Шупашкарта пурӑнакан 35 ҫулти хӗрарӑма шыраҫҫӗ. Вӑл килтен тухса кайнӑ та таврӑнман.
Смелова Александра Дмитриевна – икӗ ача амӑшӗ. Хӗрарӑм чӳк уйӑхӗн 8-мӗшӗнче 18-21 сехетсенче килтен тухса кайнӑ. Унтанпа ун пирки хыпар ҫук. Ӑна вара килте 1,5 ҫулти хӗрӗ тата 17-ри ывӑлӗ кӗтеҫҫӗ. Упӑшки арӑмӗ ҫухални пирки полицие пӗлтернӗ.
Александра ниҫта та ӗҫлемест, унччен вӑл кун пек ҫухалман. Вӑл 160 сантиметр ҫӳллӗш, ҫӳҫӗ ҫутӑ, кӗске, куҫӗ хӑмӑр. Икӗ ача амӑшӗ пирки мӗн те пулин пӗлетӗр тӗк полицие шӑнкӑравлӑр.
Атӑл леш енче ҫӗтсе кайнӑ хӗрарӑма ҫӗрӗпе шыранӑ. Ҫакӑн пирки Чӑваш Ен Шалти ӗҫсен министерстви пӗлтернӗ. Хӗрарӑм «Заволжье» пахча юлташлӑхӗ тӗлӗнче ҫӗтсе кайнӑ. Дачӑран таврӑнакан арӑмӗ ҫухални ҫинчен унӑн упӑшки йӗрке хуралҫисене пӗлтернӗ.
Йӑлӑмри вӑрмана Шалти ӗҫсен министерствин ӗҫченӗсем, вӗсен йышӗнче виҫӗ кинолог пулнӑ, тухса кайнӑ. Инкеклӗ ӗҫсен министерствинче тӑрӑшакансем, ҫавӑн пекех «Лиза Алерт» шырав организацийӗн хастарӗсем те хӗрарӑма шыранӑ.
Дачӑран таврӑнакан хӗрарӑм карас телефонӗсӗр пулнӑ. Ӑна, ҫӗтсе кайнӑскерне, ҫӗрӗпе шыранӑ. Вӑрманта, Атӑл ҫыранӗ хӗрринче. Ирхи пиллӗкре ӑна волонтерсем тупнӑ. ЧР Шалти ӗҫсен министерствин пресс-службинче пӗлтернӗ тӑрӑх, пенси ҫулӗнчи хӗрарӑм таса сывах пулнӑ.
Юпа уйӑхӗн 21-мӗшӗнче Чулхула облаҫӗнчи 17-мӗш колони-поселенирен преступник тарнӑ. Вӑл – Канашра ҫуралса ӳснӗ 49 ҫулти Сергей Колоколов. «Преступлени» тӗнчине ӑна «Колокольчик» хушма ятпа пӗлеҫҫӗ. Вӑл колоние 3 ҫул та 6 уйӑхлӑха пӑшал хатӗрленӗшӗн, ӑна упранӑшӑн лекнӗ.
Колокольчика Канашсем лайӑх пӗлеҫҫӗ-мӗн. 2000-мӗш ҫулсен пуҫламӑшӗнче вӑл хулана хӑратса тӑнӑ, пӑшалтан пӗр шутламасӑрах пенӗ.
Полицейскисем, ОМОН таркӑна кунӗ-ҫӗрӗн шыраҫҫӗ. Сергей Колоколов хӑрушлӑх кӑларса тӑратма пултарать, ӑна курсанах полицие шӑнкӑравламалла. Палӑртмалла: вӑл унччен судпа темиҫе хутчен айӑпланнӑ.
Сергей Колоколов 180 сантиметр ҫӳллӗш, «р» саспаллие калаймасть. Тарнӑ чухне хура калпак, тӗттӗм сӑран куртка тӑхӑннӑ пулнӑ.
Вӑрнар районӗнчи Шӗнер Ишек ялӗнче пурӑнакан Татьяна Краснова виҫӗмкун, юпа уйӑхӗн 17-мӗшӗнче, килтен тухса кайнӑ. Вӑл ӑҫталла кайнине никам та пӗлмест, ӑна тӑванӗсем шыраҫҫӗ. Ку таранччен вӑл киле килсе курӑнман.
Татьяна Краснова 60 ҫулта. Килтен кайнӑ кун вӑл тӗттӗм кӑвак тӗслӗ фуфайка, ҫавӑн тӗслех джинс шӑлавар, кӑвак атӑ-дутик, калпак тӑхӑннӑ пулнӑ.
Хӗрарӑм 164 сантиметр ҫӳллӗш, вӑтам пӳ-силлӗ, ҫӳҫӗ шуралнӑ, куҫӗ кӑвак. Татьяна Красновӑна курнӑ ҫынсене 8 (905) 343-50-33, 8 (800) 700-54-52 е 02 номерпе шӑнкӑравлама ыйтаҫҫӗ.
Авӑн уйӑхӗн 27-мӗшӗнче Шупашкарта пурӑнакан 91 ҫулти Никитин Михаил Никитич ҫухалнӑ. Тӑванӗсем ӑна халӗ те тупаймаҫҫӗ. Тӑван ҫӗршывӑн Аслӑ вӑрҫин ветеранӗн ӑс-тӑнӗ арпашӑнать, хӑй ӑҫта пулнине пӗлмест.
Ватӑ ҫынна полицейскисем те шыраҫҫӗ. Тӑванӗсем вӑл ҫухалнӑ кунах заявлени ҫырнӑ. «Унччен те вӑл ҫухалкаланӑ, анчах ӑна 1-2 кунран тупаттӑмӑрччӗ», - ҫапла каласа кӑтартнӑ ветеранӑн мӑнукӗ Наталья.
Михаил Никитич 160 сантиметр ҫӳллӗш, вӑтам пӳ-силлӗ, ҫӳҫӗ шуралнӑ, куҫӗ хӑмӑр. Ҫухалнӑ кунхине вӑл фуражка, хура пальто, шурӑ ҫӑмран ҫыхнӑ кофта, кӑвак шӑлавар, хӑмӑр пушмак тӑхӑннӑ пулнӑ.
Ветеран пирки мӗн те пулин пӗлетӗр пулсан 02 номерпе шӑнкӑравлӑр.
Авӑн уйӑхӗн 9-мӗшӗнче Красноармейски районӗнчи Сурӑмхӗрринче пурӑнакан Акулина Николаевна Кириллова килтен тухса кайнӑ та таврӑнман. 82 ҫулти кинемее тӑванӗсем шыраҫҫӗ.
Ватӑскере тухтӑрсен пулӑшӑвӗ кирлӗ. Вӑл ӑҫта тухса кайнине тӑванӗсем пӗлмеҫҫӗ. Ҫав кун кинемей ҫутӑ кӑвак кӗпе, хура юбка тӑхӑннӑ, сарӑ тутӑр ҫыхнӑ. Урине калуш тӑхӑннӑ.
Акулина Николаевна 150 сантиметр ҫӳллӗш, вӑтам кӗлеткеллӗ, ҫӳҫӗ шуралнӑ, куҫӗ кӑвак-симӗс тӗслӗ. Кинемее курнӑ тӑк 112 номерпе шӑнкӑравлӑр.
Сӗнтӗрвӑрри районӗнче пурӑнакан Эльвира Филиппова ҫухалнӑ. Вӑл нумаях пулмасть, ҫурлан 30-мӗшӗнче, килтен тухса кайнӑ.
Упӑшки пӗлтернӗ тӑрӑх, хӗрарӑм «Альцгеймер чирӗпе», ӑс-тӑн арпашӑннипе, аптӑрать. Эльвира Филиппова Сӗнтӗрвӑрри районӗнчи «Новинское» сад юлташлӑхӗнчен ҫав кун 11 сехетре тухса кайнӑ. Ку таранччен унран хыпар ҫук.
Упӑшки арӑмӗ ҫухалнӑшӑн питӗ кулянать. Ним тума аптӑранӑ енне арҫын чикансенчен пулӑшу ыйтма кайнӑ-мӗн. Лешсем карт пӑхнӑ: хӗрарӑм чӗрех-мӗн. Чикансем ӗнентернӗ тӑрӑх, вӑл темӗнле пӳлӗмрен тухаймасть имӗш.
Ҫак хӗрарама курнисене 8-917-672-37-05 е 02 номерсемпе шӑнкӑравлама ыйтаҫҫӗ.
Ҫурла уйӑхӗн 28-мӗшӗнче «Лиза Алерт» шырав ушкӑнӗ Чӗмпӗр облаҫӗнче пурӑнакан 14 ҫулти Анна Макаренкӑна шырани пирки хыпар вырнаҫтарнӑ. Хӗрача ҫурлан 27-мӗшӗнче килтен тухса кайнӑ та таврӑнман.
Паллах, ашшӗ-амӑшӗ кулянса ӳкнӗ, ӑна пӗр тӑхтамасӑр шырама пуҫланӑ. Юрать-ха, хӗрачана виҫӗ кунран шыраса тупнӑ. Вӑл Шупашкарта пулнӑ иккен.
Хӗрача патне амӑшӗ тата тӑван мар ашшӗ Шупашкарти полицин ҫул ҫитменнисен пӳлӗмне килнӗ. Вӗсем пӗлтернӗ тӑрӑх, ачана вӑрҫман. Аня Чӗмпӗрти вокзалта билет туяннине камера ӳкерме илнӗ. Вӑл унта каччӑпа пулнӑ.
Хӗрачана шыраса тупма телефон та пулӑшнӑ. Вӑл амӑшӗн телефонне илсе ҫула тухнӑ, симка лартнӑ. Телефонӑн курупки ҫинчи кодпа вӑл ӑҫтине тӳрех шыраса тупнӑ.
Хӗрлӗ Чутай районӗнчи Шулю ялӗнче пурӑнакан ҫамрӑк хӗрарӑма шыраҫҫӗ. 32 ҫулти Ольга Лаврентьева килтен ҫурла уйӑхӗн 7-мӗшӗнче тухса кайнӑ. Унтанпа тӑванӗсем вӑл ӑҫтине пӗлмеҫҫӗ.
Ольга Сергеевна Лаврентьева 164 сантиметр ҫӳллӗш, кӑвак куҫлӑ, тӗттӗм ҫӳҫлӗ. Хӗрарӑм киле виҫӗ эрне килсе курӑнман. Тӑванӗсем пӑшӑрханаҫҫӗ, ӑна тупмашкӑн пулӑшу ыйтаҫҫӗ.
Эсир ҫак хӗрарӑм пирки мӗн те пулин пӗлетӗр, ӑна курнӑ тӑк ҫак номерсемпе пӗр тӑхтамасӑр шӑнкӑравлӑр: (8352) 39-40-94 или 102..
Ҫӗнӗ Шупашкарта пурӑнакан Инна Емельянова упӑшкипе ывӑлне шырать. Лешсем шапаша кайнӑ та ҫухалнӑ.
44 ҫулти Андрей тата 22-ри Яков Калининграда ӗҫлеме кайнӑ. Унта вӗсем утӑ уйӑхӗн 29-мӗшӗнче пулнӑ. Малтанах ашшӗпе ывӑлӗ хваттер тара тытнӑ, анчах кайран, укҫи-тенки пӗтсе ҫитсен, палаткӑра пурӑнкаланӑ.
Амӑшӗ ывӑлӗпе юлашки хутчен ҫурла уйӑхӗн 21-мӗшӗнче калаҫнӑ. Вӑл каланӑ тӑрӑх, ҫав кунранпа мӑшӑрӗн телефонӗ сӳннӗ.
Инна Емельянова тӑванӗсене тупмашкӑн пулӑшу ыйтать. Тен, эсир мӗн те пулин пӗлетӗр вӗсем пирки? Апла Инна патне шӑнкӑравлӑр: 8-919-971-64-77.
+11.3 °C