Персона
РСФСР халӑх артисчӗ Вера Голубева пурнӑҫран уйрӑлса кайнӑ. Вера Голубева 1928 ҫулхи авӑн уйӑхӗн 28-мӗшӗнче Елчӗк районӗнчи Кураклӑ Каркалар ялӗнче ҫуралнӑ. 1947 ҫулта Чӑваш академи драма театрӗ ҫумӗнчи театр студийӗнчен вӗренсе тухнӑ хыҫҫӑн икӗ ҫула яхӑн Йӗпреҫри колхоз театрӗнче ӗҫленӗ, 1949-1972 ҫулсенче Чӑваш ҫамрӑксен театрӗнче актрисӑра тӑрӑшнӑ, 1972-1989 ҫулсенче – Чӑваш пукане театрӗнче. Артистра ӗҫленӗ вӑхӑтрах Чӑваш радиопа тата телевиденийӗпе «Асанне юмахӗсем» кӑларӑма ертсе пынӑ. Вера Голубева чӑваш юмахӗсене каласа панине Ленинградри (халӗ – Питӗр) «Мелодия» фирма 1990 ҫулта грампластинкӑпа кӑларнӑ. Хыпар ҫӑлкуҫӗ:
|
Хулара
Шупашкарта пурӑнакан 23 ҫулти каччӑ тӗлӗшпе пуҫиле ӗҫ пуҫарнӑ. Вӑл Ӗмӗр сӳнми ҫулӑм ҫинче сосиска ӑшаланӑшӑн йӗрке хуралҫисене куҫӗ тӗлне лекнӗ. Тӳрех палӑртмалла: ҫамрӑк арҫынна полицейскисем унччен те тытса чарнӑ. Вӑл пурлӑхпа ҫыхӑннӑ преступленисемшӗн пӗрре мар айӑпланнӑ. Следстви версийӗ тӑрӑх, ҫак каччӑ пӗлӗшӗсемпе Ҫӗнтерӳ паркӗнче пулнӑ, палӑк патне хӑпарса ҫулӑм ҫинче сосиска ӑшаланӑ. Видеона каччӑ Инстаграмри хӑйӗн страницинче вырнаҫтарнӑ. Следстви версийӗ тӑрӑх, ҫакна вӗсем пуҫтахланас, вӑрҫӑра пуҫ хунӑ салтаксен ятне варалас тӗлӗшпе тунӑ. Хыпар ҫӑлкуҫӗ:
|
Раҫҫейре
nb-ugra.ru сайтри сӑн РФ Сывлӑх сыхлавӗн министерстви кӑшӑлвирусран тумалли вакцина Раҫҫейре тӳлевсӗр пулассине шантарать. Анчах ку препаратӑн производстви нумайлансан ҫеҫ пулӗ. Кун пирки «Интерфакс» сайтӗнче пӗлтернӗ. Ҫурла уйӑхӗнче ҫапла пӗлтернӗччӗ: кӑшӑлвирусран тумалли вакцина тӳлевсӗр те пулассине правительство йышӑнӗ. «Вӑл та, ку та вариант пуласси пирки ыйтаҫҫӗ – профессионал сообществӑран та, фармацевтика сообществинчен те. Ҫакна правительство йышӑнӗ», - тенӗ РФ сывлӑх сыхлавӗн министрӗ Михаил Мурашко. Хыпар ҫӑлкуҫӗ:
|
Сывлӑх
omskpress.ru сайтри сӑн Чӑваш Енре пиллӗкмӗш кун ӗнтӗ кӑшӑлвирусран ҫынсем вилеҫҫӗ. Ӗнер виҫӗ ҫыннӑн пурнӑҫӗ татӑлнӑччӗ, паян – иккӗшӗн. Ҫапла вилнисен йышӗ 126-а ҫитнӗ. Ку таранччен 9495 ҫын инфекциленнӗ. Вӗсенчен 7918-шӗ сывалнӑ. Пӗр талӑкра 58 ҫын кӑшӑлвируса парӑнтарнӑ. Чирлекенсен йышӗ 57 ҫын пулнӑ. Паянхи кун тӗлне пульницӑсенче тата килте 1451 ҫын кӑшӑлвирусран сипленет. Республикӑра кӑшӑлвирус сарӑлнин индексӗ 1,16-па танлашать. Хыпар ҫӑлкуҫӗ:
|
Культура
Чӑваш кӗнеке издательствинче «Алран алла» ятпа ҫӗнӗ ярӑм ҫулсерен тухса тӑма пуҫлӗ. Унта кӗнӗ хайлавсенче хӗрарӑм шӑпи тӗп вырӑнта пулӗ. Издательствӑн ӗҫченӗ Галина Антонова ҫакӑн пирки Чӑваш Енӗн Наци вулавӑшӗн «Варкӑш» литература клубӗн черетлӗ ларӑвӗнче пӗлтернӗ. Вулавӑшӑн сайтӗнче клубӑн хастар пайташӗсем Чӑваш кӗнеке издательствинче кӑҫал пичетленнӗ «Инкеклӗ телей» коллективлӑ сборника сӳтсе явнине пӗлтернӗ. Кӗнекене пухса хатӗрленӗ Галина Антонова ҫапла пӗлтернӗ: «Чӑвашла вулама юратакан пикесем, аппасемпе йӑмӑксем, аннесемпе асаннесем валли Чӑваш кӗнеке издательстви ятарлӑ ярӑм пуҫларӗ. Вӑл «Алран алла» ятпа кашни ҫулах тухса тӑрӗ. Ҫав ярӑмри кӗнекесене хӗрарӑмсем уйрӑмах килӗштерекен юратупа туслӑх, ҫемье, кӑмӑл-сипет ыйтӑвӗсемпе ҫырнӑ повеҫсемпе калавсем кӗрӗҫ». Хыпар ҫӑлкуҫӗ:
|
Культура
cheboksary.ru сӑнӳкерчӗкӗ Чӑваш Ен Наци вулавӑшӗнче «Варкӑш» литература клубӗ вӗҫӗмех пухӑнать. Нумаях пулмасть вулавӑшра «Инкеклӗ телей» кӗнекене тишкернӗ. «Алран алла» ярӑмпа тухнӑ кӑларӑма Улькка Эльменӗн, Юрий Терентьевӑн, Лидия Филипповӑн, Людмила Сачковӑн, Владимир Степановӑн, Галина Матвеевӑн, Ольга Любимовӑн калавӗсем тата Юлия Николаевӑн повеҫӗ кӗнӗ. Ӑна Чӑваш кӗнеке издательствинче пичетленӗ. Унта кӗнӗ хайлавсен пӗр пеклӗхӗ – хӗрарӑм шӑпи. Кӑларӑма тишкерме асӑннӑ кӗнекене пухса хатӗрленӗ Галина Антонова, Владимир Степанов ҫыравҫӑ, Чӑваш Республикин тава тивӗҫлӗ вӗрентекенӗ Геронтий Никифоров, «Варкӑш» литература клубӗн хастар пайташӗ Елена Кудрявцева тата ыттисем пухӑннӑ. ЧР Наци вулавӑшӗнче пӗлтернӗ тӑрӑх, «Варкӑшӑн» ҫитес тӗлпулӑвӗнче Нелли Петровскаян икӗ кӗнекерен тӑракан «Тухатмӑш» романне пӑхса тухӗҫ. Хыпар ҫӑлкуҫӗ:
|
Пӑтӑрмахсем
Юпа уйӑхӗн 21-мӗшӗнче кӑнтӑрла Шупашкарти производство предприятийӗсенчен пӗринче ӗҫлекен хӗрарӑм ӗҫре суранланнӑ. Вӑл производство прессӗпе сылтӑм аллинчи икӗ пӳрнине касса янӑ. 49 ҫулти ҫын ӗҫре аманнӑ хыҫҫӑн РФ Следстви комитечӗн Чӑваш Енри управленийӗн тӗпчевҫисем тӗрӗслев пуҫарнӑ. Вӗсем инкек сӑлтавне палӑртӗҫ, судпа медицина экспертизи туса ирттерӗҫ. Предприятири ӗҫ сыхлавӗшӗн яваплӑ ҫынсем хӑйсен тивӗҫне епле пурнӑҫланине те тишкерӗҫ. Тӗрӗслев вӗҫленсен татӑклӑ йышӑну тӑвӗҫ. Хыпар ҫӑлкуҫӗ:
|
Культура
Сергей Журавлев сӑнӳкерчӗкӗ Паян К.В. Иванов ячӗллӗ Чӑваш патшалӑх академи драма театрӗнче «Шуйтан чури» премьера кӑтартнӑ. Ӑна, аса илтерер, Константин Ивановӑн вӗҫлеймен хайлавӗ тӑрӑх, унти шухӑшсене малалла аталантарса Ухсай Яккӑвӗ ҫырнӑ. Унти сӑнарсенчен пӗри пуянлӑхшӑн чунне шуйттана пама хатӗр. Спектакле республика Элтеперӗн укҫипе лартнӑ. Ӗҫӗн режиссерӗ — Чӑваш Республикин тава тивӗҫлӗ артистки Наталия Сергеева. Спектакль валли театр ятарласа чӑваш халӑх музыка инструменчӗсене: купӑс, тункӑр, шӑкӑртма, шӑпӑр вулли, параппан тата ыттине — туяннӑ. Хыпар ҫӑлкуҫӗ:
|
Политика
Алексей Лукшин Чӑваш Ен Вӗрентӳ тата ҫамрӑксен политикин министрӗн пӗрремӗш ҫумӗ пулма Алесей Лукшина шаннӑ. 2015 ҫулхи утӑ уйӑхнчен пуҫласа Алексей Петрович Шупашкарти 45-мӗш шкул директорнче ӗҫленӗ. Асӑннӑ вӗрентӳ учрежденийӗ Ахазов урамӗнче вырнаҫнӑ. 2006 ҫулта Лукшин Мускаври патшалӑх уҫӑ университетӗнче юриспруденци енӗпе вӗреннӗ. 2010 ҫулта вӑл виҫӗ аслӑ шкулта квалификацие тӗрлӗ енӗпе ӳстернӗ. Министрӑн пӗрремӗш ҫумн пуканӗ Алевтина Федоровӑна (халӗ вӑл — Ачасен правине хӳтӗлес енӗпе ӗҫлекен уполномоченнӑй) ӗҫрен хӑтарнӑ хыҫҫӑн пушаннӑ. Ӗнер министрӑн ҫумне Илья Царевские ӗҫрен кӑларнӑ. Ку пукана паян Николай Жуков йышӑннӑ. Хыпар ҫӑлкуҫӗ:
|
Пӑтӑрмахсем
ibresi.cap.ru сӑнӳкерчӗкӗ Йӗпреҫ районӗн администрацийӗн пуҫлӑхӗнче ӗҫленӗ Сергей Горбунов тӗлӗшпе пуҫиле ӗҫ пуҫарнӑ. Халӗ вӑл республикӑри ял тӑрӑхӗсенчен пӗринче депутат шутланать иккен. Тӳре-шара пулнӑ ҫынна ӗҫ вырӑнӗпе усӑ курнӑ тесе шухӑшлаҫҫӗ. РФ Следстви комитечӗн Чӑваш Енри управленийӗнче пӗлтернӗ тӑрӑх, района нумай ачаллӑ ҫемьене ҫурт-йӗрпе тивӗҫтерме 2,2 миллион тенкӗ укҫа уйӑрнӑ. Ҫурт тума район администрацийӗн пуҫлӑхӗ хӗн паллаканне сӗннӗ, ӑна аукционта ҫӗнтерме пулӑшнӑ тесе шухӑшлаҫҫӗ. Лешӗ, чӑн та, ӗҫе пурнӑҫланӑ. Ҫемьене ҫӗнӗ ҫурт уҫҫине те тыттарнӑ. Анчах ҫурт санитари нормипе те, строительство нормипе те килӗшсе тӑман. Пуҫиле ӗҫе малалла тӗпчеҫҫӗ. Хыпар ҫӑлкуҫӗ:
|
Шупашкарта ҫывӑх вӑхӑтра (11.10.2024 15:00) сайра пӗлӗтлӗ ҫанталӑк, атмосфера пусӑмӗ 759 - 761 мм, 3 - 5 градус ӑшӑ пулӗ, ҫил 3-5 м/ҫ хӑвӑртлӑхпа хӗвелтухӑҫ енчен вӗрӗ.
| Фролов Андрей Игнатьевич, Вӑтам Азире Совет влаҫӗшӗн кӗрешекен ҫуралнӑ. | ||
| Ванеркке Николай Иванович, чӑваш чӗлхе тӗпчевҫи ҫуралнӑ. | ||
| Ершов-Янкер Николай Гаврилович, чӑваш сӑвӑҫи ҫуралнӑ. | ||
| Ксенофонтов Олег Иванович, керамикӑпа ӗҫлекен ӳнерҫӗ ҫуралнӑ. | ||
Пулӑм хуш... |