«Контактри» сӑн

Чӑваш патшалӑх пукане театрӗн артисчӗ Артем Барабанов ТНТ каналпа кӑтартакан «СашаТаня» камитлӗ сериалта ӳкерӗннӗ.

Пирӗн ентеше 10-мӗш сезонри 26-мӗш серири эпизодри рольте курма пулать. Палӑртса хӑварар: Артем Шупашкар хулинче пурӑнать, Чӑваш патшалӑх пукане театрӗнче 10 ҫул ӗҫлет. Ку таранччен вӑл 30 ытла роле калӑпланӑ. Куракансем ӑна ытларах «Карлсон», «Муму» тата «Ночь перед Рождеством» спектакльсенчи рольсем тӑрӑх пӗлеҫҫӗ.

Вӑхӑтӑн-вӑхӑтӑн Артем Мускава ӳкерӗнме ҫӳрет. Халӗ ав унӑн фильмографийӗнче Раҫҫейре пысӑк рейтинг ҫӗнсе илнӗ проектсенчен пӗри пур.

#фильмсем, #Пукане театрӗ, #артистсем, #Мускав, #Шупашкар