Сайта кӗр | Регистраци | Сайта кӗрсен унпа туллин усӑ курма пулӗ
 +14.3 °C
Пилӗкне хытӑ ҫых, ӑсна ҫирӗп тыт.
[ваттисен сӑмахӗ]
 

Хыпарсем: ачасем

Пӑтӑрмахсем
"Про Город" сайтӗнчи сӑн
"Про Город" сайтӗнчи сӑн

Ака уйӑхӗн 8-мӗшӗнче 15 сехет те 10 минутра Шупашкарти Трактор тӑвакансен проспектӗнче ача чутах машина айне пулман - хӑраса кӑна ӳкнӗ. Вӑл велосипедпа пынӑ чухне ҫул ҫине ӑнсӑртран сиксе тухнӑ.

Юрать-ха, хӗрачана темех пулман. Водитель пысӑках мар хӑвӑртлӑхпа пынӑ. Вӑл тӳрех васкавлӑ медпулӑшу, полици чӗннӗ.

Хыпар ҫӑлкуҫӗ: https://pg21.ru/news/86211
 

Пӑтӑрмахсем
ШӖМ тунӑ сӑн
ШӖМ тунӑ сӑн

Ӗнер 18 сехет ҫурӑра Шупашкарта 10 ҫулти хӗрача "Лада Калина" машина кустӑрми айне пулнӑ. Ку инкек Шумилов урамӗнче пулса иртнӗ.

Видеокамерӑна пӑхсан 33 ҫулти водитель ҫул хӗресленекен вырӑна светофорӑн симӗс ҫутипе тухни паллӑ. Анчах кӑшт кайсан ун умне хӗрача сиксе тухнӑ.

Ачана Республикӑри ача-пӑча клиника пульницине илсе ҫитернӗ.

Хыпар ҫӑлкуҫӗ: https://t.me/cheb_police
 

Республикӑра
cap.ru сайтри сӑн
cap.ru сайтри сӑн

Ҫӗртме уйӑхӗн 1-мӗшӗнчен тин ҫуралнӑ ачасене тӗрӗллӗ парне пама пуҫлӗҫ. Ӑна 2023 ҫулхи кӑрлачӑн 1-мӗшӗ хыҫҫӑн ҫуралнӑ ачасем тивӗҫӗҫ. Парне йышӗнче мӗн пулӗ-ха? ЧР Элтеперӗ Олег Николаев ҫакна пӗлес тесе ыйтӑм ирттерет.

Виҫӗ вариант сӗннӗ. Пӗрремӗшӗ: пододеяльник, тӗрленӗ алшӑлли, простынь, юмахсен кӗнеки. Иккӗмӗшӗ: ача утиялӗ, тӗрӗллӗ кипке, ахаль кипке. Виҫҫӗмӗшӗ: капюшонлӑ алшӑлли, чӗрне касмалли хачӑ, погремушка, прорезыватель, ӗмкӗчлӗ бутылка.

Хальхи вӑхӑтра 1-мӗшӗшӗн ытларах сасӑ панӑ.

 

Пӑтӑрмахсем
forum.zarulem.ws сайтран илнӗ сӑнӳкерчӗк
forum.zarulem.ws сайтран илнӗ сӑнӳкерчӗк

«Ниссан» автомобильпе ҫӳрекен пӗр хӗрарӑм йӗркене пӑсма питех те юратнӑ.

Ака уйӑхӗн 4-мӗшӗнче 16 сехет те 23 минутра Патшалӑхӑн ҫул-йӗр хӑрушсӑлӑхӗн инспекцийӗн ӗҫченӗсем унӑн автомобильне тӗрӗслес тӗллевпе чарнӑ. Хӗрарӑм икӗ ачине автокреслосӑр илсе ҫӳрени палӑрнӑ.

Хӗрарӑм-водителе йӗркене пӑсма юраманни, автокресло ҫыншӑн мар, ачасене инкеке лекесрен асӑрханма кирли ҫинчен ӑнлантарса панӑ, административлӑ майпа явап тыттарнӑ.

Тепӗр сехетрен ҫав машиӑна каллех чарнӑ. Руль умӗнчи хӗрарӑм ӳсӗр пулнӑ. Тепӗр кунхине ҫав хӗрарӑм каллех йӗрке хуралҫисен куҫӗ тӗлне ҫакланнӑ. Ун чухне вӑл унчченхи кунхинчен те ӳсӗртерех пулнӑ.

Хыпар ҫӑлкуҫӗ: https://t.me/gibdd121/2960
 

Чӑваш чӗлхи
cap.ru сайтри сӑн
cap.ru сайтри сӑн

РФ Ҫутӗҫ министерстви ҫӗнӗ вӗренӳ программисене ҫирӗплетнӗ. Ҫапла пӗлтернӗ Шупашкарти 1-мӗш шкул директорӗ Татьяна Николаева.

Татьяна Львовна ашшӗ-амӑшӗпе онлайн-мелпе ирттернӗ пухӑва хутшӑннӑ. Ӑна иртнӗ эрнекун Шупашкар хула администрацийӗн вӗренӳ управленийӗ ирттернӗ. Унтах ачасене 1-мӗш класа ҫырӑнтарас ыйтӑва пӑхса тухнӑ.

«Кӑҫалтан тӑван чӗлхене е Раҫҫей Федерацийӗн республикин патшалӑх чӗлхине обязательнӑй майпа вӗрентӗҫ. Пирӗн - Чӑваш Республики, эппин, пирӗн вырӑс чӗлхисӗр пуҫне патшалӑх чӗлхи – чӑваш чӗлхи. Ҫапла пӗтӗм 1-мӗш класс ачи чӑваш чӗлхине вӗренӗ, ҫавӑнпа ашшӗ-амӑшне хатӗрленме, ҫакна лӑпкӑн йышӑнма ыйтатпӑр. Йӗрке тӑрӑх, предмета вӑйӑ евӗр ирттерӗҫ, ачасем ӑна юратӗҫ. 1-мӗш классем ку предмета хаваспах вӗренессе шанатӑп», - тенӗ Татьяна Николаева пухура.

Аса илтерер: унччен ашшӗ-амӑшӗн ача пуҫламӑш классенче мӗнле чӗлхене вӗренессине – вырӑс е чӑваш – суйлама ирӗк пулнӑ.

 

Чӑваш чӗлхи
Вӗренӳ институчӗн Рутубри видеовӗнчен илнӗ сӑнӳкерчӗк
Вӗренӳ институчӗн Рутубри видеовӗнчен илнӗ сӑнӳкерчӗк

Чӑваш Республикин Вӗренӳ институчӗ Рутубри хӑйӗн каналӗнче ачасене чӑвашла вӗрентмелли «Янӑра, чӑваш чӗлхи!» проекта малалла аталантарать.

Кӗҫӗн классенче вӗренекенсене тӗнче тетелӗнчи проект урлӑ чӑвашла вӗренме Ҫӗнӗ Шупашкарти 2-мӗш вӑтам шкулта чӑваш чӗлхипе литературине вӗрентекен Оксана Ильина пулӑшать, тӗп шкулта вӗренекенсене — Шупашкарти 40-мӗш вӑтам шкул учителӗ Александр Степанов.

Занятисем чӑваш чӗлхине вӗренме тин ҫеҫ пуҫланисемшӗн те, унччен илнӗ пӗлӗве ҫирӗплетес кӑмӑллисемшӗн те усӑллӑ пуласса шанаҫҫӗ.

 

Чӑваш чӗлхи
chrio.rchuv.ru сӑнӳкерчӗкӗ
chrio.rchuv.ru сӑнӳкерчӗкӗ

Чӑвашлӑха упракан ҫемьесен «Несӗл эткерлӗхӗ» конкурсӗ пуҫланнӑ. Ӑна Чӑваш Республикин Вӗренӳ институчӗ ирттерет.

Унта хутшӑнас тесен аслӑ ӑрури ҫынсем ачасене калаҫӑва хутшӑнтарнине кӑтартса паракан видеоролик хатӗрлемелле. Вӗсене ҫак номинацисенчен пӗринпе йӗркелеме май пур: «Манӑн вӗрентекен» (харпӑр хӑйӗн педагогӗ е ертӳҫи (наставникӗ) ҫинчен ӳкернӗ видеороликсем: кӑмӑллӑ аса илӳ, кӑсӑк ӗҫ, тав тӑву т.ыт.те.); «Туслӑ ҫемьере ҫитӗнни – телей» (аслӑ тата ҫамрӑк йӑхсен ӗҫне-хӗлне кӑтартнӑ май ачасен пуплевне аталантаракан ролик).

Конкурса тӑратнӑ чӑвашла материал 5 минутран вӑрӑм ытла пулмалла мар.

 

Чӑваш чӗлхи
chrio.rchuv.ru сӑнӳкерчӗкӗ
chrio.rchuv.ru сӑнӳкерчӗкӗ

Чӑваш Республикин Вӗренӳ институтӗнче «Республикӑн пӗрлехи экзаменне мӗнле хатӗрленмелле?» ятпа вебинар иртнӗ.

Институтра пӗлтернӗ тӑрӑх, вебинара хутшӑннӑ вӗренекенсемпе вӗрентекенсем чӑваш чӗлхипе литератури кафедри доценчӗ Анна Егорова ертсе пынипе республикӑн пӗрлехи экзаменӗн тытӑмӗпе паллашнӑ, тест ыйтӑвӗсене хуравлама вӗреннӗ, изложенипе сочинени ҫырма хӑнӑхнӑ, малтанхи ҫулсенчи экзамента тӗл пулнӑ паллӑрах йӑнӑшсене тишкернӗ.

Вебинара кӑҫал 9-мӗш класран вӗренсе тухакан ачасем тата учительсем валли ирттернӗ.

 

Республикӑра
"Про Город" сайтӗнчи сӑн
"Про Город" сайтӗнчи сӑн

Етӗрнере пӑрпа ларса кайнӑ ачасене ӑннӑ темелле. Юрать, ҫав вӑхӑтра пулӑҫ машинӑпа иртсе пынӑ. Телее, унӑн пӗрле кимӗ те пулнӑ.

Арҫынна хӗрарӑмсем чарса пулӑшу ыйтнӑ. Ачасем пӗр метр тӑршшӗ пӑр катӑкӗ ҫинче тӑнӑ. Шыв самай вӑйлӑ юхнӑ.

Арҫын часрах кимме тапратса ачасене ҫӑлма васканӑ. Часах вӑл вӗсене хӑваласа ҫитнӗ. Ачасене кимӗ ҫине лартса ҫыран хӗррине илсе тухнӑ.

Хыпар ҫӑлкуҫӗ: https://pg21.ru/news/85996
 

Республикӑра
kidsbebus.ru сайтри сӑнукерчӗк
kidsbebus.ru сайтри сӑнукерчӗк

ЧР Юстици ӗҫӗсен патшалӑх служби сайра тӗл пулакан ятсен ТОПне хатӗрленӗ. Ашшӗ-амӑшӗ ачисене мӗнлерех ятсем хураҫҫӗ-ха?

Арҫын ачасен хушшинче сайра тӗл пулакан ятсен ТОП-8: Ганим, Родриго, Одилжон, Авель, Елизар, Джабраил, Деомид, Араз.

Хӗрачасен ТОПне вара ҫаксем лекнӗ: Бушро, Эилин, Евника, Кириена, Гомирис, Сумая, Тея, Осия.

Арҫын ачасене ытларах Матвей ят хунине палӑртнӑ, хӗрачасене - София.

 

Страницӑсем: 1 ... 40, 41, 42, 43, 44, 45, 46, 47, 48, 49, [50], 51, 52, 53, 54, 55, 56, 57, 58, 59, 60, ... 331
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (29.08.2025 21:00) пӗлӗтлӗ ҫанталӑк, атмосфера пусӑмӗ 753 - 755 мм, 12 - 14 градус ӑшӑ пулӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Лару-тӑру лайӑх енне йӗркеленсе пырӗ. Ертӳлӗх сирӗнте пысӑк майсене асӑрхӗ, сирӗнпе урӑхларах хутшӑнма тытӑнӗ. Ӗҫпе, килӗшӳсемпе сӑмах пама ан васкӑр — ку тӗлӗшпе асӑрхануллӑрах пулӑр.

Ҫурла, 29

1891
134
Назаров Андрей Кузьмич, патшалӑх ӗҫченӗ ҫуралнӑ.
1916
109
Осокина Софья Павловна, пир ҫинче ӳкерекен ӳнерҫӗ ҫуралнӑ.
1937
88
Чернышев Александр Александрович, опера юрӑҫи, Чӑваш АССР тава тивӗҫлӗ артисчӗ ҫуралнӑ.
1963
62
Маттикасси, Хырлӑх, Чӑршӑ тата Чӗрӗп ялсене пӗрлештерсе Вомпӑкасси ялне йӗркеленӗ.
1968
57
Былинкина Лариса Геннадьевна, актриса, Чӑваш Республикин тава тивӗҫлӗ артистки ҫуралнӑ.
2010
15
Игнатьев Михаил Васильевич президент вырӑнне йышӑннӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хӑни ҫулне ахаль те пӗлет, ӑсатмасӑр та
хуҫа арӑмӗ
хуҫин ҫитӗннӗ ачисем
пӗтӗм кил-йышпа тухаҫҫӗ
хуть те кам тухсан та
хуҫа тарҫи
ӑсатма тухни — ҫылӑх, юрамасть
хуҫа хӑй
кил-йышри арҫын
хӑнана ӑсатма никам та тухмасть