Хулара
cap.ru сӑнӳкерчӗкӗ Шупашкарта общество транспорчӗсенче рейдсем иртеҫҫӗ. Кӑшӑлвирус сарӑлнӑ май пассажирсем маска тӑхӑннипе тӑхӑнманнине тӗрӗслеҫҫӗ. Пӗтӗмпе 11 мобильлӗ ушкӑн ӗҫлет. Мобильлӗ ушкӑн маска тӑхӑнман икӗ пассажир тӗлӗшпе протокол ҫырнӑ. Вӗсем куншӑн 1-30 пин тенкӗ штраф тӳлеме пултарӗҫ. Энтузиастсен урамӗнче вырнаҫнӑ «Из рук в руки» лавкка хуҫи тӗлӗшпе те протокол хатӗрленӗ. Кальян туртмалли вырӑнсене те тӗрӗсленӗ. Вӗсенче те маска тӑхӑнмалли режима пӑхӑнманни тӑрӑ шыв ҫине тухнӑ. Ҫитменнине, хӑш-пӗр вырӑнта кальян туртма чарнӑ чӗркене пӑхӑнман. Усламҫӑсен йӗркене пӑснӑшӑн 30-50 пин тенкӗ штраф тӳлеме тивӗ. Хыпар ҫӑлкуҫӗ:
|
Ҫутҫанталӑк
Ҫутҫанталӑк министерстви тунӑ сӑн Чӑваш Енре миҫе хӑмӑр упа пурӑнать? Нумаях пулмасть вӗсене шутланӑ. Хальхи вӑхӑтра республикӑра 37 упана шута илнӗ. Тӳрех палӑртмалла: упасене Чӑваш Енри Хӗрлӗ кӗнекене кӗртнӗ, вӗсене тытма юрамасть. Упасене ҫурлан 16-мӗшӗнчен пуҫласа юпан 1-мӗшӗччен шутланӑ. Чӗрчунсене сыхлакан дирекци инспекторӗсем утаманӑн малти урин ҫӗр ҫинчи йӗрӗсене сӑнанӑ, вӗсене танлаштарнӑ. Ҫапла майпа 37 упана шута илнӗ. Улатӑр районӗнче – 16, Шупашкар районӗнче – 9, Шӑмӑршӑ районӗнче 6 упа пурӑнать. Пӗлтӗрхипе танлаштарсан, кӑҫал утамансен йышӗ ӳснӗ. 2019 ҫулта 20 упа кӑна пулнӑ. Хыпар ҫӑлкуҫӗ:
|
Культура
Чӑваш Енре кӑҫалхипе иккӗмӗш хут «Эреш» орнамент-фест» фестиваль иртрӗ. Вӑл юпа уйӑхӗн 23-мӗшӗнче Чӑваш Наци музейӗнче уҫӑлчӗ. Икӗ куна тӑсӑлнӑ мероприятие чӑваш тӗррин ӑстисемпе пӗрлех культурӑра, вӗрентӳре ӗҫлекенсем, чӑваш тӗрри-эрешне килӗштерекенсем, ун вӑрттӑнлӑхне ӑнланакансем тата унпа кӑсӑкланакансем пухӑннӑ. Фестивалӗн пӗрремӗш кунӗнче ӑстасем тӗрӗ тӗрлеме пултарнине кӑтартса панӑ. Конкурса Чӑваш Енӗн тӗрлӗ кӗтесинчи ылтӑн алӑллӑ маттурсем кӑна мар, Чӗмпӗрпе Питӗр хулисенчен те хутшӑннӑ. Вӗсен йышӗнче арҫын та пулнӑ. Вӑл — Чӗмпӗрти И.А. Гончаров ячӗллӗ облаҫри краеведени музейӗн пай пуҫлӑхӗ Сергей Кольцов. Иккӗмӗш кунхине халӑх тумтирне кӑтартакансем ӑмӑртнӑ. Хыпар ҫӑлкуҫӗ:
|
Ял хуҫалӑхӗ
Чӑваш Енре Фермерсен шкулӗ ӗҫлеме тытӑнӗ. Кун пирки ЧР Элтеперӗ Олег Николаев «Россельхозбанкӑн» правлени председателӗпе Борис Листовойпа тӗл пулсан калаҫнӑ. Икӗ ен Чӑваш патшалӑх аграри университетӗнче Фермерсен шкулне уҫма калаҫса татӑлнӑ. Ку – банкӑн вӗренӳ проекчӗ. Мӗн тӗллевпе ӗҫлӗ-ха вӑл? Ҫамрӑксене, уламҫӑсене ял хуҫалӑхӗнче рентабельлӗ услам тытса пыма вӗрентӗ. Ку шкул ӗҫе пуҫӑнакан фермерсемшӗн те, квалификаци шайне ӳстерме палӑртнӑ усламҫӑсемшӗн те усӑллӑ пулӗ. Тен, хӑшӗ-пӗрин харпӑр ӗҫне аталантарма шухӑш пур, анчах пӗлӳ, ӑсталӑх ҫук? Эппин, Фермерсен шкулӗ пулӑшӗ. Борис Листовой банк ҫитес ҫул фермер продукцийӗн «Хамӑрӑн» фестивальне ирттерме палӑртнине пӗлтернӗ. Хыпар ҫӑлкуҫӗ:
|
Хулара
chgtrk.ru сӑнӳкерчӗкӗ Икӗ тӑван урам урлӑ пурӑнаҫҫӗ, нихҫан та пӗр-пӗрне курмаҫҫӗ тесе калакан ваттисен сӑмахӗ аса килчӗ-ха. Ҫӗнӗ Шупашкара Шупашкарӑн спутник хули те теҫҫӗ, анчах Ҫӗнӗ Шупашкартан ирхине Шупашкара килме хӗн, каҫхине — таврӑнма. Мӗншӗн йывӑррине паян республикӑн Правительствин ҫуртӗнче тишкернӗ. Республикӑн транспорт министрӗ Владимир Осипов икӗ хулана ҫыхӑнтаракан 7 маршрутпа 185 автобус ҫӳремеллине пӗлтернӗ. Анчах вӗсенчен 120-130-шӗ ҫеҫ ҫула тухать иккен. Сӑлтавӗ — транспорт тата водительсем ҫитменни. Пуррисем маршрут тупӑшли марри ҫине йӑвантараҫҫӗ. Хака 2012 ҫултанпа ӳстермен-мӗн. Транспорт министерстви ҫывӑх вӑхӑтра ҫӗнӗ маршрут уҫасшӑн. Хыпар ҫӑлкуҫӗ:
|
Республикӑра
moyalmetevsk.ru сайтри сӑн Муркаш районӗнче пурӑнакан арҫын хӗрӗшӗн алимент тӳлеменшӗн суда лекнӗ. Суд ӑна айӑплӑ тесе йышӑннӑ, тӳрленмелли ӗҫсене янӑ, шалӑвне тытса юлӗҫ. Муркаш районӗнчи Кашмаш ялӗнче пурӑнакан 39 ҫулти арҫын сӑлтавсӑрах хӗрӗшӗн алимент тӳлемен. Капла вӑл пӗрре мар хӑтланнӑ. Ҫапла унӑн парӑмӗ 65 пин тенке ҫитнӗ. Суд ӑна административлӑ майпа айӑпланӑ. Алимент тӳлемен арҫыннӑн 30 сехет ӗҫлесе татмалла. Шалӑвӗн 5 процентне патшалӑх валли тытса юлӗҫ. Хыпар ҫӑлкуҫӗ:
|
Сывлӑх
coronavirus-m.ru сайтри сӑн Паян, юпа уйӑхӗн 25-мӗшӗнче, республикӑра тепӗр 4 ҫыннӑн пурнӑҫӗ кӑшӑлвируса пула татӑлнӑ. Палӑртмалла: юпан 20-мӗшӗнченпе Чӑваш Енре кашни кунах кӑшӑлвирусран вилеҫҫӗ, кунне – 2 ҫынран кая мар. Ку таначчен каварлӑ вируса пула 130 ҫын пурнаҫран уйрӑлнӑ. Пӗр талӑкра 55 ҫын инфекциленнӗ. Ку таранччен 9550 ҫын чирленӗ. Вӗсенчен 84 проценчӗ сывалнӑ – пӗтӗмпе 8026 ҫын инфекцие парӑнтарнӑ. Юлашки талӑкра 108 ҫын сывалнӑ. Паянхи кун тӗлне стационарта тата килте 1394 ҫын сипленет. Хыпар ҫӑлкуҫӗ:
|
Политика
Ҫӗнӗ Шупашкар хулин пуҫлӑхӗн ҫумӗ Андрей Леонтьев «Пӗрлӗхлӗ Раҫҫей» партирен тухма заявлени ҫырса панӑ. Ӑна вӑл партин регионти уйрӑмӗн секретарӗ ячӗпе Алена Аршинова ячӗпе шӑрҫаланӑ. Раҫҫей Федерацийӗн коммунистсен партийӗн депутачӗ Александр Андреев пӗлтернӗ тӑрӑх, Ҫӗнӗ Шупашкарти депутат коммунистсен партине кӗресшӗн. Кайран вӑл республика парламентне парти списокӗпе суйланасшӑн. Леонтьев Шупашкарта пурӑнать. Унӑн виҫӗ ача. «ГОССТРОЙ» тулли мар яваплӑ обществӑн гендиректорӗ. Чӑваш Енӗн Тӗп суйлав комиссийӗ пӗлтернӗ тӑрӑх, политика вӑрланӑшӑн, влаҫ пайташне кӳрентернӗшӗн, преступлени тума хатӗрленнӗшӗн айӑпланӑ. Халӗ айӑплавӗсене пӑрахӑҫланӑ. Нумаях пулмасть «Пӗрлӗхлӗ Раҫҫей» парти Владимир Михайлов депутата партирен кӑларас ыйтӑва тишкерессине пӗлтернӗ. Политик ҫынсене пысӑк процентлӑ ссуда панӑ. Авӑн уйӑхӗнчи суйлав хыҫҫӑн «Пӗрлӗхлӗ Раҫҫей» тата РФКП партисен Ҫӗнӗ Шупашкарти депутачӗсем хула пуҫлӑхӗ пулма «Пӗрлӗхлӗ Раҫҫей» партин регионти уйрӑмӗ сӗннӗ кандидатшӑн сасӑламан. Унта хула пуҫлӑхӗ пулма вырӑнти усламҫа Игорь Анакова суйланӑ. Унӑн ҫумӗ пулма Андрей Леонтьева шаннӑ. Хыпар ҫӑлкуҫӗ:
|
Культура
Ҫеҫпӗл Мишши ячӗллӗ Чӑваш патшалӑх ҫамрӑксен театрӗ Культура.рф порталӑн чи лайх трансляцийӗсен йышне лекнӗ. Чӑвашсен «Шинель» спектакльне пӗр каҫра 58 604 хутчен пӑхнӑ. Юпа уйӑхӗн 22-мӗшӗнче Ҫамрӑксен театрӗ залран тӳрӗ трансляцисем пуҫланӑ. Спектакле ӳкерме Культура.рф Раҫҫей порталӑн ӳкерӳ ушкӑнӗ Мускавран Шупашкара килсе ҫитнӗ. Спектакле тӳрӗ эфирта пӑхнисем ӑна ырласа ҫырнӑ. «Халӗ ҫеҫ спектакль пӑхрӑмӑр! Мӗн тери лайӑх лартнӑ! Маттурсем! Тӗп сӑнар ролӗнчи артист Акакий Акакиевич кӑмӑлне мӗн тери ӗнентерӳллӗн уҫса пачӗ. Артистсене алӑ ҫупса тав тума спектакле театра кайсах курӑпӑр!», – тесе ҫырнӑ, сӑмахран, куракансенчен пӗри. Спектакле Культура.рф порталта халӗ те пӑхма май пур. Хыпар ҫӑлкуҫӗ:
|
Культура
Чӑваш студенчӗсем Казахстанри курава хутшӑннӑ. «Art-yurta» пӗтӗм тӗнчери онлайн курав-конкурса Атюбинскри К. Жубанов ячӗллӗ университетӑн 85 ҫулхи юбилейне халалланӑ. Курава Казахстанри, Туркменистанри, Венгрири тата Раҫҫейри аслӑ шкулсенчи 200 ытла студент хутшӑннӑ. Шупашкарти И.Я. Яковлев ячӗллӗ Чӑваш патшалӑх педагогика университечӗн технологипе экономика факультечӗн ҫамрӑксем те куравра палӑрнӑ. II степеньлӗ диплома Мария Семенова тата Дарья Михеева тивӗҫнӗ, конкурса хутшӑнни ҫинчен калакан дипломпа Рената Яруллинӑна хавхалантарнӑ. Хыпар ҫӑлкуҫӗ:
|
Шупашкарта ҫывӑх вӑхӑтра (11.10.2024 15:00) сайра пӗлӗтлӗ ҫанталӑк, атмосфера пусӑмӗ 759 - 761 мм, 3 - 5 градус ӑшӑ пулӗ, ҫил 3-5 м/ҫ хӑвӑртлӑхпа хӗвелтухӑҫ енчен вӗрӗ.
| Фролов Андрей Игнатьевич, Вӑтам Азире Совет влаҫӗшӗн кӗрешекен ҫуралнӑ. | ||
| Ванеркке Николай Иванович, чӑваш чӗлхе тӗпчевҫи ҫуралнӑ. | ||
| Ершов-Янкер Николай Гаврилович, чӑваш сӑвӑҫи ҫуралнӑ. | ||
| Ксенофонтов Олег Иванович, керамикӑпа ӗҫлекен ӳнерҫӗ ҫуралнӑ. | ||
Пулӑм хуш... |