like29.ru сайтри сӑн

Чӑваш Енре кӑшӑлвируспа чирленӗ ҫынсен 54 проценчӗ сывалнӑ. Атӑлҫи федераци округӗнчи ытти регионпа танлаштарсан, ку питӗ сахал, ҫавна май пирӗн республика ку енӗпе юлашки вырӑн йышӑнать. Чӑваш Енре 6310 ҫын инфекциленнӗ, 3405 пациент сывалнӑ.

Самар облаҫӗнче те ку кӑтарту пӗчӗк шутланать. Унта чирленисен 63 проценчӗ сывалнӑ. Саратов облаҫӗнче инфекциленнисен 57 проценчӗ вируса парӑнтарнӑ.

Киров облаҫӗнче кӑшӑлвируспа чирлисен 92 проценчӗ сывалнӑ. Пенза облаҫӗпе Мари Элта та ку енӗпе кӑтартусем лайӑх: 87 процент тата 84 процент. Пӗтӗмӗшле илсен, Атӑлҫи тӑрӑхӗнче кӑшӑлвируспа чирленисен 72 проценчӗ сывалнӑ.

Шупашкарта ку пӑтӑрмах виҫӗмкун, утӑ уйӑхӗн 20-мӗшӗнче ирхине пулса иртнӗ. 30 ҫулти вӑйпитти миравай судьясен Калинин районӗнчи 7-мӗш номерлӗ участокӗн чӳречине кӗленчепе пенӗ. Ҫакна асӑрхасан суд приставӗ арҫынна асӑрхаттарма тӑнӑ, вӑл ӑна пуҫтахланма юраманни пирки асӑрхаттарнӑ.

Ҫамрӑк арҫын хӑй айӑпне йышӑнас вырӑнне тавлашма тытӑннӑ. Вӑл хӑйӗн ҫумӗнче ҫӗҫӗ пуррипе курнӑҫланнӑ, суд приставне унпа хӑратма хӑтланнӑ. Апла пулин те пакунли шикленсе ӳкмен, пуҫтаха тытса чарнӑ.

Суд приставӗпе чӗрре кӗнӗ арҫын тӗлӗшпе РФ Следстви комитечӗн Чӑваш Енри управленийӗн тӗпчевҫисем пуҫиле ӗҫ пуҫарнӑ. Вӗсем пӑтӑрмах сӑлтавне палӑртӗҫ, тивӗҫлӗ йышӑну тӑвӗҫ.

rb7.ru сайтри сӑн

Канаш районӗнче пурӑнакан 25 ҫулти арҫын тӗлӗшпе приговор янӑранӑ. Суд ӑна 200 сехет ӗҫлеттермелле тунӑ.

Следстви палӑртнӑ, суд ҫирӗплетнӗ тӑрӑх, ҫак арҫын пӗлтӗр раштав уйӑхӗнче савни пулнӑ хӗрарӑмӑн сӑнӳкерчӗкӗсене халӑх тетелӗнче унран ирӗк ыйтмасӑрах ӗҫтешӗсем патне янӑ, унта унӑн харпӑр пурнӑҫне пырса тивекен япаласем пулнӑ.

Арҫынна РФ Уголовлӑ кодексӑн 137-мӗш статйипе килӗшӳллӗн айӑпланӑ. Суд кӑларнӑ приговор хальлӗхе вӑя кӗмен-ха.

cap.ru сайтри сӑн

Патӑрьел районӗнчи Турхан ял тӑрӗхӗнчи нимеҫӗсем ватӑ хӗрарӑма кӑмака тума пулӑшнӑ. Кинемей валли ҫуралнӑ кун тӗлне питӗ лайӑх парне пулнӑ ку.

Любовь Дубинина 85 ҫулта, пӗчченех пурӑнать. Нимеҫӗсем унӑн килне тирпейлеме пулӑшнӑ, лаҫри юрӑхсӑр кӑмакана пӑсса ҫӗнӗрен купаланӑ. Ҫуралнӑ кун ячӗпе вара чечек те парнеленӗ.

Ачасем кивӗ кӑмакана пӑснӑ, ҫырмара тӑм тупнӑ, унтанах хӑйӑр йӑтнӑ. Инструментсене килтсен илсе килнӗ. 85 ҫулхи юбилейпе питӗ чаплӑ парне пулнӑ. Любовь Дубинина каланӑ тӑрӑх, ун пек хӑйне евӗр парне пурнӑҫӗнче курман вӑл.

Раҫҫей Следстви комитечӗн Чӑваш Енри управленийӗн тӗпчевҫисем Йӗпреҫ поселокӗнче пурӑнакан 33 ҫулти арҫын тӗлӗшпе пуҫиле ӗҫ пуҫарнӑ. Усалскер ывӑлне хӗненӗ, арӑм пулнӑ хӗрарӑма вӗлерессипе хӑратнӑ. Арҫынна РФ Пуҫиле кодексӗн 117-мӗш статйин 2-мӗш пайӗн «г» пункчӗпе (ҫул ҫитмен ачана пӗрмай хӗненӗшӗн) тата 119-мӗш статьян 1-мӗш пайӗпе (вӗлерессипе хӑратнӑшӑн) айӑплама пултараҫҫӗ.

Тӗпчевҫӗсем палӑртнӑ тӑрӑх, кӑҫалхи ака уйӑхӗнче усӗр арҫын 10 ҫулти ывӑлне темиҫе те хӗненӗ. Ачана амӑшне хӳтӗленӗ, ҫавӑншӑн ӑна ашшӗ хӗненӗ.

Ака уйӑхӗн 26-мӗшӗнче ӳсӗр арҫын хӑйӗн арӑмне (унпа вӗсем уйрӑлнӑ, анчах пӗрле пурӑннӑ) вӗлерессипе хӑратнӑ. Ӑна ҫӳҫӗнчен ярса илсе пуҫӗпе стенана ҫапнӑ. Унсӑр пуҫне тапса ҫапса пӗтернӗ. Урайне ӳкернӗ хыҫҫӑн вӑл ӑна пӑвма пуҫланӑ, вӗлерессипе хӑратнӑ.

Ҫӗнӗ Шупашкар хулинчи стоматологи поликлиникинче кӑҫал ӗҫе кӳлӗннӗ ҫамрӑк специалиста, Никита Новокрещенова, халӑх халех килӗштерет. «Питӗ лайӑх, тимлӗ, ылтӑн стоматолог!» – ырланӑ, сӑмахран, ӑна шӑл кӑларттарма пынӑ В.П. Панина. Ҫамрӑк тухтӑра ӗҫтешӗсем те мухтаҫҫӗ. Терапи стоматологи уйрӑмӗн заведующийӗ Оксана Григорьева Никита Новокрещенова яваплӑ та талпӑнуллӑ специалист тес ехаклать.

Пульницӑра пӗлтернӗ тӑрӑх, каччӑ И.Н. Ульянов ячӗллӗ Чӑваш патшалӑх университетӗнчен вӗренсе тухнӑ. Хӗрлӗ дипломлӑ специалист, ординатор. Тӑршуллӑ Никита ЧПУн фармакологи, клиника фармакологийӗ тата биохими факультетӗнче те ӗҫлеме ӗлкӗрет. Унччен те вӑл хастарлӑхпа палӑрнӑ: ӑслӑлӑх конференцийӗсене хутшӑннӑ, тӗпчев ӗҫесем ҫырнӑ.

Пирӗн ҫршывра «Килте вӗренме пулӑш» социаллӑ программа пуҫарнӑ. Унӑн тӗллевӗ – шкул ачисене инҫет мел ҫыхӑнӑвӗпе вӗренме май туса парасси. Программӑна «Пӗрлӗхлӗ Раҫҫей» парти, РФ Ҫутӗҫ министерстви тата Стратеги аталанӑвӗн агентстви йӗркеленӗ.

Комсомольскинчи 1-мӗш вӑтам шкул вӗренсе пӗтернӗ Викентий Говорова паян РФ Патшалӑх Думин депутачӗ Алена Аршинова ноутбук парнеленӗ. Хӑй килсе ҫитеймен-ха. Алена Аршинова парнине тата вӑл ырӑ суннине Комсомольски районӗнчи Депутатсен пухӑвӗн депутачӗ Александр Абрамов тата Комсомольски ял тӑрӑхӗн пуҫлӑхӗ Мария Илларионова илсе ҫитернӗ. Вӗсем каччӑна депутат ноутбукне тыттарнӑ, пурнӑҫра ӑнӑҫу суннӑ.

Парӑма кӗрсен тухма йывӑр ҫав. Ҫӗмӗрле хулинче вырнаҫнӑ «Шумерлинские городские электрические сети» (чӑв. Ҫӗмӗрле хулинчи электричество сечӗсем) муниципалитетӑн унитарлӑ предприятийӗ 2012-2014 ҫулсенче пухнӑ парӑмсемпе паян кун та татӑлса пӗтеймест. Предприятин счечӗсене арестленӗ. Предприяти хӑйне панкрута кӑларма ыйтса суда тавӑҫпа тухнӑ. Тавӑҫ Чӑваш Енӗн Арбитраж судӗнче выртать.

Паян Ҫӗмӗрле хулипе районӗнче Чӑваш Ен промышленность тата энергетика министрӗн тивӗҫӗсене пурнӑҫлакан Сергей Лекарев пулнӑ. Вӑл вырӑнти тӳре-шарапа курнӑҫнӑ, маларах асӑннӑ МУПри лару-тӑрӑва сӳтсе явнӑ. Сергей Лекарев вырӑнти тӳре-шарапа унитарлӑ предприятийӗнчи лару-тӑрӑва татса памалли майсене тишкернӗ.

cap.ru сайтри сӑн

Паян ирхи 7 сехетре Канашра васкавлӑ медпулӑшу машини аварие лекнӗ хӗрарӑм патне кайма тухнӑ. Анчах вырӑна ҫитеймен – хӑй те аварие ҫакланнӑ.

Васкавлӑ медпулӑшу машини УАЗпа ҫапӑннӑ. УАЗ ҫаврӑнса ӳкнӗ, вӑл тӳрех хыпса илнӗ. Тухтӑрсен машини те самаях сиенленнӗ.

Канаш хулинче пулнӑ аварие те, районта ҫул ҫинче сиксе тухнӑ аварие те васкавлӑ медпулӑшу бригадисем янӑ. Инкекре суранланнӑ хӗрарӑма пульницӑна илсе ҫитернӗ. УАЗ водительне вара вырӑнтах пулӑшнӑ. Васкавлӑ медпулӑшу машининче пулнӑ тухтӑра пульницӑра тӗрӗсленӗ хыҫҫӑн киле янӑ.

Чӑваш литературинче тарӑн йӗр хӑварнӑ ҫынсене чи аван пӗлекенни Петӗр Ялкир пулнӑ тесен йӑнӑшмӑпӑр пулӗ. «Литературный мир Чувашии» кӗнекене хатӗрленӗ май вӑл нумай-нумай манӑҫнӑ сӑвӑҫсемпе ҫыравҫӑсен биографийӗсене шыраса тупнӑ. Паллах, пурне те мар (вӗсем пирки тепрехинче каласа парӑпӑр), анчах пӗчӗк йӗр хӑваракансене те ҫак кӗнекене кӗртме пултарнӑ. Вӑл шутра — Эхмин сӑвӑҫа та.

Эхмин кун-ҫулӗ

«Ҫӗнтерӳ ялавӗн» 1988 ҫулхи юпан 22-мӗшӗнчи номерӗнче Эхмин сӑвӑҫӑн ҫакнашкал биографийӗ пичетленнӗ (ӑна П. Ялкир хатӗрленӗ):

Никанур Спиридонович Эхмин 1908 ҫулта Муркаш районӗнчи Ҫармӑҫкасси ялӗнче чухӑн хресчен ҫемйинче ҫуралнӑ. (Хӑш числора паллӑ мар. Апла пулсан вӑл ҫак ҫул 80 ҫул тултарать). Комсомолец ялта та, рабфакра та общество ӗҫне хастар хутшӑннӑ.

Шупашкарти рабфакра вӗренекенсенчен Никанур Эхмин чи хастаррисенчен пӗри пулнӑ. Вӑл 1926–1928 ҫулсенче литература кружокӗн членӗсем хушшинче сӑвӑсем ҫырас пултарулӑхӗпе палӑрнӑ. Унӑн хайлавӗсем «Ҫамрӑк хресченпе» «Канаш» хаҫатсенче тата «Сунтал» журналта час-часах курӑннӑ.

Малалла...