.com сайтри сӑн
risingsunholistic.com сайтри сӑн

Чӑваш Енре пандеми пуҫланнӑранпа «хӗрлӗ зонӑра» 123 ача кун ҫути курнӑ. Вӗсене пурне те кӑшӑлвирус инфекцийӗллӗ хӗрарӑмсем ҫуратнӑ.

Шупашкарти ача ҫуратмалли 5-мӗш ҫуртра кӑшӑлвируспа чирлӗ хӗрарӑмсене, ача ҫуратма хатӗрленекенсене, йышӑннӑ. Ҫак тапхӑрта унта 309 ҫын сипленнӗ, 123 ача кун ҫути крунӑ. Вӗсен кӑшӑлвирус пурри ҫирӗпленнӗ-и е ҫук-и – пӗлтермен.

Аса илтерер: республикӑра кӑшӑлвирусран хӳтӗленмелли прививка тума тытӑннӑ. Хальлӗхе пӗтӗмпе 35 пункт ӗҫлет.

 

Пӑтӑрмахсем
Инкеклӗ лару-тӑру министерстви тунӑ сӑн
Инкеклӗ лару-тӑру министерстви тунӑ сӑн

Нарӑс уйӑхӗн 10-мӗшӗнче, паян, ҫӗрле Шупашкарти Мир проспектӗнче хваттер ҫуннӑ. Шел те, инкекре икӗ ҫыннӑн пурнӑҫӗ татӑлнӑ.

Инкеклӗ лару-тӑру министерстви пӗлтернӗ тӑрӑх, пушар пирус асӑрханмасӑр туртнӑран тухнӑ. Ку инкек Мир проспектӗнчи 26-мӗш ҫуртра пулнӑ. Хваттер икӗ пӳлӗмлӗ пулнӑ. Ҫулӑм пӗр пӳлӗмри сӗтел-пукана тӗп тунӑ. Пушара сӳнтерсен хваттерӗн 41 ҫулти хуҫин тата унӑн 37-шӑллӗн виллисене тупнӑ.

Палӑртмалла: ҫулталӑк пуҫланнӑранпа Шупашкарта асӑрханмасӑр пирус туртнӑран 9 пушар тухнӑ. Ҫакна пула 7 ҫыннӑн пурнӑҫӗ татӑлнӑ.

 

Персона
Маргарита Красотина журналистӑн Фейсбукри сӑнӳкерчӗкӗ
Маргарита Красотина журналистӑн Фейсбукри сӑнӳкерчӗкӗ

РСФСР халӑх артисчӗ Алексей Красотин пурнӑҫран уйрӑлнӑ. Вӑл кун-ҫул кӗнекин 101-мӗш страницине уҫма ӗлкӗрнӗ. Юлашки вӑхӑтра артист йывӑр чирленӗ. Унӑн чӗри тапма чарӑнни пирки артистӑн кинӗ, Маргарита Красотина журналист, паян Фейсбукра пӗлтернӗ.

Ярославль тӑрӑхӗнчи Приимково ялӗнче 1920 ҫулхи ҫӗртме уйӑхӗн 2-мӗшӗнче ҫут тӗнчене килнӗскер 100 ытла сӑнара калӑпланӑ. Ҫав шутра — чӑваш драматургийӗн вилӗмсӗр хайлавӗсенче те. Вӗсене Вырӑс драма театрӗнче вырӑсла куҫарса лартнӑ.

Пулас артист, сӑмах май, Киевра пилотсен, Иркутскра автомеханиксен шкулӗсенче вӗреннӗ. Шупашкара куҫса киличчен Чӗмпӗрти, Кӑнтӑр Сахалинскри, Тӗменти, Магнитогорскри театрсенче вылянӑ.

Петр Осиповӑн «Айтарӗнчи» Айтара Алексей Красотин епле калӑпланине вӑл вӑхӑтри куракансем астӑваҫҫӗ-тӗр. Е тата Ухсай Яккӑвӗн «Тутимӗрӗнчи» Чемее.

Алексей Красотинпа ыран, нарӑс уйӑхӗн 12-мӗшӗнче, Шупашкарти Вырӑс драма театрӗнче 10 сехетрен пуҫласа 11 сехет те 30 минутчен сывпуллашӗҫ.

 

Чӑваш чӗлхи
Кармаскалӑ районӗнчи Тинӗскӳл шкулӗнче 9 класра вӗренекен Светлана Кириллова
Кармаскалӑ районӗнчи Тинӗскӳл шкулӗнче 9 класра вӗренекен Светлана Кириллова

Пушкӑртстанра 8-11 классенче тӑван чӗлхепе литературӑн, ҫав шутра чӑваш чӗлхипе те республика шайӗнчи олимпиада иртнӗ.

Хальхинче ӑна «Тӑван чӗлхе тӗнчинче» портал-новигаторта онлайн мелӗпе ирттернӗ. Тӑван чӗлхесен олимпиадине Пушкӑртстан Республикинчи вӗрентӳ заведенийӗсенчи 292 вӗренекен 189 тутар ачи, 46 чӑваш ачи, 39 мари ачи, 18 удмурт ачи хутшӑннӑ. Ачасен пултарулӑхне шкулта мӗнле программӑпа вӗрентнине шута илсе хак панӑ.

Республикӑри чӑваш чӗлхипе литература олимпиадинче вырӑс программине пӑхӑнакан шкулсенчи пӗлӳ учрежденийӗсем хушшинче Мияки районӗнчи Еспуҫ, Ҫӗнӗ Хурамал, Кармаскалӑ районӗнчи Тинӗскӳл, Пишпӳлек районӗнчи Кистенлӗ шкулӗсенчи ачасем малти вырӑнсене ҫӗнсе илнӗ.

Тӑван чӗлхепе вӗрентекен программӑна суйласа илнӗ пӗтӗмӗшле пӗлӳ паракан шкулсен хушшинче Авӑркас районӗнчи Меселпуҫ, Ҫӗньял шкулӗсенчи вӗренекенсем мала тухнӑ тесе пӗлтернӗ вырӑнти «Урал сасси» хаҫатра.

Хыпар ҫӑлкуҫӗ: http://chgign.ru/a/news/3905.html
 

Республикӑра

Раҫҫей Перекет банкӗн Чӑваш Енри уйрӑмне ҫӗнӗ ҫын ертсе пыма тытӑннӑ. Вӑл — Анастасия Трутнева.

Кунта ӗҫлеме пуҫличчен вӑл Владимир облаҫӗнчи уйрӑмӑн управляющийӗн ҫумӗ пулнӑ. Банкӑн Атӑл-Волга банкӗн председателӗ, вице-президенчӗ Петр Колтыпин ҫӗнӗ управляющи пирки «тухӑҫлӑ ертӳҫӗ» тесе хакланӑ.

Анастасия Трутнева Иркутскри патшалӑх экономика академийӗнчен 2000 ҫулта вӗренсе тухнӑ. Унта вӑл экономика факультетӗнчен «Финанс тата кредит» специальноҫа алла илнӗ. Банк тытӑмӗнче 2001 ҫултанпа тӑрӑшать.

 

Страницӑсем: 1 ... 1286, 1287, 1288, 1289, 1290, 1291, 1292, 1293, 1294, 1295, [1296], 1297, 1298, 1299, 1300, 1301, 1302, 1303, 1304, 1305, 1306, ... 3937
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (11.07.2025 21:00) уяр ҫанталӑк, атмосфера пусӑмӗ 754 - 756 мм, 22 - 24 градус ӑшӑ пулӗ, ҫил 1-3 м/ҫ хӑвӑртлӑхпа ҫурҫӗр-хӗвелтухӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку эрнере ертӳлӗхпе калаҫу ӑнӑҫлӑ сыпӑнӑ. Ҫавна май карьера картлашкипе хӑпарма пултаратӑр е шалу ӳсӗ. Официаллӑ учрежденисенчен пулӑшу ыйтма ӑнӑҫлӑ эрне. Коллективра ӗҫтешсемпе ӑнланманлӑх, хирӗҫӳ сиксе тухнӑ тӑк халӗ шӑпах уҫӑ калаҫу йӗркелеме, ыйтусене мирлӗ татса пама лайӑх вӑхӑт.

Утӑ, 11

1913
112
Пятницкая Ольга Васильевна, нумай ҫул хушши ачасене вырӑс чӗлхипе литературине вӗрентнӗ педагог ҫуралнӑ.
1919
106
Сергеев Илья Тимофеевич, филологи ӑслӑлӑхӗсен кандидачӗ, доцент ҫуралнӑ.
1920
105
Шупашкарти 1№ типографине никӗсленӗ
1937
88
Теветкел Николай Александрович, чӑваш сӑвӑҫи, ҫыравҫи, драматургӗ, тӑлмачӗ ҫуралнӑ.
1957
68
Микулай Мӑскал, чӑваш сӑвӑҫи ҫуралнӑ.
Пулӑм хуш...Пулӑм хуш...