Чӑваш чӗлхин пултаруллӑ тӗпчевҫи тата ӑста вӗрентекенӗ, халӑх ӗҫӗн хастарӗ Василий Алексеевич Андреев ҫак уйӑхра утмӑл пиллӗк тултармаллаччӗ. Анчах синкерлӗ шӑпа ӑна ҫак ӳсӗме ҫитме памарӗ. 2002 ҫулта, 41-ре чухнех, унӑн канӑҫсӑр чӗри тапма чарӑнчӗ. Хавас, уҫӑ кӑмӑллӑ, вӑйпитти ӗҫтешӗмӗр кӗтмен-туман ҫӗртен ку тӗнчерен кайрӗ...

Василий Андреев 1960 ҫулхи ҫурла уйӑхӗн пуҫламӑшӗнче Канаш районӗнчи Ешкилт ялӗнче ҫуралнӑ. Шуркасси вӑтам шкулӗ хыҫҫӑн Чӑваш патшалӑх университечӗн историпе филологи факультетӗнче тата Ленинград (хальхи – Санкт-Петербург) университечӗн Хӗвелтухӑҫ факультетӗнче пӗлӳ илнӗ.

Кайран Хӗвелтухӑҫ факультетӗнчех аспирантурӑра вӗренме пуҫланӑ. Тӗрӗк филологийӗ кафедрин пуҫлӑхӗ С.Н. Иванов профессор унӑн ӑслӑлӑх ертӳҫи пулнӑ. Тӗпчев теми – чӑваш чӗлхинчи вӗҫленӳ категорийӗ. Василий Алексеевич тӑван чӗлхери падежсене ҫӗнӗлле хаклать, вӗсен семантикӑпа синтаксис енӗсене шайлаштарать, халиччен никам та асӑрхаман килӗшӳсене палӑртать.

Аспирантурӑра вӗреннӗ чухнех ҫамрӑк тӗпчевҫӗ Пӗтӗм тӗнчери алтаистика конференцийӗн (ПИАКӑн) Ташкентра иртнӗ сессине хутшӑнчӗ, «Чӑваш тата финн-угр чӗлхисенчи абессив (ҫуклӑх падежӗ)» темӑпа тухса калаҫрӗ.

Малалла...

Артём Ермолаев архивӗнчи сӑнӳкерчӗк

Чӑваш патшалӑх юрӑпа ташӑ ансамблӗн артисчӗ Артем Ермолаев Петрозаводска велосипедпа тухса кайнӑ.

Карелин тӗп хулине вӑл 18 кун хушши кайнӑ.

«Петрозаводска ҫитнишӗн савӑнни кӗҫех иртсе кайрӗ. Ҫур ҫул ӗмӗтленсе пурӑнни пурнӑҫа кӗчӗ. Малалла вара чуна савӑнтармалла ярӑнӑп», — тенӗ артист.

"Контактри" сӑн

Росгварди офицерӗ тухтӑра пулӑшнӑ. Шурӑ халатли ултавҫӑсене укҫа куҫарса пама тӑнӑ. Вӑл вара ӑна ултавҫӑ серепине лекесрен хӑтарнӑ.

Ҫав кун полици подполковникӗ Гузель Кириллова больницӑна тӑванӗ патне килнӗ. Шӑпах ҫав вӑхӑтра тухтӑр телефонпа такампа калаҫнӑ, ӑна инвестици хывса укҫа ӗҫлесе илме сӗннине илтнӗ. 58 ҫулти хӗрарӑм 9 пин тенкӗ куҫарса пама ӗлкӗрнӗ те иккен.

Гузель тухтӑр ултавҫӑпа калаҫнине ӑнлантарма тӑрӑшнӑ. Анчах хӗрарӑм ӑна ӗненмен. Вара подполковник больницӑри хуралҫа чӗнсе тухтӑрӑн телефонне туртса илнӗ.

«Мисс Туризм Крыма» сӑнӳкерчӗкӗ

Шупашкарти Анна Павлова медсестра Крымра иртнӗ илем конкурсӗнче ҫӗнтернӗ.

«Крымри туризм мисӗ» конкурс Азов тинӗсӗн сулахай ҫыранӗн хӗрринче вырнаҫнӑ «Riga Village Resort» хӑна ҫуртӗнче иртнӗ.

Анна Павлова малтан топ-10 ушкӑна лекнӗ, унтан гран-прие ҫӗнсе илсе 450 000 пин тенкӗ укҫана.

23-ри хӗр Шупашкарти медицина колледжӗнчен вӗренсе тухнӑ, халӗ Чӑваш патшалӑх университетӗнче пиллӗкмӗш курсра вӗренет. Вӑл акушер-гинеколог пулма ӗмӗтленет. Вӗреннӗ вӑхӑтра Шупашкарти перинаталь центрӗнче медсестрара тӑрӑшать.

Алена Силпи архивӗнчи сӑнӳкерчӗк

Алена Силпи пиллӗкмӗш хут анне пулнӑ. Ку хыпара эпир «Урал сасси» хаҫат халӑх тетелӗнче хыпарлани тӑрӑх пӗлтӗмӗр.

«Ҫурла уйӑхӗн 6-мӗшӗнче пирӗн ентеш, Авӑркас тӑрӑхӗнчи Юламан ялӗнче ҫуралса ӳснӗ Алена Силпи эстрада ҫӑлтӑрӗ пиллӗкмӗш ача ҫуратнӑ. Арҫын ача ирхине 7.54 сехетре ҫут тӗнчене килнӗ, унӑн йывӑрӑшӗ – 4210 грамм, ҫӳллӗшӗ – 56 см. Кун пирки юрӑҫ хӑйӗн социаллӑ ушкӑнӗсенче пӗлтернӗ», — хыпарланӑ «Урал сасси».

cap.ru сайтри сӑн

«Элара» савутӑн тӗп директорӗн ҫумне, Чӑваш Енӗн экс-премьерне Наталия Партасовӑна II степень «Тӑван ҫӗршыв умӗнчи тава тивӗҫлӗ ӗҫсемшӗн» орден медалӗпе чысланӑ.

Нумаях пулмасть ЧР Элтеперӗ Олег Николаев савутра пулнӑ. Шӑпах ҫавӑн чухне вӑл ӑна наградӑна панӑ.

Сӑмах май, 2020 ҫулта Наталия Юрьевна «Чӑваш Республики умӗнчи тава тивӗҫлӗ ӗҫсемшӗн» ордена тивӗҫнӗ. Ҫав ҫулах вӑл Шупашкарӑн хисеплӗ ҫынни пулса тӑнӑ.

«Раҫҫей 1» телеканалпа пыракан «Привет, Андрей!» кӑларӑмра Сӗнтӗрвӑрри округӗнчи Надежда Пиолипинкӑна кӑтартнӑ. Вӑл Давид Тухмановӑн «Белый танец» юррине шӑрантарнӑ.

Кун хыҫҫӑн Надежда округри «Наше слово» хаҫата иртервью панӑ, кӑларӑмра ӳкерӗнни мӗнле иртни пирки каласа кӑтратнӑ. Сцена валли 5 минут уйӑрса панӑ. Надежда каланӑ тӑрӑх, вӗсене ӑҫта тӑмалли, кадртра хӑйсене мӗнле тытмалли, мӗн каламалли пирки ӑнлантарса панӑ.

Надежда пултарулӑх ушкӑнне юрлама ҫӳрет. Шӑпах ку ӑна камера умӗнче хӑйне лӑпкӑ тытма пулӑшнӑ та.

«Чеб.ру» сайтри сӑн

ЧР строительство министрӗ пулнӑ Александр Героева «Чӑваш Республикин тава тивӗҫлӗ строителӗ» хисеплӗ ят панӑ. Халӗ вӑл «Строительство управленийӗ-29» тулли мар яваплӑ обществӑн тӗп директорӗ.

48 ҫулти Александр Героев ЧР Строительство министерствине 2020 ҫулхи нарӑсӑн 10-мӗшӗнчен пуҫласа 2021 ҫулхи пушӑн 22-мӗшӗччен ертсе пынӑ. Унччен вӑл Шупашкарти «Ҫӗнӗ хула» микрорайона тӑвакан «Иско-Ч» компанин тӗп директорӗ пулнӑ. Министр должноҫӗнчен вӑл хӑйӗн ирӗкӗпе кайнӑ.

Ун хыҫҫӑн строительство министрӗ Павел Данилов, Михаил Коледа пулнӑ, халӗ — Владимир Максимов.

"Контактри" сӑн

Чрваш Енре пурӑнакан Мария Рытова 102 ҫул тултарнӑ.

Вӑл Канаш районӗнчи Шаккӑл ялӗнчӗ ҫуралса ӳснӗ. Ҫамрӑклӑхӗ вӑрҫӑ вӑхӑтӗнче иртнӗ: Мария Петровна окоп чавнӑ, вӑрман каснӑ, Хусан чукун ҫулне тунӑ ҫӗрте йывӑр чулсем турттарнӑ.

1945 ҫулхи ҫу уйӑхӗнче ӑна фронтран таврӑннӑ Иван Рытов асӑрханӑ, кӗҫех ҫамрӑксес ҫемье ҫавӑрнӑ. Мария Петровнӑпа Иван Кузьмич 6 ача ӳстернӗ.

Халӗ кинемейӗн – 11 мӑнук. Тата кӗҫӗн мӑнукӗсемпе вӗсен ачисем пур.

Лариса Петрова архивӗнчи сӑн

Ҫамрӑк сӑвӑҫ Лариса Петрова «Туслӑх кӗперӗсем» поэзи тата поэзи куҫарӑвӗсен Пӗтӗм тӗнчери ҫамрӑксен конкурсӗн финалне лекнӗ.

Унта Раҫҫейри, Беларуҫри, Казахстанри, Израильти, Кӑркӑсстанри, Арменири, Польшӑри, Канадӑри поэтсем хутшӑннӑ. Палӑртмалла: Лариса Петрова ку конкурса пӗрремӗш хут хутшӑнмасть. Пӗлтӗр вӑо жюрин ятарлӑ парнине — «Тӑван чӗлхене аталантарнӑшӑн» диплома — тивӗҫнӗ.

Каласа хӑварар: Лариса Петрова Хӗрлӗ Чутай округӗнчи Чурпай ялӗнче ҫуралнӑ.