|
Культура
 Чӑваш академи драма театрӗн сӑнӳкерчӗкӗ Кӑрлач уйӑхӗн 23-мӗшӗнче Чӑваш академи драма театрӗн сцени ҫине «Хуркайӑк ҫулӗ» спектакль тухӗ. Ӑна Чингиз Айтматовӑн «Материнское поле» повеҫӗ тӑрӑх лартнӑ. Театрта пӗлтернӗ тӑрӑх, «спектакль Чӗкеҫ сӑнарӗ урлӑ вӑрҫӑ нушине тӳссе ирттернӗ ӑрӑвӑн синкерлӗ шӑпи ҫинчен каласа парать. Мӑшӑрӗпе виҫӗ ывӑлне вӑрҫӑран кӗтсе илеймен хӗрарӑм хирте Ҫӗр-аннепе калаҫса чунне уҫать… Ун сассинче – мӗнпур амӑшӗн чун ыратӑвӗ, ҫирӗплӗхпе аптраманлӑх, вилӗме ҫӗнтерсе йӑл илекен пурнӑҫ». Хыпар ҫӑлкуҫӗ:
|
|
Культура
 «Контактри» сӑн К.В.Иванов ячӗллӗ Чӑваш патшалӑх драма театрӗнче чӑваш драматургӗсем валли вӗренӳ курсӗсем пуҫланнӑ. Вӗренӳ курсне чӑваш драматургӗсен ӑсталӑхне ӳстерес, театрсен репертуарне ҫӗнетес тӗллевпе йӗркеленӗ. Ӗнер, кӑрлачӑн 4-мӗшӗнче, «Драматурги теорийӗ тата практика» программа старт илнӗ. Унта Чӑваш Енри, Тутарстанри, Чемпӗрти режиссерсем, драматургсем, литераторсем, ҫыравҫӑсемпе журналистсем хутшӑнаҫҫӗ. Занятисене опытлӑ экспертсем ертсе пыраҫҫӗ: Раҫҫей драматургӗ Ольга Мухина (Максимова), Евгений Вахтангов ячӗллӗ театрӑн «Вахтанговец» хаҫатӑн тӗп редакторӗ Валентина Федорова, пушкӑрт театрӗн режиссерӗ Ильмар Альмухаметов. Хыпар ҫӑлкуҫӗ:
|
|
Культура
 vk.com/club211725618 сӑнӳкерчӗкӗ Чӑваш Енри калем ӑстисем кӑҫал та литература ёлкине пуҫтарӑнӗҫ. Вӑл Шупашкарти Хусанкай урамӗнче вырнаҫнӑ Халӑхсен туслӑхӗн ҫуртӗнче кӑрлач уйӑхӗн 10-мӗшӗнче 11 сехетре пуҫланӗ. Кун пек ёлкӑна пирӗн республикӑра кӑҫалхипе ҫиччӗмӗш хут ирттереҫҫӗ. Унта поэтсем, писательсем, музыкантсем пуҫтарӑнӗҫ. Вӗсем иртсе кайнӑ ҫула пӗтӗмлетӗҫ, кӑҫалхи плансене палӑртӗҫ, сӑвӑсем вулӗҫ, юрӑсем юрлӗҫ. Хыпар ҫӑлкуҫӗ:
|
|
Культура
 «Контактри» сӑн Ӗнер Комсомольски округӗнчи Урмаел ялӗнче тӗплӗ юсав хыҫҫӑн культура керменӗ савӑнӑҫлӑ лару-тӑрура уҫӑлнӑ. Унта округ пуҫлӑхӗ Николай Раськин, ЧР культура министрӗн ҫумӗ Татьяна Казакова, округ депутачӗсем, ял ҫыннисем хутшӑннӑ. Халӗ культура ҫурчӗ хӑтлӑ та тирпейлӗ. Унта кружоксем йӗркелеме пӗтӗм услови пур. Ҫитес вӑхӑтра вара унта кинозал уҫма палӑртнӑ. Ҫӗнелнӗ культура ҫурчӗ уҫӑлни ял ҫыннисемшӗн кӑна мар, пӗтӗм округшӑн савӑнӑҫ пулнӑ. Хыпар ҫӑлкуҫӗ:
|
|
Культура
 Чӑваш Енӗн Культура министерствин видеовӗнчен илне сӑнӳкерчӗк Шупашкарти А. Барто ячӗллӗ ача-пӑча вулавӑшне юсаса ҫӗнетнӗ хыҫҫӑн савӑнӑҫлӑ лару-тӑрура уҫнӑ. Тӗслӗхлӗ вулавӑшсенчен вӑл Шупашкарта тӑваттӑмӗш иккен, республикӑра вара — хӗрӗхмӗш. Юсаса ҫӗнетнӗ вулавӑша уҫма РФ Патшалӑх Думин депутачӗ Алла Салаева, Чӑваш Енри хӗрарӑмсен канашӗн председателӗ Наталья Николаева тата ыттисем пырса ҫитнӗ, вӗсем хавхаланса нумай хитре сӑмах каланӑ. Хыпар ҫӑлкуҫӗ:
|
|
Культура
 chuvdram.ru сайтри сӑн Ӗнер, раштавӑн 27-мӗшӗнче, К.В.Иванов ячӗллӗ Чӑваш патшалӑх академи драма театрӗнче Ҫӗнӗ ҫул премьери пулнӑ. Вӑл «Ҫӗнӗ ҫул мыскари» ятлӑ. Спектакль-концертра режиссер хӑйӗн Ҫӗнӗ ҫул хичӗ валли ҫӑлтӑр шырать. Артистсем вара тӗп рольшӗн кӗрешеҫҫӗ. Куракансем те «кастинга» хутшӑннӑ. Сцена ҫинче юра-ташӑ хуҫаланнӑ. Сенкер фойере вара хӑнасене Хӗл Мучипе Юр пике кӗтсе илнӗ. «Ҫеҫпӗл» ансамбль солисчӗсем уяв каҫне хӑйсен юррисемпе илемлетнӗ. Хыпар ҫӑлкуҫӗ:
|
|
Культура
 poretskoelibrary.ru сайтри сӑн Чӑваш Енри 6 театр ЧР Элтепер грантне тивӗҫӗҫ. Вӗсем валли пӗтӗмпе 18 миллион тенкӗ уйӑрӗҫ. Чӑваш патшалӑх академи юрӑпа ташӑ ансамбльне «Песнь о Земле, что рождала Мужество...» театрализациленӗ концерт программине пурнӑҫлама 5 млн тенкӗ парӗҫ. Вырӑс патшалӑх драма театрӗ те «Маскарад» спектакле лартма ҫавӑн чухлех гранта тивӗҫнӗ. Чӑваш патшалӑх пукане театрӗ «Интерактивный петрушечный театр «Легенды народов России» проекта пурнӑҫлама 3 млн тенке тивӗҫнӗ. Чӑваш патшалӑх филармонийӗ те «Звучащая древность Чувашии» концерт-спектакль лартма 3 млн тенкӗ илӗ. Чӑваш патшалӑх сӑнав театрӗ «Что такое хорошо и что такое плохо» спектакле сцена ҫине кӑларма 1 млн тенке тивӗҫнӗ. Ҫамрӑксен театрӗ те ҫавӑн чухлех грант илӗ, унпа «Юнпа пӗвеннӗ хӗвел» спектакль лартӗҫ. Хыпар ҫӑлкуҫӗ:
|
|
Культура
 vk.com/chgign сӑнӳкерчӗкӗ Чӑваш патшалӑх гуманитари ӑслӑлӑхӗсен институчӗ «Национальные картины мира в литературах народов Волго-Уралья» Пӗтӗм Раҫҫейри ӑслӑлӑхпа практика конференцийӗн материалӗсене пӗр ҫӗре пухса пичетленӗ. Ҫеҫпӗл Мишши ҫуралнӑранпа 125 ҫул ҫитнине халалланӑ ҫав мероприятие 100-е яхӑн ученӑй-гуманитари, преподаватель, аспирант, магистр хутшӑннӑ. Вӗсем ҫӗршывӑн тӗрлӗ регионӗнчен: Мускавран, Хусантан, Ӗпхӳрен, Ижевскран, Глазовран, Саранскран, Йошкар-Оларан, Сыктывкартан, Воронежран, Мурманскран, Ханты-Мансийскран, Элистаран, Якутскран тата, паллах, Шупашкартан пулнӑ. Хыпар ҫӑлкуҫӗ:
|
|
Культура
 «Контактра» халӑх тетелӗнчи сӑн Шӑмӑршӑра пурӑнакансем халӗ пысӑк экран ҫинче кино курма пултараҫҫӗ. Ҫак кунсенче унта кинозал уҫӑлнӑ. Вӑл Шӑмӑршӑри культура керменӗнче вырнаҫнӑ. Ӑна уҫнӑ кун «Август» ятлӑ кино кӑтартнӑ. Палӑртмалла: шкул ачисем тата студентсем унта фильмсене «Пушкин карттипе» пӑхма пултараҫҫӗ.<s></s> |
|
Культура
 Виталий Михайлов страницинчен илнӗ сӑнӳкерчӗк Янкас ячӗллӗ литературӑпа искусство тата культура пӗрлӗхӗн «Чӑвашлӑха аталантарнӑшӑн» медалӗпе кӑҫал Нумай ҫул хушши муниципалитетӑн хӑй тытӑмлӑх органӗсенче тӳрӗ кӑмӑлпа тӑрӑшса ӗҫленӗшӗн Яманакри вулавӑш ӗҫченне Галина Ефимовӑна чыслама йышӑннӑ. Медале ӑна «нумай ҫул хушши муниципалитетӑн хӑй тытӑмлӑх органӗсенче тӳрӗ кӑмӑлпа тӑрӑшса ӗҫленӗшӗн, округри культурӑпа искусствӑна аталантарас ӗҫре уйрӑмах палӑрнӑшӑн, тӑван тавралӑх туризмӗпе тараватлӑх сферине аталантарнӑшӑн, вырӑнти шыв арманӗн кун-ҫулне упраса туристсем валли пуян информациллӗ экскурсисем ирттернӗшӗн» парас тенӗ. Хыпар ҫӑлкуҫӗ:
|
-11.7 °C