|
Персона
 Леонид Черкесовӑн страницинчен илнӗ сӑнӳкерчӗк Федерацин травматологи, ортопеди тата эндопротезировани центрӗн тӗп врачӗ Николай Николаев «Раҫҫӗй Федерацийӗн тава тивӗҫлӗ врачӗ» ята тивӗҫнӗ. Николай Станиславович асӑннӑ центр уҫӑлнӑранпах ӑна ӑнӑҫлӑ ертсе пырать. Общество пурнӑҫне те хастар хутшӑнать. Хыпар ҫӑлкуҫӗ:
|
|
Персона
 "Контактри" сӑн Йӗпреҫ округӗнчи Кӗлӗмкассинче пурӑнакан Геннадий Федоровичпа Галина Степановна Гавриловсем пӗрлешнӗренпе 55 ҫул ҫитнӗ. Вӗсем Йӗпреҫре иртнӗ Акатуйра паллашнӑ. Ун чухне вӗсем тӗрлӗ хор ушкӑнӗнче юрланӑ, Акатуйра коллективсем тупӑшнӑ. Пӗрлешсен вӗсем виҫӗ ача, ҫуратса ӳстернӗ, вӗсем 5 мӑнук парнеленӗ. Ҫамрӑк чухне Галинӑпа Геннадий общество ӗҫне хастар хутшӑннӑ. Пӗрле хор ушкӑнӗпе тӗрлӗ ял тӑрӑх та ҫӳренӗ вӗсем. Хыпар ҫӑлкуҫӗ:
|
|
Персона
 Культура институчӗн сӑнӳкерчӗкӗ Чӑваш патшалӑх культурӑпа ӳнер институтӗнче Сергей Казаковӑн пултарулӑх каҫӗ иртнӗ. Ӑна асӑннӑ шкулӑн преподавателӗн юбилейне халалланӑ. Юбилей каҫӗнче юрӑ-кӗвӗ янӑранӑ, ура ҫапса ташланӑ. «Жизнь в ритме» ят панӑ концерта пухӑннисем – институт ертӳҫисем тата Каҫал тӑрӑхӗнчи ентешӗсем юбиляра чунтан саламланӑ. Хыпар ҫӑлкуҫӗ:
|
|
Персона
 Ҫемье архивӗнчи сӑнӳкерчӗк Улатӑрта пурӑнакан мӑшӑр «ылтӑн туйне» паллӑ тунӑ. Александр Михайловичпа Татьяна Николаевна Васякинсем 50 ҫул каялла пӗрлешнӗ те паянхи кун та килӗштерсе пурӑнаҫҫӗ. Вӗсем 1974 ҫулта ҫемье ҫавӑрнӑ. 1977 ҫулта Улатӑра пурӑнма куҫнӑ, хальхи вӑхӑтра та унта кун кунлаҫҫӗ. Мӑшӑр пӗр хӗр ҫуратса ӑна ура ҫине тӑратнӑ. Халӗ икӗ мӑнукӗпе Матвейпа тата Кристинӑпа савӑнса пурӑнаҫҫӗ. Хыпар ҫӑлкуҫӗ:
|
|
Персона
 Чӑваш патшалӑх академи драма театрӗн сӑнӳкерчӗкӗ Чӑваш патшалах академи драма театрӗнче Валерий Яковлев режиссёра сума суса форум иртӗ. Унта режиссёрӑн пурнӑҫӗпе пултарулӑхне халалланӑ конкурссене хутшӑннӑ ҫамрӑксене йыхравлаҫҫӗ. Мероприяти чӳк уйӑхӗн 23-мӗшӗнче 10:00 сехетре Чӑваш академи драма театрӗнче пуҫланӗ. Ҫӗнтерӳҫӗсене чыслама Валерий Яковлев хӑй те хутшӑнӗ. Форумра хутшӑнас шухӑшлӑ ҫамрӑксен ҫакӑнта https://forms.yandex.ru/u/672a0257c417f322ac5c3f31/ регистрациленмелле. Хыпар ҫӑлкуҫӗ:
|
|
Персона
 Телеграмри сӑнӳкерчӗк Чӑваш Республикин ҫар комиссарне Бахтиёр Холикова должноҫран хӑтарнӑ. Ку тивӗҫе вӑхӑтлӑха Сергей Сергеев подполковник пурнӑҫлӗ. Бахтиёр Холикова ҫак тивӗҫе 2020 ҫулхи авӑн уйӑхӗнченпе пурнӑҫланӑ. Унччен Чӑваш Республикин ҫар комиссариатне Александр Мокрушин ертсе пынӑ. Хыпар ҫӑлкуҫӗ:
|
|
Персона
 cap.ru сӑнӳкерчӗкӗ Тӑвай округӗнчи Вӑрманхӗрри ялӗнче пурӑнакан Юлия, Чумышева ӗнӗр, чӳкӗн 3-мӗшӗнче, 101 ҫул тултарнӑ. Вӑл 2023 ҫулта нумай ачаллӑ ҫемьере ҫуралнӑ. 17 ҫулта чухне вӑл окоп чавма кайнӑ, вӑрманта вутӑ хатӗрленӗ. Вӑрҫӑ хыҫҫӑн вӑл шкклта ачасене 10 ҫул вӗрентнӗ, кайран тивеҫлӗ канӑва тухиччен библиотекарьте вӑй хунӑ. Юлия вӑрҫӑра пулнӑ Александр Чумышевпа ҫемье ҫавӑрнӑ, Тӗмерте тӗпленнӗ. Вӗсем 3 ача ҫуратнӑ. Халӗ кинемей 7 мӑнукпа, 7 кӗҫӗн мӑнукпа савӑнса пурӑнать. Хыпар ҫӑлкуҫӗ:
|
|
Персона
 cheb.ws сӑнӳкерчӗкӗ Шупашкарти урамсенчен пӗрне Василий Димитриев ятне парӗҫ. Юпа уйӑхӗнче хулара урамсене ят парас енӗпе ӗҫлекен комисси ларӑвӗ иртнӗ. Василий Димитриевич историк ячӗпе Калинин урамӗпе Грязевская стрелкӑна ҫыхӑнтаракан урам хисепленсе тӑрӗ. Василий Димитриев – истори наукисен докторӗ, профессор, РСФСР наукӑсен тава тивӗҫлӗ ӗҫченӗ, СССР Наукӑсен академийӗн археографи комиссийӗн пайташӗ. Хыпар ҫӑлкуҫӗ:
|
|
Персона
 cap.ru сӑнӳкерчӗкӗ Паян, чӳк уйӑхӗн 3-мӗшӗнче, Тӑван ҫӗршывӑн аслӑ вӑрҫине хутшӑннӑ Зинаида Канова 100 ҫул тултарнӑ. Хӗрарӑм Мӑкшӑ Республикинчи Ардат районӗнчи Смольково ялӗнче ҫуралса ӳснӗ, 1941 ҫулта Улатӑр хулинче 10 класран вӗренсе тухнӑ. Кайран ӑна ытти ҫамрӑкпа пӗрле окоп чавма илсе кайна. 1942 ҫулта вара ҫара илнӗ. Зинаида Серпухов хулинче радиста вӗреннӗ. Каярахпа Вӑл Горький хулинче (паян Чулхула) асла класла радист пулма пӗлӳ илнӗ. Вӑрҫӑ вӑхӑтӗнче Зинаида Васильевна Украинӑри I-мӗш фронтра пулнӑ, Берлина ҫитнӗ. Тӑван тӑрӑха ефрейтор званийӗпе таврӑннӑ. Вӑрҫӑ хыҫҫӑн Зинаида Васильевна Шупашкарти кулинари училищинчен вӗренсе тухна. Нумай ҫул хушши вӑл суту-илӳре ӗҫленӗ. Иртнӗ ӗмӗрӗн 70-мӗш ҫулӗсенче пурнӑҫ ӑна Магадан хулине илсе кайнӑ. Кайран Зинаида Васильевна Шупашкар хулине куҫса килнӗ. Зинаида Конова икӗ хӗр ҫитӗнтернӗ, унӑн тӑватӑ мӑнук, икӗ мӑнук тата икӗ мӑнук пур. Хыпар ҫӑлкуҫӗ:
|
|
Персона
 cheb-centr.soc.cap.ru сӑнӳкерчӗкӗ Шупашкарта кун кунлакан Валентина Николаевнӑпа Иван Дмитриевич 64 ҫул пӗрле пурӑнаҫҫӗ. Вӗсем ҫирӗп ҫемье ҫавӑрнӑ, виҫӗ ача ӳстернӗ, халӗ 11 мӑнукпа, 6 кӗҫӗн мӑнукпа сӑвӑнаҫҫӗ. Валентина Николаевна бухгалтерта ӗҫленӗ, Иван Дмитриевич тракторист пулнӑ. Мӑшӑр халӗ те ӗҫсӗр лармасть, качакасем тытаҫҫӗ, пахчара кӑштӑртатаҫҫӗ. Хыпар ҫӑлкуҫӗ:
|
-1.7 °C