Зотовсен архивӗнчи сӑн

Вӑрнар округӗнчи Кульцав ялӗнче пурӑнакан Александр Ивановичпа Галина Николаевна Зотовсем ылтӑн туя паллӑ тунӑ.

Александр Иванович салтакра пулнӑ хыҫҫӑн тӑван ялне таврӑннӑ, Ленин ячӗллӗ колхозра водительте ӗҫленӗ. Кунтах юратӑвне тӗл пулнӑ вӑл. Каччӑ ял хуҫалӑх институтӗнче зооинженери факультетӗнче ӑс пухнӑ, профком председателӗ пулнӑ. Галина Николаевна чылай ҫул вырӑнти депутат пулнӑ.

Зотовсем ывӑлпа хӗр ӳстернӗ. Халӗ вӗсем виҫӗ мӑнукӗпе, пӗр кӗҫӗн мӑнукӗпе савӑнса пурӑнаҫҫӗ.

culture.cap.ru сӑнӳкерчӗкӗ

Ыран, авӑн уйӑхӗн 5-мӗшӗнче, Чӑваш Енре Андриян николаев ҫуралнӑранпа 95 ҫул ҫитнине халалласа мероприятисем иртӗҫ.

Сӗнтӗрвӑрри районӗнчи Шуршӑлта ҫуралса ӳснӗ Андриян Николаев — икӗ хут Совет Союзӗн Геройӗ, СССР летчик-космонавчӗ, авиацин генерал-майорӗ, Чӑваш Республикин хисеплӗ ҫынни.

Паян пирӗн тӑрӑха Ярославль ҫӗрӗ ҫинчи хӑнасем килсе ҫитнӗ. Вӗсем В.В. Терешкован «Космомс» музейӗн директорӗ Игорь Зуб тата РФ Патшалӑх Думин дептучӗн В.В. Терешкован пулӑшуҫи Кира Крайнова.

Ҫавӑн пекех пирӗн тӑрӑха Раҫҫей Федерацийӗн Геройӗ, Раҫҫейӗн лётчик-космонавчӗ Сергей Авдеев килсе ҫитӗ.

cap.ru сӑнӳкерчӗкӗ

Чӑваш Республикин ветеринари лабораторийӗн Патӑрьелти уйрӑмӗн пуҫлӑхӗ Людмила Ефимова ветеринар профессине ӑнсӑртран суйласа илнӗ. Ҫав ӑсталӑха алла илес тесе вӑл 8 ҫул вӗреннӗ.

Хӗрарӑм ӗнентернӗ тӑрӑх, ӗҫе вӑл яланах тӑрӑшса пурнӑҫлама тӑрӑшнӑ. 1988 ҫулта ветеринар врачӗнчен – химик-токсикологран пуҫласа Патӑрьел тӑрӑхӗнчи ветеринари уйрӑмӗн пуҫлӑхӗ таран карьера картлашкипе улӑхнӑ.

Патшалӑхӑн ветеринари службин эпизоотипе кӗрешекен службипе тӗрлӗ эпидемипе кӗрешет. Выльӑха сыватни чуна савӑнтарать тесе ӗнентерет.

cheb-centr.soc.cap.ru сайтран илнӗ сӑнӳкерчӗк

Шупашкар округӗнчи Аркасси ялӗнче ҫуралса ӳснӗ Серафима Филипповна Алексеева 100 ҫул тултарнӑ. Ӑна саламлама вырӑнти тӳре-шара та ҫитнӗ. Вӗсем юбиляра парнесем, РФ Президенчӗн Владимир Путинӑн саламлӑ открыткине панӑ.

Серафима Филипповна мӗн ачаран тухтӑр пулма ӗмӗтленнӗ. Амӑшӗ чирлени, вӑрҫӑ вӑхӑтӗнче аманнӑ салтаксене пулӑшас килни ҫак туртӑма тата вӑйлатнӑ. Шупашкарта медсестрасен курсне уҫсан вӑл тӳрех унта ҫырӑннӑ.

Вӑрҫӑ хыҫҫӑн ҫамрӑк медсестра стоматологи пӳлӗмӗнче ӗҫленӗ, унтан эндокринологи диспансерне куҫнӑ. Унта аслӑ медсестра пулнӑ.

Виталий Станьял страницинчен илнӗ сӑнӳкерчӗк

Чӑваш Енри таврапӗлӳҫӗсенчен пӗри, журналист, кинематографист, мультипликатор, Чӑваш художникӗсен союзӗн пайташӗ Владимир Галошев краеведени енӗпе паллӑ утӑм тунӑ. Кун пирки Виталий Станьял ӑсчах халӑх тетелӗнчи хӑйӗн страницинче пӗлтернӗ.

Владимир Галошев «Россия – это мы» (чӑв. Раҫҫей — вӑл эпир) ярӑмпа тӑван ял тӑрӑхенчи ялсем ҫинчен кӗнке кӑларнӑ.

Елчӗкпке Тӑвай Пӑли тӑрӑхӗнчи ялсене Владимир Петровичӑн тӑван ялӗ Кушкӑ, юнашарти Аслӑ Пӑла Тимеш, ҫурҫӗр енчи Питтӗпел, Кивӗ Эйпеҫ, Кавал, Исемпел, кӑнтӑр енчи Энтепе, Ҫӗнӗ Арланкасси, Арланкасси, Сӑръель ялӗсем кӗреҫҫӗ иккен.

mintrud.cap.ru сӑнӳкерчӗкӗ

Чӑваш Енӗн ӗҫ тата социаллӑ хӳтлӗх министрӗ Алёна Елизарова республикӑра пурӑнакансен ыйтӑвне тӗнче тетелӗнче хуравлӗ. Министр нумай ачаллӑ ҫемьесене паракан тӳлевсем пирки уҫӑмлатса парӗ. Укҫана шкула каймалли тум, спорт тумтирӗ туянма параҫҫӗ.

Ун пек пулӑшӑва камсене кӳреҫҫӗ? Компенсаци илес тесен мӗн тумалла? Мӗнле документсем кирлӗ? Министр пур ыйтӑва та хуравлӗ.

Министр халӑхпа уҫӑ эфира ыран, ҫурла уйӑхӗн 29-мӗшӗнче, 10 сехетре «Контактра» эфира тухӗ.

"Контактри" сӑн

Ҫамрӑк ӳнерҫӗ Надежда Баранкина тӑван хулине, Улатӑра, хӑйӗн ӳкерчӗкӗсемпе илем кӳрет. Ӳкересси уншӑн чун киленӗҫӗ кӑна мар, професси те.

Надежда унпа шкуланпах кӑсӑкланать. Вӑл педколледжра вӗренсе рисовани учителӗн специальноҫне илнӗ. Унтан И.Я.Яковлев ячӗллӗ Чӑваш патшалӑх педагогика университетӗнче интерьер дизайнерӗн дипломне илнӗ.

Халӗ Надежда «Ника» ҫемье аталанӑвӗн центрӗнче «Акварелька» студие ертсе пырать, Улатӑрти ача-пӑча ӳнер шкулӗнче вӗрентет. Пушӑ вӑхӑтра вара ҫуртсен стенисем ҫине ӳкерет.

Типшӗм Сашук страницинчен илнӗ сӑнӳкерчӗк

Ӗнер, ҫурла уйӑхӗн 26-мӗшӗнче, чӑваш эстрадин паллӑ артисчӗ Типшӗм Сашук 50 ҫул тултарнӑ.

Пултаруллӑ сцена ӑсти Елчӗк районӗнчи Элекҫей Тимеш ялӗнче ҫуралнӑ. Саша — тӑван ҫӗршыва, тӑван кӗтесне, чӑваш халӑхне юратакан ҫын пулни унӑн юррисенче те сисӗнет. Вӑл чӑваш эстрадине музыкӑн рэп енне илсе килчӗ. Пӗрремӗш юррине вӑл 17-ре ҫырнӑ. Унӑн ячӗ 2000-мӗш ҫулсенче халӑхра сарӑлма пуҫларӗ.

Пултаруллӑ артист паян — икӗ ача ашшӗ, спортпа туслӑ. Пултарулӑхӗ вара унчченхиллех тапса тӑрать.

t.me/chebcentr21 сӑнӳкерчӗкӗ

Паян, авӑн уйӑхӗн 22-мӗшӗнче, Чӑваш Республикин тава тивӗҫлӗ артисчӗ Андриян Павлов 75 ҫул тултарнӑ. Шупашкар хулинчи халӑхӑн социаллӑ ыйтӑвӗсене тивӗҫтерекен комплекслӑ центрӗнче ӑна ҫав ятпа саламлама унпа хӑй вӑхӑтӗнче ӗҫленисем, ҫывӑх тӑванӗсем пуҫтарӑннӑ.

Андриян Павлов Чӑваш патшалӑх академи драма театрӗнче ӗҫленӗ, Ҫеҫпӗл Мишши ячӗллӗ патшалӑх премийӗн лауреачӗ, Сӗнтӗрвӑрри районӗн хисеплӗ ҫынни.

cap.ru сайтри сӑн

Шупашкарта пурӑнакан ветеран Леонид Егоров 100 ҫул тултарнӑ. Ӑна юбиляйпе саламлама тӳре-шара та килнӗ.

Леонид Иванович Мари Элте ҫуралнӑ. 10-мӗш класс хыҫҫӑн вӑл ҫар-инженери училищине вӗренме кӗнӗ. Тӑван ҫӗршывӑн Аслӑ вӑрҫи вӑхӑтӗнче вӑл баржӑсем пушатнӑ, ҫар госпиталӗнче разнорабочире ӗҫленӗ. 1942 ҫулта ӑна ҫар службине илнӗ, вӑл салтаксем валли казарма та тунӑ. 1962-2969 ҫулсенче Леонид Егоров стратеги пӗлтерӗшлӗ ракета ҫарӗсенче службӑра тӑнӑ. Пӗтӗмӗшле ӗҫ стажӗ унӑн – 40 ҫул ытла.